Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Турусбек Жумалиев, Кыргыз Республикасынын Эмгек сиңирген артисти: “ОРТО АЗИЯ БОЮНЧА РЕКОРД КОЙДУМ”

№983 7-13-октябрь, 2021-ж.


Адатта котормону кагазга түшүрүп, үн кошот эмеспи. Маектешимдин үн жаздыруу бөлмөсүнө кирип, тасманы көрүп, дароо которуп, ошол эле учурда актёрдук чеберчилик менен каармандын эмоциясын кошуп үн коштоп жатканын көрдүм. Ал учурда талкууга түшүп жаткан "Игра в кальмара" аттуу корей тасмасын которуп жаткан экен. Турусбек Жумалиевдин рекорд койгонунан башталган маек актёрлук кесиби, жашоонун сынактары, жолун жолдогон балдарына чейин барып токтоду.

– Саламатсызбы? Котормо жана үн коштоо ишин качан баштадыңыз?

– Саламатчылык. Котормону мындан 20 жыл мурун «Очарованный странник» деген көрсөтүүдөн баштагам. Өзүм которуп, үн кошком. Телеканалдардын биринин сунушу менен документалдуу тасмаларды которуп жүрдүм. Башында үйдөн которуп келип, студиядан үн жаздырчубуз. Кийин убакыт тар болуп, жетекчилик “тасманы көрүп жатып эле которуп, үн кошуп кете аласызбы?” деп сунуш кылды. Ошентип көрсөк болот экен, ошол форматка өтүп кеттим. Документалдык тасмалардан көркөм тасмаларга өтүп, Италия мафиясы тууралуу тартылган “Крёстный отец” тасмасын котордум. Канча роль болсо ошонун баарынын үнүн өзүм коштодум. Башында жөн эле үн кошчумун. Бирок актёрмун да, канымда актёрлук шык дайым ойноп турат. Эмоция кошпой которо бергенге жүрөгүм чыдабай кетти. Бакырып, ыйлап, каткырып, тасмада актёр катары жашап үн коштой баштаганда кино кызыктуу боло баштады.

– Канча тасма которуп, үн коштуңуз?

– 2000 тасма котордум. Өзгөчө пандемия учурунда эл үйдө отуруп калганда күнү-түнү уктабай иштедим. Ошондо ыраазычылык каттар көп келди. Анткени кыргызча котормого эл суусап калган экен, анан түрдүү эмоциялар менен коштоп боёк берсек кызыктуу болду окшойт. Бир ат-башылык жигит келип “мурун “Троя” киносун көрүп, бирок түшүнчү эмесмин, сиз которуп бергенде терең маанисин түшүнүп ыйлабадымбы” деди. Орто Азияда мынча көп тасма которуп үн кошкон жалгыз мен экем, кесиптештер изилдеп чыгып "рекорд койдуңуз" дешти. Элибиз үчүн ушундай иштерди жасап жатканыма кубанып жүрөм.

– Сиз актёрлукту 5 жыл Москвадан окуп келгенсиз, ал кезде өтө баркталса керек?

– Ооба, Москва шаарында Луначарский атындагы театралдык жогорку окуу жайды бүтүргөм. 1983-жылы бүтүп келгенден кийин жубайым экөөбүз тең (актриса Зоя Токторбаева) Каракол шаарындагы театрда иштедик. Ал театр мурун жок болчу, биз лентасын кескенбиз. Жетекчибиз Бообек Ибраев мыкты режиссёр эле. Театрда чоң ролдорду жараттым. Шекспирдин Ромеосун, “Абийир кечирбейтте” Ниязды ойнодум, “Курманбек” драмасында Аккандын ролун ойнодум. Келинчегим менден да көп башкы ролдорду ойноду. 10 жыл иштедик. Чолпонбек Базарбаев ал кезде маданият министри эле. Жубайым экөөбүздүн талантыбызды көрүп “силер борбордо иштейсиңер” деп Бишкекке жаштар театрына которуп жиберди. Анан эле Союз кулап, бардыгы өзгөрө баштады. Оор жылдар эле, 1995-жылы мен театрдан кетүүгө аргасыз болдум. Анткени жубайымдын оорусу күчөй баштаган, бөйрөгү ооручу. Айлык аз, аялыма дары алыш керек, үй-бүлөнү багыш керек деген маселелер бар. Артисттер торт, нан жасап сатып, ар ким өз алдынча турмуш менен күрөшө баштадык. Кыйналганыбызды айтпа...

– Сиз да соода жакка өттүңүзбү?

– Жок, сахнаны таштаган жокмун. “Кырк кыз” деген долбоорду ойлоп таап, ошону менен абалдан чыгып кеттим. Драматург Мар Байжиев “Турусбек, менде бир идея бар, пьесаларымдын атынан көрсөтүү жасабайсыңарбы?” деп калды. Идея жагып, коомдук телеканалда “Алтынчы күнү кечинде”, “Кер какшык” деген эки долбоордун алпаруучусу болуп калдым. “Байкем, эжем жана биз” деген долбоордо иштедим. Эл мени актёр катары эмес, алып баруучу катары таанып калды. Концерт, иш-чаралар менсиз өтпөй калды. Мурунку актёр театрда жана кинодо эле жүрүш керек деген стереотипти буздум окшойт. Жолум ушинтип ачылып кетти.

– Тиричилик жагын да күчтөп алыптырсыз да?

– Ооба, ошол жылдары эс албай иштедим. Үйгө кээде жуунуп, тамак ичкенге эле келип калган учурлар болду.

– Актёрлук канымда дедиңиз го, роль жаратууну сагынган учуруңуз болдубу?

– Мен сахнада эле жүрдүм. Актёрлукту таштаган жокмун, кээде ролдорду аткарып, коюп жүрдүм. Алып баруучулук деген оор иш. Кийин тойлор чыкты. Үй сатып алдым, уулумду үйлөнттүм, аялымды дарыга муктаж кылган жокмун. 10 жыл мурун жаштарды сахнага, актёрлук чеберчиликке үйрөтүү мектебин ачтым. Шакирттерим Москвадагы мыкты театралдык окуу жайларга бюджетке өтүп кетишти. Негизи мен кыргыз элинин маданиятына күйгөн адамдарды катуу сыйлайм. Ошолордун бири Алай Тойчубеков деген мыкты жигит. Кыргызстандын айылдарына чейин кыдырып жүрүп быйыл Москвадагы Щепкин атындагы жогорку окуу жайга 25 баланы өткөрдү. Бул элибиз үчүн чоң эмгек. Аялымдын узак оорудан улам 3 жыл мурун көзү өтүп кеткенден кийин мен театрга жумушка кирдим. Биздин жаштык, сүйүүбүз ошол жерлерде өткөн. Сагынычымды ошентип басып өзүмдү алаксытайын дедим.

– Кинодо роль жараттыңызбы?

– Москвадан балетмейстердин окуусун да окуп келгем да, бир жолу суукта гастролдо цыган бийин бийлеп ден соолугума зыяны тийип калган. Ошол үчүн азыр акча берилбеген жерге барбайм. Мурун Геннадий Базаров, Жалил Соданбековдун кинолоруна тартылгам, азыр деле сунуштар болот. Бирок баш тартам. Киного тартылуу үчүн мен таанылбай чыгышым керек. Мени эл алып баруучу Турусбек Жумалиев катары кинодон көрүшүн каалабайм. А театр башка нерсе да, таанылбайсың. Менин жүзүм, түзүлүшүм классикалык ролдорго ылайыктуу. Шекспирдин, Шиллердин, Бернард Шоунун, Чеховдун, Гоголдун спектаклдеринде роль жаратканга төп келем. Биздин учурубуздагы мектеп америкалык драматургия болгон да. Обу жоктонуп өзүмө туура келбеген роль ойногум келбейт.

– Балдарыңыз тууралуу айтып берсеңиз?

– Улуу балам Дмитрий көп кесипти аркалады. Юрист, айкидо боюнча инструктор, азыр ырчылык боюнча жогорку диплом алганы турат. Төрт неберелүү кылган келиним менен ынтымактуу жашашат. Чогуу турабыз. Экинчи уулум Эрлан Улуттук консерваториянын 4-курсун бүтүп, азыр Москвадагы Щепкин атындагы театралдык окуу жайда окуп жүрөт. Балдарым оюмдагыдай чыкты, ыраазымын.

– Маегиңизге рахмат, ден соолукта болуңуз.

Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(3)
11.10.2021. 10:49 
Тайпасы:
Жаран
Комментарийлердин саны:
388
Катталган:
26-01-2016
Соӊку аракети:
21-10-2021 14:27
Жынысы:
Белгисиз
Калаасы:
♡♡♡ОШ♡♡♡
+3
Байкуш киши,аялы эрте кетип жаман болуптур((Эркек үчүн кыйын
11.10.2021. 10:57 
Тайпасы:
Жаран
Комментарийлердин саны:
29
Катталган:
15-09-2020
Соӊку аракети:
23-10-2021 03:26
Жынысы:
Белгисиз
+1
Каяктан көрсө болот Калмар ойунун же ютупка чыгалекпи
12.10.2021. 08:37 
Тайпасы:
Жаран
Комментарийлердин саны:
689
Катталган:
02-07-2019
Соӊку аракети:
23-10-2021 01:35
Жынысы:
Белгисиз
0
Afrodita1993,Чыккан
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26226;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: