Архив
997  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПРОБАЦИЯ КЫЗМАТКЕРИ ДЕГЕН КИМ ЖАНА ЭМНЕ ИШ АТКАРАТ?

№996 7-13-январь, 2022-ж.


Пробация органы же пробация кызматкери дегенди уктуңуз беле? Жеңил кылмыш жасап соттолгондор жаза мөөнөтүн абактан эмес, үй шартында өтөй алышат. Алар кылмышкер деп эмес, жумшак түрдө пробация кардары деп аталат. Пробация органы алардын жаза өтөөсүн көзөмөлдөп, психологиясын, жүрүм-турумун оңдоочу орган. Бул жолу ушул кесип тууралуу сөз кылабыз.

"КЫРГЫЗСТАНДА 2 ЖЫЛДАН БЕРИ ИШТЕЙТ"

Алмазбек Зарылбек уулу, Юстиция министрлигинин алдындагы Пробация департаментинин директору:

– Пробация органы өз ишин 2019-жылы сентябрь айында баштаган. Максаты – түрмөдө отургандардын санын азайтуу, пробациянын кардарларын оң жолго салуу, жүрүм-турумун түзөө жана кайра коомго аралашуусу үчүн шарттарды түзүү, алардын кайрадан укук бузууларынын алдын алуу. Башкача айтканда, пробация кызматы пробация кардарлары менен иш алып баруучу орган.

Кимдер кардар боло алышат? Жеңил кылмыш кылып, 5 жылдан ашпаган мөөнөткө шарттуу түрдө эркинен ажыратылгандар, абакта мөөнөтүн өтөп жатып убактысынан мурун бошоп, калган мөөнөтүн эркиндикте өтөй тургандар, ошондой эле жазаны аткаруусу кийинкиге жылдырылган жарандар кардар боло алышат. Мисалы, кокустуктан кылмыш кылып, бирок жаш балдарын өзү багып жаткан жалгыз бой аялдардын жаза мөөнөтү артка жылдырылышы ыктымал. Кардарлар коомдон обочолонбой, үйүндө, үй-бүлөсүнүн жанында жаза мөөнөтүн өткөрүшөт.

Пробация оор кылмыш кылгандарга, жашы жете элек өспүрүмдөрдү зордуктаган адамдарга колдонулбайт.

“КАРДАРЛАРГА ДАРЫ, КИЙИМ БЕРГЕН УЧУРЛАР БАР”

Нурбек Чагырбеков, Пробация департаментинин Бишкек шаары, Чүй, Талас облустары боюнча аймак аралык башкармалыгынын башчысы:

– Соттун чечими менен жаза өтөө чечими чыгып, бизге каттоого турган жарандарды “кардар” деп атайбыз. Кылмышкер деп аталбайт. Пробация кызматынын 4 түрү бар: сотко чейинки, аткаруучу, пенитенциардык жана пенитенциардыктан кийинки пробация.

Сотко чейинки пробация – кылмышка шектүүгө соттун өкүмү чыга элек учурду камтыйт. Сот органы шектүүнүн кылмыш иши боюнча материалдарды пробация органына сунуштама чыгаруусу үчүн жиберет. Пробация органы ал адамдын жашаган, иштеген жери, мүнөзү, үй-бүлөсү, ага чейин ким болуп кайда иштегени тууралуу, башкача айтканда, социалдык изилдөө жүргүзөт, анализдейт, анан сунуштамасын сот органына жиберет. Эгер анализ ал адам жаза мөөнөтүн эркиндикте өткөрсө болорун көрсөтсө, анда ошондой сунуштама жазылат. Эгерде сот жаза мөөнөтүн пробация кызматынын алдында өтөсүн деп чечим чыгарса, ал кардар жашаган аймагындагы пробация органына барып каттоого турат. Эгер социалдык изилдөөдө терс маалымат чыкса, мисалы, туруктуу жашаган жери болбосо, анда пробация органы сотко ал адамды каттоого тургузууга мүмкүн эмес деген корутунду жиберет. Сот муну эске алып, ал адам жабык абакта жаза мөөнөтүн өтөйт. Кандай жаза аткарышы керек экендиги, албетте, сот өкүмүндө жазылат. Мисалы, эркиндиги чектелсин, коомдук же түзөтүү иштерине тартылсын деп.

Аткаруучу пробация тууралуу айтсак, пробация органына кардар келгенде журнал ачылып, каттоого алынат, 1 айда 2 жолу келип каттоодон өтүп турууга милдеттендирилет, анын үстүнөн көзөмөл жүргүзүлүп баштайт. Кардарга жекече программа түзүлөт. Ал үчүн биздин кызматкерлер кардардын үй-бүлөсүн, ден соолугунун абалын, үйүнүн бар же жок экендигин иликтейт, пробация органында психологдор, социалдык кызматкерлер бар. Психологдор кардарды тесттен өткөрүп ага психологиялык жактан канчалык жардам керектигин белгилеп, ошого жараша иш алып барышат. Кардардын үй-бүлөсү менен маселеси болсо, аталган кызматкерлер кардарды үй-бүлөсү менен жараштырууга аракет кылышат. Пробация органы бейөкмөт уюмдар менен да иштешет. Эгер кардардын оорусу же кийимге муктаждыгы болсо, социалдык кызматкерлер бейөкмөт уюмдарга кайрылып, алардын жардамы менен кийим, дары алып беришет.

Пенитенциардык пробация – кардарды эркиндикке чыгарууну, аны коомго аралашууга даярдоону камтыйт. Мисалы, паспорту жоголуп кеткен болсо аны кайра алууга, жөлөк пул алууга, мураска ээ болууга жана башка укуктук жаатта жардам берет. Үйү жок болсо баш калкалоочу жай таап жайгаштыруу сыяктуу иштерди да жүргүзөт.

Пенитенциардыктан кийинки пробация – бул жаза аткаруу кызматы жабык абактардан мөөнөтүнөн эрте чыга тургандардын тизмесин бизге жөнөтөт, биздин кызматкерлер “чыкса кайсы даректе жашайт, үй-бүлөсү барбы же жокпу” деп социалдык изилдөө жүргүзөт. Изилдеп чыгып, сунуштамасын жаза аткаруучу кызматка жиберет. Ошонун негизинде сот чечим кабыл алат. Мисалы, бир адам 6 жылга кесилген болсо, анын 3 жылын эркиндикте өткөрүүгө сот чечим чыгарса, кардар бизге келет.

ПРОБАЦИЯ КАРДАРЛАРЫ СҮЙЛӨЙТ

Аскар (аты өзгөртүлдү):

– Учурда 55 жаштамын, Бишкекте жашайм, үй-бүлөм жок, 2-топтогу майыпмын. Башымдан жаракат алып, операция болуп, ошондон кийин майыптык алгам. 3000 сом пенсия алам. 2018-жылы достор менен ичимдик ичтик. Мен даараткана издеп бир мекемеге кирип, ачык турган бөлмөдөн уюлдук телефон уурдап кеттим. Бирок видеокөзөмөлгө түшүп калган экенмин, милиция кармады. 5 жылга соттолдум. 3 жыл 4 ай отуруп, анан мөөнөтүмдөн эрте бошоп, калган мөөнөттү пробация кызматынын алдында өтөп жатам. Башым дайыма ооруп тургандыктан дарыларды ичип турушум керек. Пенсиям тамак-аш, дарыларыма жетпейт, андыктан пробация кызматынын социалдык кызматкерлери акча таап дары алып берип турушат.

Негизи баш-аягы 25 жыл түрмөгө отурдум. Эми үйлөнүп, калган жашоомду жакшыраак өткөрсөм деп турам. Түрмөдо отурганда жеңил кылмыш кылып камалгандарды да көрдүм. Андыктан пробация кызматы керек экен.

Миновар (аты өзгөртүлдү):

– Мен 59 жаштамын. Көп жыл мамлекеттик кызматтарда иштедим. Бирөөлөр суранса аларга ишенип жер тилкесине жасалма документ жасап берип, аным билинип камалып кеттим. Убактылуу кармоочу жайда 1 жылдай отурдум. Стресстин айынан кант диабети оорусуна кабылдым. Депрессияга түшүп, асынып өлөйүн деп да аракет кылдым, бирок көрүп калып аман алып калышты. Анан сот жеңил кылмыш кылган деп таап, шарттуу түрдө 3 жылга кести. Азыр жаза мөөнөтүн өтөп жатам. Уулум 26 жашка чыкканда ооруп калып, үйдү сатып жибергем. Кызым учурда Орусияда жашайт.

Апам каза болуп калды. Анда да жан дүйнөм жанчылып, өзүмдү эч кимге керексиз сездим. Кант диабети дартынан улам тынбай дары ичем. Психологдор иш алып барып, мени депрессиялык абалдан чыгарышты. Буларга чоң рахмат!

СТАТИСТИКА

Учурда пробация органынын көзөмөлүндө 11 миң жаран бар. Алардын арасында 16-18 жаштагы өспүрүмдөрдүн саны – 266. Экстремизмге тиешеси бар дегендердин саны – 155.

Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26569;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: