Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Эмил Жамгырчиев, Жогорку Кеңештин депутаты: «КАКЫЛДАП КОЙСО ЭЛЕ КЫЙЫН ДЕПУТАТ БОЛУП КАЛБАЙТ»

№1019 17-23-июнь, 2022-ж.


Жогорку Кеңештин депутаты Эмил Жамгырчиевдин бейнесин ачып берели дедик. Каарманым “абдан ишенчээкмин, адамдар сатып кетсе деле ишене берем” дейт. Маекте үй-бүлөсү, баскан жолу, саясий карьерасындагы тоскоолдуктар жөнүндө да кызыктуу кеп салып берди.

– Саламатсызбы, Эмил мырза? Парламентке депутат болгонуңузга 2 ай болду. Байкоолор кандай? Депутаттык сиздин табиятыңызга ылайык эле кызмат бекен?

– Эл өкүлүнүн негизги милдети – эл менен тыгыз иштешип, алардын көйгөйүн чечүү. Элди бейпил жашоо менен камсыз кылуу. Менин жообум сизге канчалык баналдуу сезилбесин, бирок чындык ушул, депутат болуп келүүнүн максаты – элге пайдаңды тийгизип, жардам берүү. Микрофонго какылдап койсо эле кыйын депутат болуп калбайт. Элдин көйгөйүн жон тери менен сезип, билиш керек. Парламентке келгиче 20 жыл аткаруу бийлигинде иштедим. Ага чейин Европа өлкөлөрүндө миграцияда жүрдүм, биздин азыркы мигранттарга тиешелүү көйгөйлөрдүн көбүн билем. Өзүм үч жарым жыл Улуу Британияда окуп, иштедим. Эмне деген гана жумуштарды жасабадым, ажаткана жуугандан тарта далай жумушта иштедим. Ал жактан иштеп топтогон акчабызга иним экөөбүз Кыргызстанга келип ресторан, тамак-аш бизнесин ачканбыз. Тамак-аш рецепттерин абдан жакшы билем. Негизги турмуштук тажрыйбаны миграцияда жүрүп аласың. Менде мамлекеттик кызматтагы да, турмуштук да тажрыйба жетиштүү.

– Сизди саясатка алып келген жол жеңил болдубу же татаалбы?

– Бардык кыйынчылыктан өттүм. Тоскоолдуктар, жаманатты кылуулар, ортодо абакка да отуруп чыктым. ИИМдин академиясын кызыл диплом менен бүткөм. Окугандан кийин билимим текке кетпесин деп укук коргоо органдарында 10 жыл иштедим. Акыркы кызматым Финансы полициясынын төрагасынын орун басарлыгы болду. Ушул кызматта иштеп көп ажыдаардын куйругун бастым. Бизге чейин Каржы полициясында иштеген команда бюджетке 1,5 миллиард сом төксө, биздин команда ал көрсөткүчтү 5,5 миллиард сомго жеткирди. Бирок бул 5,5 миллиарддын артында көп ажыдаарлар туруптур, ошолордун каарына калдым. Ошол кездеги бийлик мага кылмыш ишин козгоду. Абакка отурдум, кийин соттон акталдым. Биз, депутаттар, жок дегенде жарандардын укугун коргой турган пайдалуу мыйзамдарды жазсак дейт элем. Анткени укук коргоо жаатында кандай акыйкатсыздык орун алып жатканын жон терим менен сездим, СИЗОдо отурганда 4,5 жылдан бери сот чечимин күтүп камакта отурган адамдарды көрдүм. Көрсө, алардын кылмыш иши боюнча экспертиза дайындалган экен, экспертизаны күтүп отурганына 4 жылдан ашып кетиптир. Же соту болбой, же экспертизанын жыйынтыгы чыкпай отура берген болбойт да. Алар да биздин жарандар. Миграция боюнча жакында Улуттук банк жаңы мыйзам долбоорун алып келди, банктын “кара тизмесине” кирген жарандар Евросоюз алкагындагы мамлекеттерге ачык болсун деп жатышат. Жарандарыбыз миграцияда жыргаганынан жүргөн жок, мисалы, Орусиядан насыя алалы десе “кара тизмеден” сөзсүз чыгып калат, эл деле өзүнүн оокатын кылып алсын да. Азыр ар бир үчүнчү жарандын банктан алган насыясы бар. Жашоодо ар кандай болот, кээде өз убактысында төлөй албай банктын “кара тизмесине” кирип калышат. Мен 500 миң сомго чейин насыя алып “кара тизмеге” кирип калган жарандарды тизмеден чыгаргыла деп сунуштадым.

– Депутаттыкка талапкерлигиңизди койгондо дарегиңизге бир топ сындар да айтылып жатты...

– Ооба, кара пиар ашыгы менен болду. Кеп менде эмес, мен ээлеген кызматта болчу. Депутаттыкка аттанып жатканда да көп тоскоолдуктар болду. Абактан чыгып үгүт иштерин жүргүзүп, элдин ишенимин алуу деле оңой эмес, эми ар бирине барып актана албайт экенсиң да “мен анткен эмесмин” деп. Сот иштерим да жүрүп жатты, ошол эле учурда үгүт иштерин да жүргүзүп жаттык. Ак ийилет, бирок сынбайт дейт эмеспи, шайлоо башталарга 10 күн калганда акталдым. Айрым үгүтчүлөрүм өзүмө келип эле “сен соттолот турбайсыңбы, сотто сага 15 жыл сурашпадыбы” деп жатышты. Ушундай оор кырдаалга карабай элимдин колдоп шайлап бергени мен үчүн чоң жеңиш болду.

– Кеп нугун өзүңүзгө бурсак, балалыгыңыз кайда өткөн?

– Мени көптөр көпөстүн баласы деп ойлошот экен. Андай эмес, ата-энем карапайым адамдар. Апам медицина кызматкери болуп, атам бала бакчаларга азык-түлүк ташып көп жыл иштешти. Өзүм Бишкек шаарында төрөлгөнүм менен, айылда чоң ата, чоң энемдин колунда өстүм. Супер саякмын, Жумгал районунун Дыйкан айылынан болом. Балалыгымда тентек элем, апам “сенин топурагың жеңил” деп койчу. Балдар мушташкан жерде баары качып кетет, мен эле калып калам. Кичинемден спортко жакын өстүм, алгач циркте бир дөңгөлөктүү велосипед тээп үйрөндүм, кийин дзюдо менен машыктым. Мектеп курагында таэквондого катышып, ал спорт түрүнөн кара курдун ээси болгом.

– Чакан мамлекетиңиз тууралуу, тамаша-чынга сала бир эле аялыңыз барбы деп да сурагым келди...

– Мактанбайын, мендейлерди “однолюб” деп коюшат. Жүрөгүмө бир эле аял батат. Экинчи аял алганга “повод” деле жок, анткени келинчегим менен бактылуумун. Жубайым юрист, ата-энебиз менен чогуу жашагандыктан энемден алган тарбиясын балдарына берип келет. Өзүм шар жүргөн жигитмин, бала кезден ата-энеме жөлөк болоюн, таяныч болоюн деп мээнет кылып жүрүп кыз жандап ага гүл берип, романтика тартуулаганга деле убакыт болгон жок. Ошондуктан жубайым менен бир жума сүйлөшкөндө эле баш кошуу сунушун киргизгем. Таанышкандан бир айдан кийин баш кошконбуз. Чогуу жашап жатканыбызга 18 жыл болду, 4 балабызга татыктуу тарбия берип жатабыз.

– Акыркы жолу качан ыйладыңыз эле?

– Чынын айтсам, ал күндү эстегим да келбейт. 2017-жылы октябрь айында бир тууган иним Нурлан Жамгырчиев автокырсыктан каза болгон. Ошол кездеги вице-премьер-министр Темир Жумакадыровдун кеңешчиси болуп иштечү, аны менен шайлоо иштерине байланыштуу Таласка иш сапарга баратып жолдо кырсыктан каза болгон. Бул аза биздин үй-бүлө үчүн чоң сокку болду. Айрыкча ата-энем күйүп кетти. Аларды көрүп мен кыйналдым. Иним абдан кичи пейил, сылык, мамлекеттик кызматта иштесем деген дымагы күчтүү адам эле. Ата-эне бекеринен “алдыңдан кетейин” деп айтпайт экен. Азыр да ата-энем неберелерине “алдыңдан кетейин” деп отурушат.

– Ишенчээксизби? Адатта укук коргоо органдарында иштегендер ар бир нерседен шектенип, күмөн санай беришет...

– Ооба, ишенчээкмин. Мени сатып кетишсе деле, жамандык кылса деле ишене берем. Эч кимге ишенбей жашасаң, анда жашоонун кызыгы эмнеде? Абакта отурганда Жараткан менен көп диалог болот, “эмне үчүн, кайсы күнөөм үчүн?” деген суроолорду бересиң. Ошондо ойлоп көрсөм, 10 жыл тергөө кызматында иштеп эч кимди камабаптырмын. Анткени ишенчээк болчумун да (күлүп). Эркектин башына эмнелер гана келбейт, көтөрдүм. Бирок ата-энең, жакындарың көтөрө албайт экен. Камалып кеткеним да ошол ишенчээктигимден болгон, негизи.

– Таш менен урганды аш менен ур деген сөздү турмушта көп колдоном деп калдыңыз...

– Ооба, былтыр шайлоодо жакындарыма “шайлоодо мен утсам да, утулсам да мен үчүн эч ким менен урушпагыла” деп айттым. Анткени бир үй-бүлөдө 5 адам болсо, бешөө беш партияда үгүт ишин жүргүзгөн учурлар болду. Энем көп жылдан берки курбусунан “балама добуш берип койчу” деп сураныптыр. Бирок ошол айылдан мага эч ким добуш бербептир. Энем курбусуна таарынып алган, чалбайт, ал-абалын сурабайт. Анан мен “апа, мындай болбойт, каяктагы бир депутат болом деген жаман балаңыз үчүн 40 жылдык достугуңузду садага чабасызбы?” дедим. Балким, туура эмес адамды белгилеп алгандыр, салбай калгандын ар кандай шарттары болот да. Депутат болгондон кийин бата алайын деп шайлоодо башкалар үчүн, мага каршы иштеген туугандарымды кошо чакырдым. Мен үчүн мамиле баарынан бийик турат. Биз бири-бирибизге болгон сый менен гана баарын жеңе алабыз.

– Маегиңизге чоң рахмат!

Лунара Бекиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27214;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: