Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СҮЙҮҮНҮ КЕСИП КЫЛГАН КАЗАНОВА

№422 3-9-декабрь, 2010-жыл.


Тарых барактарынан

Котормочу, химик, математик, тарыхчы, финансист, юрист, дипломат, музыкант, карта кумарчысы, жашыруун агент, алхимик, жазуучу, легендарлуу катынпоз... Учурунда мына ушулардын баарын өздөштүрүп, өзүнө сиңирген адам болгон. Ал, албетте, аты тарыхта калган Жованни Жакомо Казанова.

АНКЕТАСЫ
Туулган жери жана жылы
– Италиянын Венециясы, 1725-жыл, 2-апрель.
Үй-бүлөсү – Үйлөнгөн эмес.
Кыдырган өлкөлөрү – Франция, Чехия, Германия, Швейцария, Англия, Орусия, Австрия, Испания, Түркия ж.б.
Жолугуп, баарлашкан тарыхый инсандары – Вольтер, Руссо, Вивальди, Суворов, Екатерина II, Фридрих II, Людовик ХV ж.б.
Чыгармалары – “Иксамерин” (фантастикалык 5 томдуу роман), “Менин жашоомдун тарыхы” (12 томдон турган мемуар), “Менин качуумдун тарыхы”.
1798-жылы 4-июнда Чехияда каза болгон.

ЖЕТИМ БАЛАДАН ДИН КЫЗМАТКЕРИНЕ АЙЛАНУУ
Жакомонун апасы Занетти Казанова актриса болгон. Ал эми атасынын ким экендиги боюнча толук маалымат жок. Баласы төрөлгөндөн көп өтпөй Занетти иштеген топ Орусиялык ханыша тарабынан чакырылат. Апасы Орусиянын сахнасын багынтып жүргөн учурда ымыркайды алыскы тууганы асырап алат. Ошондон көп узабай апасы каза болот. Тууганы Жакомону билимдүү дин кызматкери кылып чыгарууну чечет. Жакомо университетти бүтүп, диний семинариядан билим алууну улантат.
Сымбаттуу, кыз жандуу аббат (чиркөө кызматкери) кыздардын башын айлантууга жетише баштайт. Акыры бир күнү епископ аны сейил бакта бир аял менен кучакташып турганын көрүп калып, иштен кууп жиберет. Кабагым-кашым дебеген Жакомо Римге жөнөп, кызыл тилдүүлүгүнүн арты менен ал жактан өзүн колдой турган адамды таап, Рим Папасына кезигет. Бирок дин кызматкери болуусу бул жолу да көпкө созулбай, ал рясасын (аббаттын кийими) мундирге алмаштырат.

КАРА КӨЗДӨРГӨ АҢЧЫЛЫК
Аскерий тартип өзү үчүн эмес экенине көзү жеткен Жакомо иш издеп Корфу, Константинополго чейин барат. Венецияга кайтып келип, кумар оюндарына аралашат. Бирде утуп, бирде утулуп жүрүп, театрга музыкант болуп орношот. Скрипкада ойноп, белгилүү Вивальдини шыктандырып, анын жаңы чыгарма жаратуусуна себепчи болот. Мына ушул убактан тартып Жакомонун катынпоздук жолу башталат. Ал кыз-келиндерди мактап, белек менен көңүлүн алып, чечендигине салып тийишип, айтор, оюндагысына жетмейинче жаны тынчыбайт. Сулуу көздөр үчүн шаардан шаарга өтүп, керек болсо оюндагы аялга жетүү үчүн конок үйлөрүндө кызматчы же тамактануучу жайларда тейлөөчү болуп да иштеп жиберет.
Ал эң белгилүү куртизанкалар, ак сөөк жана күңдөр, айтор, түркүн аялзаты менен мамиле курат. Сүйүү Казанова үчүн турмуштук талап гана болбостон, кесип да болгон. Көбүнчө арык аялдарды жакшы көргөндүктөн, аларга кечелерде өзүн кантип алып жүрүүнү, бай эркек менен кантип мамиле түзүп, каалаган нерсени кантип өндүрүп алууну жана башкаларды үйрөткөн. Албетте, колунда бар аялдар мындай окуу үчүн көп акча төлөшкөн.
Жакомонун жүрүш-турушу жана катынпоздугу ал аралаган шаарларга, атүгүл улуттарга тарап, жергиликтүү бийлик аны моралдык жаман жүрүш-турушу үчүн куугунтукка алган учурлар кездеше баштайт. Анткени, биринчиден, ал кезде инквизиция өкүм сүрүп турган. Экинчиден, Жакомо бийлик башчыларынын, мен-мен деген ак сөөктөрдүн аялдарын да капканга түшүргөнгө жетишчү. Анын сексуалдуу кучагында болуу үчүн байлыгы менен бөлүшүүнү каалагандар четтен чыкчу. Жакомонун көз карашы менен жентльмендик мүнөзүнө кантип арбалып калганын аялдар өздөрү сезбей калчу делет.

УЛУУ КУМАРЧЫ ТҮРМӨДӨ
Бир ирет Венецияда тепкичтен сенатор Брагодиндин түшүрүп койгон катын көрүп калып, ага кайтарып берет. Жолдо чогуу баратышканда Брагодин өзүн жаман сезип, Жакомо аны үйүнө жеткирет. Сенатор аны өз үйүнө жашатып алат. Аялпоз каарманыбыз эми сыйкыр менен алектенүүгө өтөт. Анын курмандыктары сенаторго арызданып келишсе да, сенатор баарына көз жумуп коёт. Казанова байый баштап, гүлдөө доорун сүрүп, түркүн жоруктарга барат. Акыры иши сотко өткөндө Венециядан качып кетет.
Миланда, Болоньеде кумар оюндарын ойноп, чыр-чатактын үстүндө жүрөт. Парижге барып, анда бир аз жүргөн соң Венецияга кайтып келет. Ушул жерден аны кармап кетишет да, калпычылыгы жана сыйкырчылыгы үчүн түрмөгө камашат. Андан 1 жыл 3 айдан кийин качып чыгып, Парижге келет. Түрмөдөгү күндөрү тууралуу “Менин качуумдун тарыхы” деген китеп жазат. Эми ал министрдин ишенимине кирип, анын тапшырмасын ойдогудай аткарып берет. Өзүн бизнестен жана соодадан сынап көрөт, бирок кыялы ойрон болот. Ал кайрадан жер кыдырууга өтөт. Германияда, Швейцарияда болуп, Вольтер, Руссо менен жолугат. Флоренцияда Суворов менен баарлашат. Тагдыр бороону аны Флоренциядан куулуп, кайрадан Францияга кетүүгө аргасыз кылат.
Парижде бир ак сөөк айымга “сени кайра ымыркайга айлантам” деп андан чоң суммадагы акча алып, калпы билингенде Лондонго качып кетет. Бул шаардан аны Шарпийон деген айым тоноп, ал эми анын күйөөсү аз жерден катынпозду өлтүрүп коё жаздайт.

АЯЛ ҮЧҮН ДУЭЛГЕ!
Орусиянын чиновниктери менен кат аркылуу байланыш түзүп, алардын чакыруусу менен Санкт-Петербургга барат. Чиновниктер менен тил табышууга жетишкен Казанова император айымдын жеке катчысы же улуу княздын тарбиялоочусу болууну эңсейт. Император айымдын кабыл алуусунда 3 ирет болуп, бир нече ишкер сунуштарын айтат. Ал сунуштары кабыл алынбагандыктан, көп акча табуу тилеги таш каап, Варшавага келет. Ал жерден граф Браницкий менен дуэлге чыгат. Себепкери бийчи айым болот. Эки ок графтын кабыргаларын аралап кетет. Граф: “Сиз мени өлтүрдүңүз, эми качыңыз. Акчаңыз жок болсо, менин капчыгымды алыңыз!”- дейт. Бирок Жакомо анын акчасын албай чыгып кетет да, кийин графтын тирүү калганын угат. Дрезденге качкан Жакомо эми Венага барат, бирок өлкөдөн полиция аркылуу куулуп чыгарылат. Испанияга барып, баягы эле карта кумарчылыкты жана аялдар менен көңүл ачууну эрмектейт. Ошентип жүрүп түрмөгө түшөт. Түрмөдөн чыгып, Европаны кыдырып жөнөйт.

ӨМҮРҮНҮН КҮЗҮ
Эми ал Парижде Мамлекеттик лотереяны уюштуруучулардын бири болуп чыга келип, падышанын расмий өкүлү болуп жарыяланат. Лотерея билеттерин сатуудан таза киреше 600 миң франкты түзөт. Мунун артынан Жакомо да байып алат.
Өмүрүнүн күзүндө Чехияны турактап, граф Вальдштейндин чеп-сарайында китепканачы болуп ишке орношот. Жашоосунун акыркы күндөрүн ошол жерде өткөрөт. Учурда ал жердеги креслодо “Бул орундукта 1798-жылы 4-июнда Казанова каза тапкан” деген табличка турат. Айрым маалыматтар боюнча, анын өлүмүнүн себепкери табарсыктын инфекциясы жана венерикалык оору болгон.

СЫРТКЫ КӨРҮНҮШҮ, МҮНӨЗҮ...
Узун бойлуу, өзүн түптүз алып жүргөн Казанованын жылтырап турган көздөрүнөн боорукерлик менен шайырдыктан мурда каар менен таш боордукту күтүүгө болот эле. Сезимтал, кемчилигин айткан адамды жаман көргөн, аз күлгөн, зыкым адам болгон.

70 ӨНӨРДҮН ЭЭСИ

  • Пруссиянын падышасы Фридрих II менен инженер-гидравлик, аскерий кызматчы, салык боюнча акылман катары баарлашкан.
  • Латвияда кендин кожоюндарына кен казуу жаатында акыл-кеңештерди айткан.
  • Польшалык вельможа Браницкий менен тапанчадан атууда мелдешип, аны жеңген.
  • Швейцариялык биологго бул илим жаатында түркүн кеңештерди айтып, аны таң калтырган.
  • Казанованын башкы куралы сөз болгон.

АЯЛ ЖАНДУУЛУГУ, СҮЙҮҮСҮ ЖААТЫНДА...
Мемуарында Жакомо өмүрүндө бир нече жүздөгөн аял менен ойнош болгонун белгилеген. Казанованын өмүрүн изилдеген адам «Казанованын ойношторунун саны 132 гана болгон» деп маалымдайт. 20 жашында сүйгөн кызы өпкө оорусунан каза болгондон кийин ал «башкага үйлөнбөйм» деп өзүнө сөз берип, бойдок жашап өткөн. Кийин 40 жашында чоң сүйүүгө кабылган. Бир ирет сүйүктүүсүнүн өлүм алдында экендигин угуп, аз жерден өзүн атып сала жаздаган. Ошол күнү кечкисин укканы калп экендигин билип, жиндеп кетейин деген.

СЕКСУАЛДЫК СЫРЛАРЫНАН

  • Жүзүм десертин колдонгон. Эгер жаңы үзүлгөн жүзүм болбосо, мейизди пайдаланган. Ага кант жана каймак кошуп, үстүнө майдаланган жаңгакты сээп жеген.
  • Эртең менен жумуртканын сарысы кошулган коньяк иччү.
  • Анчоус (балык түрү) менен сууга бышырылган жумуртка да менюсунда болгон.
  • Шампан менен алчадан жасалган ликёр, каймак кошулган паштеттер да төшөккө каалоону күчөтөт деп билген.
  • Дүүлүгүүнү күчөтүүчү касиетке ээ деп суюк шоколадды карапа идишке сактап (таасири жакшы болсун үчүн) ичкен.

ӨМҮР ЖОЛУНА СҮРТҮМДӨР
Казанова тагдырын утурлаган адам болгон. Кедейден байга, барчылыктан кайра жокчулукка, түрмөдөн эркиндикке... Падышанын сарайынан сойкуканага... Бир эле учурда падышалардын, императордун, Рим Папасынын, куртизанкалардын, улуу калпычылардын досу жана касы болууга да жетишкен.

Венера Камалова
erotika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
03.12.2010. 21:15 
Тайпасы:
Кыймылы жок
Комментарийлердин саны:
42
Катталган:
25-08-2010
Соӊку аракети:
25-08-2014 12:51
Жынысы:
Белгисиз
Калаасы:
kubafinnka
0
Bul adam jonundo kop maalimatim jok bol4u ras bilip aldim
05.12.2010. 13:50 
Тайпасы:
Жаран
Комментарийлердин саны:
45
Катталган:
27-11-2010
Соӊку аракети:
12-08-2018 21:02
Жынысы:
Белгисиз
Калаасы:
Бишкек
0
Бунунар Белоруссияга барбаптырбы? чисто Бакиевко кидала жагынан! а билим жагынан ошол убакыттын мыкты адамы болсо керек.
06.12.2010. 01:47 
Тайпасы:
Кыймылы жок
Комментарийлердин саны:
38
Катталган:
05-11-2010
Соӊку аракети:
05-03-2011 13:26
Жынысы:
Белгисиз
0
sps za info!
15.10.2013. 16:59 
Тайпасы:
Жаран
Комментарийлердин саны:
69
Катталган:
14-10-2013
Соӊку аракети:
14-11-2018 18:22
Жынысы:
Белгисиз
Калаасы:
Баткен областы Баткен шаары
0
Ото кучтуу адам болгон экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: