Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДЕНЕГЕ ТАТУИРОВКА ЖАСАТУУНУН БААСЫ КАНЧА?

№242 22-28-июнь, 2007-ж.


ТАТУИРОВКАНЫН ТАРЫХЫНАН
Адамдын денесинде татуировка мындан 6 миң жыл мурун пайда болуп, алгачкы татуировканын ээлери египеттиктер болушкан. Негизи, татуировканын жөнөкөй түрү мындан да мурун пайда болгон. Алгачкы общиналык коомдо жашагандар өздөрүнүн кайсы урууга таандык экенин дал ушул денесине тартылган сүрөт­төрүнөн билишкен.
Татуировканын экинчи мекени болуп Япония менен Кытай өлкөлөрү эсептелинет. Бул өлкөлөрдө татуировканы кылмышкерлердин эн белгиси катары колдонушкан: Кытайлар “ит” деген иероглифти кылмышкерлердин маңдайына, япондор ушундай эле белгини кылмышкерлердин ийининин ички бөлүгүнө ысытып туруп басышкан. Ал эми япон аборигендеринин аялдарынын эринине, жаагына оюм-чийимдер түшүрүлгөн. Бул сүрөттөр ал аялдын күйөөсүнүн бар-жогунан, канча баласы бар экенинен кабар берип турган. Татуировкасы жок аялдан төрөлгөн баланы төрөлөөр замат өлтүрүп салышчу.
90-жылдардын орто ченинде Бишкек боюнча бир гана салондо татуировка жасалса, азыр дээрлик ар бир экинчи салондо жасалат. Биз татуировка жөнүндө маалымат алуу үчүн Бишкектеги “Люкс” салонунун кызматкери Сергей Янкиге кайрылдык.

«СУУ МЕНЕН КҮНДҮН НУРУ –
ТАТУИРОВКАНЫН НЕГИЗГИ ДУШМАНДАРЫ»

– Сергей, бул өнөр менен алектене баштаганыңызга канча болду?
– Татуировканы мен алгач 1989-жы­лы аскерде жүргөндө тарткам. Ага чейин адамдын денесине эмес, кагазга ар кандай сүрөттөрдү тартуу менин хоббим болчу. Адамдын денесине сүрөт тартууну бир ротада кызмат кылган жолдош баламдын колуна сүрөт тартуудан баштагам. Анда албетте, эч кандай аппараттын жардамысыз эле кадимки ручка, сүрөтчү­лөрдүн тушун колдонуп тарткам. Ал баланы көрүп ротадагы жоокерлердин баары, өзүбүздүн ротабыз аз келгенсип башка ротадагы жоокерлер мага денелерине сүрөт тарттыруу үчүн кезекке тизилип калышчу. Ошентип, мен аскерден кеткенче 300дөй адамдын денесине сүрөт тарткам. Аскерден келген соң куруучулук жакка иштеп кеттим. Көп жылдардан кийин гана бирөө­лөрдүн кеңеши менен бул кесипке өттүм. Ал эми бул салондо иштегениме жети жылга аяк басты.
– Азыр аскердеги тажрыйбаңыз менен эле иштеп келе жатасызбы?
– Кайдан? Аппарат менен иштегенди атайын Москвага барып профессионалдардан үйрөнүп келгем. Татуировка жасоо үчүн анча-мынча медициналык түшүнүк да керек. Мен бул жагынан да атайын билим алгам.
– Өзүңүздүн денеңизде татуировка барбы?
– Менин денемде эч кандай татуировка жок. Тарттыргым келет, бирок, профессионал татуировкачы катары башка бирөөгө ишенбейм. Өзүм болсо каалаган жериме тарта албайм.
– Биздин белгилүү инсандарыбыз да денесине сүрөт тарттырууну каалашабы?
– Мен иштеген салондун кызматынан белгилүү ырчылардын дээрлик 60-70 пайызы колдонушат, бирок, эмнегедир татуировка жасатууну эч ким каалабайт. Жаңы чыгып келе жаткан ырчы Алекс жакында эле келип “бир аз толоюн, анан денеме татуировка жасатам” деп кетти. Мындан башка эч ким деле кызыккан эмес. Татуировканын эң жөнөкөй түрү, башкача айтканда, кадимки маркердин жардамы менен сүрөт тарттыргандар болгон. Андай сүрөт 5-6 күн гана өчпөй турат.
– Чыныгы татуировкалар түбөлүккө сакталабы?
– Түбөлүктүү эч нерсе жок. Анын сыңарындай, бул да түбөлүк­кө ушул калыбында турбайт. Убакыт өткөн сайын боёктун өңү бозомук тартып, өчө берет. Ошондуктан, он жылда бир жолу үстүнөн жаңы түс берип коюу керек.
– Кардарларыңыздын кызматыңызга нааразы болгон учурлары болобу?
– Бири-бирибизди тү­шүн­бөй калган учурлар болот. Бир жолу бир кызга тату жасасам, эртеси күнү эле Түркияга учуп кетиптир да, көлгө түшүп алыптыр. Суу менен күндүн нуру – татуировканын негизги душмандары. Татуировка жасалган соң кеминде бир жума суу тийгизбей туруу керек. “Сен туура эмес жасаптырсың”,- деп мага нааразы болуп келиптир. Мен анын өзү эрежелерди сактабаганын далилдеп бердим.
– Денеге бир сүрөт тартуу үчүн канча убакыт сарпталат?
– Бул нерсе тандалган татунун көлөмүнөн жана сүрөттүн оор-жеңилинен көз каранды. Ашып кетсе эки саат тынбай жасагандан кийин дене чарчайт. Анан ишти токтотобуз да, бир жумадан соң кайра баштайбыз. Орточо көлөмдөгү татуларды кардар эки жолу келгенден кийин эле бүтүрүп коём. Ошондой эле менин колумдан сегиз ай бою жасалган татуировкалар чыккан.
– Татуировка каражаттарын кайдан аласыздар?
– Менде жогорку сапаттагы 28 түстүү боёк бар. Буларды заказ менен түз эле Америкадан алдырабыз. Ийнелерден болсо Таиланд­дыкын колдоном. Аларды бул жактан деле тапса болот.
– Тату жасатып жаткан адамга оорусу канчалык деңгээлде сезилет?
– Бул ооруну өзүм сезген эмесмин. Тату дененин эң үстүңкү катмарына тартылат. Андыктан, албетте, жагымдуу эмес, бирок, өтө катуу оорутууну сездирбейт. Кардарларымдын айтууларына караганда, каштын бир талын жулгандагыдай эле болот экен.
– Эгер сыр болбосо баалары кандай?
– 500 сомдон башталат. Эң майда көлөмдөгү жөнөкөй иероглифтерди ушундай баага жасаса болот. Андан ары жогорулап кете берет.

Маектешкен Азиза Сатимбекова

ТАТУИРОВКА КАНДАЙЧА ЖАСАЛАТ?

Денесине сүрөт тарттырууну каалаган кардар алгач калың каталогдон каалаган татуировкасынын түрүн тандап алат. Мастер менен кеңешкен соң мастер ал татуну кагазга ручка менен чиет. Дененин кайсы бөлүгүнө кандай көлөмдө тартылаары аныкталган соң алгач денеге карандаш менен тартылат. Күзгүдөн кардар сүрөттү көрүп, макулдугун берсе, ийне жана атайын боёк­тор колдонула баштайт.

ТАТУНУ КАЙСЫ УБАКТА
АСАТУУГА БОЛБОЙТ?

  • Сыркоолоп же температура көтө­рүлүп турган учурда;
  • Катуу мас болгон учурда;
  • Кандайдыр бир хроникалык оору козголуп турса;
  • Эгер психикалык жактан нормалдуу болбосо;
  • 18 жашка чыга электерге;
  • Аялдардын боюнда бар болсо.

Гезитибиздин өткөн санында денесинде татуировкалары бар чет элдик жылдыздар жөнүндө кабар берген элек. Бул жолу биздин жылдыздардын кимисинин денесинде татуировка бар экенине кызыгып сураштырсак, биздикилер мындай нерседен таптакыр алыс болуп чыгышты. «Мусулманчылыкта денеге так калтыруу чоң күнөөгө жатат» деген принцип менен көпчүлүгү тату жөнүндө тескери пикирлерин айтышты.
Сураштырып отуруп денесинде сүрөтү бар жылдыздардан жаш ырчы Микаэлди таптык. Микаэль татуировкаларын мындан үч жыл мурун моделдик агенттикте иштеп жүргөн кезинде тарттырган экен. Анын колунда, далысында жа­­на белинде чоң көлөм­дөгү татуировкалары бар. Бул сүрөттөрүн ырчы жөн гана кооздук үчүн тарт­тырганын айтты.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: