Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«КИЧИНЕКЕЙ РОЛЬ БОЛБОЙТ, КИЧИНЕКЕЙ АКТЁР БОЛОТ» М.С.Щепкин

№423 10-16-декабрь, 2010-жыл.


Алар беш жыл убакыт коротуп окуган эмес. Тубаса талант, анан учурунда ийгиликтин канатын кармап калышкандар... Анда сизди элжиреткен кичинекей актёрлор назарыңыздарда.

ЖЕЙДЕН СМИТ
Эсте калган ролу – «Бакытты издөө» («В погоне за счастьем») тасмасындагы Кристофердин образы
Туулган жылы – 1998-жыл, 8-июль
Тартылган кинолору – «Бакытты издөө», «Жер токтогон күн», «Өспүрүм-каратэ» жана башкалар

Жейден Смит Калифорния штатындагы Малибу шаарында актёрдун үй-бүлөсүндө туулган. Уилл Смит жана Жада Пинкетт-Смиттин тун уулу. Жейдендин тасмага тартылып калуусу айрымдар үчүн мыйзам ченемдүү көрүнүш болсо, өзү үчүн катастрофа болгон. Анткени атасы менен апасынын үйдө көп болбогону, көп убактысын киного арнаганы Жейдендин көкөйүнө тийген эле. 2006-жылы «Бакытты издөө» тасмасына атасынын кыстоосу менен тартылып калат.
Кастингге келген балдар башкы ролдогу Уилл Смитке окшош болушу керек эле. Уулунан артык ким окшошот? Кастингге келгендерди сынап жаткан режиссёр Муччино атасынын жанында турган Жейденге көзү түшөт да, Уилл Смитке баласы менен тартылууну сунуштайт. Каалоосу жок болгону менен, Жейден ролго дароо кирип, топту таң калтырат. Ошентип, кино дүйнөсүнө кокусунан баш баккан Жейден учурда АКШнын келечектен көптү үмүттөндүргөн актёру.
2008-жылы Киану Ривз менен «Жер токтогон күн» аттуу тасмага тартылган. Жейден эми актёр гана эмес, каратэ чебери. Анткени 2010-жылы тартылган «Өспүрүм-каратэ» тасмасында башкы ролго тартылуу үчүн кадимки Жеки Чандан каратэ өнөрүн бир жыл бою үйрөнгөн. Устаты менен шакирти канчалык тил табышканын ушундан билиңиз, Жеки Чан Жейденди багып алуу сунушун анын атасы Уилл Смитке жөнөткөн. «Келечекте Жейденден мыкты кино жылдызы, каратэ чебери чыгат. Машыгууну токтотпошу керек» деген устаты Жеки Чандын сөзү менен учурда Жейден машыгып, чыгыш күрөштөрүнүн түрлөрүн үйрөнүүдө. Баса, Жейдендин биринчи өбүшүүсү да тасмада болду. «Өспүрүм-каратэ» фильминде сценарий боюнча кызды өбө албай кыйналган Жейден ага чейин кыз өбө элек экенин моюнуна алган.


ЕКАТЕРИНА СТАРШЕВА
Эсте калган ролу – «Атасынын кыздары» тасмасындагы Пуговканын образы
Туулган жылы – 2001-жыл, 28-октябрь
Тартылган кинолору – «Атасынын кыздары», «Кара чагылган»

Көгүлтүр экранда өзгөчө үй-бүлө пайда болуп, күлкүлүү жоруктары менен популярдуулуктун туу чокусуна чыкты. Ал – жалгыз бой ата жана анын беш кызы. Эң кичүүсү Пуговканын ролун аткарган кичинекей актриса – Катя Старшева. Катяны 2 жашынан баштап муз үстүндө бийлөөгө чоң энеси машыктырып келет. Спорттун бул түрү Катянын үй-бүлөсү үчүн актрисалыктан да биринчи орунда турат.
200 талапкердин арасынан Катя тамашакөйлүгү менен бул ролду жеңип алган. «Атаң-апаң ким болуп иштешет?» деген суроого «атам компьютерде кесме жасайт, апам болсо ага жардам берет» деп жооп берген. Катя кичинекей болгону менен, келбетине чоң актрисалардай эле көңүл бөлөт. Мисалы, таттуу конфеттен «тишим карарып калат» деп баш тартса, таттуу токочтордон «семирип кетем» деп баш тартат. Ал эми кол тамга бергенде өзүнүн атын жазып, үстүнө күн тартып койгонду адат кылып алган. Эң негизгиси, жыл сайын Майамиде эс алат.


АНАСТАСИЯ ДОБРЫНИНА
Эсте калган ролу – “Кука” тасмасындагы Куканын образы
Туулган жылы – 1999-жыл, 30-декабрь
Тартылган кинолору – «Кука», «9 ай», «Жеке изилдөөнү сүйгөн Даша Васильевна», «Менин сүйүктүү бала багуучум», «Изюбрга мергенчилик»

Чоң апасынын пенсиясын алуу үчүн кезекке туруп, макарон бышырып, аны сгущёнкага кошуп жеген Кука аттуу кызды көргөндөр аянычтан көз жашын токтото албай ыйлашкан. Элге таанымал кылган «Кука» – Настянын 26-ролу. Ал эки жашында роль аткарып, биринчи гонорары 1000 рублду түзгөн. Апасы – актриса Алевтина Добрынина боюнда бар кезинде да киного тартылып, театрда роль жараткан. Ким билет, балким, апасынын ичинде жатканда эле «мотор» деген сөздөн кийин кандай процесс жүрөрүн, текстти жаттоону үйрөнүп алган чыгар? Баса, Настянын Ваня аттуу түгөйү бар.
Аталган тасмада уранды короолордо ит менен жүргөн жерин тартууга келгенде Настя коркконунан ыйлап жиберген. Режиссёр итти сценарийден алып салмай болгондо көзүнүн жашын сүртүп, «жок, апам кино сценарий менен гана тартылышы керек» деп айткан. Мен итти өзүмө көндүргөнгө аракет кылам» деп баатырлык кылып, кичинекей колдору менен иттин башын сылап, кино тартуучу топту таң калтырган.
Настя учурда интервью бергенден, папарацциге кабылгандан, элге таанымал болгондон тажаганын айтып келет. Өзүңүз байкагандай, өжөрлүгү жана өзүнө кам көрүү боюнча Настя Голливуд актрисаларын артка таштачудай.


САУЛЕ

Эсте калган ролу – «Достор» тасмасындагы Чолпондун образы
Тартылган кинолору – «Достор», «Талак»
Туулган жылы – 2000-жыл, 21-август

Биз да башкалардан артта калбайбыз. Беш жашында Спорт Ордосун толтуруп, бий өнөрүн тартуулаган кичинекей Сауле тасмаларга да тартылып жүрөт. «Достор» тасмасына режиссёр Рысбек Жабировдун сунушу менен тартылып калган. Режиссёрдун алдына келген кыз сценарий боюнча ыйлашы керек эле. Чоңдордун айтуусу менен каза болуп калган таятасын эстеген Сауле көз жашын төгүп коё берген. Бирок сынакта көп көз жашын төгүп койгонбу, съёмка учурунда ыйлай албай кыйналган. Айтмакчы, «Достор» тасмасындагы Семанын үйү катары тартылган квартира Сауленики болчу.
Азыр да Саулеге киного тартылууга сунуш түшүүдө. Бирок ал учурда бийге басым жасап, анан убактысын кичине сиңдиси менен өткөрүүгө ашыгат.

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
11.12.2010. 16:22 
Тайпасы:
Кыймылы жок
Комментарийлердин саны:
104
Катталган:
30-04-2010
Соӊку аракети:
03-09-2015 17:52
Жынысы:
Белгисиз
Калаасы:
Бишкек
0
Ий буйтускалар десе, силерди дагы, канчалаган, жаркыраган келечек кутуп турат.
12.12.2010. 13:50 
Тайпасы:
Жаран
Комментарийлердин саны:
38
Катталган:
03-10-2010
Соӊку аракети:
20-12-2016 16:55
Жынысы:
Белгисиз
0
молодцы просто слов нет
13.12.2010. 20:29 
Тайпасы:
Кыймылы жок
Комментарийлердин саны:
37
Катталган:
28-11-2010
Соӊку аракети:
08-07-2014 14:00
Жынысы:
Белгисиз
Калаасы:
Ош. Азырынча Москвада
0
вперед,малыши в светлое будущее!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: