Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АКЫНДАР АЙТЫШЫ

№422 3-9-декабрь, 2010-жыл.


Поэзия

Ыр жандуу окурмандарыбыз үчүн кайрадан “Акындар айтышы” долбоорубузду улантабыз. “Жерден жарака кетсе, акындын жүрөгү аркылуу өтөт” дегендей, коомду түйшөлткөн нерселерге акындар кандай пикир кошот болду экен? Калеми курч, сөзүндө мурчу бар жаш акындарга бир нече сүрөт берип, сындан өткөрдүк. Натыйжасын өзүңүз баамдап көрүңүз.

АЛТЫНБЕК ИСМАИЛОВ
Жашы – 28де
Үй-бүлөлүк абалы – Бойдок
Жарык көргөн китептери – “Таш күзгү”, “Сүйүүнүн султаны Юнус Эмре”
Сыйлыктары – Түрк элдеринин Эл аралык VI поэзия фестивалынын, Эл аралык «Шабыт» поэзия фестивалынын дипломанты. Жолдошбай Абдыкалыков атындагы адабий сыйлыктын лауреаты.
Учурда – Кыргыз-Түрк "Манас" Университетинин окутуучусу

Абийир түтөйт
Кайран аял туура жолду таба албай,
Канат какса багыты жок шамалдай.
Сыр билгизбей Ак үй турат майданда,
Сырты аппак, ичи кара адамдай.
Туу көтөргөн жигиттерди жок кылып,
Түтөйт байкуш өз абийирин жага албай.


ВЕНЕРА АКМАТОВА
Жашы – 25те
Үй-бүлөлүк абалы – Бойдок
Жарык көргөн китеби – “Табылгам”
Сыйлыктары – Азырынча жок
Учурда – “Нур борбор” жаштар бирикмесинин мүчөсү

Эненин калкан жүрөгү
Эл күчөдү чамынып, эл күчөдү,
Эзилгенден эт жүрөк эч түтпөдү.
Эбин таап, элин бийлик сатар кезде,
Алтын такты, Ак үйүм, эх, түтөдү!
Коргоп өзүн кожолор качкан кезде,
Калкан болду эненин эт жүрөгү.


КУБАНЫЧ ЗАЙНИДИНОВ
Жашы – 26да
Үй-бүлөлүк абалы – Бир уулдун атасы
Жарык көргөн китептери – Жок
Сыйлыктары – “Чечен айтыш” сынагынын, “Нукура кыргыз” теледолбоорунун баш байге ээси
Учурда – Эркин журналист

Ак үйдүн ала салышы
Муздак дубал, мупмуздак, муздак эле,
Сырты көрктүү, а ичи супсак эле.
Сыбызгысы тумчуккан саясаттар,
Сырт тарапка таптакыр тумсак эле.

Темир тосмо сүр берчү, темир тосмо,
Тебелебейт дешчүбү, темир тоссо?
Темирге эмес, Теңирге сыйынган эл,
Тебелесе күр этти, Теңир кошо.

Ыш-түтүнгө чулганып күйүп жатты,
Ынтымак бүт ыдырап бүлүк салды.
Ырыскысын көтөрбөй көпкөндөргө,
Ызалуу журт муштумун түйүп жатты.

Заңгырачу Ак үйүң, заңгырачу,
Заң мыйзамдан куру кыял, шаң куралчу.
Заматта эле кейпинен кетти дагы,
Заманасы куурулуп аң кулады.

Бир жолу эмес, эки ирет өрт чулгады,
Бир жасаган иши да өр жылбады.
Канча кыргыз эр уулун жутуп алып,
Кара кийди кан ордо, көрк булгады.

Азыр санаам тынч эмес, төрт бөлүнөт,
Алда кеткен кыялдар көңтөрүлөт.
Ак мрамор чулгаган алтын ордо,
Ак үй эмес, ал жерден өрт көрүнөт.


ЖЫЛДЫЗБЕК ТУРСУНБАЕВ
Жашы – 28де
Үй-бүлөлүк абалы – Бир уулдун атасы
Жарык көргөн китептери – Жок
Сыйлыктары – "Чыңгыз Айтматов" фонду уюштурган Дебют 1-жайкы мектебинин бүтүрүүчүсү
Учурда – "Манас FМ" радиосунyн диктору

Ак үйдүн арманы
Мен Ак үймүн, дартым ичке жыйылган,
Менменсинбейм, туум көктө жыгылган.
Турган элем хан-бектерге чеп болуп,
Турдакундун заманында курулган.

Айланам бүт бак-даракка чулганып,
Ак мрамор таза, тыкан, нур жанып,
Сүрөт тартып чет элдиктер жанымда,
Сүйлөшчү эле келбетиме суктанып,

Эки ажо тең аткарбастан талапты,
Эл мүңкүрөп, муңу күчөп баратты.
Эзилгендер жасап кандуу төңкөрүш,
Эки жолу мени келип талашты.

Так төбөмө чарк дей түшүп чагылган,
Туш-тушумдан оттор чыкты жагылган,
Тирүү жандай эч ким мени аябай.
Түндүк түшүп, талкаланды кабыргам.

Эстей келсем дале жүрөк ачышат,
Эптеп оңдоп колдонушуп жатышат.
Эзелкилер душман менен кармашса,
Эмкилериң мага келип басышат.


КАЛЫСТАР ЭМНЕ ДЕШЕТ?

Меңди Мамазаирова, акын, жазуучу. Кыргыз Республикасынын Эмгек сиңирген ишмери:
– Төрт ырдан тең жакшы табылга көрө алган жокмун. Ак үйдүн сүрөттөлүшү менен кыргыздын тагдырын бириктирген бир көпүрө жок. Чыныгы патриоттук сезим, күйүп- жануу анчалык байкалбайт. Техникалык жактан да айрым мүчүлүштөр бар. Ошого карабай мен өз добушумду Жылдызбек деген жигитке бердим. Анткени ал ойду толук түшүндүрүп, окурманды ойго салган, түйшөлткөн нерсени бере алган. Башка акындардын да саптары жакшы деген баага татыйт, бирок...

Жыпар Исабаева, акын:
– Мага Венера деген кыздын эки сап ыры өзгөчө ынандырды. Менимче, таамай салыштыруу. Сүрөттөгү аял менен “Коргоп өзүн кожолор качкан кезде, Калкан болду эненин эт жүрөгү” деген саптар өтө окшошуп турат. Башка саптардагы кемчиликтерди ушул эки сап жаап кеткен. Ошондуктан мен Венеранын ырын жакшы деп бааладым. Бирок мени Кубанычтын ырындагы ойлор жаңычылдыгы менен өзүнө тартты. Учурда чын эле элдин санаасы тынбай турбайбы. Ошондуктан Кубанычты жеңүүчү деп атадым.

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(3)
08.12.2010. 12:42 
Тайпасы:
Кыймылы жок
Комментарийлердин саны:
57
Катталган:
18-05-2009
Соӊку аракети:
15-10-2013 14:39
Жынысы:
Белгисиз
0
калыстар ойлонтуп коюшту го. мен добушумду кубанычка бермекмин. Анткени жылдызбектикине караганда Кубанычтын ырында коп ойлор ачык айтылып, кенен суроттолуп, ритм жана башкалар кенен сакталыптыр. Чынында калыстардын ой бир укмуш ырын эстей да албайт экем
09.12.2010. 12:11 
Тайпасы:
Жаран
Комментарийлердин саны:
12
Катталган:
02-11-2010
Соӊку аракети:
17-04-2017 14:03
Жынысы:
Белгисиз
Калаасы:
biskek
0
Капа болушпасын бирок, калыстар тобуна эч эле ичим чыкпады. Башка сындай турган чон акындар жок бекен. Сооронбай Жусуев, Суйунбай Эралисе деген сыяктуу. Алтынбек, Жылдызбек, Кубаныч, Венеранын жазгандарын Менди Мамазаирова жана Жыпара Исабаева да жаза албайт. Чынын айтыш керек.Мисалы учун Алтынбек Исмаиловдун Таш кузгу деген китебин окуп туруп Жырап Исабаеванын бир китебин окусанар Алтынбек Исмаиловдун денгээли алда канча жогору экенинине ынанасынар! Торт акын силерге ийгилик!
15.12.2010. 11:25 
Тайпасы:
Жаран
Комментарийлердин саны:
7
Катталган:
09-11-2007
Соӊку аракети:
01-12-2017 17:12
Жынысы:
Белгисиз
0
Салам достор!Менин угушума караганда бул таймаштын жобосунда 20 мунот убакыттын ичинде суротту карап ыр жазыш керек деген эреже бар турбайбы.Нуржамалдын катасы заголовокко ошону жазбаганы.Мурда кийин такшалып так жазып жургон акындардын неге мучулуштук кетиргенинин себебин ушундан улам тушундум.20 минут ичинде жазылган жогорудагы бардык ырга баа берсе болот.Негизи жакшы ыр 20 айда, балким 20 жылда жазылат деп ойлойм.Силерге ийгилик жаш калемгерлер.А калыстар тобу калыстыгынарды жакшы аткаргыла!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: