Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАМБАЕВ КИМДИ ТАНДАЙТ?

№421 26-ноябрь - 2-декабрь, 2010-ж.


Мезгил үнү

Алмазбек Атамбаев абдан оор тандоонун алдында турат. Анын акыркы кадамы бүтүндөй Кыргызстан үчүн чечүүчү мааниге ээ болуп калышы толук ыктымал. Мындан да жаманы, бул маселени чечүүгө КСДПнын лидеринде аз гана убакыт калды. Негедир кесиптештерине Атамбаевдин сөзү өтпөй жатабы же чоң орундарды бөлүшө албай жатышабы, кыскасы, коалициянын убарасы бүтпөй, эл кыйнала баштады.

“АТА МЕКЕН” “БОРТТОН ТЫШКАРЫ” КАЛДЫБЫ?
Көпчүлүктүн айтымында, Атамбаев, Бабанов жана Текебаев жетектеген партиялар парламенттин көпчүлүгүн кураса, ал коалиция идеалдуу болмок. “Жок, андайга макул эмесмин” дегендерге “7-апрель окуясынын максаты эмнеде эле?” деген суроо берилбей койбойт. Ошол бийлик төңкөрүшүндө “Республика”, “Ар-намыс” жана “Ата Журттун” лидерлери жок болчу. Алар шайлоо дегенди уккандан кийин пайда боло калгандар эмеспи. Жөнөкөйлөтүп айтканда, даяр ашка чуркап келе калгандай эле болушту.
Ак үй тараптан келген шыбыштарга караганда, “Ата Мекенди” “борттон сырткары” калтырып жатышыптыр. КСДПнын “маалымат жарчысы” Фарид Ниязовдун “Өмүрбек Текебаев башкарган партия КСДП түзүүчү коалицияда эң жакшы шериктеш болмок” деген жылуу сөздөрүнө карабастан, иш жүзүндө башка оюндар башталганы маалым болуп калды. Айтмакчы, “ата мекенчилерге” кечээ эле куралган “бабановчулар” каршы болуп жатышат” дешет. Анткени “Республика” өзүнүн тышкы саясий багыттарын коалициянын башка мүчөлөрү дагы колдошун талап кылган. Анын үстүнө Өмүрбек Текебаев коалицияга кошулуп ЖКнын төрагасы болуп калса, анда Бабановдун айрым пландарынын ишке ашышына тоскоол кылат имиш.

КУЛОВ БАШ ТАРТТЫ
Бул аптада саясий талаанын каарманы “темир генерал” Феликс Кулов болду. Ии дебейсизби? Өзүбүз да таңбыз. Анткени өткөндө мандат тапшыруу салтанатында “Ар-намыстын” “атасы” коалицияга кошулуу үчүн КСДПдан чакыруу түшөрүнө күмөнү бар экенин айткан болчу. Биз дагы ичибизден “ооба” деп коштогонбуз. Атамбаев менен Куловдун өз ара пикир келишпестигинен улам ушундай ой-пикир жаралган. Бири-бирин жактырбагандыгы көпчүлүктүн алдында да айтылып калган. Алсак, Алмазбек Атамбаев митингдердин биринде Феликс Куловду “жыгач генерал” деп атаса, Кулов "андай маданияты төмөн кишилерге маани бурбастыгын" айтып, КСДП лидерин басмырлаганга аракет кылган.
Ошондой мамилелерге карабай Атамбаев “Ар-намыстын” башчысына коалицияга кошулууну сунуштаптыр. “Ар-намыстын” өкүлү Турсунбай Бакир уулу: “Учурда Баткен облусундагы шайлоочуларыбыз менен жолугушууда жүрөбүз. Эл Куловдун өкмөт башчы болуусун каалайт экен. Ошондой жагдайда гана коалицияга кошулгула дешти. Өкмөттү башкарууну бербесе, анда оппозицияда калышыбызды суранышты”,- деди.
Атамбаевдин мындай чоң бурулушун талкуулаган айрым серепчилер “бекеринен өткөндө Орусияга барган жок да. Ал жактан Текебаевдин ордуна Куловду тандоо жөнүндө сунуш айтылса керек” деген божомолун айтышат. Бул сөздүн дагы жөнү бар. Анткени КСДП, “Республика” жана “Ар-намыс” бириге турган болсо, орусиячыл маанайдагы Кремль көксөгөн коалиция куралат.
Бирок акыркы маалыматтар боюнча, “Ар-намыс” партиясы КСДП сунуштаган шарттар боюнча коалицияга кирүүдөн баш тартты. Партиянын атынан расмий жооп Феликс Куловдон Алмазбек Атамбаевге жөнөтүлдү. Анда: “Ар-намыс” партиясынын атынан сунушуңуз үчүн ыраазычылык билдирем. Бирок сунуш партиянын кеңешинде кароодон өткөн соң коалициянын курамына кошулбоо жөнүндө чечим чыгарылды”,- деп жазылат.

“АТА ЖУРТ” ДА КОАЛИЦИЯГА КИРИШИ МҮМКҮН
Алмазбек Атамбаев “Ата Мекенди” тизмеден чийип салган соң алгач “Ар-намыска”, андан кийин “Ата Журтка” кайрылды. “Ата Журттун” лидерлеринин бири Камчыбек Ташиев Динара Исаева менен тирешкенден бери дайыны жок. Айрымдар аны Жалал-Абадда жүрөт дешсе, дагы бирөөлөр Казакстанда дешүүдө. “Ата Журт” фракциясынын башчысы Ахматбек Келдибеков болсо Атамбаевден коалиция жөнүндө сүйлөшүү жүргүзүү боюнча расмий сунушун кабыл алгандыгын тастыктоо менен чектелди. Ошентип, акыркы вариант КСДП, “Республика” жана “Ата Журт”, же КСДП, “Ата Журт” жана “Ата Мекен” болушу да мүмкүн. Сүйлөшүүлөр улантылып жаткандыктан, азырынча белгилүү бир жыйынтык чыга элек.

УБАКЫТ КҮТПӨЙТ
Мыйзам боюнча парламенттин көпчүлүгүн түзүүгө 15 жумушчу күн берилген, ал 2-декабрда аяктайт. ЖКнын убактылуу төрагасы Ташболот Балтабаевдин айтымында, коалициянын курамы ушул аптанын аягына чейин белгилүү болбосо, Атамбаев кечигет. Анткени парламенттик чоң жыйындар бейшемби жана жума күндөрү гана өткөрүлөт. Эгерде КСДПнын лидери коалиция курай албаса, анда ал мүмкүнчүлүк “Ата Мекенге” берилет.
Коалициянын жыйынтыгы кандай болбосун, бул иштин кечеңдеп жатканына Атамбаев эле эмес, башка партиялардын лидерлери да күнөөлүү. Анткени мындай жагдайдын келип чыгышына папке талаш себеп болуп жатканы айдан ачык.

КОАЛИЦИЯНЫН ТҮЗҮЛҮШҮНӨ ЭМНЕ ТОСКООЛДУК КЫЛЫП ЖАТАТ?
КСДПнын расмий өкүлү Фарид Ниязов “Атамбаев 29-ноябрда коалициянын вариантын Жогорку Кеңештин отурумуна алып чыгат” деп билдирди. Анын айтымында, КСДП жана “Ата Мекен” коалициясы варианты боюнча үчүнчү партияны кошуу кыйынчылыкты жаратууда. Андыктан эми “Ата Журттун” варианты каралмакчы.
Биз “коалициянын түзүлүшүнө эмне тоскоолдук кылып жатат?” деген суроо менен ар бир партиянын лидерлерине кайрылдык. Конкреттүү жыйынтык болбогондуктанбы, алар ММКлардан оолактап, комментарий берүүдөн баш тартышууда. Азырынча журналисттерден жашыруун жолугушуп, өз ара пикирге келишмейинче эч кандай жооп айтылбасын гана билдиришти.

Эльвира Караева
politika@super.kg


«Супердин» сурак бурчу

КОАЛИЦИЯГА КАЙСЫ ПАРТИЯЛАРДЫН БИРИГИШИН КААЛАЙТ ЭЛЕҢИЗ?

Тынар Курбаналиев,
33 жашта, куудул:
– Мага парламенттик башкаруу жакпайт. Андыктан коалиция тууралуу айта албайм. Эми коалицияга кирбей калган партия кайра нааразы болуп, оппозицияга кетип элди дагы дүрбөлөңгө салбаса эле болду. Мен ызы-чуудан тажадым.

Минара Дилдебекова,
25 жашта, мугалим:
– “Республика”, “Ата Журт”, КСДП кошулуп иштешүүсүн каалайм. “Ата Журтту” эл колдоду, демек, иштей берсин. Бабановдун жамандыгы жоктой. Ал эми Атамбаев биз кааласак да, каалабасак да коалицияда болот го.

Нурланбек Адылбек уулу,
42 жашта, ишкер:
– Коалицияга КСДП, “Ата Мекен” жана “Республика” бириксе жакшы болот эле. Өзгөчө Текебаевдин премьер-министр болушун каалайм. “Ата Журт” жакын жолобосун. Ал жакта мурунку “ак жолчулар”.

Калича Керимова,
62 жашта, пенсионер:
– Коалицияны Атамбаев түзүп жатпайбы. Мен аны менен Кулов жана жаштардан Бабанов иштесе дейм. Алмазбек туура сүйлөгөн адам, Феликс мырза болсо өлкөдөгү тартипти кармайт, ал эми Өмүрбек көптү үмүттөндүргөн жаштар менен иштейт.

Байыш Сагынбек уулу,
18 жашта, студент:
– Тышкы саясаттын кийлигишкенинен улам коалиция түзүлө албай жатат. Орусиялыктар Текебаевдин коалицияга кошулушун каалабайт го. Жеке мен КСДП менен бирге “Ата Мекен” жана “Республиканын” биригүүсүн каалайм.

Кеңешбек Айтикеев,
55 жашта, мугалим:
– Эч бир партияны жактабайм. Анткени булардын лидерлери жеке кызыкчылыгынан чыга албай жатышат. Ошондуктан ушул күнгө чейин коалиция түзүлө элек. Бул эмне дегендик?! Деги качан иштешет?! Лидер, лидер деп коюшат, бизде лидер жок.

Чолпонай Кенжекулова,
22 жашта, ырчы:
– Ачык айтылбаганы менен, мага бул коалиция түзүүчүлөр бийлик талашып жаткандай сезилет. Андыктан булардын чогуу иштеп кетүүсүнө көзүм жетпейт.

Бактыгүл Сокушова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
27.11.2010. 19:21 
Тайпасы:
Кыймылы жок
Комментарийлердин саны:
9
Катталган:
08-08-2010
Соӊку аракети:
13-08-2013 04:19
Жынысы:
Белгисиз
Калаасы:
Berlin
0
Adam kany menen biylikke kelip jatkandan kiyin jakshylap ishteshse bolmok, papka talashkandy koyup.Bularda azyr taryhiy mumkunchuluk turat.Eldin kelechegi uchun bir nerse jasai alyshsa taryhybyzda Manas atabyzdai ele orun alat.
28.11.2010. 04:56 
Тайпасы:
Кыймылы жок
Комментарийлердин саны:
15
Катталган:
23-05-2010
Соӊку аракети:
26-11-2014 15:52
Жынысы:
Белгисиз
0
mdaa..kurguzstandu sagunup, uygo bargum kelip jurgom..dagu dele owol - biylik talawkandar,,eldi ka4an oylowot,,uyaluwpaybu! eldi unutup, echnerseni korboyt tuwunboyt dep kaluwat ko kozdorun may basup..mew ozu choon optimistmin,,birok birisine dagun iwene albaym! oo, kurguz elim , kachan oso bawtaysun? chet olkodo ele kalam go dagu 2 julga :(
29.11.2010. 15:33 
Тайпасы:
Жаран
Комментарийлердин саны:
363
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Алмаз, Текебаевге өткөрүп койчу, сага да пайда болот ошондо.
29.11.2010. 22:03 
Тайпасы:
Тартип бузгандар
Комментарийлердин саны:
428
Катталган:
15-09-2008
Соӊку аракети:
31-01-2017 11:25
Жынысы:
Белгисиз
Калаасы:
г.Бишкек
0
Алмаз малдес!!! Эми ошол лидерлер (коалицияга макул болбогондор) эмне десе да оз абийирлерине!
01.12.2010. 10:10 
Тайпасы:
Кыймылы жок
Комментарийлердин саны:
9
Катталган:
08-02-2008
Соӊку аракети:
16-11-2013 18:00
Жынысы:
Белгисиз
0
Мага Чолпонайдын жообу жакты.
01.12.2010. 12:55 
Тайпасы:
Кыймылы жок
Комментарийлердин саны:
1
Катталган:
01-12-2010
Соӊку аракети:
03-12-2010 16:42
Жынысы:
Белгисиз
Калаасы:
Бишкек
0
тандаган тазга жолугат
01.12.2010. 18:58 
Тайпасы:
Жаран
Комментарийлердин саны:
363
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Алмаз ага, чын жүрөктөн кубануу менен куттуктайм, түбөлкүңөр түз болсун!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: