Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СТУДЕНТТЕР ТАЙМАШЫ КИМ УТУЛДУ, КИМ УТТУ?

№420 19-25-ноябрь, 2010-жыл.


Студенттик бурч

Мына, финал! Ооба, студенттер таймашынын финалы. Мурунку оюндан финалга чыккан Кыргызстандагы ЖОЖдордун студенттеринин кимиси утулуп, кимиси утканын өзүңүз баамдаңыз.

МАЙРАМЫҢ МЕНЕН, СТУДЕНТ!
Келечекте мыкты кесип ээси болуу үчүн окуп, билим алып жаткан жалпы студенттерди 17-ноябрь – Эл аралык студенттер күнү менен кызуу куттуктайбыз! Урматтуу студент, “Супер-Инфо”сиздерге бекем ден соолук, жаркын жашоо жана ийгилик каалайт!

ТАЙМАШТЫН ШАРТЫ
Өткөн сынактардагыдай эле финалда да студенттерге ар тармакты камтыган суроолор берилди. Албетте, убакыт чектелүү, ойлонууга 2 мүнөт. Толук жоопко 2 упай, толук эмес жоопко 1 упай эсептелет.


КЫРГЫЗ-ОРУС СЛАВЯН УНИВЕРСИТЕТИ
Катышуучу: Байар Жумашев, 2-курстун студенти

1. – Кайсы учурда күн жоголот ? 2. Кайсы учурда калдайган кара жер көрүнбөйт? 3. Кайсы учурда аккан суу өлөт?
(Туура жообу: 1. Бетин булут жапканда. 2. Кар астында калганда. 3. Муз басканда.)
Байар: – 1. Согуш болгондо. 2. Кар жааганда. 3. Соолуп калганда.
Жооп толук эмес, 1 упай.

2. – КРнын Президенти Роза Отунбаеванын канча баласы бар? Алардын ысымдарын атаңыз.
(Туура жообу: 1 уул, 1 кызы бар. Атай жана Карачач.)
Байар: – 1 уул, 1 кызы бар го. Ал эми ысымдарын билбейт экенмин.
Жооп толук эмес, 1 упай.

3. – Кыргызда конокко устукан тартуунун өзүнчө маданияты бар. Суроо, жандык сойгондо жамбаш, куймулчак, жото жилик, кашка жиликтер кимге тартылат?
( Туура жообу: Жамбаш улуулата карыяга, куймулчак анын байбичесине тартылат. Андан кийинки сакалдууга жото жилик (чүкөлүү), андан кичүүсүнө кашка жилик тартылат.)
Байар: – Жигит болуп муну билбесем уят да. Жамбаш коноктун улуусуна, куймулчак аял кишинин улуусуна тартылат. Жото жилик алардан кийинкисине, кашка жилик болсо андан да кийинки конокко тартылат.
Жооп туура, 2 упай.

4. – Таттыбүбү Турсунбаева жана Бүбүсара Бейшеналиева деген ким? Алар Кыргызстандын кайсы чөлкөмүнүн перилери?
(Туура жообу: Турсунбаева актриса.Жумгал районуна караштуу Чаек кыштагынан чыккан пери. Ал эми Бейшеналиева балерина. Бишкек шаарынын Аламүдүн районуна караштуу Таш-Дөбө айылында туулган.)
Байар: – Таттыбүбү Турсунбаева актриса. Кыргыздын ак мөөрү, Таластан же Көлдөн. Ал эми Бүбүсара эжекебизди кантип билбейин. Ал атагы алыска тараган балерина, чүйлүк. Тагыраак айтканда, Аламүдүн районуна караштуу Таш-Дөбө айылында туулган.
Жооп толук эмес, 1 упай.

Жыйынтыгында Байар 5 упай топтоду.


БИШКЕК ГУМАНИТАРДЫК УНИВЕРСИТЕТИ
Катышуучу: Асел Орозбаева, 2-курстун студенти

1. – Жумшактын жумшагы эмне? 2. Катуунун катуусу эмне? 3. Ачуу менен таттууну бирдей берген эмне?
(Туура жообу: 1. Кебез. 2. Таш. 3. Туз.)
Асел: – 1. Кебез. 2. Таштан катуу нерсе жок болуш керек. 3. Туз. Ал бир эле учурда ачуу жана даамдуу.
Жооп туура, 2 упай.

2. – Максим Бакиевдин Кыргызстанда ээлеген кызматын атаңыз. Ал эмне иш эле?
(Туура жообу: Борбордук Инвестиция жана инновацияны өнүктүрүү агенттигинин башчысы.)
Асел: – Ал чет өлкөдөн инвесторлорду алып келип иштетүү кызматында эле. Ооз учумда эле турат (ойлонуп), так аталышын билбейт экенмин.
Жооп толук эмес, 1 упай.

3. – Бешик эмне үчүн арчадан жасалышы керек? Негизги эки себебин атаңыз.
(Туура жообу: Сынбайт жана жыты баланын организмине жагымдуу, ага курт-кумурскалар жолобойт.)
Асел: – Арча ийилчээк болот, анан да оңой менен сынбайт.
Жооп толук эмес, 1 упай.

4. – Биринчи кыргыз тасмасы качан тартылган? Ал кандай аталышта эле?
(Туура жообу: 1955-жылы, “Салтанат” деп аталат.)
Асел: – Качан экенин билбейм, бирок “Салтанат” деп аталса керек.
Жооп толук эмес, 1 упай.

Жыйынтыгында Асел 5 упай топтоду.


ЭЛ АРАЛЫК АТАТҮРК-АЛА-ТОО УНИВЕРСИТЕТИ
Катышуучу: Санжар Мыкыев, 4-курстун студенти

1. – Оттон ысык эмне? 2. Кардан муздак эмне? 3.Октон күлүк эмне?
(Туура жообу: 1. Жан. 2. Көңүл калуу. 3. Ой, санаа.)
Санжар: – 1. Сүйүү го. 2. Суюк азот. 3. Ой күлүк болот да.
Жооп толук эмес, 1 упай.

2.“Кыргызстанда бир гана акмактар жана жалкоолор уурдабайт” деген сөздү кайсы саясатчы айткан?
(Туура жообу: Турсунбек Чыңгышев.)
Санжар: – Чынын айтсам, уккан эмесмин. Феликс Кулов эмеспи? Жообум ушул.
Жооп туура эмес, 0 упай.

3.Ат жабдыктарынын негизгилерин атап бериңиз.
Санжар: – Мен алайлык жигит болгондон кийин муну кантип билбейин. Та-ак, ээр, жүгөн, тизгин, көмөлдүрүк, басмайыл, куюшкан, ичмек, тердик.
Жооп туура, 2 упай.

4.Вольфганг Амадей Моцарт деген ким? Аны популярдуу кылган чыгармаларын атаңыз.
(Туура жообу: Австриялык композитор, дирижёр, скрипкачы-виртуоз. Чыгармалары: “Фигаронун үйлөнүү тою”, “Дон Жуан”, “Сыйкырдуу флейта”.)
Санжар: – Ал белгилүү, аты дүйнөгө таанымал композитор. Чыгармаларын уккам, бирок аталыштары эсимде жок.
Жооп толук эмес, 1 упай.

Жыйынтыгында Санжар 4 упай топтоду.


К.СКРЯБИН АТЫНДАГЫ КЫРГЫЗ УЛУТТУК АГРАРДЫК УНИВЕРСИТЕТИ
Катышуучу: Нургазы Маматов, 3-курстун студенти

1. – Эмнеде тамыр жок? 2.Эмнеде кан жок? 3. Эмнеде сүт жок? 4. Эмнеде түк жок?
(Туура жообу: 1. Ташта. 2. Чөптө.
3. Кушта. 4. Жыланда.)
Нургазы: – 1.Ташта. 2.Сууда. 3.Чымында. 4.Түйүлдүктө.
Жооп толук эмес, 1 упай.

2. – Аскар Акаевге эң жакын өкмөт башчы ким болгон?
(Туура жообу: Кубанычбек Жумалиев)
Нургазы: – Танаев же Бакиев.
Жооп туура эмес, 0 упай.

3. – Кыргызда өрүлүктөө деген сөз бар. Бул сөздүн мааниси эмне?
(Туура жообу: Ак өргөөгө жаңы көчүп киргендерди “үй кут болсун” деп өрүлүктөп барып, жаңы конуштун эшик-төрүн көрүү.)
Нургазы: – Жаңы баш кошкондорду куттуктоо болсо керек.
Жооп туура эмес, 0 упай.

4. – «Оскар-2010дун” жыйынтыгы боюнча мыкты тасма жана мыкты режиссёрду атап өтүңүз. Ал тасма эмне жөнүндө эле?
(Туура жообу: «Бороон падышасы». Ал эми мыкты режиссёр ушул эле тасманы тарткан айым – Кэтрин Бигелоу. Тасма Ирактагы сапёрлор жөнүндө.)
Нургазы: – Бул тууралуу “Супер-Инфодон” окугам. Аталышын унутуп жатам. Тасма Ирактагы сапёрлор жөнүндө эле. “Аватарга” салыштырмалуу аз акчага тартылган. Аты такыр эсимден чыгып жатат. Ал эми «Мыкты режиссёр» наамын Кэмерондун аялы алган болуш керек.
Жооп толук эмес, 1 упай.

Жыйынтыгында Нургазы 2 упай топтоду.


ЖИГИТ МЕНЕН КЫЗДЫН ТАЙМАШЫ
Таймаш аягында Асел менен Байар экөө тең 5 упайга ээ болуп, тең чыгып калганына байланыштуу кайрадан суроолор берилди. Аларга «биринчи кыргыз тарыхчысы ким болгон?» деген суроо узатылганда Байар 1 секунддун ичинде “Белек Солтоноев” деген туура жооп айтып, студенттер таймашынын жеңүүчүсү деп табылды.
Кызуу жүргөн таймаштын жыйынтыгы чыккан соң катышуучуларга «Супер-Инфонун» баалуу белектери ыйгарылды. Ал эми Кыргыз-Орус Славян университетинин атын чыгарган 2-курстун студенти Байар Жумашев белекке өзгөчө сувенир жана студенттерди майрамы менен куттуктоо мүмкүнчүлүгүн алды.

КЫРГЫЗ-ОРУС СЛАВЯН УНИВЕРСИТЕТИ, ВИВАТ!
Байар Жумашев, 18 жашта. Чүй облусунун Кашка-Суу айылынын кулуну. Учурда Кыргыз-Орус Славян университетинин эл аралык мамилелер факультетинде окуйт. Жаштарды чет өлкөгө окууга жөнөтүүчү «Aiesec» Эл аралык жаштар уюмунун мүчөсү. Университеттер арасында өтүлүүчү көптөгөн дебаттарга катышып келет. Жеңүүчүнү “сезимдериң менен бөлүш” деп кайрылганыбызда:
«Бул сынакка катышып, жаңы тааныштарды таптым. Күнүмдүк жашоомдон айырмаланып өзгөчө кырдаалга туш болдум. Абройлуу гезит бетине чыктым. Мүмкүнчүлүк берип, ишенимин арттырган окуу жайымдын жетекчилигине, анан, албетте, сиздерге ыраазычылыгымды билдирем. Жеңишке баары эле татыктуу болду. Мени бүгүн өзгөчө ийгилик коштоду окшойт. Учурдан пайдаланып Кыргызстандагы бардык студенттерди 17-ноябрь майрамы менен куттуктайм. Кыргызстандын келечеги биздин колубузда, болочокто өлкөбүздүн гүлдөп-өсүшүнө салым кошолу»,- дейт сүйүнүп.

Бактыгүл Сокушова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(3)
19.11.2010. 22:07 
Тайпасы:
Тартип бузгандар
Комментарийлердин саны:
12
Катталган:
08-03-2008
Соӊку аракети:
16-02-2017 15:21
Жынысы:
Белгисиз
Калаасы:
Талас!
0
Азаматсың, Баяр! Ар дайым алдыда гана жүрөбер!
22.11.2010. 20:58 
Тайпасы:
Кыймылы жок
Комментарийлердин саны:
70
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
ээ.. нургазы өрүлүктөө дегенди билбей калганың эмне?
04.02.2016. 17:05 
Тайпасы:
Жаран
Комментарийлердин саны:
22
Катталган:
21-12-2015
Соӊку аракети:
09-09-2018 14:55
Жынысы:
Белгисиз
0
Бул жакта тамашоучу Санжар Мыкыев журот го
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: