Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЗДЕЙМ СЕНИ

№423 10-16-декабрь, 2010-жыл.


Редакциябызга жакындарын, тууган-туушкандарын издеп кимдер гана кайрылбайт, кимдер гана кат жазбайт. Каттар жарыяланган соң табышып, катышып кеткендер да жок эмес.

“ЭЖЕМЕ АЙТЧУ СЫРЛАРЫМ БАР...”
– 1987-жылы туулган эжем, бир боорум Абдиманап кызы Миргүлдү жана атам Туманов Абдиманапты издейм.
Мен 4 жашка чыкканда атам Абдиманап менен апам Машыркүл ажырашып кетишиптир. Ошондон көп өтпөй апам эжем экөөбүздү Ысык-Көлгө, төркүнүнө таштап, “кыздарымды эч нерседен кем кылбай багып, буттарына тургузайын” деп Орусияга иштегени кетиптир. Ал кеткенден кийин эле атам бизди Жалал-Абадга, чоң ата-чоң энемдин колуна алып барат. Мен жаңыдан мектеп босогосун аттаганымда апам бизди издеп барып калды. Ал күнү атам эжемди ээрчитип пахта тергени талаага кеткен эле. Апам чоң энеме жолугуп сүйлөштү да, мени ээрчитип пахта талаасына барды. Талаага жетейин деп калганыбызда апам жаш балдарга акча берип, “Миргүлдү эле чакырып келгиле” деп жөнөттү. Бир убакта карасак, эжеме кошулуп атам да келе жатыптыр. Апам атамды көрүп коркуп кетти окшойт, “жүрү, бол” деп мени таксиге салып алып баса берди.
Бишкекке келгенден кийин апам "Миргүлдү да алып келишим керек" деп жүргөнүндө катуу ооруп, 2005-жылы бул жарыкчылык менен коштошуп кетти. Дүйнөдөгү эң жакын адамың болгон энеден айрылуу азабын айтпасам да, ар бир адам туюп-билсе керек. Ошентип, таянар тоомдон, жөлөнөр жөлөгүмдөн айрылып, таежемдин колуна бардым.
2006-жылы болсо керек, атамдын Дүйшөн деген агасы мени Ысык-Көлгө издеп келиптир. Ал кезде мен Бишкекте болчумун. Таежем менин телефон номурумду берген экен, абам экөөбүз Бишкектен жолуктук. Андан эжем тууралуу сурасам, “ал Орусияда иштеп жатат. Телефонун билбейм. Жаңы жылда келет” деген эле. Дагы бир күнү сурасам, турмушка чыгып, уулдуу болгонун, бирок телефон номуру жок экенин айтты. Кийинчерээк абамдын телефону да өчүп калыптыр. Ошол боюнча аны менен да байланыша албай калдым.
Учурда эжемдин акыл-насаатына, кеп-кеңишине муктаж болуп турам. Анткени ишенген таежем да каза болуп калган. Азыр Бишкектеги тигүү цехтеринин биринде иштеп жатам.
Эже, мен сизди абдан сагындым. Эгер менин издеп жатканымды окуп же угуп калсаңыз, мага байланышка чыгыңыз. Сизге айтчу көп сөздөрүм, сырларым бар.

Сиңдиңиз Абдиманап кызы Айгүл. Т.: 0557 54 10 35, 0553 22 93 43


“БАКТЫГҮЛ, ҮЙГӨ КЕЛЧИ, БЕРЕКЕМ!”
– 1991-жылы туулган жээнибиз Апиева Бактыгүлдү издейбиз. Бактыгүл "Кудайберген" базары тарапта көп кабаттуу үйлөрдүн астында жашылча-жемиш сатчу. Ал 18-ноябрда апасына таарынып үйүнөн чыгып кеткен боюнча дайынсыз.
Бактыгүл, турмушта ар кандай нерселер боло берет. Кичинекейиңден багып-өстүргөн таятаң да сен тууралуу угуп, сарсанаа болуп жатат. Биз, таежелериң, сени чыдамсыздык менен күтөбүз.
Эгер Бактыгүлдү тааныгандар болсо, бизге кабарлап коюшун өтүнөбүз.

Т.: 0550 11 27 98 (Айнура), 0773 16 61 13 (Алима), 0778 22 35 08 (Анара).


“АТАМДЫ БИР КӨРҮҮГӨ ЗАРМЫН”
– Атам Алманбетов Абдысадыкты тапкым келет. Ал 1965-жылы Ала-Бука районунда төрөлгөн. Тагдырдын буйругу экен, ата-энем 3 кыздуу болгондо ажырашып кетишиптир.
Учурда апам башка бирөөгө турмушка чыгып, 1 кыз, 1 уулдуу болгон. Атам өгөй болгону менен, мага кеп-кеңешин айтып, ар дайым колдоп келет. Бирок эс тарткандан бери “өз атамды издеп тапсам” деген ой мени ээлеп алды. Угушумча, атам Бишкекте башка үй-бүлөсү менен жашайт экен.
Ата, сизди издеп жатканымды окусаңыз, анда сөзсүз мени менен байланышыңыз. Сизди таап, мээримиңизге бөлөнүп жүргүм келет.

Кызыңыз Гүлсүнай. Т.: 0779 05 61 83


“АБАБЫЗ 33 ЖЫЛДАН БЕРИ ДАЙЫНСЫЗ”
– Атамдын иниси, абам Тагаев Бакболотту издейм. Ал 1956-жылы Кара-Буура районунун Бакыян айылында төрөлгөн. 1974-жылы Орусиянын Чита шаарына караштуу Бордия айылында аскердик кызматын өтөп, Кыргызстанга 1976-жылы келген эле. Ал жактан Валя аттуу бухгалтер кызга үйлөнгөнүн, аскер кызматында иштеп жатканын айтып, 1977-жылы кайра ал жакка жөнөп кеткен боюнча байланышпай калды. Угушумча, абам азыр КамАЗ айдайт экен, кызы Москвада окуйт.
Бакболот аба, эгер биздин издеп жатканыбызды уксаңыз, биз менен байланышып, дайыныңызды билдириңиз. Атам сизди чыдамсыздык менен күтүп жүрөт.

Карындашыңыз Назгүл. Т.: 0777 62 43 44, 0778 59 49 25


“БИЗ ҮЧҮН КЫМБАТ АДАМ”
– Байкем Исакеев Майрамбек Качкыновичти издейм. Ал 1978-жылдын 8-мартында Кочкор районунун Көк-Жар айылында туулган.
2005-жылы 13-августта Бишкекке иштегени кетип, ошол боюнча дайыны билинбей калды. Жанында документтери жок болчу. Токмокто, Сокулукта иштеп жүрөт деп укканбыз. Апам “ал Кыргызстанда эмес го... Бирөөлөр чет өлкөгө алып барып кул кылып жатса керек” деп күндө көз жашын төгүп, сыздайт.
Урматтуу окурмандар, эгер Майрамбек байкем тууралуу маалыматыңыздар болсо, билдирип коюшуңуздарды суранам.

Карындашы Чынара. Т.: 0558 46 46 55, 0778 71 13 74, 0312 45 42 73


“БОЛУШ, ДАЙЫНЫҢДЫ БИЛДИР”
– Сузак районунун Кызыл-Сеңир айылынын тургуну, 1957-жылкы агам Алыкулов Болуш Зулпукаровичти издейм. Ал 2006-жылы Жалал-Абаддан Бишкекке иштегени келген эле. Келгенден кийин бажасынын Беш-Күңгөйдөгү ишканасында иштеп жүрдү. 2008-жылы үйгө келип, жумушсуз калганын айтып кеткен боюнча дайынсыз. Жанында документтери да жок болчу.
Эгер агамды көрүп-билгендер же тааныгандар болсо, төмөнкү телефондорго чалып, маалымат берип койсоңуздар.

Иниси Жапар. Т.: 0778 75 05 24, 0778 21 54 56


“ГҮЛНАРА, КАЙДАСЫҢ?”
– Түп районунун Сары-Тологой айылынын тургуну, 1960-жылкы Иманкожоева Гүлнара Казакбаевнаны издейм. Ал 2004-жылы Бишкекке кеткен боюнча дайынсыз. Тааныштар акыркы жолу “Аламүдүн” базары тараптан көрүшүптүр. Учурда 82 жаштагы энеси “кызымды көрүп өлсөм, арманым болбос эле...” деп сыздап, эшиктен көзүн албай отурат.
Гүлнара, эгер издеп жатканымды окусаң же уксаң, анда үйгө кайтып кел. Апаң ооруп жатат.
Бул сүрөттөгү Гүлнараны көргөн-билгендер болсо, кабарлап койсоңуздар, сураныч.

Бөлөң Жаңыл. Т.: 0777 67 59 89


“КУРБУМ РАХАТТЫ ИЗДЕЙМ”
– Жусуп Баласагын атындагы КУУнун химия-технология факультетин 1996-жылы аяктаган курбум Бердикулова Рахат Байзаковнаны издейм. Өзү Баткендин Кара-Токой деген айылынан болот. Нарындын Миң-Кушуна турмушка чыккан. Бишкектин Көк-Жар конушунда кайнагасыныкында турганда үйүнө барган элек. Мындан 3-4 жыл мурун кайнагасынын үйүнүн жанына там салышты деп укканмын. Быйыл Көлдөн келе жатканда атайын кайрылып, бирок таба алган жокмун.
Рахат, менин катымды окуп калсаң, мага байланышка чык. Табышып, мындан ары катташып туралы.

Оштон курбуң Динара Боронбаева. Т.: 0778 80 80 72

Сиз качандыр бир кездеги жакын адамыңызды издеп, бирок таппай жүргөн болсоңуз, анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү: Катта маалымат берген адамдын дареги же телефон номери так көрсөтүлүүгө тийиш. Байланыш телефону:
32-33-26

Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(2)
11.12.2010. 20:21 
Тайпасы:
Тартип бузгандар
Комментарийлердин саны:
146
Катталган:
15-09-2009
Соӊку аракети:
15-12-2013 17:06
Жынысы:
Белгисиз
Калаасы:
Бишкек
0
ийгилик силерге!!!
06.02.2011. 02:23 
Тайпасы:
Кыймылы жок
Комментарийлердин саны:
151
Катталган:
02-01-2011
Соӊку аракети:
13-04-2013 21:02
Жынысы:
Белгисиз
0
Bir kun sozsuz silerdi Jaratkan tabywtyrat,umutunordu uzbogulo!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: