1-АПРЕЛДЕ 309 МИҢ АДАМДЫН АЙЛЫГЫ КӨТӨРҮЛӨТ

2022-жылдын 1-апрелинен тарта Кыргызстанда 309 миң адамдын айлык акысы көтөрүлөт. Бул тууралуу 24-мартта маалымат жыйынында каржы министри Алмаз Бакетаев билдирди. Айлыгы жогорулай тургандар: мугалимдер, дарыгерлер, маданият кызматкерлери жана социалдык кызматкерлер.

– Президент алардын айлык акысын 50 пайыздан 100 пайызга чейин көтөрүүгө шарт түзүү зарылдыгын айткан. Орточо алганда мугалимдердин айлыгы 80 пайызга өсөт. Эгер жаңы модель боюнча эсептесек, анда тажрыйбасы жок жаш мугалим 20-21 миң сомдон айлык алат. Бүгүн алардын айлыгы 4-7 миң сом,- деди министр.

Буга чейин укук коргоо органдарында иштегендердин жана энергетиктердин айлыгы да 1-апрелден тарта көтөрүлөрү айтылган. Бирок алардын айлыгын 1-августтан тартып жогорулай турганы маалымдалды. Айта кетсек, 2021-жылдын 1-январынан тарта Кыргызстанда прокурорлордун айлыктары жогорулаган.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1007, 25-31-март, 2022-ж.