БИР БҮРКҮМ. ПОЕЗДДЕ ЖОЛ КИРЕ 1 СОМГО ӨСТҮ...

Парламент депутаты Тазабек Икрамов мектептерге комуз сабагын киргизүүнү сунуштап чыкты.
Кыргызстандан Орусияга темир жол аркылуу жүргүнчү ташууну калыбына келтирүүгө Казакстан макул болгону, эми Орусиядан уруксат алуу керектиги маалымдалды.
Социалдык фонд: Кыргызстанда пенсиянын эң көбү – 179 миң сом, эң азы – 1500 сом.
Быйыл жалпы республикалык тестирлөө 23-28-май күндөрү өтөрү расмий маалымдалды.
Өзбекстандын Андижан облусунда ооруканада жарылуу болуп, 1 Кыргыз жараны каза тапты.
15-февралда Советтик аскерлердин Ооганстандан чыгарылганына 33 жыл толду.
Айбек Молдогазиев тышкы иштер министринин орун басары болуп дайындалды.
Кыргыз жеринде поезд каттамынын жол акысы
1 сомго өстү.
Кыргызстандын БУУдагы өкүлү Аида Касымалиева аталган уюмдун башкы катчысы Антониу Гутерришке ишеним грамотасын тапшырды.
Санкт-Петербург шаарында Кыргыз жаранын атып кетишти.
Президент Садыр Жапаров Бишкек – Кара-Балта унаа жолун жаңылоону 2022-жылы толук бүтүрүү тапшырмасын берди.
Кыргыз-Орусия өнүктүрүү фондунун мүчөсү Нурлан Мамытов коррупцияга шектелип кармалды.
Башкы прокуратура: Бишкектин “Тазалык” ишканасы мамлекетке 15 миллион сом зыян келтиргени аныкталды.
Учурда Кыргыз жериндеги ЖОЖдордо 83 миңдей чет өлкөлүк студент билим алып жатканы айтылды.
Мурдагы вице-премьер Аида Исмаилова Кыргыздын Түштүк Кореядагы элчиси болуп дайындалды.
2021-жылы Кыргызстанда бак-даракты мыйзамсыз кыюу боюнча 201 факт катталганы маалымдалды.
Депутаттар жазгы талаа иштери учурунда күйүүчү майдын баасын кымбаттатпоо керектигин билдиришти.
2022-жылы айыл чарбасына 26 миллиард сом 6 пайыздык чек менен насыя катары берилери расмий маалымдалды.
Каракол-Эңилчек унаа жолуна кар көчкү түштү, жабыркагандар жок.
Ушул жылы Ош шаарына 35 миңден ашык дарак көчөтүн отургузуу пландалууда.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1002, 18-24-Февраль, 2022-ж.