Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Бактияр Шаршенбаев, актёр: “КАСТИНГДЕРГЕ БАРА БЕРИП ТАЖАП КАЛГАМ”

№1013 6-12-май, 2022-ж.


Кыргыз тасма талаасында “Мекен” тасмасы, “Адилет”, “Акыркы сабак” сериалдарындагы ролдору менен эл көзүнө илинган актёр Бактияр Шаршенбаев бизде конокто. “Кандай роль болбосун жеткире ойноп берүүнү максат кылам. “Мекен” тасмасы болбогондо, балким, кийинки тасмаларга тартылбай да калмакмын” деген актёр менен кесиби, театр, тасмадагы ролдору тууралуу сүйлөштүк.

Каарман тууралуу:

Туулган жери – Чүй облусу, Кара-Балта шаары, Тельман айылы

Туулган жылы – 1991-жыл, 25-октябрь

Билими – Кыргыз-Түрк “Манас” университетинин көркөм өнөр факультетинин театралдык искусство бөлүмүн аяктаган

Тартылган тасмалары – “Мекен”, “Кыялкэштер”, “Махабат”, “Акыркы сабак”, “Адилет”, “Жалбыз”

Үй-бүлөлүк абалы – Бойдок

– Саламатсызбы, Бактияр мырза? Жакында эле сиз роль жараткан “Вестсайд окуясы” спектаклине күбө болуп келдим. Театр менен тасмада роль жаратуунун айырмасы кандай?

– Театр оңдоп-түзөөгө жабылган учурда мен көбүнчө тасмалардын съёмкасы менен жүрүп калдым. Бирок театрдын аурасы, спектакль чыгаруу такыр башка нерсе. Тасмада бир нече дубль менен тартып образды чыгарып алсаң болот, ал эми театрда кыйыныраак. Сахнага элдин алдына чыгып тилиң бурмаланып кетсе эле болду, үзгүлтүккө учурайт. Ошондуктан бир спектаклди 4-5 айлап бышырып туруп сахнага чыгарабыз, анын өзүнчө бир ырахаты бар. Учурда театр ачылып, репертуарлар биринин артынан бири болуп, күнүбүз эртеден кечке театрда өтүп жатат. Массовка болобу, жөн эле кирип чыккан роль болобу, фондо найза кармап турсак дагы ар бир спектаклде барбыз.

– Спектаклде сүйлөй турган сөзүңүздү унуткан учур болгонбу?

– Кудай сактасын, андай учур болгон эмес. Анткени профессионал актёр болгондон кийин андайга эч качан жол бербешибиз керек. Спектаклди качан гана бышканда элге сунабыз.

– Өзүңүз тууралуу айтып берсеңиз. Кичинеңизден эле өнөр адамы болсом дечү белеңиз?

– Кара-Балта шаарына караштуу Тельман айылында туулуп-өскөм. Балалыгым ошол жакта чоң ата-чоң апамдын колунда өттү. 5-классымда Бишкекке ата-энемдин колуна келдим. Үй-бүлөдө 2 бир тууганбыз. Атам дүйнөдөн өтүп кеткен, апам бар, аты Жумагүл, медайым болуп эмгектенет.

Өзүм кичинемден спортчу болсом же элге таанымал өнөр адамы болсом деп кыялданчумун. Кудай буюрса, кыялым орундалып жатат. Кичинекей кезимден бери эле футбол ойноп, спортко кызыгам. Азыркыга чейин спорт менен алектенип турам. Биз бала кезде шоу-бизнесте Мирбек Атабековдор катуу чыгып жатпады беле, ошолорду көрүп мен дагы алардай болуп сахнага чыккым келчү. Бирок ал кезде театр жөнүндө такыр түшүнүгүм жок болчу. Актёр деген киного эле тартылат деп ойлочумун. Кийин окууга тапшырып, театр, сахна эмне экенин билгенден кийин аны баш отум менен берилип сүйүп калдым.

– Театрга кантип келип калдыңыз эле?

– Университетти аяктагандан кийин сабак берген мугалимим, Кыргыз Эл артисти Гүлайым Каниметова “Токтоболот Абдумомунов атындагы Кыргыз драма театрында актёрлорду кабыл алууга сынак болуп жатат, кел” деп калды. “Жок, эже, азыр даяр эмесмин” десем болбой алып келген. Анан сынактан өтүп кеттим. Театрга жол көрсөткөн Гүлайым эжеге ыраазымын. Буюрса, иштеп жүргөнүмө 8 жыл болду.

– Акыркы 3 жыл аралыгы сизди клип, тасмалардан көп учуратам. Мурун студент кезде тасмага тартылууга аракет кылган эмессизби?

– Студент кезде эч нерсеге тартылган жокмун. Анткени мугалимдер “колуңардан келсе тартылбай эле койгула, силер быша элексиңер. Качан гана даяр болгонуңарда жакшы тасмаларга тартылгыла” деп кеңештерин берчү. Ошолорду эске алып, кастингдерге дагы барган жокмун. Кийин театрда иштеп баштаганда кастингдерге барып аракет кыла баштадым. Кастингдерден өтпөй 5 жыл жүрдүм окшойт. “Аракет кылсаң – берекет” дейт го, акыркы 3-4 жыл ичи тартылып баштадым.

– Актёрлук багыңызды ачкан кайсы тасма болду?

– “Мекен” тасмасы чыккандан кийин “сиз кыргыз эле турбайсызбы” деп таң калгандар, “эй, кытай” деп тийишкендер да болду. Ушул тасмадан жолум ачылды деп ойлоп коём. Анткени ага чейин көп кастингдерге барып өтпөй жүрүп, тажап калгам. Ичимден “ушул менин акыркы кастингим болот, ушуга барам, эгер өтпөсөм, болду эч качан барбайм, театрда эле иштейм” деп чечим чыгарып баргам. Кудай жалгап өтүп кеттим. Андагы жараткан кытайдын образы өзүмө дагы аябай кызык болгон. Улутуң башка, кытайча өмүрү сүйлөп көргөн эмессиң. Андагы сөздөр дагы жөн эле сөздөр эмес, мааниге жараша жазылган сөздөр болчу. Ошонун баарын жаттап, дикциясын өздөштүргөм. Съёмка учурунда ырахатын сезе алган эмесмин, анткени барак кароо менен эле өтүп кеткен.

– Алгачкы жолу тасмада башкы каармандын ролун жаратуу кандай болду?

– “Адилет” тасмасынын режиссёру тасма тартылардан бир жыл мурун эле ошол ролду сунуштаган. Айткандан тартып эле опер, милициялардын баскан-турганын карап, үйрөнө баштадым. Бул менин алгачкы башкы ролум, анан да сериал болуп жатса, элге жеткире жакшы аткарсам экен деген жоопкерчилик чоң болду. Үйгө барып анализдеп, мындай аткарсам болмок деп жаттым. Негизи өзүмдү экрандан көрө алчу эмесмин, кемчиликтеримди оңдош үчүн айла жок тасмаларымды көрүп чыгам. Бул тасмадан кийин да өзүмө бир топ сабак алдым.

– Тасмадагы образдардын кайсынысы өзүңүзгө жакын?

– Салыштыра келгенде менин кулк-мүнөзүмө Адилеттин образы көбүрөөк жакын. Бирок көбү “Акыркы сабактагы” агайдын образын жактырышат. Бул дагы мен үчүн ийгиликтүү ролдордун бири. Мурун мени Адилет деп таанышса, азыр агай деп тааныгандар көбөйдү.

– Актёрлуктан башка эмне иш кыласыз? Сценарий жазуу, режиссёрлук кылуу оюңуз барбы?

– Башка ишим жок, тойлорго дагы чыкпайм, меники болгону театр, чакыруу түшүп калса тасмаларга тартылмай. Бирок Кудайга шүгүр, ушуну менен нан таап жеп жатам. Азырынча сценарий жазуу, режиссёрлук кылуу оюмда жок. Менин негизги багытым – актёрлук. Азыркы максатым – кандай роль болбосун, бүт баарын ойноп, чыгармачылыкта өсүш керек. Наркоманбы, селсаякпы, иши кылып кызыктуу персонажды жакшы ачып бергим келип жүрөт.

– Маегиңизге рахмат! Чыгармачылык ийгилик каалайбыз!

Динара Акимова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
10.05.2022. 16:26 
Тайпасы:
Жаран
Комментарийлердин саны:
14
Катталган:
17-06-2020
Соӊку аракети:
23-05-2022 13:09
Жынысы:
Белгисиз
0
Мен бул актёрду казак актёру деп эле жүрө берипмин, кыргыз эле турбайбы... Казак актёр кыргызча так сүйлөйт экен деп эле жүрөм...
15.05.2022. 23:00 
Тайпасы:
Кыймылы жок
Комментарийлердин саны:
24
Катталган:
26-04-2017
Соӊку аракети:
15-05-2022 23:06
Жынысы:
Белгисиз
0
Жакшы кором ушу байкени
Катышкан спектакльына баргым келип журот
16.05.2022. 01:04 
Тайпасы:
Жаран
Комментарийлердин саны:
25
Катталган:
26-01-2016
Соӊку аракети:
26-05-2022 10:22
Жынысы:
Белгисиз
Калаасы:
♡♡♡ОШ♡♡♡
0
Мен да таза кытай экен дегем биринчи
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
27049;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: