БИР БҮРКҮМ. ОКУУ ЖЫЛЫ 9-ИЮНДА АЯКТАЙТ...

Президент Садыр Жапаров 17-майда Бириккен Араб Эмираттарынын президенти менен жолугушту.
Бишкек мэриясы: Бишкектин көчөлөрүнөн 70тен ашык жарнама такталары алынып салынды.
Бишкекте 38 жаштагы жаран уюлдук телефон уурдап жаткан учурда колго түшүрүлгөнү маалымдалды.
Салык кызматы: Өлкөдө 4 айда 14,4 миллиард сом камсыздандыруу төгүмдөрү жыйналды.
Министрлер кабинетинин төрагасынын биринчи орун басары Арзыбек Кожошевдин кеңешчиси пара алууга шектелип кармалганы маалымдалды.
ИИМ: Кыргызстанда Орто Азияга баңгизат саткан ири канал жок кылынды.
Кыргызстанда 18-майда эл аралык музей күнү бардык музейлерде салтанаттуу белгиленди.
18-майда "Ош" эл аралык аэропортунун күтүү залынын шыбы урап түшүп, жамгыр суусу имаратты каптады.
Кыргыз жарандарын Европа жана АКШга мыйзамсыз миграцияга жөнөткөн деп шектелип 36 жаштагы аял кармалды.
Бишкекте 14 жашар өспүрүм бала 18-майда көп кабаттуу үйдүн терезесинен кулап каза болду.
Балбак Түлөбаев, депутат: "Педофилдерди асыш керек".
Бишкекте 2022-жылдын 1-июлунан тарта автобус жана троллейбустарда жол кирени накталай төлөөгө тыюу салынары айтылды.
Бишкекте быйыл 8233 окуучу 11-классты аяктайт.
Парламенттеги "Ата Журт" фракциясы Кыргызстанга оң рулдуу автоунааларды алып кирүүгө уруксат берүүнү караган мыйзам долбоорун 19-майда четке какты.
Учурда Кыргызстанда картошканын 1 пайыздайы гана кайра иштетилерин айыл чарба министринин орун басары Азамат Мукашев билдирди.
Бишкекке жаңы кичи район куруу пландалууда, парламент депутаттары аны "Манас Сити" деп атоону сунуштап чыгышты.
Улуу Британияга 1000 Кыргыз жараны жумушка жөнөтүлөрүн Эмгек, социалдык камсыздоо жана миграция министрлигинен билдиришти.
Жогорку Кеңештин вице-спикери Жамиля Исаева "БУУ-Аялдар" уюмунун Кыргызстандагы өкүлү Улзийсурен Жамсран баштаган коомдук уюмдардын өкүлдөрүн кабыл алып, анда гендердик теңдик маселеси талкууланганы кабарланды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1015, 20-26-май, 2022-ж.