Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№420 19-25-ноябрь, 2010-жыл.


(Башы өткөн сандарыбызда)

Эрлан деген классташым бар. Ошону жанымдан карыш жылдырбай койдум. Ал да менин абалымды түшүнүп, көңүлүмдү кыя албай, Айдардын кабак астынан ымдаганын түшүнмөксөн болуп жүрүп алды. Бечара, эртең өзүңдөн улуу агаларды тоготпогонуң үчүн токмок жеп, көзүң көгөрбөсө эле болгону.
Майрам ортолоп калган кезде бир топ кызып алган Айдар сөз алды. Музыканттарды токтотуп, кафенин жарыктарын өчүртүп койду. Ар бир столго шам коюлганын ошондо араң байкадым. Бүлбүлдөгөн шамдын жарыгы, кызыга тиктеген көздөр, жай сызылган музыка, өзүнчө эле романтика! Азыр жанымда Арстан болсо! Ушул ойдон кадимкидей көөдөнүм кысыла түштү. Сагынып кеттим!
– Урматтуу коноктор, менин инилерим, карындаштарым, агай-эжейлер. Сиздерге минтип сый көрсөтүү оюма келгенден бери тынч ала албай, көпкө чейин даярдандым. Бирок мени толкундантып турган мындан да маанилүү нерсе бар.
Арстанды ойлосом эле айланамда эмне болуп жатканын унутуп калам. Азыр да Айдардын сөздөрүн укпай калыптырмын.
– Айдай, чыкпайсыңбы?
– Каякка чыгам?
– Айдар микрофонго чакырып жатпайбы!
Эмне болуп жатканын түшүнгүчө эле колумдан жетелей чыгарып, Айдардын жанына алпарып коюшту.
– Бул ишим сага жакпай калышы да мүмкүн. Бирок ойлоп отуруп, башка жолун тапкан жокмун. Ушунча элдин көзүнчө колуңду сурайм. Менин алтыным, жакыным, жан биргем болушуңду суранам. Өмүр бою бөпөлөп, кирпигиңе чаң жугузбай калкалап жүрүп өтөм деп сөз берем.
Бул жигит акылынан айныганбы? Жакшы эле түшүндүргөндөй болбодум беле? Ушунча элдин көзүнчө шагы сынышын каалады беле?
– Айдай, азыр эле жообун бере сал дебейм. Окууга тапшырышың керек. Аны да билем. Андыктан азыр эч нерсе дебе. Менин сунушумду угушуңду гана каалагам. Сени сүйөрүмдү баары билишин каалагам. Бул сага.
Мага сунуп турган кутучасы менен бетке бир чапкым келди. Ээн жерден жолугуп айтчу болсо, кандай жооп угарын билип туруп, ушундай куулукка барды. Азыр элдин көзүнчө катуу сөз айта албасымды билет да! А эмнеге катуу айта албайм? Ырас өзү баштадыбы, биротоло ушул баш ооруга чекит койбоймунбу? Оюма ушул нерсе келер менен жүткүнүп, Айдардын колундагы микрофонду жулуп алдым. Тиги бечара кутучаны кармаган бойдон катты.
– Ар бир жигит эле мындай эрдикке бара бербейт. Бүгүнкү сыйыңа мен эле эмес, баарыбыз ыраазыбыз. Аныңа рахмат айтам. Бирок буга чейин канча ирет айтсам да кулак какпадың. Эми акыркы ирет классташ, айылдаштардын көзүнчө айтайын. Сага турмушка чыкпайм. Андай оюм жок. Сени агам катары сыйлайм. Менин жүрөгүмдө бир гана адам бар. Ал...
– Урматтуу коноктор, Айдай азырынча жаш кыз. Көпчүлүктүн көзүнчө аны ыңгайсыз абалга калтырганым үчүн айыптуумун. Анда баарыңыздарды бийге чакырабыз!
Кимдин атын атай турганымды билди да. Айдар сөзүмдү аягына чейин айттырбай, белимден имере бийге тартып кетти. Мени кучагында муунтуп салгысы келдиби, бекем кучактап алды. Бир-эки булкунсам бошоно алчудай эмесмин. Мени адамдын колу эмес эле, темир кучактап алгандай.
– Өзүңдү мазак кылгың келеби? Дале Арстандан үмүт үзбөй жүрөсүңбү? Аны менен бирге болбойсуң. Ушул сөзүмдү унутпа. Ушунча жылдан бери күйүп-жанып сүйүп жүргөн кызымды эч кимге, угуп жатасыңбы, эч кимге бербейм!
– Мен сенин кызың эмесмин. Сага эч качан, эч нерсе убада кылбагам. Мас болуп калыптырсың. Коё бер, кетем.
– Ичимдиктен эмес, сенин жытыңдан мас болуп турам. Мына, элдин алдында айттым-койдум. Эми атаңдын алдынан дагы бир жолу өтөбүз. Ага да болбосо, ала качып кетем.
– Бул сөздөр менен мени коркутам деп ойлобо!
– Жо-ок, койчу, жаным. Сени кантип коркутайын?! Оюмду биле жүргөнүң жакшы. Ошон үчүн эле айтып жатам.
Мурун бул баланы жактырбачу болсом, эми жек көрө баштадым. Азыр басып кетпесем, аны тээп же чаап жиберем! Өзүмдү араң колго алып, үнүмдү болушунча токтоо чыгардым.
– Жакшылыкча коё бер. Болбосо элдин алдыңда уят кылам.
Көздөрүбүз тиктеше түштү. Коркутам же чочулатам деп ойлогон. Бирок тиктеше түшкөнүбүздө көз карашы заматта мокой түштү. Билем, мени сүйөт. Демек, жамандыкка барбайт.
Адам кээде өзүнө ашыкча эле ишенип алганы жаман экен. Мына мени алалы, Айдарды жактырбайм. Аны көргөндө итиркейим келет. Бирок “мени катуу сүйөт. Мага эч качан жамандык кылбайт” деп ишенчүмүн. Көрсө, андай эмес экен. Сүйүүдөн жек көрүүгө бир кадам деген ушул окшойт. Бул жигит көөдөнүмө бир өмүр кеткис так калтырды. Жок, Айдар ошондой так калышына, өмүрүмдүн, кыял-тилектеримдин астын-үстүн болушуна себепчи болду.
Бүтүрүү кечеси аяктап, айылга чогуубуз менен келе жаттык. Кантсе да мугалимдерден ыйбаа кылар деп ойлоп, Шайыр эжебиздин жанына отуруп алдым. Чын эле Айдар улам моюнун созуп мен жакты карап ичи бышса да, мугалимибизди тургузуп жиберип, ордуна отурууга батынбады. Жарым саат болсо да кутулганыма кубанып коюп отурам. Үйүнө жеткендер улам түшүп калып отуруп, маршруткада беш-алтообуз эле калыптырбыз. Анан Шайыр эже түштү, баарыбыз менен коштошуп. Андан кийин мен түшүшүм керек эле. Ушул жерге келгенде тозоктун оту башталды. Мени үйгө таштабай шуулдап өтүп кеткен маршрутка түз барып Айдардын үйүнүн алдына токтоду. Мына сага тамаша! Эми ушул жиндилер, келин-кесек, кемпирлер менен алышып отура бер! Ичимден өзүмдү-өзүм билген бардык жаман сөзүм менен сөгүп жаттым. Кыйкырып-өкүрүп ыйлайт, жардамга элди чакырат, чатак салат деп ойлошту бекен? Айдардын достору тимеле билектерин түрүнүп, шымаланып маршруткага кирип келишти.
– Айдай, сен өзүң ­акылдуу жансың. Биздин достой жигитти ааламдан издесең таппайсың.
– Түшүн, мынчалык бирөөнү берилип сүйгөн адамды деле көрө элекпиз.
– Канча жылдан бери сенден башка бир кыз көзүнө көрүнбөй, жалындап жүрөт. Мына, окууну бүттүң, эми турмуш куруп, анан окууңду улантсаң деле болот.
Тимеле акылдуу болуп кеткендерин көр булардын.
– Так, стоп! Токтогула! Туш-туштан чуулдап жатып башымды ооруттуңар. Айдар, билесиң да, баары бир сенин үйүңдө калбайм. Сенин эл алдында шагың сынып, мазак болушуңду да каалабайм. Жакшысы, ызы-чуу чыга электе үйгө алып барып кой. Мен да унчукпай бул ишти унутуп салайын.

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(14)
19.11.2010. 22:26 
Тайпасы:
Кыймылы жок
Комментарийлердин саны:
37
Катталган:
13-10-2010
Соӊку аракети:
17-04-2014 09:37
Жынысы:
Белгисиз
Калаасы:
Bishkek
0
ozu bizdin baldardyn ala-ka4kadan bawkaga ku4u jetpeit da. jek korom go uwu saltty.......
20.11.2010. 00:41 
Тайпасы:
Жаран
Комментарийлердин саны:
17
Катталган:
12-09-2008
Соӊку аракети:
03-03-2018 21:56
Жынысы:
Белгисиз
Калаасы:
KG CITY
0
Так, стоп...degeni jakwuken))) koburook jazgulachu Jazgul Kalyeva) plzzz ;(((
20.11.2010. 07:03 
Тайпасы:
Түйүлдүк
Комментарийлердин саны:
8
Катталган:
14-09-2010
Соӊку аракети:
25-04-2014 19:30
Жынысы:
Белгисиз
Калаасы:
аявай алыс,корунбойт
0
озумдун студент кезимти эстеп кеттим,дал ушундай окуяга кабылып,дал ушундай создорду айттым эле...
20.11.2010. 09:49 
Тайпасы:
Кыймылы жок
Комментарийлердин саны:
35
Катталган:
27-10-2010
Соӊку аракети:
17-06-2013 13:11
Жынысы:
Белгисиз
Калаасы:
Бишкек
0
Окуп жатып, Айдайга аябай боорум ооруп кетти...
Кыргызымдын жигиттери ала качпай эле койгулачы.
20.11.2010. 18:28 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Аябай сонун чыгарма. Окуп атып озум дагы образга кирип, тим эле Айдай болуп, ошонун уну менен окуп жибергендей болдум. Эххх, молодца Автор...
21.11.2010. 01:10 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
Kyrygzdyn ala kachuu saltyn ayabay jek korom, kay moraldyk jaktan dayar emes da, any kantip mal katary alyp kelip aluuga bolot?
21.11.2010. 02:13 
Тайпасы:
Кыймылы жок
Комментарийлердин саны:
2
Катталган:
08-09-2010
Соӊку аракети:
31-05-2011 05:05
Жынысы:
Белгисиз
Калаасы:
Germ.Niedersachsen
0
Ehhh...baikush Aidai....Jurogum jaman sygylyp ketti.......
21.11.2010. 03:20 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Китеби бар бекен ушул чыгарманын?
21.11.2010. 10:00 
Тайпасы:
Кыймылы жок
Комментарийлердин саны:
18
Катталган:
16-06-2010
Соӊку аракети:
15-08-2011 02:01
Жынысы:
Белгисиз
0
Yuana ushunday okuyaga kabilgan bolsonuz kiyin kandai bolgon? Jawap ketinizbi je?Esli ne sekret.
21.11.2010. 10:04 
Тайпасы:
Кыймылы жок
Комментарийлердин саны:
30
Катталган:
24-10-2010
Соӊку аракети:
21-11-2015 06:06
Жынысы:
Белгисиз
Калаасы:
Туулган жери
0
Эээхххх, кыргызым, салт деп коюп кээ бир жапайылык иштерди таштабаганыбыз окундурот да..
22.11.2010. 17:04 
Тайпасы:
Жаран
Комментарийлердин саны:
8
Катталган:
06-08-2010
Соӊку аракети:
23-09-2018 00:06
Жынысы:
Белгисиз
0
Айдайга аябай боорум ооруп атат, биздин кыгыздын жигиттери ала качпай эле койгулачы суранарым.
23.11.2010. 13:17 
Тайпасы:
Кыймылы жок
Комментарийлердин саны:
42
Катталган:
26-03-2010
Соӊку аракети:
24-02-2012 11:40
Жынысы:
Белгисиз
Калаасы:
Бишкек
0
Супер Инфо! Чооон сураныч, кичине кобуроок жазгылачы сериалдарды, аябай суранам!!!
23.11.2010. 14:36 
Тайпасы:
Кыймылы жок
Комментарийлердин саны:
5
Катталган:
11-11-2010
Соӊку аракети:
22-08-2012 04:55
Жынысы:
Белгисиз
Калаасы:
бишкек
0
ала качуу лох жигиттердин иши да.
25.11.2010. 02:37 
Тайпасы:
Кыймылы жок
Комментарийлердин саны:
10
Катталган:
13-11-2010
Соӊку аракети:
12-12-2010 19:33
Жынысы:
Белгисиз
0
da kyrgyzdyn uwul saltyn syilabaim,4et eldikter uksa kuluwot albette. Ar bir adam ozunun jaryn tamdaganga ukugu boluw kerek da.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: