Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№422 3-9-декабрь, 2010-жыл.


(Башы өткөн сандарыбызда)

– Менин балам сендей эмес, айтканынан кайтпайт.
– Мени эле айтканынан кайтат дейсизби?
– Кайтпаска аргаң барбы? Жаш кыз, сыгылбасын деп сага айтпай келдим эле, эми жашырыштын кажети жок. Атаңдын ашказанында рак бар. Ойлонуп көр, жашоосунда жанагыдай будуң-чаң болсо, кандай абалда каларын. Ким билет, канчалык өмүрү калды? Сага таарынып жүрүп көзү өтүп кетсе кантесиң?
– Болду, болду дейм, сөзүңдү токтот, сураныч! Сиз эмне жаман кабардын баарын чогултуп алгансыз?! Айдар менен кала албайм, түшүнсөңүз. Макул, Арстандан баш тартайын, бирок азыр мени мобул жерден алып кеткилечи!
– Жок, андайың жарабайт! Бул окуядан кабар алса, Арстан сени айылда бир күн да тургузбай жетелеп кетет.
– Ошончолук жакшы көрөрүн билип турсаңыз, неге бут тосуп жатасыз? Мен деле жаман аял болчулардан эмесмин да! Балаңыздын бактысына балта чаап не кыласыз?
– Сендей сулуунун жыргалынан азабы көп болот. Сендей сулуулар эркекке бакыт апкелбейт. А баламдын бактысыз болушун каалабайм.
– Бакыт апкелбейт деп алдын ала эле бүтүм чыгарып, сиз эмне, Кудай болуп кеттиңиз беле?
– Кел, сөздү токтотуп, ток этер жерин сүйлөшөлү. Айдар менен такыр эле жашай албайм десең, мен айткан адамга турмушка чыгасың. Атаңа “ушул киши багымды ачат” деп түшүндүрөсүң. Ал сени үч күндүн ичинде алып кетет. Ушул айтканыма көнсөң, сени бул жерден алып кетем. Айдардан эптеп кутулайынчы, анан калганын өзүм билем деп ойлобо. Өзүң деле акыл-эстүү жансың, атаңды жаман күнгө таштабайсың.
Акыркы сөзүн Ажар ушунчалык басым менен айтты дейсиң, тимеле жүрөгүмө батып кетти.
– Ажар, эшикти ачкылачы, экөөң эмнеле тынчып калдыңар?
Эшикти дүкүлдөтүп, тарткылай башташты. Ажардын ушунчалык артист экенин ушул жерден көрдүм. Кудай ай, ушунча жылдан бери байкабай, атам экөөбүз эмнени карап жүргөнбүз?
– Мектепти бүтө элек жаш кызды ала качып келип, түнү бою ыйлатканыңар кандай? Мен атасына билдирбей келдим. Азыр ал келсе, күлүңөрдү көккө сапырат. Аны жакшы билесиңер. Ошондуктан унчукпай гана экөөбүздү жеткизип койгула. Жок, жеткирүүнүн деле кереги жок. Айдай үйүңөргө кандай басып кирди, ошондой басып чыгып кетет. Сөз бүттү!
Өктөм сүйлөдү да, селдейип турган тигилерди кеп-сөзгө келтирбей мени үйдөн чыгарып кетти. Короодо топтолуп турган балдар да унчуга албай туруп калышты. Дарбазадан чыгып баратып көз кыйыгымдан Айдар жердеги чаканы көмөлөтө тээп, сөгүнүп калганын көрдүм.
Ошентип, үйгө келе жаттык. Эми кантем? Суранам, кеңеш бергилечи, эми кантем?
– Келе, алдагы телефонуңду!
Жолдо баратканыбызда өкүм сүйлөгөн Ажар телефонумду колумдан сууруп, симкасын чыгарып, чөнтөгүнө салып алды. Арстанга арызданат деди да.
– Айдай, кызым, кайда жүрөсүң?
Атам бизди тосуп чыкты.
– Түнү бою дайынсыз кетип, бизди катуу чочуттуң да, кызым, кайда жүрдүң?
Азыр ооз ачып сүйлөсөм эле бакырып ыйлап, атамдын моюнуна асылып калчудаймын. Антсем атамдын жүрөгүн оорутам да. Үн-сөзсүз жалдырап, жардам күтө Ажарды тиктеп калдым.
– Ээ, тиги шок балдардын азабы өтөт окшойт бизге. Көңүлү бары-жогуна карабай, Айдар деген неме ала качып кетиптир. Сага айтып, тынчыңды алгым келген жок. Барып, баарынын сазайын берип, Айдайымды алып келе бердим.
– Ким эле аныңар? Тиги Жоодардын уулубу?
– Ооба, ошол.
– Атасынын оозун урайын, ошол мышмыйган сары баланын менин кызымды ала качканга кантип дити барды? Ата-энеси жок кыздай ала качтырган Жоодардын бул кандай жоругу? Айтпайбы алдын ала.
– Болду, тынчтан. Кызыбызга эч кимдин колу тийген жок. Аман-эсен алып келдим го. Бир-эки жолу Жоодардын аялы келгенинен кагып койгом, кызыбыз али жаш деп...
Ой, куу түлкү! Карасаң, мунун айтып турганын! Айдардын апасы келгенде “силердей адамдар менен куда-сөөк болсок жыргабайбызбы” деп узатпады беле? Эми атамдын алдында жойпуланып жатканын карачы! Тимеле, “кызыбыз” деп жанды күйгүзгөнүн көр...
Үн катпай үйгө кирип кеттим. Атам бечара мага батынып, “эмне болду?” деп териштире албай, сыртта Ажар менен кала берди. Кудай билет, анысы кайдагы кепти айтып алдап жатканын.
“Рак” дегенди уккандан бери көз алдымдан атамдын жүзү кетпей, мына азыр эле каза болуп калчудай дирилдеп калдым. Же бир туугандан, же уулдан Кудай айтпаса, карманганы эле мен болсом, өмүрү минтип кыл учунда турса, анан кантип атамдын дилин оорутам? Мени күнү бою ушул суроо кыйнады. Эки күндөн кийин экзамен башталмак, аны ойлогонго чамам да калбады.
– Атаң кой дегениме болбой Жоодарды чакыртты. Тим кой, эркек кишилер өздөрү чечишет. Анан чын эле сурап алары жоктой болуп, унчукпай кала бермек белек? Мен сага башка нерсени айтайын деп турам.
Ушунча жаман сөздөн кийин эч нерсе болбогондой бөлмөмө кирип алып сырдашып турган Ажарды карап отуруп, каарым кайнап чыкты. Тобо, ушундай адамдан Арстандай уул кандайча төрөлдү экен? Мындай аялга туш болгон Арстандын атасы менен өзүмдүн атамды аяп кеттим. Тиги болсо быдылдап сүйлөп жатты.
– Бир күнү отурсам, эшигибизге килейген кара Жип келип токтоп, эки киши түштү. Ким болду экен деп тиктеп калсам, жашыраагы келип “Мукай абанын үйү ушулбу?” дейт. Алгач жүрөгүм опкоолжуп кетти. Мындай кишилер Мукайды неге издейт деп. Бир чыныдан чай ичилген соң кеп башташты. Көрсө, ал киши көптөн бери сени тааныйт экен, сыртыңдан күзөтүп жүрөт тура! “Мындай сулуу кызды татыктуу тарбиялоо да кыйын нерсе. Айдайды абдан акылдуу, токтоо, адептүү кылып тарбияладыңыздар. Сиз өз энесиндей мамиле жасап жатасыз” деп көп нерсени айтып, оозумду ачырышты.
– Токтой туруңузчу. Кимди эле айтып жатасыз? Түшүнсөм өлөйүн.
– Кепти бөлбөй турбайсыңбы. Сени бир киши Токмокто, жол боюнда турганыңда үйгө жеткизип келген турбайбы?
Ой, түлкү, карасаң, муну да билип алганын.
– Ооба, жеткизип келген. Олимпиадага барганыбызда машина бузулуп, жолдо калып, мени айдоочу тааныштарына салып жиберген. Жеткизип койсо эмне экен?
– Ал кишинин ким экенин билчү белең?
– Жок, атын да сурабасам керек эле.
– Аты Элдар. Бирок аны эл “токмоктук Элдар” деп таанышат.
– Эмне, кличка менен жүр­гөндөй кримчөйрөдөн бекен?
– Кримчөйрөбү, башкабы, айтор, абдан бай, бойдок жигит!
– Жигит? Ошол килейген кишини жигит деп турасызбы? Аны мага эмне айтып жатасыз?
– Сага азыр киши болуп көрүнө берет. Билсең, аялдар бат эле картайып кетишет. Азыр жашсың, сага атаңдай көрүнүп жатса керек. Дагы беш-он жылдан кийин экөөң бирдей эле көрүнүп каласыңар. Жо-ок, картайып кетесиң дегеним жок. Экөөң сонун эле жарашкан түгөй болуп каласыңар деген турам.
– Да-а, эми түшүнүктүү. Сиз ошол кишиден алчусун алып, мени сыртымдан сатып жибергенсиз, туура айтамбы? Менден сурамай жок. “Кызым, сенин кандай пландарың бар? Кайсы окууга тапшырайын дейсиң? Кандай кесипке ээ болгуң келет?” Буларды сурап баш ооруткуңуз келген жок, ээ? Эптеп Арстандан ажыратып, көздөн алыстатып тынчытуу керек болду. Ошончолук эле ашыкча болуп жатсам, өзүмө эле айтсаңыз болмок. Арстан үйгө келгенде эле үйдү бошотуп берип, башка жакка, колледжгеби, бирдемеге тапшырып кетип калмакмын. Сизге да, мага да, балаңызга да, атама да мынчалык баш оору жаралмак эмес. Баарын ойлоп, талдап, таразалап турган амалкөй жаныңыз неге ошону эрте ойлободуңуз экен?
– Мени кекеткенден пайда жок. Ачыгын айтам, Элдарга тийсең, кор болбойсуң. Сыйлуу, бай, баарын кызыктырган аял болосуң. Ал сени жакшы көрөт. Коркпо, экинчи, үчүнчү аял кылам деп жаткан жок. Илгери жаш кезинде бир үйлөнүп, анысы кыз төрөп берген соң “колуңдан эч нерсе келбейт, кедейсиң” деп таштап кеткен экен. Ошол боюнча үйлөнбөптүр.
– Бир эмес, беш үйлөнсүн, анын мага кызыгы жок.
– Сөздү аягына чейин укпайсыңбы? Ал кызын кийин таап, азыр энесинде экен, каралашып, окуусуна, башкасына жардам берип турат дейт.
– Мынчалык маалыматты кайдан чогултуп жүрөсүз?

Жазгүл Калыева

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
03.12.2010. 23:03 
Тайпасы:
Жаран
Комментарийлердин саны:
4
Катталган:
30-11-2010
Соӊку аракети:
03-03-2018 01:59
Жынысы:
Белгисиз
0
Ажар аябай эки жуздуу экен али далайды корсотот
04.12.2010. 12:58 
Тайпасы:
Жаран
Комментарийлердин саны:
17
Катталган:
17-02-2009
Соӊку аракети:
30-01-2018 22:28
Жынысы:
Белгисиз
Калаасы:
Evergreen
0
Ээх Ажардай адамдар канча бул жашоодо...
05.12.2010. 02:35 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
Bizdin da mekteptin jatakanasynda Ajar degen ayal ishtechu, uulu bizdin mektepte bashka klassta okuuchu. Ajar ayabay kuu, nachar ayal ele, uulu aga takyr okshoshpochu, men oshol kezdi estep kettim
06.12.2010. 14:57 
Тайпасы:
Кыймылы жок
Комментарийлердин саны:
9
Катталган:
28-07-2010
Соӊку аракети:
04-03-2016 21:10
Жынысы:
Белгисиз
Калаасы:
Бишкек
0
Баян туура айтасын! Ажардай аялдар биздин арабызда канча болду экен? Шумдуктуу!
10.12.2010. 11:54 
Тайпасы:
Түйүлдүк
Комментарийлердин саны:
49
Катталган:
19-08-2010
Соӊку аракети:
11-01-2012 22:45
Жынысы:
Белгисиз
Калаасы:
Бишкек
0
Кудай сактасын!Айдайга кыйын болуптур же сырдашып,кенеш сурайын десе бир туугандары жок,ыйлагым келип кетти.((((((
10.12.2010. 11:56 
Тайпасы:
Түйүлдүк
Комментарийлердин саны:
49
Катталган:
19-08-2010
Соӊку аракети:
11-01-2012 22:45
Жынысы:
Белгисиз
Калаасы:
Бишкек
0
Ооба озу экинчи аялдар олгон жаман адам болушат,дайым ушундай аталар кыган ишти кылып коюшуп ,башкаларга азар беришет.Менде да ушундай арман бар,Кудай сактасын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: