ДҮЙНӨЛҮК БАНК КЫРГЫЗСТАНГА 150 МИЛЛИОН ДОЛЛАР БӨЛӨТ

Дүйнөлүк банк Кыргызстанга 150 миллион доллар бөлөт. Бул тууралуу аталган уюмдун Кыргызстандагы өкүлчүлүгү маалымдады.

Маалыматка таянсак, АКШда жүргөн Министрлер кабинетинин төрагасы Акылбек Жапаровдун катышуусунда жаңы финансылык келишимге кол коюлду. Анда 50 миллион доллар Баткен облусун өнүктүрүү боюнча долбоорго бөлүнө турган болду.

Ошондой эле Суу чарба кызматтары менен климаттын өзгөрүшү үчүн 100 миллион доллар бөлүнөт. Ал келишимге Дүйнөлүк банктын аймактык директору Татьяна Проскурякова менен Кыргызстандын финансы министри Алмаз Бакетаев кол койгону айтылат маалыматта.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1011, 22-28-апрель, 2022-ж.