Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Футбол жылдызы КАРИМ БЕНЗЕМА

№1013 6-12-май, 2022-ж.


Жакыр жашаган үй-бүлө. 9 бир туугандын арасында тамак-аш, кийим-кече, үй-бүлөдөгү сыйлуу орун, көчөдөгү, мектептеги шылдың-келекеден арылуу үчүн күрөш... Испандардын “Реал Мадрид” футбол клубунун чабуулчусу Карим Бенземанын жашоосу кичинекейинен эле кыл чайнашкан күрөш, атаандаштык менен өтүп жаткан өңдүү. Бир кезде эч ким теңине албай, “кедейсиң, семизсиң” деп шылдыңга кабылган Каримдин аты азыр дүйнөгө белгилүү футболчулар Месси, Роналдунун ысымдары менен катарлаш жүрөт.

Аты-жөнү: Карим Мостафа Бензема

Туулган жери: Франция, Лион

Туулган жылы: 1987-жыл, 19-декабрь

Бою: 185 сантиметр

Кесиби: футболчу

Ойногон клубу: “Реал Мадрид”

Номери: 9

Амплуасы: чабуулчу

Жетишкендиктери: УЕФАнын чемпиондор лигасынын жеңүүчүсү – 2013/14, 2015/16, 2016/17, 2017/18.

Клубдук дүйнө чемпиондугунун жеңүүчүсү2014, 2016, 2017, 2018

ЖАМАН-ЖАКШЫ ПОЛИЦИЯ

Түндүк Африкада жайгашкан Алжир мамлекетинде Бенземанын үй-бүлөсү жакыр турмушта жашашкан. Өз мамлекетинен жаркын келечекти көрө албаган үй-бүлө 1950-жылдары Франциянын Лион шаарына көчүп келишет. Француздардын жеринен баласы Халид Бензема сүйүктүүсүн таап, түбү алжирлик Вахида Жеббара аттуу кызга үйлөнгөн. Халид менен Вахида 9 балалуу болушту. Алар жашаган Лиондун Брон Террайон району эң жакыр, жумушсуз, кылмыш-кырсыктар көп катталган аймак эле. Ата-эне “жаман жолго түшүп кетпесе экен” деп айрыкча эркек балдары үчүн көп кабатыр болушчу.

Карим кичинесинде толмоч бала эле, анын салмагын көчөдөгү, мектептеги балдар көп шылдыңдашты. Анан да эмигранттарды жактырбай, көзүнүн төбөсү менен карагандар четтен чыгат эле. Көк, кызуу кандуу, тентек Карим ызаланып “карап тур, чоңойгондо баарыңардан өч алам. Менин атымды эстеп кала тургандай болосуңар” деп айта турган. Бир тууган Бенземалар бири-бирине болушуп башкалар менен көп мушташышты. Балдарынын тарбиясына катуу көз салып, алардын жаман жолго түшпөшү үчүн аракет кылган Халидди үйүндө “жаман полиция кызматкери” деп коюшчу. Апасы болсо баарына болушкан “жакшы полициянын” ролунда эле.

БИЛИМ ЭМЕС, ФУТБОЛ!

Каримдин окууга кызыгуусу жок болгону менен, футболду кичинесинен сүйдү. 8 жашында өздөрү жашаган райондун “Брон Террайон” футбол клубуна кошулган. 17 жашында ал Франциянын “Лион” курама командасына резервдик оюнчу катары кабыл алынган. Көп өтпөй ал негизги курамда чабуулчу катары ойноп калды. 2007-жылы Чемпиондор Лигасында жана Франция чемпиондугунда чечүүчү голдорду киргизген Бенземага европалык клубдардын кызыгуусу арткан. “Арсенал”, “Милан”, “Ливерпуль”, “Челси” сындуу футбол алптары Каримди колго алгысы келишти. Бирок “Лион” ишенген футболчусунан кол жуугусу келбей, “жок” деген жоопту беришкен.

Калп айткан менен болобу, көп нерсени акча чечери анык эмеспи. 2009-жылы көп суммадагы акча Бенземанын тагдырын башка нукка бурду. Испандык “Реал” клубу “Лионго” Карим үчүн 35 миллион евро сунушташкан. Буга чейин алмашкыс болгон оюнчу 35 миллион еврого сатылып кеткен. Бул чечимден кайсы тарап утулганын ким билсин, бирок Карим Бензема үчүн жемиштүү эле келишимге кол коюлду. Ал “Реал Мадрид” менен 6 жыл иштешүү жана жылына 6 миллион евро акы алуу сунушуна макул болгон. Андан бери клуб менен футболчу келишимди улам-улам узартып, жаңылап отуруп 2022-жыл келди. Каршылаштардын дарбазасына чечүүчү голдорду, хет-триктерди киргизген Карим бир нече жолу командасын алга сүрөп чыкканын футбол күйөрмандары тана албас. Бензема “Реал Мадриддин” курамында эле 600гө жакын оюнга чыгып, 300дөн ашык гол киргизген чебер футболчуга айланды.

БЕНЗЕМАНЫ БЕНЗЕМА КЫЛГАН ЗИДАН

Анын футбол ааламында жылдызга айланганына Зинедин Зидандын опол тоодой салымы бар. “Реалга” келгичекти эле Каримдин оюнуна көз салып жүргөн Зидан командага кошулганда жаш футболчуга кеп-кеңешин берип, анын потенциалын өстүрүүгө аракет кылган. Футболчу катары да, машыктыруучу катары да “Реалдын” тарыхына атын калтырган Зинедин Зидандын оюнчусу устатынын ишеничин толук түрдө актады десек болот. Буга Зидандын “Бензема – мен үчүн тарыхтагы мыкты француз чабуулчусу” деген сөзү далил.

МЕДАЛДЫН 2 ТАРАБЫ БАР

Футбол талаасында жылдыз аталып, шамал менен жарышып топ кубалаган спортчунун жеке жашоосу ызы-чуулуу окуяларга бай. Кайсы бирин айтайын дегендей эле кеп.

2015-жылы Карим Бенземанын аты француз футболчусу Матьё Вальбуэнадан коркутуп-үркүтүү жолу менен акча талап кылган адамдардын арасына кошулуп калган. Матьё Вальбуэна менен жаш кыздын интимдик видеосу колуна тийген адамдар футболчуну коркутуп, көп суммадагы акча талап кылышкан. Спортчу укук коргоо органдарына кайрылып, жыйынтыгында шектүүлөрдүн катарына Карим Бенземе да кошулуп калган. Бирок Карим ал видео жөнүндө билбестигин, досу Матьё менен жолуктур дегенде алардын ортосуна көпүрө гана болгонун айткан. Сот иштери 6 жылга созулуп, 2021-жылы сот Бенземаны да күнөөлүү деп таап, аны бир жылга шарттуу түрдө эркинен ажыраткан. Ошондой эле
75 миң евро айып пул төлөө чечимин чыгарган. Бул иш, албетте, Бенземанын карьерасына таасирин тийгизбей койгон жок. Франция аны улуттук курама командасынан бир нече жылга четтеткен.

2015-жылы “Реалдын” форвардына дагы бир кылмыш иши ачылып, ал мыйзамсыз баңгизат сатууга шектелген. 2017-жылы гана кылмыш иши жабылып, футболчу акталып чыккан.

Бензема жашы жете элек кыз менен интимдик катнашка барган деген да ызы-чууга кабылган. Тергөөдө кыз жашын футболчудан жашырганын айтканда гана иш “дым-дым” болгон.

2017-жылы Карим жол кырсыгынын күнөөкөрү болгон. Буга чейин деле жол эрежелеринин коопсуздугун сактабаганы үчүн полициядан бир нече эскертүү алып, айып пул төлөгөн спортчу өткөндөн сабак алышы керек эле.

БИР КЫЗ, БИР УУЛДУН АТАСЫ

Шаан-шөкөттүн үстүндө жүргөн жигиттин жашоосунда белгилүү айымдардын да ысымдары бар. Ырчылар Рианна, Женифер Яэль, модель Аналисия Чавес менен болгон сүйүү мамилелери узакка созулган эмес. Модель Хлоя де Лоне экөөнүн ортосунда Мелия аттуу кыз бар. Ал эми Карим Бенземанын моюнуна “каамыт кийгизип”, нике шакегин салдырган модель Кора Готье болду. Карим менен Кора уулу Ибрагимди тарбиялап келишет. Футболчунун социалдык тармактардагы баракчаларындагы уул-кызы менен түшкөн сүрөттөрүн, видеолорун карап, “ий, баласаак ата экен” деп сүйүнүп каласың.

Асыл Орозбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27049;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: