Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

“АКШ, ЕВРОПАДА ЖУМУШКА ОРНОШТУРАБЫЗ ДЕГЕН ШЫЛУУНДАРДЫН ТОРУНА ТҮШТҮК..."

№983 7-13-октябрь, 2021-ж.


Өлкөбүздө миграция агымы күчүндө, Европага, АКШга агылган мекендештер көп. Чет өлкөдөн иш таап берип, жумушка орношууга ортомчу болгон компаниялар бар. Алардын көмөгү менен чет жерде иштеп жүргөн жарандарыбыз көп эле. Медалдын экинчи тарабы да бар, чет өлкөдөн жакшы маяналуу иш убадалап, акчасын алган соң жарандарды сызга отургузуп кеткендер да жок эмес. Ортомчу фирмадан жабыр тарттык деген жарандар редакциябызга кайрылышты. Кепти алар улантсын...

Айжамал Муханбетова: “ШЕКТҮҮНҮ БОСТЕРИДЕ ЭС АЛЫП ЖҮРГӨН ЖЕРИНЕН КАРМАШЫПТЫР”

– Европа, АКШга барууга документ жасап бере турган Бишкектеги “Peace” компаниясы тууралуу эжемден уккам. Ал 2020-жылдын ноябрь айында Францияга шенген визасын жасатам деп акча төлөгөн. Мен 2021-жылдын март айында барып, Польшага виза жасап бергенге деп 400 евро бердим. Негизи жалпы кызмат 800 евро болот экен, бирок мен калганын документ даяр болгондо 3 айдан кийин берем деп сүйлөштүм. Бирок документтер убагында келген жок. Чалып документтерди сурасак компаниянын эсепчиси Касиет күйөөсү компаниянын жетекчиси Улан Жумакуновду жашырып “Улан жүрөгүнөн операция болду, коё тургула” дейт, башка күнү чалсак “Улан коронавирус менен ооруп жатат, акыбалы оор” дейт, дагы бир күнү “мен сүйлөшө албайм, тамчылатма укол алып жатам” дейт. Айтор, түрдүү шылтоолорду айтып бизден качып жатты. Ошондо алданып калганыбызды түшүндүк. Башка жабырлануучулар анын үстүнөн арыз жазып салышыптыр. Биз да жаздык. Көрсө Улан жүрөгүнөн операция болбой эле, аялы Касиет экөө Бостериде эс алып жүргөн жеринен милиция кызматкерлери кармап келишиптир. Бизди эртеси Улан менен бетме-бет кезиктиргенде “операция болдум дебедиңиз беле?” десем, “ооба, мына операция болдум” деп футболкасын көтөрүп курсагын көрсөтүп шылдыңдап жатпайбы. Төшүндө чоң татуировкасы бар экен, эч кандай операциянын изи жок. Уланды кармап келишкенде ал тергөөчүлөргө 1 миллион сом сунуштады деп сөз уктук. Акчабыздан жок же документтен жок, алданып отурабыз. Тергөөчү анын үстүнөн арыз жазгандардын саны 28ге жеткенин айтканын уктум. Жабырлануучуларга келтирилген жалпы чыгымды эсептесек, 7 миллион сом болуптур. Бул акчанын баарын бизге ким төлөп берет? Улан бизден түрмөгө отуруп кутулуп кеткиси келип жатат.

Аида Турсунова: “БУЛ КОМПАНИЯ ОШТО ДА ФИЛИАЛ АЧЫП ИШТЕТИП ЖАТЫПТЫР”

– Мен да АКШга виза ачып, жумушка орноштуруп берет деп “Peace” компаниясына 2 миң доллардай бергем. Кызыгы, бул окуяда Уланды эле баары күнөөлүү кылып, калгандары көлөкөдө калып жатат. Компанияда аялы Касиет да иштеп, биз акча бергенде күбө болгон. Азыр ал “мен да алдандым, мен да эч нерсе билген эмесмин” деп жатат. Уланды “ооруп жатат, операция болду” деген калптарды айтып жаап-жашырган ошол болуп жатпайбы. Кантип билбей калат? Уландын эжеси менен да сүйлөштүк, ага да баары бир экен. “Эмне кылсаңар ошо кылгыла” деп койду. Ал эми Уландын атында бир да мүлк катталбаптыр. Бул компаниянын кеңсеси жабык, бирок соцтармактагы баракчасы иштеп жатат. Угушубузча, учурда Ошто филиал ачып иштетип жатышыптыр. Ал жакта дагы канча адамды алдап жүрөт билбейбиз. Компаниянын эсепчиси Касиет бизге "англис тилин үйрөтөм, АКШга кетсеңер керек болот" деп ал кызматы үчүн да акча алчу. Касиеттин үстүнөн да арыз жазабыз десек тергөөчү Чынара Эрикова “келишимди Улан менен түзүпсүңөр, ошого эле жазгыла” деп тоскоол болуп койду.

Урмат: “УКРАИНАДАН ДЕПОРТАЦИЯ БОЛУП КЕЛДИМ”

– Мен 2019-жылы ноябрь айында Швецияга виза ачып бергенге акча бергем. 2020-жылы пандемия болуп виза жасоо токтоп калды дешти. Андан кийин Уланга “барбай калдым го акчамды кайтарып бер” дедим. Ал Европага кетүүнүн башка жолдорун сунуштап баштады. “Бельгиянын жарандыгын алып берем, паспорт жасайбыз” деди, Улан өзү абдан сабаттуу жигит, кыскасы, паспорт жасап бере аларына ишендирди. Мен паспорт үчүн 12 миң евро бердим. Бельгиянын паспортун жасап берди, ал паспорт менен Украинага учуп барып жасалма экенин билдим. Украина аркылуу Бельгияга учуп кетмекмин. Украиналыктар мени кармап, кайра Кыргызстанга депортация кылышты. “Акчамды таап бер” деп Уланга барсам “бир жума күт, 10 күн күтүп тур” деп түрдүү шылтоолорду айтты. Тажап кеткенимден милицияга арыз жазып кайрылдым.

Окуя тууралуу Ленин РИИБинин маалымат катчысы иш тергелип, сотко жөнөтүлгөнүн билдирди. Ал эми Ленин райондук соту иш өндүрүштө экенин, иш келсе сот отуруму белгиленерин кабарлады. Ошондой эле шылуундукка шектелген Улан мырзанын туугандары менен байланышканыбызда окуя тууралуу комментарий берүүдөн баш тартты.

Лунара Бекиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(2)
12.10.2021. 17:36 
Тайпасы:
Жаран
Комментарийлердин саны:
14
Катталган:
14-12-2019
Соӊку аракети:
15-10-2021 13:19
Жынысы:
Белгисиз
+3
Ушунун баары олкобуздо жарытылуу иш жок, жетпеген жашоонун артынан чет жерге кыдырып, тирлик учун аракет кылганы да элдин. Кээде мен деле качып кетким келет.
12.10.2021. 20:49 
Тайпасы:
Жаран
Комментарийлердин саны:
73
Катталган:
19-03-2020
Соӊку аракети:
22-10-2021 21:05
Жынысы:
Белгисиз
+4
Кудайдан коркпогон адамдар да бар экен да тообо кылдым.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26226;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: