ФОРУМЧУЛАРЫБЫЗДАН ФЛЕШМОБ
12-ноябрь күнү шаардын борбордук бөлүгүндө ары-бери өткөн эл “Супер-Инфо” гезитинен көз албай окуп, көпкө кыймылсыз турган жаштарды көрүп таң калышса керек. Буга таң калуунун деле кажети жок, анткени ал күнү сайтыбыздын колдонуучулары жана “Супер-Инфо” гезитинин окурмандары чогулуп, флешмоб уюштурган эле.
ФЛЕШМОБ ДЕГЕН ӨЗҮ ЭМНЕ?
Англисче (flash mob) flash – дүрт этүү, көз ирмем жана mob – топтошкон эл дегенди туюндурат. Мында чогулган адамдар кайсы бир жайда күтүлбөгөн жерден пайда болушуп, мурунтан пландаган нерсени жасай башташат. Бүткөндөн кийин акырын эч нерсе болбогондой ар кимиси туш тарапка тарап кетишет. Мындай акциянын катышуучуларын мобберлер деп коюшат.
Флешмоб өтүп бараткан көрүүчүлөрдө ар кандай ой туудурат. Айрымдар эмне болуп жатканын такыр түшүнбөй таңданса, айрымдары кызыгыша өздөрү да аралашып кетишет. Эреже боюнча, акциянын катышуучулары эч кимге акча бербеши жана албашы керек. Анан эң негизгиси, айланадагы адамдар аларга күлүп кароонун ордуна, тескерисинче, кызыгып, балким, аралашып кетсе да болот.
Алгачкы флешмоб 2003-жылы 3-июнда Нью-Йоркто пландалып, полиция кызматкерлери байкап калгандыктан, ишке ашпай калган. Экинчи жолку акцияда уюштуруучулар дагы маселе жаралбасын деп акциянын катышуучулары келгенде гана сценарий менен тааныштырышкан. Массалык түрдө 2009-жылдын 8-мартында Чикагодо өткөн. Бул флешмоб Гиннес рекорддор китебине «эң чоң флешмоб» деп киргизилген. Ага 21 миң адам катышкан. Дагы бир белгилей өтчү нерсе, акция көпкө созулбай 3-5 мүнөт ичинде гана бүтөт.
ЖАШТАР “СУПЕР-ИНФОНУ” ТАНДАЙТ!
Кыргызстанда флешмоб акырындап ишке ашып келатат. Форумчуларыбыз да мезгилден артта калбай, “Супер-Инфону” колдоо максатында 12-ноябрь күнү флешмоб уюштурушту. Supernurgazy аттуу форумубуздун активдүү катышуучусу сунуш киргизип, акция минтип ишке ашып отурат.
Кечки саат 17:30га белгиленген жолугушуу өз убагында ийгиликтүү өттү десек жаңылбайбыз. Баары пландалгандай ЦУМдун жанына чогулуп, белгиленген убакытты гана күтүп турушкан экен. 17:30 болгондо 20 чакты кыз-жигит жолдун ортосуна “Супер-Инфо” гезитин колго алып, кыймылсыз катып калышты.
Алгач 5 мүнөт турабыз деген мобберлер 7 мүнөткө чейин тургандарын байкабай да калышты окшойт. Бул көрүнүш, албетте, көчөдө ары-бери баскан элдин кызыгуусун туудурду. Ал жактан да биздин окурмандарыбыз табылып, гезит көтөрүп бараткан жеринен акцияга кошулуп алышты. Флешмоб бүтөрү менен эрежеге ылайык, акциянын катышуучулары бири-бирине рахматын айтып, ар кайсы жакка тарап кетишти.
Флешмоб уюштуруучусу Нургазы:
– Флешмобду уюштуруубуздун максаты – бизге окшогон форумчулар жана “Супер-Инфонун” окурмандары көбөйүп, саныбыз мындан да ашса дейбиз. Бул баштапкы акциябыз жана келечекте чет элдик боордошторубуз менен уюштурмакчыбыз.
Гүлжамал Бөрүкулова
star@super.kg
Кыстарылган видео
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
(Эмне эле жөнөтсөм эле пайыздык белги туруп калып жатат?) НУргазы деген сен турбайсыңбы, иииииии
бишкекте болсом мен деле кошулмакмын супер инфону чын аитсам свежии номерин ушинтип окуим
Ийгилик дагы да кызыктуу темаларда уюштуруп турсанар демекчимин.
Азаматсын Нургазы дагы да жакшы жакшы флешмобдорду уюштура бергиле.Биз ар дайым сиздер менен.Бишкекте болсом созсуз барат элем.
кыргызча эле музыка коюп койбойсунар беле
Мага плеер жакпады. Загрузска болуп турат экен тез-тез.
Ютубдукундай плеер кылып койсонор жакшы болот эле
кыймылдабай турат го флещмоб деген нерседе? же кыргыздарга боло береби?))
Уюштуруучулар, азаматсыңар!Бирок бул жакта форумчулардан тааныш жүз көргөн жокмун го. Же алар жалаң кафелердеги жолугушууларга барышабы? Бул акция жакшы идея экен.Анча-мынча кыймылдап коюшканы эле болбосо.Нургазы, азамат!
en jakwy,uwul baany bereiin dedim ele. birok "sizdin baa beruugo ukukunuz jok" dep 4ygyp kalyp atat. emne u4un ? jardam suraim
круто!!! ervei корунот экен. ары бери откондор оозу ачылып калды болуш керек
молодцы мага жакты Бишкекте болгондо бармакмын,НУРГАЗЫ сага ийгилик.
