Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАМБАЕВ, ТЕКЕБАЕВ ЖАНА БАБАНОВ Мурунку каталар эми кайталанбас...

№422 3-9-декабрь, 2010-жыл.


Мезгил үнү

КСДПга берилген мөөнөттүн бүтөрүнө үч күн калганда парламенттик көпчүлүк кайсы партиялардан куралары айкын болду. Башында эле коалиция дал ушул үч фракциядан: КСДП, “Ата Мекен” жана “Республикадан” түзүлөрү айтылган. Бирок биригүү эмне себептен ушул күнгө чейин созулду? Үч фракциянын бир жакадан баш, бир жеңден кол чыгарып калуусуна түрткү болгон эмне?

АТ АЙЛАНЫП КАЗЫГЫН ТАБАТ
Өткөн аптада коалиция түзүү боюнча көшөгө артында түркүн оюндар жүрүп, бирок парламенттик көпчүлүктүн курамы белгисиз болчу. Ошентсе да серепчилер идеясы жакын санаалаштар: КСДП, “Республика” жана “Ата Мекендин” бириге тургандыгын айтып келишти. Анткен менен аталган партиялар өз ара келише албай, буга “Республиканын” тоскоол болуп жатканы тар чөйрөгө белгилүү болчу. Ушул аптада республикабызда биринин артынан бири коштолгон кооптуу окуялар таасир бердиби, атайын создуктуруп жатышкандай болгон коалицияны куруу процесси жыйынтыкталды.
Ошентип, 30-ноябрь күнү КСДП, “Республика” жана “Ата Мекен” партиялары коалициялык макулдашууга кол коюшту. Аталган документ “Ырыс алды ынтымак” деп аталган. Алгач Өмүрбек Бабанов менен Алмазбек Атамбаев коалициялык макулдашуунун долбоорун жактырып, аны Өмүрбек Текебаевге өткөрүп беришти. Коалициялык макулдашууга келечектеги өкмөттүн курамы жана программасы камтылган. Ага ылайык Алмазбек Атамбаев өкмөт башчы, Өмүрбек Текебаев Жогорку Кеңештин төрагасы, ал эми Өмүрбек Бабанов вице-премьер-министрлик кызматка талапкер болуп чыкмакчы. Баса белгилөөчү жагдай, ар бир фракция коалиция түзүлгөн соң анын курамынан бир жылга чейин чыгып кетүүгө укугу жок. Эгерде коалиция өз ара ажырап кетсе, анда бул келишимдин арты менен кызматка келген аткаминерлер жана ЖКнын төрагасы да кызматынан кетет.

“АТА ЖУРТ” МЕНЕН “АР-НАМЫС” ОППОЗИЦИЯГА КЕТЕБИ?
Ошентип, парламенттик шайлоодо ээлеген орду боюнча биринчи жана үчүнчү болгон “Ата Журт” менен “Ар-намыс” партиялары коалицияга кошулбай калды. “Ар-намыс” КСДПнын коалицияга кошулуу сунушунан баш тарткан. Анткени “Ар-намыс” өкмөттү башкарууну колго алса гана коалицияга кошулууну, эгер Феликс Куловго премьерлик тийбесе, жакшысы, оппозициялык азчылыкта калууну туура көрдү.
КСДП менен “Ата Журттун” ортосунда да сүйлөшүүлөр жүрүп жатканы айтылган болчу. Бирок сүйлөшүүнүн жыйынтыгы айтылбады. Демек, эки партия тил табышпаган. Кантсе да жогорудагы эки партия оппозиция катары чоң күч боло алат. Буга чейинки ЖКнын чакырылышында бийликчил “Ак жол” партиясы 71 депутаттан турса, оппозициялык маанайдагы КСДПнын курамы 11 гана эл өкүлүнөн турган. Ага салыштырмалуу “Ар-намыс” менен “Ата Журт” биргеликте 53 депутаттан турат.

АЛМАЗБЕК АТАМБАЕВ – ӨКМӨТ БАШЧЫ
КСДПнын лидери Алмазбек Атамбаев коалициядагы лидерлердин ичинен эң улуусу, тактап айтканда, 54 жашта. Үй-бүлөдө төрт бир туугандын кичүүсү, 6 баланын атасы. Кесиби боюнча инженер-экономист. 1983-жылы Кыргыз ССРинин Жогорку Кеңешинин президиумунан анын саясий тажрыйбасы башталган. Ал эми Советтер Союзу ыдырап кеткенден кийин ишкердик менен алектенген. “Кыргызавтомаш” акционердик коомунун баш директору болуп, өлкөдөгү өнөр жай ишканаларында эмгектенип келди.
2000-жылы президенттик шайлоого катышкан. 2005-жылы ошол кездин оппозициясына кошулуп, Аскар Акаевдин бийлик режимин кулатышкан. Март ыңкылабынан соң Курманбек Бакиевдин командасы менен бийликке келип, кайра оппозицияга өткөн. Эки жыл ичинде массалык митингдерди уюштуруп жүрүп кайрадан бийликке келип, өкмөт башчылык кызматка дайындалган. Анда сегиз айча иштеген соң ажо Ак үйдөн "жылуу-жумшак узатып" койгон. Акыркы жылдары Курманбек Бакиевдин бийлигине каршы күрөшүп жүрүп, эми бир кездеги кызматы – премьер-министрликке кайтмай болду.

ӨМҮРБЕК ТЕКЕБАЕВ – ЖОГОРКУ КЕҢЕШТИН ТӨРАГАСЫ
“Ата Мекендин” башчысы Өмүрбек Текебаев 22-декабрда 52 жашка толот. Үй-бүлөдө беш бир тууган, эки кыз менен эки уулдун атасы. Кесиби боюнча мугалим, кийин юристтик жогорку билимге ээ болгон. Иш тажрыйбасын айылдагы мектепте физика мугалими болуп баштап, 1990-жылы Кыргыз ССРинин Жогорку Кеңешине депутат болуп дайындалган. Акыркы 19 жылда элге “түбөлүктүү оппозициячы” деген лакап ат менен таанымал болду. Анткени бир дагы жолу бийликтин камчысын чаап, аткаминердин креслосунда чалкалап отурган эмес.
Айтмакчы, эки ирет: 1995-жылы жана 2000-жылы президенттик шайлоого катышкан. 24-март окуясынан кийин ЖКнын төрагасы болуп дайындалып, бир жылдай парламентти башкарган. Бирок экс-президент Курманбек Бакиевдин жүргүзгөн саясаты менен келише албай, ал дагы көнүмүш адаты боюнча көчөнү тандап, Жогорку Кеңештин имаратынан чыгып кеткен.
Өмүрбек мырза кайра төрагалык орунга келгени жатат.

ӨМҮРБЕК БАБАНОВ – 1-ВИЦЕ-ПРЕМЬЕР
Парламенттик көпчүлүккө кирген лидерлердин арасынан эң жашы болгон Өмүрбек мырза кырктын кырында. Алты эже-карындаштын ичинде жалгыз эркек, өзүнүн үч баласы бар. Саясатка караганда ишкердиги менен таанылган атактуу “республикачы” 1993-жылы Айыл чарба академиясын аяктаган. Алгач бензин сатуу менен баштаган иши акырындык менен өнүгүп, Бабановду саясат айдыңына алып келген. 2005-жылы депутат болуп шайланып, кийин “Ала-Тоо” аянтындагы митингдерди уюштургандардын бири. Анын сары футболкачан элеси дале көпчүлүктүн көз алдынан кете элек.
Анан кайдан-жайдан эле Курманбек Бакиевдин командасына кошулуп, 1-вице-премьер-министрликке келген. Бирок өкмөт башчы Данияр Үсөнов министрлердин кабинетин башкарууга келгенде, ал кызматтан кетет. Тагдырдын тамашасыбы, коалициядагы эки санаалашы сымал кайрадан эле 1-вице-премьер-министр кызматына келем деп турат.

ЭМИ ИШТӨӨ КАЛДЫ...
Жаңыдан түзүлгөн “үчилтик” канчалык бекем жана кайсы убакытка дейре бирге болорун мезгил өзү көрсөтөт. Бирок эң маанилүүсү, “Ар-намыстын” башчысы Феликс Кулов айткандай, коалициянын курамы логикага ылайык түзүлдү. Кантсе да анын ичинен экөө революциянын уюштуруучулары жана анын жоопкерчилиги азырынча КСДП менен “Ата Мекендин” моюнунда. Ушул убакытка чейин үй-бүлөлүк-кландык башкарууга каршы күрөшүп келгендердин колуна минтип башкаруу чылбыры тийгенде, буга чейинкилердин катасын кайталабаса экен демекчибиз. Буга чейин өздөрү бийликке карата айтып келген сындарды эске алып, ынтымактуу, жоопкерчиликтүү иш алып барышар деген тилегибизди билдирели.

Эльвира Караева
koom@super.kg


«Супердин» сурак бурчу

ПАРЛАМЕНТКЕ ӨТКӨН ПАРТИЯЛАРДЫН ЫНТЫМАКТУУ
ИШ АЛЫП БАРАРЫНА КӨЗҮҢҮЗ ЖЕТЕБИ?

Алина Жетигенова,
46 жашта, ырчы:
– Кийинки күндөрү саясатты такыр түшүнө албай калдым. Азыр Султан Ибраимов сыяктуу эл үчүн кан-жанын аябаган патриот жок. Акча деген неме баарынын башын айлантып салды окшойт. Бул депутаттардын ынтымакта чогуу иш алып кетерине көзүм жетпейт.

Замир Дүйшөкеев,
49 жашта, пенсионер:
– Азыркы депутаттардын бир пикирге келе албай жатканы барып эле папке талашка такалат. Мындай көрүнүш жок дегенде дагы 2-3 айга созулат. Аңгыча карызга батабыз, чек ара жабылат, анан айла жок ишке киришишет.

Медер Темиркул уулу,
20 жашта, кароолчу:
– Иштеп кетерине көзүм жетпейт. Иштешсе эчак керектүү ишканаларды куруп, элди жумуш менен камсыз кылышмак да. Жаштардын көбү сай-сайлап чет өлкөдө жүрүшөт. Мен жакында эле Казакстандан келдим. Бирөөнүн элинде кул болгуча, өз жеримде иштегим келди.

Алмаз Айдарбаев,
23 жашта, жеке ишкер:
– Бүгүнкүдөй бир пикирге келе албай кайым айтыша беришсе, бири-бирине тиш кайрап калышат. Анан кантип ынтымакта иштешсин?! Көбү атын чыгаруу үчүн элге эптеп кызмат кылымыш этет да, кайра өз жандарын ойлошот.

Эдил Бообеков,
47 жашта, инженер:
– Текебаев спикер, Атамбаев премьер, Бабанов вице-премьер болобуз деп орун бөлүштүрүп алышты. Бирок бири-бирине баш ийгиси келбейт. Башында эле ыркы келишпегенден кийин бул депутаттардын келечеги барбы, жокпу, айта албайм.

Айгүл Илебаева,
35 жашта, мугалим:
– Ичтеринен бири-бирин жаман көрүшкөнү менен, сыртынан айласы жок иштешет да. Ынтымактуу болуп кетишпесе да, чогуу иштешкенден башка буларда жол жок. Бирок эл үчүн жакшы нерсе кылышарынан үмүтүм жок.

Динара Молдошева,
31 жашта, экс-депутат:
– Мамлекеттин стабилдүүлүгү азыркы депутаттардын иш-аракетинен, ынтымагынан көз каранды. Конституцияда фракция арасындагы тартип жазылган эмес. Эми бир аз чыдап турсак, ынтымакка келишер.

Сүйүн Кулматова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
04.12.2010. 10:33 
Тайпасы:
Кыймылы жок
Комментарийлердин саны:
3
Катталган:
04-12-2010
Соӊку аракети:
17-12-2010 20:42
Жынысы:
Белгисиз
0
Айланайын атка минерлер жесенер жегиле дагы элди да ойлоп койгула Силерден умутубуз чон
04.12.2010. 16:15 
Тайпасы:
Кыймылы жок
Комментарийлердин саны:
103
Катталган:
16-10-2010
Соӊку аракети:
11-02-2012 08:53
Жынысы:
Белгисиз
0
анан оз балдарыныздардын неберелериниздердин келечегин оилоп иш кылсаныздар .Кыргызстан мамлекетебиз дуйно жузунон жоголуп кетпесин каалабаит элек коз арткандар коп бизге. эн негизгиси оилонуп иш кылыныздар силерге чон ишенич
04.12.2010. 17:35 
Тайпасы:
Жаран
Комментарийлердин саны:
28
Катталган:
04-12-2010
Соӊку аракети:
31-07-2018 10:42
Жынысы:
Белгисиз
0
козум жетпейт, орун алмашканда сумма озгорбойт,бул азыркы парламент ААА да Бакста да иштеп келген, ичип жеп конгондор, талашканы бийлик ошол эле, 1 айдан бери иштеше элек, бирок айлык алышат.... Элиди ойлошпойт... Чыдайлы... Умут узбойлу туугандар.
05.12.2010. 21:41 
Тайпасы:
Жаран
Комментарийлердин саны:
130
Катталган:
29-11-2010
Соӊку аракети:
15-11-2018 20:07
Жынысы:
Белгисиз
0
Chet olkogo baryp jashajly desek ajkta jatpys, osubuzdun olkodo zarplatByz ech nersege jetpejt, ushundaj kyjnoolordon bizdi aryltpaj, bajagy ele sajasatchylardyn '' min Bit tunu'' butpojt.


06.12.2010. 22:53 
Тайпасы:
Кыймылы жок
Комментарийлердин саны:
150
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
надежда умирает последней... дегендей будем надеется на хорошее...
09.12.2010. 22:11 
Тайпасы:
Кыймылы жок
Комментарийлердин саны:
2
Катталган:
05-04-2010
Соӊку аракети:
06-07-2013 16:45
Жынысы:
Белгисиз
0
биздин азыркы чондорго ишенич жок,баары окшош жегичтер билбейм бирок кудай алдында ант беришкен элден коркпосо да кудайдан коркушаар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: