"ЫСЫК-КӨЛ" МЕЙМАНКАНАСЫ СҮРДҮРҮЛҮП ЖАТАТ

Бишкектеги “Ысык-Көл” мейманканасын бузуу иштери жүрүп жатат. Президенттин Иш башкармалыгы муну имараттын авариялык абалга келип калгандыгы менен түшүндүрдү.

– “Ысык-Көл” мейманканасы көп жылдан бери колдонулбай, эскирип, авариялык абалда. Бул имаратты мындан ары пайдалануу кооптуу жана мүмкүн эмес. Ал гана эмес, башкаларга коркунуч туудурат. Сырты курчалганына карабай шаардыктар аймагына кирип кеткен учурлар көп. Имарат урап кетиши мүмкүн жана мейманкана аймагында жүргөн адамдар жабыркап калышы ыктымал. Аны кайра калыбына келтирүү үчүн дээрлик жаңы имаратты курууга чыгымдалчу сумма талап кылынмак. Каражатты натыйжалуу пайдалануу, борбор шаардын эстетикалык көрүнүшүн жакшыртуу жана унаа жолдорундагы кыймылды жеңилдетүү максатында “Ысык-Көл” мейманканасынын ордуна мамлекеттик маанидеги административдик комплекс куруу чечими кабыл алынды,- деп билдиришти мекемеден.

Айрым маалыматтарда “Ысык-Көл” мейманканасынын ордуна президенттик администрация үчүн жаңы имарат курулат деп айтылууда.

“Ысык-Көл” мейманканасы 1984-жылы курулуп, 2007-жылга чейин иштеген.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 995, 30-декабрь - 6-январь, 2022-ж.