БИР БҮРКҮМ. ДИПЛОМ ТЕКШЕРҮҮ УЛАНУУДА...

Унаалардын алдынкы эшиктеринин айнектерин караңгылатып жүрүүгө уруксат берчү мыйзам долбоорун парламенттин тийиштүү комитети колдоду.
Бишкекте “Түндүк электр” ишканасына мыйзамсыз туташуу менен иштеп жүргөн майнинг-ферма табылды.
УКМК жогорку окуу жайлар тарабынан берилген дипломдорду текшерүүнү улантууда.
Өзгөчө кырдаалдар министрлиги 54 өрт өчүрүүчү унаа алганы айтылды.
Билим берүү жана илим министрлиги: Өлкөдө жакырчылыктын айынан мектепке барбай калган 201 бала бар.
14-мартка карата Токтогул суу сактагычында 7 миллиард 944 миллион метр куб суу калды.
“Мегаком” компаниясынын мурунку директору, экс-депутат Акылбек Жамангулов алдамчылыкка шектелип кармалып, 2 айга камакка алынды.
ИИМ: Каржы пирамидасы адамдарды алдоо менен өнүгүп жатат.
Мураталы Тагаев Жети-Өгүз районунун акими болуп дайындалды.
Энергетика, өнөр жай жана жер казынасын пайдалануу мамлекеттик комитетинин мурдагы төрагасы Жыргалбек Сагынбаев кармалганын Башкы прокуратура билдирди.
Жогорку Сот Алмазбек Атамбаевди 11 жылга эркинен ажыраткан өкүмдү күчүндө калтырды.
Депутаттар 17-мартта Орусиядан келе жаткан ун, май, кумшекер ташыган вагондор Казакстан менен Орусиянын чек арасында туруп калганын айтып чыгышты.
18-марттан 21-мартка чейин өлкөдө абанын температурасы төмөндөй турганы кабарланды.
Кыргызстанда доллардын куну арзандай баштады.
Кыргызстанда бензиндин 2 аптага жетерлик кору калганын 16-мартта Мунай ташуучулар ассоциациясынын башчысы Канат Эшатов билдирди.
Жусупбек Коргонбай уулу, депутат: "Айрым блогерлер саясатчылардан 10-20 миң сом сурап, дубана эле болуп калышты".
Казакстандын президенти Касым-Жомарт Токаев быйыл Кыргызстанга расмий иш сапары менен келери белгилүү болду.
Бишкекте мектеп окуучулары үчүн жол кирени арзандатуу маселеси каралып жатканы айтылды.
Эсенбек Кылжыров “Бишкек жашыл чарба” ишканасынын директору болуп дайындалды.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1006, 17-24-март, 2022-ж.