Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АНАСТАСИЯ ЗАВОРОТНЮК

№242 22-28-июнь, 2007-ж.


Бала багуучулардын үлгүсүнө айланган Анастасия Заворотнюкту кимдер тааныбасын?! Настянын сериалга тартылганга чейинки жана кийинки тагдыры тууралуу кабарыңыз барбы? Эмесе, “Дүйнө жылдыздары” рубрикабыздын бүгүнкү санынан бул суроого жооп алууга шашылыңыз.

КИЧИНЕКЕЙ ЖАРДАМЧЫ
Анастасия Заворотнюк 1973-жылдын 3-апрелинде Астраханда чыгармачыл адамдардын үйбүлөсүндө төрөлгөн. Атасы Юрий Андреевич телережиссёр, ал эми энеси Валентина Борисовна театр адамы болгон. Настя кичинекей чагында эле “актриса” деген сөздү так айта албаганына карабай кийинки турмушу тууралуу ойлонуп, болочокто белгилүү актриса болууну чечкен. Апасы театрда иштегендиктен, балалыгы сахна көшөгө­сү­нүн артында өттү десе болот. Өзү беш жашар кичинекей кыз болсо да, спектаклдердин баарын жатка билчү. Алтургай кайсы артист кайсы жерден эмнени айтуу керек экендигин да алдын-ала билчү экен. Кээде актёрлор сөзүн унутуп калышса, сахнанын түбүнө туруп алып аларга жардамдашып шыбырап, сценарийдеги сөздөрдү айтып турчу. Настяны бул жоругу үчүн “жолтоо болосуң” деп театрдын сыртына чыгарып салганына карабай кайра кирип алып, кээде сахнада жүрүп жаткан спектаклди да бузуп, үзүндүгө дуушар кылчу эле.
Кийинчерээк мектепте окуп жүргөн учурда ыр-бийге кызыгып, ийримдерге да катышчу.

ЖАҢЫЛЫШ ТАНДОО
Астрахань шаарындагы №37-мектепти аяктагандан кийин апасынын кеңеши боюнча ошол эле шаардын педагогикалык институтутунун тарых факультетине тапшырат. Бир жылга жетпеген убакыт билим алгандан кийин мындай чөй­рө­нүн адамы эмес экенине көзү жеткен жана бул жерде башка бирөөнүн ордун ээлеп, өзүнүн кесиптик орду бош турганын түшүнүп, бул окуу жайдан биротоло кол үзүүгө баш байлайт. Настянын мындай чечимин атасы да колдоп, апасына “археологиялык казып текшерүү иштери боюнча Москвага кетип жатабыз” деп искусство институтуна тапшырууга жол тартышат. Алгач ГИТИСке өтпөй калганына кайгырып, кайра Астраханга кетүүнү ойлоно баштайт. Кызынын талантына ишенген атасы МХАТты көздөй багыттаган. Жыйынтыгында, кирүү сынактарынан өтүп, Авангард Леонтьевдин курсуна кабыл алынат. 1993-жылы окуусун ийгиликтүү аяктап чыккан.

КАРЬЕРАГА КАДАМ
Настянын таланттуу экени студент кезинде эле байкалып, 1991-жылы алгачкы жолу “Машенька” фильминде роль ойноп, образ жараткан. Эки жылдан кийин Аркадий Сиренконун “Лихая парочка” комедиясына катышат. Үчүнчү курста “Дон Жуан” спектаклинде ойноого чакыруу алган болсо, төртүнчү курста Владимир Машков Анастасияны өзүнүн театрына чакырып: “40 мүнөттүн ичинде сен таланттуу экениңди мага далилдей алсаң, сага чоң мүмкүнчүлүк берем”,- деген. Настя учурдан пайдаланып, эч кимге окшобогон өзгөчө­лү­гү бар актриса экенин көр­сөтө алган. Бул театр-сту­дия­да Настя 10 жыл толугу менен эмгектенип, ошол убакыт аралыгында 29 спектаклде роль ойноого жетишет.

ҮЙБҮЛӨ КҮТҮҮ
Анастасия Заворотнюктун биринчи күйөөсү немис улутунан болгон. Бир көрүп эле сүйүүгө кабылганын айтып, Настянын артынан үч күн калбай ээрчип, “сиз королевасыз” деген сөзүн миң ирет кайталаган. Ал эми төртүнчү күнү баш кошуу сунушун киргизип, Анастасиянын макулдугун алат. Көп узабай Настя театрдагы жумушун да таштап, Германияга сапар тарткан эле. Тилекке каршы, кайрадан эле жаш жубайлардын турмуш жолу эки айрылып, Настя күйөөсүнүн кызганчаактыгына жана орой мамилелерине туруштук бере албай, мекенине баса берген.
Жашоосунда дагы бир сүйүү отуна кабылуусуна Жаңы Жыл тосуу мааракеси себепкер болгон экен. Жакындарына жаңы жылдык белек сатып алуу максатында дүкөнгө барып, бир топ сувенир сатып алган. Мындай учурда автоунаанын зарылдыгы чоң эмеспи. Жол жээгинде турган сулуу жүздүү актрисага бул жолу жардам берүү үчүн чет элдик маркадагы машина келип токтогон. Мындай жардамга муктаж болуп турган Настя эч каршылык көрсөт­пөстөн, тез эле машинага отуруп алат. Жолдон экөө таанышып, кийинки жолугушуу тууралуу макулдашышат. Дмитрий аттуу жигиттин жанына жакын адамы болоорун алдын-ала сезгендей болгону менен анын үйбүлөсү жана бир кызы бар экендиги чоң маселеге айланган. (Дима ошол кезде эле жеке ишкер болчу, учурда “Тойота-Вешняки” техникалык борборунун башкы директору). Ал күнү көрсөткөн жардамы үчүн ыраазычылыгын билдирүү максатында Дмитрийди үйбүлөсү менен театрга чакырган. Ушундан кийин Дима үч күн катары менен Настянын жеке айдоочусу катары кызмат көрсөт­көн. Эң кызыктуусу, Настянын тагдырына ушундай адамдарды жазганбы, айтор, мурунку немис күйөөсүндөй болуп төртүнчү жолку жолугушууда түбөлүк­түү жары болуусун өтүнүп, Настянын колун сураган. “Дима да өтө чечкиндүү адам болгондуктан, экөөбүздүн тең башыбыз бош болбогонуна карабай мындай чечимге болгону төрт күндүн ичинде эле келгенбиз. Керек болсо ата-энебизге билдирбестен, баш кошконубузду экөөбүз эле жөнөкөй майрамдап койгонбуз”,- дейт бул тууралуу актриса. Бир аз убакыттын өтүшү менен Аня аттуу кыздуу болушкан. Жубайлар бир орунда отура берүүнү жактырышпагандыктан, кызынын төрөлүшү менен ишкердүүлүктүн жолуна түшүп, Америкага сапар тартышат. Ал жакта үч жыл толугу менен жашашат. Ал эми кез-кези менен Москвага келгенде сахнага чыгып спектаклдерде ойноп калгандыктан, өзүнүн ыйык кесибин биротоло таштаган эмес. Жүрөгүндөгү оргуп турган талантынын баркын көтөрүүнү чечип, “Американын майрам шаары” атка конгон Лос-Анжелести да сүйгөнүнө карабай Россияга кайтып келет. Лос-Анжелесте жүргөндө жубайлар Майкл аттуу уулдуу болушкан. Учурда баласы Миша менен кызы Аня британиялык жеке менчик мектепте билим алышууда.

«МОЯ ПРЕКРАСНАЯ НЯНЯ»
Бул сериалга тартылуу сунушу түшкөн учурда Настя Анапа курортунда балдары менен эс алууда жүргөн эле. Телефондук сүйлөшүүдөн кийин дароо эле Москвага жол тартат. Ал эми кастинг тууралуу билген да эмес. Сынак өтүп жаткан жерге келгенде гана Настядан мурда бул ролго 1,5 миң киши ат салышканынан кабар алган.
Сериалга тартылуу Анастасиянын жеке жашоосуна бир канча өзгөрүүлөрдү алып келди. Таң аткандан күн батканга чейин тасмага тартылуулар. Үйдөгү жумуштарга, балдарына убактысы артпагандыктан, бала багуучунун ролун жаратам деп өзүнүн балдарына бала багуучу жалдоого туура келген. Ал эми “сериалдагы Виктория менен чыныгы Анастасиянын айырмасы барбы?” деген суроого Настя: “Таптакыр башкача адамдарбыз”,- деп жооп берет. “Моя прекрасная няня” сериалына тартылуу Настянын гардеробуна да өзгөртүүлөрдү киргизди. Эгерде мурда кара түстөгү денесин толук жапкан кийимдерди кийген болсо, эми кыска жана алыстан көз чакырган ачык түстөгү кийимдерди кие баштады. Ошондой эле көптөгөн комплекстерден арылды десе болчудай.

БУЛАРДАН ТЫШКАРЫ...
Сериалга тартылуу Настяны сүйүктүү театрынан чыгуусуна алып келди. Азыр бир гана “Все как у людей” спектаклинде ойнойт. Андан тышкары, алпаруучулук жагдайы да бар. 2005-жылы Киев шаарында өтүүчү “Хорошие песни” берүүсүн Александр Цекало менен биргеликте алып барчу. Жергиликтүү каналдардын биринде “Кухня для чайников” кулинардык берүүсүнүн да телеалпаруучусу болгон. Бул жакка болсо алгач жөн гана конок катары келип тартылган эле. Берүүнүн жетекчилиги Настянын талантына ашык болуп, чогуу иштешүүнү сунуш кылган. Жогоруда айтылгандардан тышкары Настя Киевдеги “Взрослое радио” толкунунда “Радионяня” берүүсүн алып барат. Бул берүү тамашалуу болгондуктан, Настя «кантип тумар тандоо керек?», «балага ат коюуда эмнелерди эске алуу зарыл?» деген сыяктуу суроолор жана элдик медицина боюнча кеңештерди чеберчилик менен күлкүлүү кылып элге жеткирет.
Аткарган иштеринин акыбети кайтып, 2005-жылы 18-ноябрда эң мыкты роль жаратуучулугу үчүн “ТЭФИ” сыйлыгын алган.

КЫЗГАНЧААК КҮЙӨӨЛӨР
Анастасиянын маңдайына жазган тагдыры ушундайбы, айтор, күйөөлөрүнүн кызганчаактыгы турмушунда ар кандай маселелердин жаралуусуна алып келүүдө. “Моя прекрасная няня” сериалынан кийин пикир келишпестиктердин жана кызганычтын айынан жолдошу Дмитрий Стрюков менен ажырашып кетишкен эле. Мунун себеби кинодогу дагы бир баш каарман Сергей Жигунов менен аткарган сюжеттер болгон. Мүлк бөлүшүүдөн Настяга бир миллион доллардын тегерегиндеги акча тийген жана бул акчага Москванын белгилүү райондорунун биринен үч бөлмөлүү квартира сатып алган. Андан тышкары, белек катары Дима Настяга “Мерседес” маркасындагы машина калтырган экен.
Заворотнюктун турмушундагы дагы бир кызганчаак жакын адамы – белгилүү актёр Сергей Жигунов. “Сергей менен Настя кинотасмага тартылуу учурунда эле жакын мамиледе боло башташкан” деген сөздөр да бар. Бирок, бул кылыктарын эч моюндарына алышпай: “Биз жөн гана камера алдында өз кесибибиз менен алектенип келебиз”,- деп танып, үйбүлөлөрүнөн жашырып келишкен эле. Убакыттын өтүшү менен Настя мурунку жолдошу Дима менен ажырашкандан кийин экөөнүн мамилелери ачыкка чыга баштаган. Аларга далил катары “Две звёзды” теледолбооруна ээрчишип келишип, ээрчишип кетишкендерине баары эле күбө. Алтургай Настя Дима менен урушуп кеткенде жардамга биринчи эле Сергейди чакырган. Сергей келе албай калгандыгы үчүн Настя бир топ убакытка чейин таарынып да жүргөн болчу. Экөөнүн ортосундагы сүйүү мамилесинин бар экенин Домбайга чогуу барып келгендери да далилдейт. Бирок, акыркы убактарда сүйүшкөндөр бири-бирине таарынып жүрүшөт. “Моя прекрасная няня” сериалы аяктагандан кийин Сергей Настя менен дагы да чогуу болуу максатында жаңы тартылып жаткан “Код апокалипсиса” киносуна чакырат. Кийинчерээк Сергей бул фильмдин продюсерлигинен көп акча сарптагандыгы үчүн четтетилген. Ага карабастан күнүнө бир канча жолу телефон чалып, Настядан дайыма кабар алып турчу. Фильмдин режиссёрлору: “Мындай кылыгың менен ишке тоскоол болуп жатасың”,- деп телефон чалууга да тыюу салышкан эле. Мындан тышкары, бул тасмада Настя биринчи ирет жылаңач денесин көргөзүп, Оскар Кучера менен сүйүү сюжетин аткарган. Муну көргөн Сергейдин кызганыч оту жанып, андан бетер кыжырданууда. Анткени, Жигунов бул фильмге продюсерлик кылып турган учурда мындай сюжет киргизилген эмес эле.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: