Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№423 10-16-декабрь, 2010-жыл.


(Башы өткөн сандарыбызда)

– Өзү айтты. “Айдайды мага берсеңер болду. Каалаган окуу жайына тапшыртам. Бапестеп багам. Кадырына жетем. Бактылуу кылам” дейт.
– Айдай ошого тийсе эле бактылуу болуп калат бекен?
– Кекетпе. Сен азыр жашсың. Сүйүү деле өтөт. Сүйүү менен эле курсагың тоюп калбайт. Жашоодо андан башка да маанилүү нерселер бар.
– Арстан мени ач калтырбайт.
– Арстанды унут дебедимби сага! Атаңды аясаң, аны унутасың. Атаңды ойлосоң, Элдарга турмушка чыгасың.
– Атама анын кандай тиешеси бар?
– Аны Москвага алпарып, операция жасатууга макул болду. Ооба, азырынча атаң муну билбейт. Бирок күйөө баласы доктурга көрсөтөм десе баш тартмак беле?
Ой, шүмшүк десе, карачы, баарын кылдат ойлонуштуруп, пландап коюптур. Адамдын талуу жери каерде экенин да билет.
Апа, апоо, суранам, мага жардам берчи. Жаным кыйналып кетти, мага кеңеш берчи. Айтчы, эмне кылайын? Атам – менин эң жакыным. Аны кыйын күнгө кантип таштайм? Жанынын кыйналганын кантип чыдап карап турам? Арстанчы? Анын көзүн жалдыратып туруп кантип таштап кетем? Ушундан көрө жанымды кыйып салсамчы? Денем дүр-р дей түштү. “Ошондо эле жыргап кетмек белең? Атаңды жакшы көргөнүң ушулбу? Ал ыйдан, кайгыдан эрте күндө соолуп калбайбы. Арстанчы? Ал сенин каза тапканыңды билсе, өз жанын кыйгандан кайра тартпайт. Андан көрө, чын эле, тигил Элдарга турмушка чыгып кет. Ошондо Арстан сага эрегишип болсо да жашайт. Атаңды да сактап каласың. Эң жакын эки адамыңды эрте күндө өлтүрүп алып шорго малынгандан көрө, өзүңдү курмандыкка чалып, ушул жолго барганың жакшы”. Ичимден кайсы бир үн ушул нерселерди айтып жатты. Түшүмдө да кимдир-бирөө кулагыма ушул сөздөрдү шыбырагандай болду. Негедир апакемдин үнүнө окшоттум. Уйкудан ойгонгондо ошону эстеп, “демек, апам ушул жолду туура көрүп жатыптыр” деп жеңилдей түштүм. Балким, апамдын деле үнү эместир. Бул учурда мен үчүн бир гана туура жол ушул болуп туруп албадыбы. Апам менин чечимимди колдосо деп ичимден тиледим окшойт.
Достор, балким, менин жоругумду түшүнбөссүздөр. Балким, “байлыкка кызыкты” дээрсиздер. Андай эмес. Арстаным. Бир күнү болбосо бир күнү мени кечирер. Мындан башка айлам жок. Атамды тезинен дарылатуу керек. Өзүм мектепти эми гана бүткөн кыз болсом, Ажар деле үйдөн карыш басып чыкпаган, өз алдынча иштеп көрбөгөн аял болсо, үйдү кыймылдаткан, бүткүл иштин баарын бүтүргөн да атам. Анан ал киши ооруганда Ажар экөөбүз кантмекпиз? Мейли, мага кызыгып жаткан болсо, ошол кишиге турмушка чыгайын. Эмнеси болсо да, атамды аман алып калышым керек. Ушундай чечимге келдим. Эми ал жолдон мени эч ким кайтара албайт. Арстан болсо, бир өмүр менин сүйүүм, арманым болуп кала берет.
– Ай кызым ай, кызым, көпөлөгүм менин, сары кызым менин. Мынчалык шашпасаң болор эле. Окуп, билим алсаң, өзүңө тең бирөө чыгар эле. Дагы да ойлонуп, акыл калчап көрчү?
Атам мени айныта албай күнү кечке убара тартты. Алгач Элдар менен агасы келгенде кабарды угуп, чалкасынан кеткен.
– Эмне дейт? Айдайдыбы? Бар, чыгып кеткиле! Өзүм кубалап жибере элегимде сыйыңар менен чыгып кеткиле. Силерге бере турган кызым жок!
Өз сөзүнө өзү муунуп, каары кайнап чыкты. Азыр жыгылып калат экен деп коркуп, кандайча алар отурган бөлмөгө жүгүрүп киргенимди билбейм.
– Атоу, ата, анчалык жинден­беңиз, өтүнөм.
– Кызым, көрүп турасыңбы мобу акмактарды? Сенин колуңду сурап келишиптир.
– Билем, билем, ата. Элдар байкени жакшы тааныйм.
– Эмне?!
– Атаке, мени кечириңиз, өтүнөм. Мен бул кишини тааныйм. Кадырыма жетет деп ишенем.
– Кызым, сен али жашсың. Турмушту ойлонууга эрте.
– Ата, Айдарга окшогон акмактар мени тынч коюшпайт. Турмушка чыгып, анан окууга тапшырсам туура болчудай. Сиздин да көңүлүңүз тынч жүрөт.
– Бул ойлорду кайдан алган­сың? Москвада Арстан күтүп жүрбөйбү. Ал “Айдай окууну бүтөрү менен аттестатын колуна карматып мага тапшырасыз, сөзсүз окушу керек” деп канчадан бери план түзүп жүрбөйбү?
Оххх, жүрөгүм, атаке, суранам, ошол ысымды дал ушул мүнөттө атабай туруңузчу, суранам сизден! Арстан, Арстан, сени канчалык сагынганымды билсең гана.
– Сени окутпай күйөөгө берип жиберсек, Арстан апаң экөөбүздү эки чайнап, бир жутуп ийбесин. Мен ага сөз бергем, балам. “Айдайды аттестат алган күнү эле самолёт менен салып жиберем” деп сөз бергем. Мына, кечээ күнү эле сүйлөштүк. “Неге телефону өчүк?” деп тынчсызданып жатат. Агаңдын да көңүлүн оорутасың, балам. Кой, мындай оюңдан кайт.
Арстандын атын уккан сайын жанагы чечкиндүүлүгүм жоголуп, мокоп бараттым. Чын эле, Арстандан ушинтип оңой эле баш тартып коёмбу? Чын эле, Арстан эмес, башка эркекти жаныма жолотомбу? Жок! Жок, мындай болбойт! Өзүмдү Арстанга гана арнайм.
Башым айланып, тизелерим титирей, алсырап отура калдым.
– Айдай!
Төрдө отурган Элдар ошончо чоң кебетеси менен ыргып туруп, мени жыгытпай кармап калды.
– Сага эмне болду, Айдай?
Колдору түктүү экен. Ошону көрүп, денем жыйрыла түштү.
– Кечиресиздер.
Эптеп ушул сөздү айтып, конок бөлмөдөн атып чыктым. Атам эмне кыларын билбей, башын мыкчып кала берди. Кандай сөзгө токтолушту билбейм, айтор, жанагы экөө жарым саатча отуруп, анан кош айтышып чыгып кетишти.
– Макул, эртең саат экилерге келели, Мукай ага. Ачууга алдырбай, акыл калчап иш кылалы. Жакшы туруңуздар.
Демек, эртең кайра келишет. Атам аларды өзү айткандай, кубалап жибербептир.
Эртеси атам ооруп калды. Мен баарынан да ушул нерседен корккон элем. Кечээ эле күүлүү жүргөн атакем төшөктөн тура албай жатып калса боло. Дарыгерге алпаралы десек, дегеле так секирип болбойт. Же мага, же Ажарга сүйлөбөйт. Түнү бою тигиниси кулак-мээсин жеп чыкты да. Экзамен тапшырганы барышым керек эле, атамды ойлоп, жанынан карыш чыгалчудай эмесмин. Менин кыйылып турганымды сезди окшойт, кабагын чытып урушуп, кубалап калды.
– Тиякта экзамени башталганы жатса, бул кыз эмнеле үйдөн чыгалбай жүрөт? Кандай камырабаган жан? Илгери биз мамлекеттик экзаменге күнү-түнү китептен баш көтөрбөй даярданчу элек. Бул кыздын даярданганын да байкабадым.
Кой, атамдын нервин сынабастан, ушунчасында жөнөп калайын. Түнү бою кирпик какпай чыгып, башым ооруп араң келгем, класска киргенде эле жагымсыз жагдайга туш болдум. Биз менен параллель класста Айдардын бир тууган карындашы окучу. Ошол отуруптур. Кыязы мен тууралуу сөз кылып жатса керек, кирип келгенимде мурдун чүйрүй сүйлөнө кетти.
– Мына, өзү да келди. Кааласа бир тууганы менен көңүл ачат, кааласа Айдар өңдүү бечаралардын башын айлантат. Анан минтип бай бирөөнү табат да, баарын кидать этип кете берет. Тимеле периштенин өзү.
– Айт, оюңду дагы айтып кал. Колуңдан эмне келер экен? Сенин алдыңда отчёт берип турууга милдеттүү эмесмин. Өзүм эмнени туура деп чечсем, ошону жасайм. Менин турмушума башыңды оорутпай эле кой. Баса, агаңды бечара деп аташтын кереги жок. Айдарга окшогондор эч качан бечара болушпайт.
Экөөбүз дагы канчага чейин айтышар элек ким билсин. Бирок класс жетекчибиз кирип калды.
Баарынан жаманы, жан курбум Асел мага сыртын салып калыптыр. Ушунчалык көөнү таза кыз да. Башка адам болсо, Арстан экөөбүздүн ортобузда кандай мамиле бар экенин эчак эле билип-туюп бүтмөк. Арстан дайыма буга чалып, шашпай сүйлөшүп, менин ал-акыбалымды сурап, дайындаса, бир туугандык мамиле катары сезип жүрө берди да. Эми гана экөөбүздүн мамилебиз такыр башка экенин түшүнүп, не кыларын билбей алдастап отуруп калды. Анткени Арстанды өтө катуу сүйөт. Анысын билем. Кана эми, сага жардам бере алсам... Көкүрөгүңдү өрттөп жаткан кызганычты, жинди сонун эле түшүнүп турам, Асел. Кана эми, сага жардам бере алсам, ошол өрттү өчүрө алсам... Сен эмес, менин көкүрөгүмдөгү жалынды өчүрөргө киши жок.

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
10.12.2010. 17:47 
Тайпасы:
Жаран
Комментарийлердин саны:
31
Катталган:
06-09-2010
Соӊку аракети:
20-09-2018 18:56
Жынысы:
Белгисиз
0
бара бара кызыкту болуп баратат кийинки саны качан чыгат эми
10.12.2010. 18:05 
Тайпасы:
Кыймылы жок
Комментарийлердин саны:
6
Катталган:
11-11-2010
Соӊку аракети:
16-07-2015 20:36
Жынысы:
Белгисиз
0
chon rahmat.
10.12.2010. 18:36 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Кобуроок эле жазгылачы-ы-ы, ммм, сураныч.
11.12.2010. 09:48 
Тайпасы:
Жаран
Комментарийлердин саны:
154
Катталган:
20-11-2010
Соӊку аракети:
20-09-2018 14:39
Жынысы:
Белгисиз
Калаасы:
Жалал-Абад
0
Уфффф!!!! Дагы бир жума кутомбу?!
12.12.2010. 14:14 
Тайпасы:
Жаран
Комментарийлердин саны:
11
Катталган:
27-09-2010
Соӊку аракети:
16-10-2017 22:35
Жынысы:
Белгисиз
0
Бир жума бир жылга тете болуп кетип жатат го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: