Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ХИРОМАНТИЯ ТАГДЫРЫҢЫЗ ӨЗ КОЛУҢУЗДА

№423 10-16-декабрь, 2010-жыл.


Хиромантияда алакандагы сызыктар адамдын келечегин, мүнөзүн, басып өткөн жолун, алдыда күтүлчү окуяларды баяндап турат делинет. Ошол жоромолдордун бирин баяндоо менен, белгилүүлөрдүн алаканына көз салалы.

ХИРОМАНТИЯ
“Хиромантия” сөзүн грек тилинен которгондо “кол аркылуу адамдын тагдырын айтуу” дегенди билдирет.
Хиромантия – өзүнчө искусство. Анда адамдын оң алаканынан учурдагы жана келечектеги тагдырын, ал эми сол алаканынан тукумдан берилген өзгөчөлүктөрдү, атадан балага калган маалыматтарды билсе болот.
Хиромантияда колдогу 5 манжанын жайгашуусу 5 планетанын таасиринен көз каранды деп түшүндүрүлөт.

АЛАКАНДЫН ФОРМАСЫ ЭМНЕНИ ТҮШҮНДҮРӨТ?
Эгер алакандын сөөктөрү чоң болсо, ал адам чечкинсиз, коркок. Мындай алакандын ээси күрөш үчүн жаралган эмес.
Узун жана жоон болсо, анда ал адамда куулук күчтүү.
Кыска сөөктүү алакандардын ээлери – оор мүнөздүү адамдар.
Эгер манжалар узун жана ичке болсо, бул жагымсыз белги болуп саналат. Мындай манжалуулар майдачыл келишет. Ал эми айымдар төрөттөн кыйналышы мүмкүн.

ОҢ ЖАНА СОЛ АЛАКАН
“Талант, оору, ишке жөндөмдүүлүк тукум кууйт” деген кеп бар эмеспи. Сол алакандан “тукумунда кандай оорулар бар, ата-теги эмнеге жөндөмдүү?” деген суроолорго жооп алса болот.
Ал эми оң алакандагы сызыктар тукумунан берилген жөндөм­дүүлүктү кандай деңгээлде өнүк­түрүп кете ала тургандыгын, учурдагы каалоосун, ден соолугунун жакшырышын же начарлашын, келечегин айтып турат.

ДӨҢЧӨЛӨР
Хиромантияда алакандагы дөңчөлөр планеталардын аттары менен белгиленет. Эгер дөңчө алаканда даана, так көрүнүп, башка дөңчөлөрдөн айырмаланып турса, анда ал планетанын адамга тийгизген таасири чоң.
Венера өзгөчө чоң болсо, ал адам сүйүүдө активдүү жана өтө сезимтал.
Юпитер – өтө темпераменттүү, кыялкеч.
Сатурн – өзүнө катуу ишенген, эрки менен башка бирөөнү баш ийдире алган адам.
Аполлон – энергиясы ашып-ташкан, байлыкты сүйгөн, ач көз адам.
Меркурий – чыгармачылыкка жакын келишет.
Марс – логикалык ойлонуусу күчтүү, чыдамкай.
Ай – жан дүйнөсү тынч албаган, кыялкеч, фантазиясы күчтүү.

СЫЗЫКТАР
Алакандагы эң башкы үч сызык – адамдын турмушу, акылы, жүрөгү боюнча белгилер.
Үч сызыктан сырткары тагдыр, ийгилик, ден соолук, өмүрлүк жар, Венеранын шакекчеси, алдын ала туюу, көңүл ачууну туюндурган сызыктар бар.
Эгер оң алакан менен сол алакандагы сызыктар бири-биринен өтө айырмаланып турса, анда ал адам бир калыпка түшпөгөн жашоого, укмуштуу окуялардын күбөсү болууга кызыккан, көңүл ачууга жакын адам.
Кайсы бир сызыкка параллель дагы бирөө болсо, планеталар жаман таасир бериши ыктымал.
Эгер сызыктар жакшы билинбесе, ден соолуктун начарлашынын, кызыл өңдө болсо, ашып-ташкан энергиянын, активдүү жашоонун жышааны.
Эгер алакандагы башкы үч сызык "М" тамгасына окшоп турса, ал адам үчүн карьерага караганда сүйүү, үй-бүлө маанилүү.

ӨМҮР СЫЗЫГЫ
Кээ бирөөлөрдө Жүрөк, Акыл сызыктары айрым учурда жок болушу мүмкүн. Ал эми Өмүр сызыгы ар бир адамдын алаканында болот.
Эгер Өмүр сызыгы узун болуп, даана, так көрүнүп турса, физикалык, психикалык жактан күчтүүлүктүн белгиси.
Кыска сызыктууларга хироманттар “ден соолугуңарды карагыла, өзүңөрдү аягыла” деп эскертишет.
Эгер ортодон үзүлүп кетсе, анда кооптуу. Катуу оорунун же киши колдуу болуп көз жумуунун белгиси.
Өмүр сызыгынан Ай дөңчөсүн карай кеткен бутакча болсо, ал адамга мекенинен топурак буюрган эмес.
Сызыктын ар кай жеринен өйдө кеткен бутакчалар болсо, анда жашоо – “малина”. Баары жакшы жакка бурулат.
Эгер ылдый кетсе, кыйынчылык баштан көп өтөт. Кедейчилик, ойлогон ойдун ишке ашпашы жанга батат.
Өмүр сызыгына катарлаш сызык кетсе, байлыктын, бакыттын белгиси.

АКЫЛ СЫЗЫГЫ
Акыл сызыгы бармак менен сөөмөйдүн ортосунан башталат.
Бул сызыктан адамдын акылын, нерв системасын, ойлонуусун билүүгө болот.
Акыл сызыгы Өмүр сызыгынан алыс, жүрөккө жакыныраак жайгашса, анда ал адам акылын эмес, жүрөгүн тыңдап иш кылат.
Эгер кыска болсо, акылы аз, жеңил ойлуу дегенди билдирет.
Узун болсо, абдан акылдуу, бирок бир аз өзүмчүл дегендик.
Түз эмес, ийри-буйру кетсе, мүнөзү оор, ачуулуу, колу туткак дегенден кабар берет.
Эгер Ай дөңчөсүнө ийилип кетсе, жалгыз жашоону жактырган, кыйынчылыкка чыдабай өзүн-өзү өлтүргөнгө даяр деген белги.
Акыл сызыгы Өмүр сызыгынан өйдөдөн башталса, ал адам таланттуу, аракетчил.
Акыл сызыгына катарлаш сызыктар чанда гана кезигет. Анда ал абдан акылдуу, көп тил билүүгө жөндөмдүү, эл башкара алган, бай адам. Бирок интригага да жакын.
Эгер чыпалак жакка ооп кетсе, сокур болуп калышы ыктымал деген белги.
Акыл сызыгы ортодон үзүлүп, Сатурн дөңчөсү жакта жылдызча болсо, өлүм жазасына тартылышы мүмкүн.

ЖҮРӨК СЫЗЫГЫ
Эгер Жүрөк сызыгы сөөмөй менен ортондун ортосунан башталса, бир калыпта, тынч жүргөн адам дегенди түшүндүрөт.
Узун болсо, кызганчаактыктын белгиси.
Сызык эптеп эле көрүнсө, анда сүйүү эмне экенин жакшы түшүнбөйт дегенден кабар берет. Мындай белгиси бар айымдар төрөбөй дагы калышы мүмкүн.
Көп үзүлсө, көзгө чөп салганга даяр.
Сызык аягында бутактанып кетсе же ийилсе, үй-бүлө очогу бузулушу мүмкүн.
Катарлаш сызык кетсе, жашоо-турмуш ийгилик менен коштолот.

КАЛГАН СЫЗЫКТАР ЭМНЕНИ АЙТЫШАТ?
Тагдыр сызыгы
Тагдыр сызыгынан жашоо-турмушу кандай окуялар менен коштолорун, өткөндү да, келечекти да билсе болот.
Эгер Тагдыр сызыгы Өмүр сызыгы менен бир чекиттен башталса, ийгиликтин баары адамдын эмгектенүүсүнөн көз каранды.
Тагдыр сызыгы Акыл сызыгынан башталса, анда жакшы жашоо кеч келет, буга акылы түрткү болору анык.
Эгер Марс дөңчөсүнөн башталса, анда турмушта катуу күрөш жүрөт.
Эгер сызыктын башталышында Ай дөңчөсүнө карай бутакча кетсе, анда ал адам жеке турмушунда бактылуу болот. Бул айрыкча айымдарга тиешелүү.
Тагдыр сызыгындагы бутакча Аполлон дөңчөсүнө кетсе, жакшы жашоо ата-энесинин байлыгынан көз каранды.
Абдан көп үзүлүү – чечкинсиздиктин, оорунун белгиси.
Эгер сызык крест менен бүтсө, кырсыктан улам каза болот дегендик.

Ийгилик сызыгы
Ийгилик сызыгы Өмүр сызыгынан башталса, анда ал адам төрөлгөндө эле чыгармачылыкка жакын, келечекте искусство тармагында ийгилик күтөт.
Эгер сызык даана билинсе, карьерасы ийгиликтүү болот.

Ден соолук сызыгы
Түз, үзүлбөгөн сызык – эң жакшы белги. Ал эң күчтүү организмден кабар берет.
Меркурий дөңчөсүнөн башталып, Өмүр сызыгы менен кесилишсе, анда ичер суунун аздыгы.
Эгер Жүрөк сызыгынан башталып, Өмүр сызыгын кесип өтсө, жүрөк начар иштейт.

Өмүрлүк жар сызыгы
Эгер Өмүрлүк жар сызыгы Жүрөк сызыгына жакындаса, анда эрте үй-бүлө күтөт. Сызыкта өйдө кайрылган белги болсо, жашоодо үй-бүлө курбай өтүшү мүмкүн.

Алдын ала туюу сызыгы
Туюу сызыгы чиеленишкен маселелерди чечүүгө жардам берет. Бул сызык көбүнчө айымдарда жана философтордо, чыгармачыл чөйрөгө жакын адамдарда кезигет.

Көңүл ачуу сызыгы
Көңүл ачуу сызыгы өзгөчө жана коркунучтуу белги болуп саналат. Көңүл ачуу сызыгы адамдын сезимталдыгы жөнүндө айтып берет. Өмүр сызыгы менен кесилишсе, ден соолугу начарлайт же жаман жол менен ырахат алып жүргөнүнүн аягы өлүм менен аяктайт.

Венеранын шакекчеси
Венеранын шакекчеси алакандарда абдан сейрек кездешет.
Сызык сөөмөй менен ортондун ортосунан башталып, шакекчедей ийилген боюнча аты жок менен чыпалактын ортосунан бүтөт.
Байыркылар Венеранын сызыгы барларды ээн баш мүнөздүү дешкен. Бирок айрымдар бул күчтүү энергиянын, мыкты ден соолуктун белгиси дегенди түшүндүрөт деп айтышат.

Берадор мырза кырктын кырынан ашса да, аны сүйүп, ал гана эмес, ырчы үчүн акылга сыйбас жоруктарды жасаган селкилер көп. Алардын жүрөгүн оорутуп, ырчы улам бир кызга арналган ыр чыгарат. Ошондон улам Бек мырзанын алаканындагы Жүрөк сызыгын кароону туура таптык. Байкасаңыз, ырчынын алаканындагы Жүрөк сызыгы абдан эле узун. Мындан улам кызганчаак экенин билдик. Балдарын тарбиялап, ырчыга тамак-ашын белендеп, кийимин үтүктөп үйдө отурган Фарида эже кызганууга негиз деле бербесе керек. Анда ырчы кимди кызганат, ыя? Хиромантияда Жүрөк сызыгы араң эле көрүнсө, сүйүүнү баалабаган муздак адам деп эсептелинет. Ал эми биздин каармандыкы ачык, даана, бажырайып турат. Демек, сүйүүнү баалаган адам. Сызык сөөмөй менен ортондун ортосунан башталыптыр, демек, жашоосу тынч, бир калыпта.

Учурда "Сезим" эстрада тобун жетектеп келе жаткан ырчы Эмил Балтагуловдун алаканына көз салып, Өмүр сызыгын байкап көрөлү. Алаканындагы Өмүр сызыгы өтө эле узун экен. Андыктан ырчы токсондон томолонуп өтүп, жүзгө чыгат окшойт, буюрса. Үзүлбөй бир калыпта кеткендиктен, анын өмүрүндө кооптонуу же кол салуу болбойт деп билдик. Сызыкта өйдө да, ылдый да кеткен бутакчалар бар. Бул ырчынын турмушу ийгилик жана башты жерге салган күндөр менен коштолорунан кабар берет. Ошондон улам "бирде жигит жөө жүрөт, бирде жигит төө минет" деген макал эске келди.

Мүнөзү ачык-айрым, куудул айым Назира Жетигенованын алаканындагы Жүрөк сызыгын карап көрөлү. Өзүңүз билгендей, бул айымдын жүрөгү бош эмеспи. Алаканында Жүрөк сызыгынын аягы ачакей болуп кеткени никесинен жолу болбой калганын айтып турат.
Качан турмушка чыгарын сураганыбызда, "мен эле ала качып албасам, мени эч ким албай калды го..." деп тамашалайт. Бирок "көздүү мончок жерде калбайт" дегендей, дайыма күлүп жүргөн, тегерегин кошо күлдүргөн айым эртең эле талашка түшүп каларынан шек жок.

Добрдун Акыл сызыгын карап көрөлү. Рэпердин Акыл сызыгы Өмүр сызыгына жабыша чийилгендиктен, жүрөгү менен эмес, акыл калчап иш кыларын айтып турат. Идеалда Акыл сызыгы Өмүр сызыгы менен бир чекиттен башталып, алаканды аралай келип, аягы бир аз ийилип кетет. Бул адамдын сезимтал экенине карабай, өзүн акылы менен көзөмөлдөй аларынан кабар берет. Акыл сызыгы түз келе жатып Ай дөңчөсүн көздөй ийилип кетсе, бул адам абдан темпераменттүү келет. Добрдун алаканында бул белги даана байкалып турат.

Кептин аягында айта кетчү нерсе, бактылуу болуу өзүңүздүн гана колуңузда. Арканды узунунан таштап, акыл калчап иш кылсаңыз эле бакыт кушу сизге учуп, ийгилик жылмаярын унутпаңыз.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(10)
10.12.2010. 22:41 
Тайпасы:
Жаран
Комментарийлердин саны:
98
Катталган:
26-10-2010
Соӊку аракети:
23-09-2018 15:45
Жынысы:
Белгисиз
Калаасы:
KG
+1
ishenbeim. Allahga gana ishenem.
11.12.2010. 16:30 
Тайпасы:
Кыймылы жок
Комментарийлердин саны:
104
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Мен деле ишенбейм. Мандайга жазганды коробуз да.
11.12.2010. 21:08 
Тайпасы:
Жаран
Комментарийлердин саны:
108
Катталган:
09-12-2010
Соӊку аракети:
21-07-2018 01:25
Жынысы:
Белгисиз
0
adamdardin bashin aylanta berishet
11.12.2010. 21:18 
Тайпасы:
Жаран
Комментарийлердин саны:
108
Катталган:
09-12-2010
Соӊку аракети:
21-07-2018 01:25
Жынысы:
Белгисиз
0
Aykokul ishenip alip bashin karmap oturat
12.12.2010. 19:59 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Mendele ishengim kelbeit,birok balkim bizdin tagdyrybysdy Allah alakanybysga (mandaiga jazgan)degendei, jazyp koigon dep oiloi berem. Kim bilsin....... negizile jashoobus kyzyk,tabyshmaktuu...........
13.12.2010. 08:44 
Тайпасы:
Кыймылы жок
Комментарийлердин саны:
1
Катталган:
18-10-2010
Соӊку аракети:
08-07-2011 08:28
Жынысы:
Белгисиз
Калаасы:
Бишкек!
0
ишенбейм дегендер бул хроналогияны окууп салыштырдынар алаканынарды?
14.12.2010. 21:23 
Тайпасы:
Жаран
Комментарийлердин саны:
15
Катталган:
13-03-2010
Соӊку аракети:
01-07-2018 21:07
Жынысы:
Белгисиз
0
салыштырыш не обязательно. адамдын интеллектик денгээлинен жана ишениминен. адам канчалык маныроо болгон сайын ушундай болбогон нерселерге ишенип басып журо берет. а эмне болоор, эмне болбосун бир Кудай билет. так что, !!!
17.12.2010. 11:08 
Тайпасы:
Жаран
Комментарийлердин саны:
19
Катталган:
28-05-2010
Соӊку аракети:
31-07-2018 16:01
Жынысы:
Белгисиз
0
Мунун баары "ширк"! Ишенбегиле!
18.03.2011. 07:17 
Тайпасы:
Жаран
Комментарийлердин саны:
14
Катталган:
27-08-2010
Соӊку аракети:
29-03-2017 21:31
Жынысы:
Белгисиз
Калаасы:
Moscow
0
jash balany aldap konulun buruu u4un koldonso bolot, birok owol da zyianyn beriwi mumkun...
04.06.2011. 15:03 
Тайпасы:
Жаран
Комментарийлердин саны:
468
Катталган:
24-04-2011
Соӊку аракети:
01-09-2018 11:30
Жынысы:
Белгисиз
Калаасы:
kg
0
Allah bizge kabar bergen: "Maga sherik koshkondordu ech kachan kechirbeim, sherikten bashka kunoo kylgandardy kaalasam kechirem kaalasam azaptaim" degen oshondyktan dostor bardyk jakshylyk bir gana Allahtan dep bileli, misaly elestetkile omyryn kyska bolot dep koiso ozyndon ozyn chynchyp kachan olom dep oilonosyng, oshondyktan myndai nersekerge ishenboogo chakyram tyyygandar!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: