Футбол: "Ак шумкарлардын" курамына кимдер чакырылды?

Футбол боюнча кыргыз улуттук курама командасы ноябрь айында эки жолдоштук беттеш өткөрөт. 11-ноябрда Бириккен Араб Эмираттарынын Шаржа шаарында Сингапур курамасы менен ойносо, 16-ноябрда Манама шаарында Бахрейн курамасы менен оюн өткөрөт.

“Ак шумкарлардын” ноябрь айындагы жолдоштук беттештерге карата футбол боюнча курамы жарыяланды.

Дарбазачылар: Эржан Токотаев ("Алга"), Кутман Кадырбеков ("Дордой"), Калыс Акималиев ("Абдыш-Ата"). Коргоочулар: Тамирлан Козубаев ("Туран", Казакстан), Бекжан Сагынбаев, Айзар Акматов, Александр Мищенко, Кайрат Жыргалбек уулу ("Дордой"), Данила Сокирченко, Кайрат Изаков ("Абдыш-Ата"), Валерий Кичин ("Енисей", Орусия).

Жарым коргоочулар: Алимардон Шүкүров ("Неман", Беларусь), Фархат Мусабеков ("Туран", Казакстан), Турсунали Рустамов, Абай Боколеев, Гүлжигит Бөрүбаев ("Дордой"), Одилжон Абдурахманов ("Бунёдкор", Өзбекстан), Гүлжигит Алыкулов ("Кайрат", Казакстан), Атай Жумашев, Мирбек Ахматалиев ("Абдыш-Ата"), Азим Азаров, Темирболот Тапаев ("Алга"), Николай Давыдов ("Фрайзинг", Германия).

Чабуулчулар: Эрнист Батырканов ("Ван", Армения), Эльдар Молдожунусов ("Алай").

"Ак шумкарлар" 2-ноябрдан тартып Дубайда окуу-машыгуудан өтүп башташты. Бул достук оюну жана окуу-машыгуулар 2023-жылкы Азия Кубогуна тандоо оюндарына даярдык көрүү максатында өткөрүлүүдө.

Динара Акимова

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 987, 4-10-ноябрь, 2021-ж.