Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Медер Алиев, Жогорку Кеңештин депутаты: “САЯСАТЧЫ БОЛУУГА ӨЗҮМДҮ ДАЯРДАП ЖҮРГӨМ”

№1013 6-12-май, 2022-ж.


“Бала кезден эле Авраам Линкольн, Томас Жефферсондун өмүр баяндарын окугам. Өзүмдү саясатчы болом деп даярдап келгем” дейт депутат Медер Алиев. Эл өкүлү өлкөдө болуп жаткан саясий окуяларга көз карашын, үй-бүлөсү, саясаттагы максаттары менен бөлүштү.

Каарман тууралуу

Туулган жылы – 1986-жыл, 29-октябрь

Билими – жогорку, Кыргыз-Орус Славян университетинин юридика факультетин бүтүргөн

Үй-бүлөлүк абалы – үй-бүлөлүү, 2 баланын атасы

Үлгү туткан саясатчылары – Авраам Линкольн, Франклин Рузвельт, Исхак Раззаков.

– Саламатсызбы, Медер мырза? Маектин алдында сурап алсам, публикага ачыксызбы, суроолорго буйтабай эле жооп бересизби?

– Саламатчылык. Эми саясатчы журналисттин эч бир суроосуна ачык жооп бербейт. Бирок мен башкалардан айырмаланып ачык жооп бергенге аракет кылайын.

– Коомчулукта “парламенттеги жаш депутаттар эл үмүтүн ойгото элек, 4 ай өтсө да көзгө көрүнөрлүк мыйзам жазышкан жок” деген сын айтыла баштады. Мындай сындарды кандай кабыл аласыз?

– Бул жолу акча бербей, өз күчү, элдин колдоосу менен 5-6 жаш депутат парламентке келди. Бир сом акча бербей депутат болгондордун бири менмин. Эми элдин айткан сыны тууралуу... Биз бир нерсени так түшүнүшүбүз керек, бизде 3 бийлик бутагы бар. Аткаруу бийлиги эмне иш кылбасын көзгө көрүнөт. Мисалы, Транспорт министрлиги жол салса, Билим берүү министрлиги мектеп салса элдин көзүнө көрүнөт, сот бийлигинин иштерин да эл түздөн-түз сезе алат. Ал эми парламенттин ишин эл түз көрө албайт. Биз кабыл алып жаткан мыйзамдар ишке кирип элдин жашоосуна таасирин тийгизгиче 1-2 жыл керек. Мыйзам – бул абага окшош, адамга абдан керек, бирок аны көрө албайсың, сезесиң. Андыктан жаш депутаттардан үмүт үзө баштагандарга айтарым – убакыт бергиле, келгенибизге 4 эле ай болду. 4 айда керек болсо бала төрөлбөйт. Айтып коюшат го “сиз бир убакта 9 аялды боюнда кылышыңыз мүмкүн, бирок 9 ай өтмөйүнчө эч кимиси биринчи төрөй албайт” деп. Анын сыңарындай жаш депутаттар учурда адаптация процессинде жүрүшөт. Элдин пайдасына иштечү мыйзамдар алдыда көп жазылат. Өзүмө тиешелүүсүн айтсам, саясатчы катары жаштар жасап жаткан ишин коомчулукка жеткирип туруш керек окшойт. Көмүскөдө кала берсе кылган ишиң билинбей калат экен. Уялбастан, тартынбастан эле коомчулукка айтуу зарыл экен.

– Депутат болгондон бери парламентте кандай маанилүү демилгелерди көтөрүүгө үлгүрдүңүз?

– Тагдырдын тамашасыбы, Кудайдын буйругубу, айтор, парламенттеги эң маанилүү конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитетке жетекчи болдум. Көпчүлүк убактым комитеттин иштери менен өтөт. Эгер мен эркин депутат болсом көп маселелер боюнча демилге козгогонго убакыт болот эле. Чет элдик жаран өлкөбүздөгү илимге, билимге, өндүрүшкө, IT-секторго 500 миң доллар инвестиция сала турган болсо, ага Кыргыз жарандыгы берилсин деген демилгени көтөргөм. Бирок бизде жарма патриотизм менен “ой, анда бизди кытайлар каптап кетет” деп кокуйлагандар көп экен. Бул демилге көтөрүлгүчө эле Кыргыз паспортун ким гана ит бекер албады, Сириядагы террористтер, казактардын оппозициячыл саясатчысы Мухтар Аблязовдун Кыргыз паспортун алганы билинбедиби. Кеп мыйзамда эмес, кеп ошол жакта иштеген чиновниктерде жана коррупциялашкан системде. Кыргыз жарандыгын 500 долларга сатып жатканы жалганбы? Жакынкы Украина-Орусия тирешинде миңдеген IT-адистери жумушсуз калып, Орто Азияга агылып жатышат. Алар дүйнөнүн эң акылдуу адамдары, бизге келсе салык төлөшөт, IT-системин ачышат. Мындай мыйзам АКШда, Италияда, Түркияда, Англияда бар. Аталган демилгем көпчүлүк арасында колдоо тапкан жок. Биз неге жаңы багыт менен өнүкпөй, жарма патриотизм менен жашап калганбыз деп кээде өкүнөсүң.

– Саясатка кантип келип калдыңыз, бул сиздин жеке тандооңуздун жыйынтыгыбы же кайсы бир жагдай түрткү болдубу?

– Саясат – өзүм тандаган, каалаган тармак. Ата-тегимдин саясатка тиешеси жок, алар мугалимдик кесипте иштешти. Мектепте окуп жүргөндө эле дебаттык ийримдерге катышып, саясий темаларды талкуулап аябай талашып-тартышчубуз. Бала кезден эле Авраам Линкольн, Томас Жефферсондун өмүр баяндарын кызыгып окугам. Өзүмдү саясатчы болом деп даярдап келгем. Саясатка келгиче Экономика министрлигинде бөлүм башчы, парламенттин аппаратында, жергиликтүү өз алдынча башкаруу системинде иштедим. Мындайча айтканда, бүт илимди, билимди, тажрыйбаны топтоп парламентке бышып келдим десем болот. Кесибим юрист, билсеңиз, дүйнөдөгү мыкты парламентарийлер юристтер болгон, анткени алар мамлекеттик түзүлүштү жакшы билишет. Менин максатым да – өлкөдө чоң бурулуш, реформаларды жасоо. Бул нерсе азыркы шартта, албетте, кыйын, бирок аракет кыла беребиз.

– Алгач депутат болуп келгендеги сезимдер менен бөлүшүп кетсеңиз.

– Кимдир бирөө үчүн депутаттык кол жеткис кызмат сезилиши мүмкүн. Ошондой ой жүгүрткөн адамдар депутат болуп келсе, аларда башкача сезимдер болсо керек. Бирок азыр бийликтин ыйыктыгы, сокралдыгы жоголуп бараткан заман. Мурун чоң кызматта тургандар – раистер, биринчи катчылар Кудайдан кийинки эле адамдар эле да, колхоздун төрагалары алардын алдында бүжүрөп турушчу. Азыр бийлик менен элдин мамилеси демократиялык жол менен өнүгүүдө. Жеке менде укмуш деле сезимдер болгон жок, тескерисинче, эл үмүтүн актай аламбы, жаманатты болуп калбаймынбы деген коркунуч болду. Мисалы, Орусиядагы жашаган мекендештер арасында шайлоодо эң көп добуш алган Адахан Мадумаров болду, андан кийин эле мен алдым. Бул да элдин ишеними, чоң жоопкерчилик.

– Өзүңүз, үй-бүлөңүз тууралуу айтып берсеңиз.

– Кичи мекеним – Аксы району, саруу уруусунан болом. Аксыда төрөлүп-өстүм. Апам Чүйдөн, атам Аксыдан, бирок мен Ошто, Жалал-Абадда, Бишкекте окудум, жек-жаатташкан түшүнүк жок менде. Үй-бүлөдө 5 бир тууганбыз, 4 эркек, 1 кыз, мен экинчи баламын. Карындашым былтыр 60 миң мектеп бүтүрүүчүсүнүн арасынан алтын сертификат алып баарыбызды кубандырды. Салыштырмалуу кеч, 32 жашымда үйлөндүм. Жубайым дарыгер, менден 7 жаш кичүү. 2 балам бар, 1 кыз, 1 уул. Кызыма өтө жакынмын, жумушта да видеочалуу аркылуу сүйлөшүп турам. Бирок балдарымды өтө чалчактатып эркелеткенден корком. Себеби көп саясий ишмерлердин баласы эрке өсүшүп, алардын жүрүм-туруму мамлекеттик ишке таасирин тийгизген учурларды билем. Бизди ата-энебиз катуу кармаган, тартипсиздик кылсак чыбык менен сабаган, андан ата-энебизди жек көрүп калган жокпуз да. Бала “кой-айды” билбесе тарбиялаш керек, өзгөчө эркек балдарды катуу эле тарбиялаш керек экен деп калдым.

– Жашоодо эмнеден коркосуз?

– Адам баласы табиятынан коркуу эмес, тынчсыздануу менен жашайт. Менин кичинекей баламдын аллергиясы бар, дайыма “ушул оорусу өмүр бою калып калбайбы?” деп тынчсызданам. Денесине бүдүрлөр чыгып абдан кыйналып кетет. Ата-энем көбүрөөк жашаса, маңдайыбызда көбүрөөк болсо, инсульт алып калбаса экен деген да тынчсыздануу бар. Кудайдын сотунан корком, мен өтө динчил адам эмесмин, бирок аркы дүйнөдө сурак бар экенине, бул дүйнөдө кылган ишиңе жооп болот деген ишеним жашайт. Бумеранг сотунан корком.

– Маегиңизге чоң рахмат!

Лунара Бекиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27049;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: