Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Илим Карыпбеков: «ЭЛ ЭМНЕ ДЕЙТ ДЕГЕНДИК – БИР БАЙКУШТУН ЖАШООСУ»

№1019 17-23-июнь, 2022-ж.


Интернеттеги социалдык тармактарда бул кишинин өзгөчө юмор аралаш ийине жеткире айткан сөздөрүн күтүп окугандар көп. Илим Карыпбеков медиа эксперт, мыкты менеджер катары көпчүлүккө таанымал. Акыркы учурда блогер, альпинист катары да тааныла баштады. Жакында эле Непалдагы атактуу 2 чокуну багындырып келген Илим мырза менен ар кыл темада кеп козгодук.

«МОТОЦИКЛДИ ЖАКШЫ ТҮШҮНӨМ»

- Мурун мотоциклге кызыкчу деле эмесмин. Бир күнү досум мотоцикли менен келип "айдап көрсөң" деп калды. Айдап көрдүм, жаккансыды. Бул деле жаңы нерсе, үйрөнсө үйрөнөйүн деп интернеттен карап, анан инструктор жалдап жакшылап өздөштүрдүм. Анан өзүм мотоцикл алдым. Кызыгып изилдеп жүрүп мотоциклди жакшы түшүнүп калдым. Жаз келери менен мотоциклимди гараждан чыгарам. Бизде мотоциклдин сезону 7-8 ай, шаар ичинде тыгын менен ишиң жок айдап жүрө бересиң. Майга дагы үнөмдүү, 10 литр бензин куйсаң 300-400 чакырымга жетет.

«ТООСУЗ ЖАШООНУ ЭЛЕСТЕТҮҮ КЫЙЫН»
- Негизи тоого көп чыкчумун, бирок альпинист болуу оюмда жок эле. Бара-бара чокуга чыгып жаткан альпинист балдарды көрө баштадым. Бизде альпинизм факультетин аяктап жаткандар 4170 метр бийиктиктеги Комсомолец чокусуна чыгышат. Алгач мен дагы ошол чокуга чыгып көрөйүн дедим, чыга алдым. Ошентип эле башталып кетти. Анан Учитель, Адыгине, Путин чокуларына чыктым. Көнгөндөн кийин аркан менен атайын жабдыктарды алып аскаларга чыкканды үйрөнүүгө киришип, альпинисттерге аралаша баштадым. Анан альпинизм федерациясына Эдуард Кубатов президент болуп келгенде “вице-президент бол, альпинизмди өнүктүрүүгө жардам бер” деп суранып калды, 4 жылга шайландым. Азыр мага тоосуз жашоону элестетүү кыйын болуп калды.

«ЭВЕРЕСТКЕ БАРСАМ ДЕГЕН МАКСАТЫМ БАР»
- Бир күнү Эдуард Кубатов “туристтик топту Эвересттин этегине алып бара жатам, кааласаң барып кел” деп калды. Туристтик топко кошулуп Гималайды көрүп, 6200 метр бийиктиктеги Лабуче чокусуна, андан ары Кала-Патхар (5645 метр) деген чокуга чыктым. Эми, буюрса, июлда 7134 метр бийиктиктеги Ленин чокусуна барам. Күзүндө экспедициялык топ 8163 метр бийиктиктеги Манаслу тоосуна чыкканы жатабыз. Ленин, Манаслуга ийгиликтүү чыксам, буюрса, Эверестке барсам деген максатым бар.

«ТИЛ БИЛБЕСЕҢ СЕН ЖАРТЫ АДАМСЫҢ»
- Адамга эң зыяндуу сапаттардын бири – билимсиздик. Билимсиздик аракет кылбагандан пайда болот. Туура эмес, жаман нерсенин баарын билимсиз, акылсыз адам кылат. Экинчиси – тил билбестик. Жалгыз эле кыргыз тили менен оокат кылып өтүп кетем деген өтө чоң жаңылыштык. Тил билбесең сен жарты адамсың. Андан тышкары элге көз артып, сын тагып, ушактап эле отура бергендик өтө начар сапат. Бул адамга эч бир пайда алып келбейт. Кыргызда көрө албастык канга сиңип калгандай эле, бирөөнүн иши жакшы болуп жатса, өзүңдүкүн андан жакшы кылууга аракет кылгандын ордуна, аныкын жаман кылууга аракет кылабыз. Кээ бирөө “менде мындай сапат жок” деп так кесе айтат го. Антип айтуу туура эмес. Себеби азыр сенде мындай сапат болбогону менен, тигиндей чыгып бирөөнү жамандап салсаң дароо пайда боло калат. Булар менен Кудайдын куттуу күнү күрөшүш керек.

«БИРИНЧИ КЕЗЕКТЕ ӨЗҮҢДҮ БАКТЫЛУУ КЫЛ»
- "Эл эмне дейт?” дегендик бул бир байкуштун жашоосу. Өзүн чектеп жашагандар – аң-сезим жактан майып адамдар. Себеби татыктуу жашоону ойлонбой эле “кой, мындай кылсам эл жаман ойлоп калат” дей беребиз. Мисалы, балдар ээн-эркин ойлонуп жатса “кой, бала деген баладай болгону жакшы, отур” деп шагын сындырып тыйып салабыз. Биринчи өзүңдү бактылуу кылып, анан тегерегиңдеги адамдарга жардам берүүгө аракет кылышың керек. Тегерегиңдеги адамдар бактысыз болуп жатса, анда өзүң толук кандуу бактылуу боло албайсың. “Эл эмне дейт?” деп чектей бергендин билими төмөн болот. Так ошол адам коомго зыян кылат. Билимдүү адам коомго зыян келтирчү нерсени эч качан кылбайт.

«АЛАРДЫН ТААСИРИ МАГА БИР ТЫЙЫН»
- Мурун кайсы саясатчы таасирдүү деп кызыгып, ойлоно берчүмүн. Кийин саясаттан кеттим. Азыр алардын таасири, аброю канчалык деңгээлде экени мага бир тыйын. Айрымдар “сен аларды сындап жатпайсыңбы” деп айтышы мүмкүн. Мен коомдун өкүлү катары “бул жагыңар кемчилик, оңдошуңар керек” деп белги берип жатам. Акылы жетсе оңдойт, жетпесе мага коркутуп телефон чалып, же ар кандай каттарды жөнөтүшөт. Бул акылы аз саясатчылардын кылганы.

«ЭРКЕККЕ КАРАГАНДА КЫЗ КИШИ АКЫЛДУУ»
- Эркекке караганда аялзаты бардык параметрлер боюнча кыйла өйдө. Эркектин аялдан бир эле артыкчылыгы бар – булчуңу күчтүүрөөк. Эркекке караганда кыз киши акылдуу, сабырдуу, чыдамдуу, билимдүү, эмгекчил. Ошол артыкчылыктарга татыктуу жооп бериши үчүн эркекке мээ керек. Көбүбүздө мээ жок болгондуктан зордук-зомбулук, чектөө менен башкарып жатабыз. Коомдо аял кишиге ушундай мамиле качанкыга чейин уланса, биздин ийгиликсиздигибиз, өлкөнүн чабалдыгы ошого чейин улана берет.

«ӨЛКӨГӨ ЭМНЕ САЛЫМ КОШТУМ?..»
- "Өлкөнүн өнүгүшүнө салым кошпойсуңбу” дегендерге дайыма айтам, ар бир кыргыз жараны акылдуу, билимдүү болуп өзүн-өзү бакса андан ашкан салым жок. Өлкөнүн байлыгы – адам. Элестетиңиздер, 6 миллион адамдын 4 миллиону сабаттуу болуп, коркутуп бирөөдөн жулуп албай, коррупция кылбай, эмгек менен акча таап жашоосун жакшынакай оңдоп кетсе Кыргызстан өнүгүп жатып калат. Мен эмне салым коштум? Эч кимден эч нерсе сурабайм, акчаны уурдап алып жаткан жокмун. Колумдан келишинче мага ишенген адамдарга таасир эткенге, спорт менен машыгууга, бийик максаттарды коюуга, жаман жолго түшпөөгө үндөп, өз мисалым менен жашоонун башка жактары бар экенин көрсөтүп жатам.

«БАЛАГА ТАТЫКТУУ МАМИЛЕ ЖАСАШ КЕРЕК»
- Менде балалыктан калган психикалык травма аябай көп. Кичинекей кезде жашоом бир аз кыйыныраак болгон. Улуу агаларым мени катуу сабачу. Алар ичип келгенде үйдө мушташ чыкчу, вилка, бычак каткан, сарайга самандын арасына уктаган учурлар көп эле болду. Мен ата-энем жок өсүп калдым да, атам мага агадай мамиле кылчу, апам менен 16 жашымда тааныштым. Кичинемде башкалардын ата-энесин көрүп ичим күйчү. Азыркыга чейин эсимде калгандыктан ушунун баарынан психикалык травма алганымды билип жатам. Албетте, бул адам баласынын жашоосуна таасир этпей койбойт. Кудайга шүгүр, мен жакшы жолго түшүүгө умтула алдым. Мындай травмалар балдарды туура эмес жолго түртөт. Андыктан балага татыктуу мамиле жасашыбыз керек. Кыргызда балдарга дээрлик туура мамиле кылынбайт. Ошондуктан зордук-зомбулук көп.

Динара Акимова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
20.06.2022. 11:40 
Тайпасы:
Жаран
Комментарийлердин саны:
320
Катталган:
20-03-2016
Соӊку аракети:
07-07-2022 20:11
Жынысы:
Белгисиз
Калаасы:
Татарстан
+2
Кана эми баары Ушул кищидей ойлонсо аттин
20.06.2022. 12:21 
Тайпасы:
Жаран
Комментарийлердин саны:
215
Катталган:
31-03-2009
Соӊку аракети:
04-07-2022 16:50
Жынысы:
Белгисиз
Калаасы:
Бактылуулар калаасы.
+3
Акылдуу киши
24.06.2022. 00:32 
Тайпасы:
Жаран
Комментарийлердин саны:
898
Катталган:
31-10-2020
Соӊку аракети:
04-07-2022 23:23
Жынысы:
Белгисиз
0
Жок,мен ушул сага ишене бербейм.Таэнен акылдуу эле.Бирде кошоматчы,бирде куу түлкүсүн!Чон кызматта деле иштеп жүрдүн.Илим жасап кетти деген артында из калтырган жоксун.Өзүнчө акылдуу боло бербечи.
26.06.2022. 17:26 
Тайпасы:
Жаран
Комментарийлердин саны:
12
Катталган:
19-01-2016
Соӊку аракети:
29-06-2022 12:25
Жынысы:
Белгисиз
0
Жоругуң жолдо,калгыр. Эл эмне дейт, бул тартип, кыргыз каада салттын асыл сапаты.Сага окшогондорун сүйлөөсү, ички маданияты такыр жок. Мыскылдап күлүп түрасың ар дайым. Кыргызда жакшы сөз бар. Күлүп тургандан түңүл дейт. Арсыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
27214;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: