Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КАТААЛ ЖАНА ҮРӨЙ УЧУРГАН ЭРЕЖЕЛЕРДИН МЕКЕНИ - ТҮНДҮК КОРЕЯ

№989 18-24-ноябрь, 2021-ж.


Табышмактуу, сырдуу, дүйнөнү таң калтырган катаал мыйзамдары менен белгилүү Корея Элдик Демократиялык Республикасына саякатты сүйгөн туристтер да кыйынчылык менен барышат. Кол башчысы диктатор, социализм режими сакталып калган, өзүнүн өзөктүк куралы менен дөө-шаа мамлекеттерди сестентип турган Түндүк Корея тууралуу кызыктуу маалыматтар менен бөлүшөбүз.

Борбор шаары
– Пхеньян

Аянты – 120 миң 540 чарчы чакырым

Калкынын саны – 25 899 347 (2021-жыл)

Өлкө лидери, жогорку кол башчы – Ким Чен Ын

Валютасы – Түндүк Корея вону (100 вон = 9,42 сом)

Мамлекеттик тили – Корей тили

Мамлекеттик башкаруу формасы – Бир партиялуу парламенттик республика

ТАРЫХЫ

Корея Элдик Демократиялык Республикасы – Корей жарым аралынын түндүк тарабында жайгашкан. Түштүк тарабынан Түштүк Корея менен, түндүгүнөн Кытай, түндүк-чыгышынан Орусия, батышынан Сары деңиз, чыгышынан Япон деңизи менен чектешет. Калкынын 99 пайызы корейлер. Ошондой эле калктын басымдуу бөлүгүн атеисттер түзөт.

Корей мамлекеттүүлүгүнүн тарыхы биздин заманга чейинки IV-III кылымга туура келет. Экинчи дүйнөлүк согушка чейин Корея мамлекети Япон империясынын карамагында болуп келген. Экинчи дүйнөлүк согуштан кийин СССРдин көзөмөлүндө болгон түндүк тарабы Түндүк Корея, АКШнын көзөмөлүнө кирген түштүк тарабы Түштүк Корея болуп экиге бөлүнүп кеткен.

Өлкө 1948-жылы Ким Ир Сен тарабынан негизделген, ал бийликте 1994-жылга чейин турган. Ал каза болгондон кийин бийлик анын уулу Ким Чен Ирге өткөн. 2011-жылы Ким Чен Ир каза болгондон кийин анын ордун уулу Ким Чен Ын ээлеген.

Түндүк Кореядан көмүр, коргошун, вольфрам, цинк, магний, темир, алтын, жез сыяктуу кен байлыктар казылып алынат. Жаратылышы бай, эмен, жаңгак, сибирь арчасы сыяктуу өсүмдүктөр өсөт. Жырткыч жаныбарлардан жолборс, леопард, аюу, сүлөөсүн жана карышкырлар жакшы корголуп сакталган. Аталган өлкөдө 15-апрель – Күн күнү катары белгилүү, жарандар бул күнү Түндүк Кореянын негиздөөчүсү Ким Ир Сендин туулган күнүн белгилеп, анын сүрөттөрүнө сыйынышат.

ТҮШТҮК КОРЕЯ МЕНЕН МАМИЛЕСИН ЖАКШЫРТУУГА АРАКЕТ КЫЛДЫ

Экинчи дүйнөлүк согушта Япония советтик аскерлерге жеңилип, Корей жарым аралын АКШ менен Советтер Союзу экиге бөлүп алышкан. Түндүк Корея Совет өлкөсүнүн, Түштүк Корея АКШнын карамагына өткөн. Түндүк Корея 1950-жылы көбүрөөк аймакка ээ болуу максатында Түштүк Кореяга аскерлери менен бастырып кирген. “Корей согушу” аталып калган бул тирешүүдөн соң бир эл биротоло экиге бөлүнүп, толугу менен мамилесин үзүшкөн. 2018-жылы Түндүк Кореянын жол башчысы Ким Чен Ын менен Түштүк Кореянын президенти Мун Чжэ Ин көп жылдык тыныгуудан кийин жолугуп, эки өлкөнүн мамилесин жандантууга аракет кылышкан. Бирок 2020-жылы Түндүк Корея жол башчысы мындан ары эч качан түштүк кореялыктар менен сүйлөшүүгө барбаарын айтып, кошунасын өзөктүк куралы менен коркуткан. Диктатор Ким Чен Ын телеберүүдөн Түштүк Корея бийлигин ачык сындап, аларды Түндүк Кореядан качып барган активисттерди кабыл алганы үчүн айыптаган. Диктаторду качкын активисттердин Түштүк Кореяда аны жамандап кагазга жазып, шарга байлап учурган жоругу кыжырданткан.

ТУРИСТТЕР ЭРКИН ЖҮРӨ АЛБАЙТ

Чет элдик туристтер өлкө аймагында өз алдынча каалагандай жүрө алышпайт. Туристти бийлик тарабынан бекитилген атайын гид коштоп жүрөт. Гид уруксат берген жерлерди гана сүрөткө тартууга болот. Эске салсак, 2016-жылы 23 жаштагы америкалык студент Түндүк Кореяга туристтик команда менен барып, мейманканадагы плакатты жулуп алгандыгы үчүн 15 жылга эркинен ажыратылган. Бирок АКШ бийлигинин кийлигишүүсү менен ал бошотулуп, өз мекенине кайтып келгенден көп өтпөй каза болгон. Мунун себебин туугандары ал түрмөдө жатканда оор шарттан улам ооруп калганы менен түшүндүрүшкөн.

ТҮНДҮК КОРЕЯ ТУУРАЛУУ КЫЗЫКТУУ ФАКТЫЛАР

  • Өлкөдө улуу жол башчы Ким Чен Ындын аты-жөнүн ким туура жазса, ошол сабаттуу деп эсептелинет.
  • Каалаган динди тутунуу кооптуу, айрыкча христиан динин кармангандарды "батыштын идеясын үгүттөйт" деп жаман көрүшөт.
  • Аптасына 6 күн иштешет. Ал эми жекшемби күнү корейлер ыктыярчы болуп, мекен үчүн кызмат кылышат.
  • Ар бир үй-бүлө сыналгысын тиешелүү органдар тарабынан каттатышы керек. Анда 4 эле канал көрсөтүлөт (өз өлкөсүнүн тарыхын жайылтуу, спорттук иш-чаралар, чукул кабарлар, билим берүү тармагындагы кабарлар),
  • Каалаган маалыматты интернеттен окуп алууга мүмкүн эмес. "Кванмён" деген жергиликтүү интернет тармагы бар, ага алдын ала текшерүүдөн жана иргөөдөн өткөн маалыматтар чыгат.
  • Расмий маалыматтарга таянсак, Түндүк Кореяда көзгө чөп салуулар жана никесиз төрөлгөн балдар катталган эмес. Сүйүүгө болгон мамиленин да эрежелери иштелип чыккан. Мамлекет жараны биринчи мекенин жана улуу жол башчы Ким Чен Ынды сүйүп, анан жарын, балдарын сүйүүсү керек.
  • Оор кылмыш кылган жарандар үчүн өлүм жазасы киргизилген. Өлкө аймагында жаза өтөө мекемелери расмий “кайра тарбиялоо борбору” деп аталат. Ал жактагы жашоо шартты батыш басылмалары сталиндик жана гитлердик кыйноо лагерлерине салыштырышат.
  • Жылына 20 миңдей түндүк кореялык жаран өлкөсүнөн чыгып кетүүгө аракет жасайт. Өлкөнү таштап кетүүнү каалагандардын көпчүлүгү аялдар, алар көбүнчө сойкулукка барууга мажбурланганын айтышат.
  • Түндүк Корея аскер кубаты боюнча дүйнөдө 4-орунда турат. Өлкөдөгү ар бир төртүнчү жаран аскер кызматкери.
  • Электр энергиясын үнөмдөө үчүн түнкүсүн жарык өчүрүлөт, өлкө лидерлеринин эстеликтери турган жердеги жарык гана өчүрүлбөйт.

Лунара Бекиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
22.11.2021. 11:21 
Тайпасы:
Жаран
Комментарийлердин саны:
245
Катталган:
26-01-2016
Соӊку аракети:
07-12-2021 13:13
Жынысы:
Белгисиз
Калаасы:
♡♡♡ОШ♡♡♡
+6
Шүгүр кылалы.Ар бир адам өзүнө жоопкерчиликти алып бузуку саясатчынын курмандыгы болбошу керек.
23.11.2021. 08:22 
Тайпасы:
Жаран
Комментарийлердин саны:
81
Катталган:
19-01-2021
Соӊку аракети:
24-11-2021 11:32
Жынысы:
Белгисиз
+3
СССРди энсегендер ошол жака боса болот.
23.11.2021. 12:42 
Тайпасы:
Жаран
Комментарийлердин саны:
4
Катталган:
03-10-2016
Соӊку аракети:
06-12-2021 20:41
Жынысы:
Белгисиз
+7
Орустар бар жерде онугуу болбойт
23.11.2021. 16:46 
Тайпасы:
Жаран
Комментарийлердин саны:
100
Катталган:
19-10-2016
Соӊку аракети:
08-12-2021 20:40
Жынысы:
Белгисиз
+3
asankulov12, Мен да ошентип ойлоп калдым))
24.11.2021. 12:14 
Тайпасы:
Жаран
Комментарийлердин саны:
1062
Катталган:
02-11-2020
Соӊку аракети:
08-12-2021 19:20
Жынысы:
Белгисиз
+4
Кудай болуп алган го.
Орустар бар жерде эч качан өнүгүү болгон эмес булар каалашпайт өнүгүшүн. 2- дүйнөлүк согуштан кийин немистерди да экиге бөлүп алышкан эмеспи ошондо орустар бөлүп алган жагы өнүкпөй кийин бөлгөн дубалын бузуп Германияга кошулуп кеткен. Корейлер деле түштүгү түндүгү болуп кошулуп калышса жакшы болмок дүйнөдөгү эң чоң держава болмок. Ошондуктан биз да түндүк түштүк дебей биз кыргызбыз деп жүрөгүбүз соксун
25.11.2021. 02:57 
Тайпасы:
Жаран
Комментарийлердин саны:
22
Катталган:
27-11-2018
Соӊку аракети:
08-12-2021 03:01
Жынысы:
Белгисиз
+4
Ит экенго а
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26424;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: