Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАБАНОВ АГАЛАРЫН ИЙГЕ КЕЛТИРЕ АЛАБЫ?

№423 10-16-декабрь, 2010-жыл.


Мезгил үнү

Үч фракциядан куралган алгачкы коалиция үч күнгө жетпей ыдырады. Бул окуядан кийин президент Роза Отунбаева мурда айтылгандай Өмүрбек Текебаевге эмес, анын адашы Өмүрбек Бабановго парламенттик көпчүлүктү түзүү тизгинин карматты. Эми Өмүрбек мырзанын агаларына тиши өтөбү? Көпчүлүк ушул суроого жооп таппай турат.

“АТА МЕКЕНДИ” АЛДАП, КИЙИН АТТАП КЕТИШТИ
КСДП, “Республика” жана “Ата Мекен” партияларынан коалиция куралганын кабарлаганбыз. Тилекке каршы, жаңылык тарап-таркабай жатып, спикерди шайлоо учурунда парламенттик көпчүлүк ыдырап кетти. Эскерте кетсек, 67 депутаттан турган коалициянын ичинен 58и гана Өмүрбек Текебаевди колдоп, 53 эл өкүлү бар азчылыкка дагы алтоо кошулуп, 59 депутат каршы добуш берди. “Текебаевди ким сатты?” деген суроо Ак үйдү аралай Кыргызстанга тарады. “Ата мекенчилердин” өзүнүн лидерине каршы добуш бериши болбогон кеп. КСДП да Текебаевди толугу менен колдогонун билдирди. “Бабановчулардын” ичинен экөө “жумуртканын сасыткысындай” болуп, “жеке пикиринен улам” каршы добуш бергенин айтышкан. Бирок Өмүрбек Бабанов: “Менде коалицияга кирген башка фракциялардын депутаттары деле Текебаевге каршы добуш бергени тууралуу маалымат бар”,- деди.
Бирок Кыргызстан кичинекей эле өлкө эмеспи, кыбыр эткен кыймылдын баары байкалып турат. Ошол эле күнү Ак үйдө "Өмүрбек Текебаевди спикер кылбоо үчүн сырттан 2 миллион доллар бөлүндү" деген күбүр-шыбыр заматта тарап кетти. Бул "жашыл акчаны" коалицияга кирген эле бир фракциянын ичинде каршы добуш бергендер бөлүшүп алганын да узун кулактар айтышты.
Ошентип, бул окуя дым-дым болду. Бирок президент Роза Отунбаеванын буга чейин айтылгандай коалиция курууну Өмүрбек Текебаевге тапшырбай, Бабанов мырзага бергени кызыгууну жаратты.

ҮЧ БУТТАН ТӨРТ БУТКА ӨТТҮК
КСДП менен “Республика” партиялары шайлоонун жыйынтыгы белгилүү болор замат чогуу иш алып барарын жарыялашкан. Көпчүлүктү куроо сунушу “бабановчуларга” өткөрүлгөн соң кайрадан эле алардын тобуна биринчилерден болуп КСДП кошулууга даярданды. Ушул жерден “Атамбаев акырына жеткире албаган коалицияны Бабанов түзө алабы?” деген суроо туулат.
Чү дегенде эле “Республика” коалицияны түзүү боюнча сүйлөшүүлөрдө ар бир лидер менен макулдашып отурбай, анын ордуна жумушчу топ түзөрүн айтты. Андан сырткары “сүткө оозу күйгөн айранды үйлөп ичет” демекчи, коалиция үч эмес, жок дегенде төрт партиядан кураларын билдиришти. Керек болсо парламенттик көпчүлүктү үстөлгө салыштырып жиберишип, “үч буттуу эмес, төрт буттуу үстөл бутунда жакшы турат” дешти. Ошентип, эң жаш лидер болгон Өмүрбек Бабанов өкмөт башчысы болгусу келген азуулуу Кулов менен Атамбаев жана “спикер болом” деп шымаланган Текебаев менен Ташиевдин ортосунда чайналып калбай, кантип жол таап кетерин билбей убара. Айтмакчы, акыркы маалыматтар боюнча “Республика” партиясы Жогорку Кеңештеги төрагалык орунду “ата журтчуларга” сунуштаптыр.

ДЕМӨӨРЧҮЛӨР ДА ТОСКООЛ БОЛУШУУДА
Коалицияны түзүү түйшүгү лидерлердин асман чапчыган амбицияларынан улам создугуп, бүгүнкү күндө саясий кризисти жаратууда. Шайлоо 10-октябрда өтсө, Жогорку Кеңештин жаңы депутаттары 10-ноябрда мандатын алышты, ал эми арадан дагы 20 күн өткөн соң алгачкы коалиция түзүлдү. Бул аралыкта Атамбаев “Ар-намысты” тобуна кошоюн деп чыкканда анын лидери Феликс Кулов “өкмөт башчылыкты бергиле” деп көшөрүп отуруп биригүүдөн баш тартып койду. Ал эми “Ата Мекен” партиясы коалицияга кошулуунун негизги шарты иретинде анын төрагалыгына Өмүрбек Текебаевдин келүү зарылдыгын атаган. Андыктан эртең Өмүрбек Бабанов коалицияга Алмазбек Атамбаев менен Феликс Куловду кошо турган болсо, экөө өкмөт башчылыкты талашары анык. Ачык айтылбаганы менен, негизги тоскоолдукту партиялардын көмүскөдөгү демөөрчүлөрү да жаратууда. Анткени орусиячыл маанайдагы КСДП, “Республика”, “Ар-намыс” жана “Ата Журт” партияларынын биригишине бир топ мүмкүнчүлүктөр бар. Ал эми төраганы шайлоо окуясынан кийин “Ата Мекендин” оппозицияга кетип калуу ыктымалдыгы чоң дешүүдө.
Эми кезектеги Бабановдун аракети дагы ишке ашпай калса, анда президент үчүнчүсүндө аралашпайт. Себеби акыркы коалицияны түзүү вазыйпасын парламент өз ара чечет. Анын үмүтү да акталбаса, демек, парламент таркатылат. Ошентип, "баягы эле Мамайдын көрү" демекчи, парламенттик шайлоо башынан өткөрүлөт. Бирок буга көпчүлүгү жеткирбесе керек деп ойлойбуз.

Эльвира Караева
politika@super.kg


«Супердин» сурак бурчу

ПАРЛАМЕНТТЕГИ 5 ЛИДЕРДИН КИМИСИ СИЗДЕ КӨБҮРӨӨК ИШЕНИМ ЖАРАТАТ?

Кумар Жалиев,
24 жашта, спортчу:
– “Ата Журт” партиясынын лидери Камчыбек Ташиевдин буга чейин аткарган ишине күбө болуп келгем. Башкалардын кыйраткан жумушун көрө элекмин. Андыктан Кыргызстандын өнүккөн келечегин дал ушул адам менен көрө алам.

Айнагүл Көбөгөнова,
52 жашта, эсепчи:
Өмүрбек Текебаевге ишенимим чоң. Ал принципиалдуу киши, өз пикиринен кайтпайт. Мына ушул сапаты мага күчтүү лидер катары көрүнөт. Калган төртөөнө "тойгом". Алар кур сөзү менен тойгузуп келгендер жана уланта беришет.

Рустам Карыбеков,
20 жашта, студент:
Алмазбек Атамбаевге ишенем. Анткени ал экономиканы жакшы билген киши. Учурда экономикабыз аксап турганда мына ушул киши бизди ийгиликке жеткирет дейм. Ага кошумча Феликс Куловго да ишеним артам. Анын сүрү эле бир топ го. Чыныгы эркек да (күлүп)!

Ярмухамбет Сабиров,
43 жашта, мугалим:
– 5 лидердин төртөөсү тең мурунку бийликте иштешкен. Колунан бир нерсе келсе, ошондо эле көрмөкмүн. Менин ишенгеним – Өмүрбек Чиркешович. Анын өжөрлүгү мени таң калтырат. Дал ушул сапаты менен жакшылыкты алып келет деп ишенем.

Аида Эпеева,
23 жашта, студент:
– 5 лидердин ичинен мен Өмүрбек Бабановго ишенем. Ал койгон максатына жетчү инсандардан. Анан да бул кишинин көзүндө "мага ишенгиле" деген жазуу бардай туюла берет.
Күчтүү адамдын илеби уруп турат.

Имамажы Мизамидинов,
55 жашта, айдоочу:
– Кимисине? Эч кимисине ишенбейм. Булардын баары Алла Таала бар экенин унутуп коюшкан. Акчаны баарынан алдыга коюшат. Качан бийликке ыймандуу, Жараткандан корккон башчы келгенде гана ушул суроого ишенимдүү жооп берем.

Замир Казакбаев,
30 жашта, ди-джей:
– Ой, билесиңерби, чынында, эч кимисине ишенбейм. Бирок үмүт деген болуш керек го. Мындай үмүттүн шооласы Өмүрбек Текебаевден гана чачырап тургандай.

Бактыгүл Сокушова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(14)
10.12.2010. 21:12 
Тайпасы:
Кыймылы жок
Комментарийлердин саны:
3
Катталган:
07-12-2010
Соӊку аракети:
17-03-2015 20:11
Жынысы:
Белгисиз
Калаасы:
CHN—Kyzylsuu-Uluchat
0
мен Кытайдан жолдоп жатам Кыргыз калкыма ынтымак, бакубат турмуш каалаймын!
11.12.2010. 03:15 
Тайпасы:
Жаран
Комментарийлердин саны:
10
Катталган:
02-12-2010
Соӊку аракети:
24-09-2018 18:52
Жынысы:
Белгисиз
Калаасы:
москва
0
Кимиси келсе да Кудай ынсап берсин ошонусуна.тынч жашоо каалайм баардыгына.
11.12.2010. 13:55 
Тайпасы:
Жаран
Комментарийлердин саны:
4
Катталган:
10-11-2010
Соӊку аракети:
15-11-2018 10:26
Жынысы:
Белгисиз
0
dagi dele bayagi adamdar kelishti biylikke,
Babanov tigi tort ach karishkirlarday emes bolso kerek.....
11.12.2010. 14:34 
Тайпасы:
Кыймылы жок
Комментарийлердин саны:
35
Катталган:
18-09-2010
Соӊку аракети:
20-12-2014 13:58
Жынысы:
Белгисиз
0
Бугунку кундо парламенттин торагалыгына Текебаевден башка татыктуу талапкер жок.Себеби жаны системанын негиздоочусу Текебаев.Парламенттик башкаруунун жолун жана эрежелерин Текебаевчелик эч ким тушунбойт.Биздин лидерлер бир бирине болгон таарынычы,коралбастыгы менен озунун жеке бийлигин ойлоп,бириге албай жатышат.Эгер элди ойлосо бир женден кол,бир жакдан баш чыгарышып,эл учун иштешмек.
11.12.2010. 21:07 
Тайпасы:
Кыймылы жок
Комментарийлердин саны:
8
Катталган:
04-12-2010
Соӊку аракети:
28-12-2010 15:39
Жынысы:
Белгисиз
0
Мен Текебаевди колдойм!
12.12.2010. 00:50 
Тайпасы:
Кыймылы жок
Комментарийлердин саны:
15
Катталган:
10-05-2010
Соӊку аракети:
26-11-2012 04:50
Жынысы:
Белгисиз
0
Аябай жаман ахыбал. мындай ахыбал менен биз коп узабайбызго. бизге бир жакшы лидер керек. азыр нак еле белгиз маршрут киносу болуп калдык.
13.12.2010. 18:28 
Тайпасы:
Кыймылы жок
Комментарийлердин саны:
142
Катталган:
04-11-2010
Соӊку аракети:
17-08-2011 13:23
Жынысы:
Белгисиз
Калаасы:
Upsalla, Sweden
0
Кыргызстан - атыга эле Кыргызстан болуп калды корунот, же ошол жолго бара жатабыз!
13.12.2010. 19:34 
Тайпасы:
Кыймылы жок
Комментарийлердин саны:
36
Катталган:
03-09-2010
Соӊку аракети:
10-01-2016 20:34
Жынысы:
Белгисиз
0
Текебаев,Текебаев жана дагы Омурбек Текебаев!
13.12.2010. 19:56 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Miya: Tekebaevdi koldoshkon jok emne uchun ekenin tushungon joksunbu,antkeni $ vajnee......
13.12.2010. 21:54 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
уфффф чарчатышты... качан бир элди ойлошот... уже эле имиштер айтылууда 3 жылдан кийин "Кыргызстан" деген мамлекет жок болот деп... же булардын баарына мамлекеттин кызыкчылыгы баарыбир би... ?
13.12.2010. 21:56 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
баягы жанталашып акча берип койсо бирин бири сатмай.. орун талашмай...кудайдан коркпогон чыккынчыларга наалаттт.......
15.12.2010. 03:28 
Тайпасы:
Кыймылы жок
Комментарийлердин саны:
5
Катталган:
30-11-2010
Соӊку аракети:
09-02-2011 22:57
Жынысы:
Белгисиз
0
Омурбек Чиркешович КЫРГЫЗ ЭЛИ ар дайым сиз менен!
Чыккынчылар ошентип сатыла беришет,керек болсо оз энесин сатканга да дайар.
15.12.2010. 14:57 
Тайпасы:
Кыймылы жок
Комментарийлердин саны:
6
Катталган:
18-11-2010
Соӊку аракети:
21-02-2011 15:26
Жынысы:
Белгисиз
0
мына ушинтип эле чыккынчылар четтен чыгат.Бабанов бекринен Россияга барбаса керек!Текебаевден башка киши т-уу эмес!
13.01.2011. 02:23 
Тайпасы:
Кыймылы жок
Комментарийлердин саны:
20
Катталган:
12-01-2011
Соӊку аракети:
06-10-2011 17:47
Жынысы:
Белгисиз
Калаасы:
Seoul
0
Baary eski kart borylor, Bularga ishenim ech kachan bolboyt! Bizge Kyrgyzstanga Yimanduu Allahtan gana korkkon el uchun kyzmat kyla turgan adamga gana ishenim bolot!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: