Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АПРЕЛЬ СОТУ ЧАТАК МЕНЕН БАШТАЛДЫ

№420 19-25-ноябрь, 2010-жыл.


Мезгил үнү

7-апрель окуясынан бери 7 ай өтүп, 17-ноябрь күнү сот иши Спорт Ордосунда башталды. Спорттук оюндар менен концерттердин көркүн ачып келген сахнага айыпталуучуларды кармаган темир тор коюлуп, ал эми залдан жабыркоочулар, соттолуучулардын тарапташтары жана журналисттер орун алышты.

СОТ ИШИ СПОРТ ОРДОСУНДА
Кыргызстандын тарыхында мынчалык көп адам катышкан сот иши биринчи жолу болушу. Бишкек гарнизонунун аскердик соту 7-апрель окуясы боюнча кылмыш ишин кароону баштап, ага Жакыпбек Бектемиров төрагалык кылды. 17-ноябрь күнү саат 9да айтылган жерге барып, имаратты курчаган милиция кызматкерлерине кабылдык. Залга кирген соң сахнада орнотулган чоң темир тор айласыздан көңүлдү буруп, отургандардын “обезьянник” укмуш го” деген сөздөрүн кулагыбыз чалды. Темир тордун ичинде мурдагы Коргоо министри Бактыбек Калыев менен Мамлекеттик күзөт кызматынын төрагасынын мурунку орун басары Нурлан Темирбаев орун алышыптыр. Айтмакчы, экинчиси форма, погондору менен келгенин көргөн жабыркоочулар “кайсы бети менен формачан келди, чечсин!” деп чуу салышты.

“БААТЫРЛАР” ДА, “ДУШМАНДАР” ДА СЫЗДАШЫП...
Эске салсак, 15-ноябрда президент Роза Отунбаева 380 адамга “Апрель элдик революциясынын төш белгисин” тапшырган. Алардын ичинен курман болгон 83 катышуучунун төш белгиси туугандарына берилди. Эми минтип арадан эки күн өтпөй, “баатырлар” менен “душмандар” бир залда чогуу отурушту. Алар бири-бирин канчалык жек көрбөсүн, баары бир эки тарап тең кайгыга батып, астейдил көз жашын аарчып отурушту. Залдан “баламды жөн жерден атып коюшту” деп бир тарап боздосо, экинчи жак “уулум буйрукту аткарды” же “эптеп күнөөлүү кылуу үчүн жөн жерден камап коюшту” деген кептер угулду.

“ҮЙҮҢДҮН ДАРЕГИН ТАК АЙТ!”
Соттолуучулар трибунага чакырылып, алардын анкеталык маалыматы сот тарабынан такталды. Алгач президенттик аппараттын мурунку жетекчиси Каныбек Жороев чыгып, үнү каргылдана жооп берди. Анын артынан Экс-Баш прокурор Нурлан Турсункулов менен Коргоо жана коопсуздук иштери боюнча президенттин мурунку кеңешчиси Элмурза Сатыбалдиев жооп берди. Бакиевдин тушунда Баш прокурор болуп иштеген Сатыбалдиев мырза 5 балалуу, кичүүсү 4 жашта экендигин айтты. Президенттик катчылыктын экс-жетекчиси Оксана Малеваная 4-17-май аралыгында камакта болгонун мукактана билдирди.
Кезек темир тордун ичинде отургандарга жетип, алгач Мамлекеттик күзөт кызматынын төрагасынын мурунку орун басары Нурлан Темирбаев жооп берди. Ал 20-июлдан бери камакта отурат. Ал эми экс-президент Курманбек Бакиев Кыргызстандан чыгып кеткенге чейин жанында болгон Экс-Коргоо министри Бактыбек Калыев «жарандык никеден 3 балам бар» деп сүйлөдү. Ар бир айыпталуучу баласы жөнүндө маалымат берип жатканда, 7-апрелде жакынын жоготкон туугандары “балаң биздин балабыздай көпкө жашабасын!” деп кайгысынан улам каргыш айта кыйкырык салышты. Бул аралыкта анкетанын суроосу боюнча үйүнүн дарегин билдирбей, кээ бирлери районун гана айтып жатышты. Жабыркаган тарап “үйүңдүн дарегин так айт!”, артынан “өрттөп кетебиз!” деп жатышты.

МКК МЕНЕН “АЛЬФАЧЫЛАР”
Мамлекеттик күзөт кызматы жана УКМКнын “Альфа” башкармалыгына караштуу айыпталуучу кызматкерлердин тизмеси:
«Альфачылар»:
“Альфанын” башчысы Алмазбек Жолдошалиев, Канат Кадыров, Сергей Цигельников, Тимур Попов, Олег Ребёнок, Жеңишбек Бабибраимов, Талантбек Мамбетов, Медет Исаков.
«МККчылар»:
МККнын төрагасынын орун басары Данияр Дунганов, Расул Байтоков, Максат Карикеев, Рафаэль Мадрахимов, Майрамбек Тентиев, Урмат Камчыбеков, Акылбек Ниязов, Султан Арбаев.
Айта кетчү жагдай, аталган кызматкерлердин көпчүлүгү кылмыш иши менен тааныша электигин айтып жатышты. Ал эми МККнын кызматкерлеринин формачан чыгышкандыгы жабыркоочу тараптын кыжырын келтирди. Алардын мурунку башчысы Данияр Дунганов ооруп жаткандыгы үчүн сотко “Тез жардамдын” унаасы менен келип, залда медициналык замбилде жатып жооп берди.

“ШОУ” ДЕГЕН СӨЗДӨН ЧАТАК ЧЫКТЫ
Таанышуудан кийин соттолуучулардын адвокаттары кылмыш иши менен таанышып үлгүрө электигин жарыялашты. Анткени 60 томдук материалды изилдеп чыгууга эки күн гана берилген. Андыктан адвокаттар сот ишин 40 күнгө жылдыруу зарылдыгын айтып чыгышты. Бул аралыкта жабыркоочулар “сегиз айдан бери күтүп келебиз, эми 40 күн эмес, 40 саат күтө албайбыз!” дешти. Сот алардын пайдасына чечип, адвокаттардын өтүнүчүн четке какты. Аңгыча жактоочулар сот ишин “шоу” деп атаганда, залда ансыз да араң отурган элдин арасында нааразычылык күчөп чыкты. Иниси аянтта каза болгон аял: “Дезертир, террорчу менен эл душмандарына коргоо берилбейт, мындайларды атып салыш керек”,- деп ыйлап кирди.
Бир кезде соттолуучулар отурган жакка бош желим бөтөлкө ыргытылып, артынан эле сахнаны көздөй чуркаган жигиттердин айынан баш аламандык болуп кетпеспи. Бир-эки мүнөттүк кымгууттун ичинде милиция кызматкерлери тартипке келтирүүгө аракет жасап, адвокат жана соттолуучулар залдан качып чыгууга араң үлгүрүштү.
Мындан кийин сот 18-ноябрга жылдырылды. Бирок ал күнү адвокаттар сотко келүүдөн баш тартышыптыр. Ошентип, алгачкы күнү ызы-чуу менен башталган эң чуулгандуу сот 22-ноябрда улантылмакчы болду.

КЫСКА-НУСКА

  • 7-апрель күнү Ак үйдүн жанында 87 адам көз жумган.
  • Иш боюнча 28 соттолуучу бар, анын алтоосу сыртынан соттолот.

Алар: экс-президент Курманбек Бакиев, МККнын экс-төрагасы Жаныш Бакиев, Максим Бакиев, УКМКнын мурунку төрагасы Мурат Суталинов, экс-премьер-министр Данияр Үсөнов жана “Арстан” тобунун буга чейинки башчысы Эсенбай Байыш уулу.

  • Ызы-чуулуу процесске 18 адвокат, 7 прокурор, 305 жабыркоочу, 78 мыйзамдуу өкүл, 129 күбө, жарандык коомдун лидерлери жана журналисттер катышты.
  • Сот ишинин коопсуздугун сактоо үчүн 500гө жакын тартип сакчылары тартылган.

Эльвира Караева
koom@super.kg


«Супердин» сурак бурчу

СОТ АПРЕЛЬ ИШИ БОЮНЧА АДИЛЕТ ЧЕЧИМ ЧЫГАРАТ ДЕП ОЙЛОЙСУЗБУ?

Жоро Сулайманов,
50 жашта, журналист:
– Соттун адилеттүү чечим чыгарарына күмөнүм бар. Андан да бул жерде күнөөсүздөр соттолуп, накта кылмышкерлер аппак чыгып кетпесе экен деген ой тынчымды алууда. Сот болгон күнү мен залда отурдум. Мындай сотту өткөрүүгө маданиятыбыз жете элек экен.

Гүлназ Бакир кызы,
23 жашта, ди-джей:
– Менимче, жабыр тарткандардын жакындары адилет чечим чыксын десе, сабырдуу болуулары керек. Ошондо сотторго да мыйзамдын негизинде иштөөгө, акыйкат жыйынтыкка келүүгө шарт түзүлөт.

Нурмат Ташболотов,
90 жашта, пенсионер:
– Мен Орусияда турам. Келгениме 2 ай болду. Өлкөдө болгон окуяларга сыналгыдан гана көз жүгүртүп турдум. Азыр ошол окуя боюнча сот иши башталды. Күнөө кылгандар соттолсун. Ал эми сот милдетин аткарып, адилеттүү чечим чыгарып бериши керек. Болбосо арбактардын убалына калат.

Айжамал Аскерова,
18 жашта, студент:
– Кыргызстанда мындай чоң масштабда өтүп жаткан сот алгачкы жолу болууда. Ушунча элди топтоп өткөрүп жаткан сот кантип адилетсиз болсун? Мен адилеттүү чечим чыгарат деген эле ишеничтемин.

Кубандык Өмүров,
57 жашта, сүрөтчү:
“Пулду көргөндө пайгамбар жолдон чыгыптыр” деген кыргыздын сөзү биздин сотторго арналгандай. Көрөсүңөр го, эл сотунда акыйкат чечим чыкпайт. Анткени бизде акча негизги ролду ойнойт. Күнөөсүздөр соттолот, күнөөлүүлөр эркиндикте чардап жүрө беришет.

Рапия Байгазиева,
48 жашта, врач:
– Көп элди чогулткан соң коопсуздукту да камсыз кылуу керек эле. Эл агрессивдүү абалда турганда дагы жаңжал чыгып кетсе ким жооп берет? Менин тынчымды азыр соттун чечими эмес, ошол жерде топтолгон калктын абалы алууда. Сотту жабык өткөрүп, күнөөлүүлөрдү соттоп жиберсе болмок.

Урмат Аматов,
17 жашта, спортчу:
– Апрель окуясында кыргыздын канчалаган жаш уландары каза болду. Учурда алардын жакындары акыйкаттыкты талап кылып, Спорт Ордосунда элдик сотто жүрүшөт. Мындайда сот адилет чечим чыгарыш керек.

Бактыгүл Сокушова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(18)
19.11.2010. 22:46 
Тайпасы:
Жаран
Комментарийлердин саны:
19
Катталган:
14-11-2010
Соӊку аракети:
03-11-2017 02:23
Жынысы:
Белгисиз
0
Sot bolgonyn koryp alip, kirgiz eli abdan madaniyatsiz kalk boydon ele ekenbiz,kiykirip ajildabay ele baardigi zakondyn cheginde chechilishi kerek da, bolor ish boldy emi zakon cheginde gana ishtesh kerek, oshondo da zakon bar bolso Kyrgyzstanda.
19.11.2010. 22:48 
Тайпасы:
Жаран
Комментарийлердин саны:
19
Катталган:
14-11-2010
Соӊку аракети:
03-11-2017 02:23
Жынысы:
Белгисиз
0
Yshynday izi chyyga tajap kettim, je jymysh jok je aylik normalniy emes, je elderibiz madaniyatsiz, bashka jaka ele ketish kerek go......
20.11.2010. 02:19 
Тайпасы:
Кыймылы жок
Комментарийлердин саны:
142
Катталган:
04-11-2010
Соӊку аракети:
17-08-2011 13:23
Жынысы:
Белгисиз
Калаасы:
Upsalla, Sweden
0
Биздин мамлекет накта Африкадагы артта калган мамлекеттердей эле болуп калды Орто Азияда! Элибиз ушунчалык маданияттан жазып, этика дегенди кайсыл жерде кантип колдонууну унутуп калды! Башчыбыз качса да, Улуу кыргыз маданияттан качпачы!
20.11.2010. 02:20 
Тайпасы:
Кыймылы жок
Комментарийлердин саны:
142
Катталган:
04-11-2010
Соӊку аракети:
17-08-2011 13:23
Жынысы:
Белгисиз
Калаасы:
Upsalla, Sweden
0
mia, колдоймун! Акча жок, а так давно кетмекмин!
20.11.2010. 02:29 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Эхх...Кыргыз элиме коз тийдиби эч тынчыбай,аябай эле кыйналып кетти го.Сот адилетту чечим чыгарса экен эми элди дагы уруштубай.
20.11.2010. 15:54 
Тайпасы:
Жаран
Комментарийлердин саны:
4
Катталган:
05-08-2010
Соӊку аракети:
24-07-2018 21:24
Жынысы:
Белгисиз
0
bayagy ele korunush da. sot bolot sottoit, besh jyl otot alar kaira chygat bashkasy kelet, jany kelgeni eskisin sottoit. ushul kantip bolsun jon ele ailampa bolup baratat goo. oshon uchun kunoosu barby, taktaldyby; eldin astyna alyp chygyp ele atap salgylachy. azyr ushundai kylgan adamdardan kyiyn kandai jakshylyk kutmok elek.
20.11.2010. 15:55 
Тайпасы:
Жаран
Комментарийлердин саны:
4
Катталган:
05-08-2010
Соӊку аракети:
24-07-2018 21:24
Жынысы:
Белгисиз
0
ai ai
20.11.2010. 21:25 
Тайпасы:
Жаран
Комментарийлердин саны:
31
Катталган:
31-08-2010
Соӊку аракети:
20-09-2018 16:29
Жынысы:
Белгисиз
Калаасы:
Бишкек, Каракол
0
сот эч кимге коз каранды болбош керек(акчага да, бийликке да), калыс, адилет чечим чыгарса экен
21.11.2010. 00:55 
Тайпасы:
Кыймылы жок
Комментарийлердин саны:
29
Катталган:
05-11-2010
Соӊку аракети:
05-03-2011 13:26
Жынысы:
Белгисиз
0
Uvege kowulam!Miaga da, tuura aitasyng,e4 ele tyn5 jawai albai kaldyk go,alla taala elibizge tyn4tyk,yntymak4ylyk,onuguu berse eken,eh kudaaai,ozung sakta4y kg elibizdi.Ynsap,yiman ber4i,osobenno biyliktegilerge?????????????????
22.11.2010. 10:03 
Тайпасы:
Жаран
Комментарийлердин саны:
13
Катталган:
15-03-2007
Соӊку аракети:
19-08-2017 03:35
Жынысы:
Белгисиз
Калаасы:
Бишкек
0
Кайдагы адилет чечим чыгармак эле, баягы эле куноосуз байкуштардын мойнуна илип туруп, акчалуулар акчасына таянат да!Калп эле сот откоруп жатабыз,алтоосун сыртынан соттойбуз демиш болуп коюшат, Бакиевдерге качканга жардам бергендерди баш кылып Бакиевдерди алып келип туруп, анан сот процесси реалдуу талапта отуп жатат десе болмок,жон эле Бакиевдерди комускодон соттой беришпей...!Эх кыргызым, балык башынан сасыса,анда биз....
23.11.2010. 00:05 
Тайпасы:
Түйүлдүк
Комментарийлердин саны:
1
Катталган:
22-11-2010
Соӊку аракети:
24-12-2010 16:57
Жынысы:
Белгисиз
Калаасы:
Москва,м.Пр.Мира
0
Жакшы болуптур!
23.11.2010. 00:09 
Тайпасы:
Кыймылы жок
Комментарийлердин саны:
7
Катталган:
15-11-2010
Соӊку аракети:
16-01-2013 01:47
Жынысы:
Белгисиз
Калаасы:
Кыргызстан
0
mekendeshterim aman bolgula
23.11.2010. 17:00 
Тайпасы:
Жаран
Комментарийлердин саны:
19
Катталган:
13-07-2010
Соӊку аракети:
27-12-2016 01:09
Жынысы:
Белгисиз
Калаасы:
Москва
0
чынында бул макаланы окуп алып эмне дешимдм деле билбей калдым. ПРОСТО СОЗ ЖОК!!!
23.11.2010. 22:24 
Тайпасы:
Жаран
Комментарийлердин саны:
219
Катталган:
25-07-2009
Соӊку аракети:
05-03-2017 14:05
Жынысы:
Белгисиз
0
мен бул сот процессин шоу дегенге толугу менен кошулам. тактап айтканда азыркы бийликтин трагикомедиясы. ошол соттоп жаткан сот деле бироого зависимый киши. жон эле жабырлануучуларды канаттандыруу учун бироолорду "козел отпущения" кылыш керек.
24.11.2010. 02:13 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
уффф кыргыздар качан киши болобуз...качан...
24.11.2010. 06:26 
Тайпасы:
Жаран
Комментарийлердин саны:
50
Катталган:
14-08-2010
Соӊку аракети:
12-11-2017 11:31
Жынысы:
Белгисиз
0
Men KILLERdi korgum kelip jatat fotosun kirgizbeisinerbi INFO snaiper menen atkan adam kim eken oshol
26.11.2010. 11:49 
Тайпасы:
Жаран
Комментарийлердин саны:
12
Катталган:
02-11-2010
Соӊку аракети:
17-04-2017 14:03
Жынысы:
Белгисиз
Калаасы:
biskek
0
Ий ушул Отунбаева, Текебаевдер тажатты. Бакиев деп эле жамандашат. Керек болсо, бакиевдин заманында жыргап жашачуубуз. Азыр болсо эмне болду? Айлык аз, кымбатчылык, ызы чу, баш аламан, ишин билбеген жетекчилер. Бир нерсе болсо эле 87 баатыр деп чуркашат, ал эми чындап жерин коргойбуз деп олгон Оштук туугандарды оозго да алышпайт. Оздорунун илинчеги бар да ошого коркуп турушат. бакиев аттырбыды, же Отунбаевавы ким билет, 87 баатырын? Убакыт корсотот. Кан урсун Отунбаеванын элдин каргышы тийсин!
26.11.2010. 11:56 
Тайпасы:
Жаран
Комментарийлердин саны:
12
Катталган:
02-11-2010
Соӊку аракети:
17-04-2017 14:03
Жынысы:
Белгисиз
Калаасы:
biskek
0
Менин маалыматтарыма караганда, Акуйдун алдында 87 эмес,15 ке жакын гана адам олгон. Токтайым Умоталиева да ушуну айтып атат..7-апрель куну ак уйдун алдында кыйкырып жургон бир адамды ТВдан коргом ал корсо, ноокаттык экен. Кошуналары коруп алып кетип бара жатышса Бишкек Ош жолунда озуно келиптир, Текебаевдин адамдары чакырган болчу андан аркысын билбейм дейт. Ноокатка баргандан кийин бир машина адам барып, туну менен кайра ал кишини атып кетишиптир. эмнеге артынан б-п олтуртушот? Суроо ушунуда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: