БИР БҮРКҮМ. 18 АВТОМЕКТЕП ЖАБЫЛДЫ...

УКМК: Бишкекте жарандарды коркутуп жүргөн деп шектелип уюшкан кылмыштуу топтун мүчөсү кармалды.
Бишкектин вице-мэри Жамалбек Ырсалиев кызматтан бошотулуп, ордуна Олег Попиков дайындалды.
Чаткалдын Жаңы-Базар айылында 18 жаштагы жигит сууга агып кетип изделүүдө.
Өлкөдө айдоочуларды даярдоочу 18 мектеп талапка жооп бербейт деп жабылганы кабарланды.
Токтогул суу сактагычында суу көбөйүүдө, 11-майга карата анда 9 миллиард 518 миллион метр куб суу бар.
Жаан-чачында таш түшүү коркунучунан улам Түндүк-түштүк альтернативдүү жолунун Арал айылынан Казарманга чейинки бөлүгү 11-майдан 18-майга чейин жабылат.
Депутат Арсланбек Малиев Кыргызстанда марихуананы легалдаштырууну сунуштап чыкты.
Бишкекте 16-майдан 16-июнга чейин ысык суу берүү токтотулат, себеп – тармактагы оңдоп-түзөө иштери.
Чүйдүн Аламүдүн айыл өкмөтүнүн башчысы коррупцияга шектелип кармалганы маалымдалды.
Сүлүктү шаарында 8-майда өткөн тойдо 32 адам тамак-аштан ууланганы айтылды.
Чек ара кызматы: Баткенде кыргыз-өзбек чек арасынан мыйзамсыз жүк алып өтүүгө аракет кылгандар колго түштү.
Бишкекте Кытай жаранын тоноого шектелип 4 жаран кармалды, шектүүлөрдүн бири кыз.
Кара-Суу районунда селден 12 үй зыянга учураганы маалымдалды.
Кыргызстандын президентинин эл аралык "Эл үмүтү" стипендиясы негизделди.
12-майда Бишкек-Ош жолунун Өзгөн аймагындагы тилкесинде жол кырсыгы катталып, айдоочу, анын 6 жана 5 жашар балдары каза болду.
Кыргыз-Түркия өнүктүрүү фонду түзүлүшү мүмкүн экени маалымдалды.
Билим берүү жана илим министрлиги: Жаңы окуу жылында деле мугалимдер жогорулатылган маяна алышат.
Президентке караштуу Мамлекеттик тил жана тил саясаты боюнча улуттук комиссиянын төрагасы болуп Каныбек Осмоналиев дайындалды.
Кара-Балта шаарында 15-майда велосипед тебүү мезгили расмий түрдө ачылат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1014, 13-19-май, 2022-ж.