Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АК+КАРА (балеринанын тагдырын талкалаган ата-баланын баяны)

№1019 17-23-июнь, 2022-ж.


(Башы өткөн сандарда)

Аскардын мындай бошогонун биринчи көрүшү Алмаздын. Адатынча күлүп досун далыга таптады.

– Баягы “Сынган кылыч” китебиндеги Мусулманкул аталыкка окшоп ичиңде дагы деле бир амал бардай жүрчү элең. Бул жолу амалыңдын баары түгөндүбү, досум? Чындап түгөндүбү?

– Сонун кез эле, китептерибизди алып койду жайымыш болуп, китеп окугандан тажасак ат чаап, атыбыз чарчаганда бири-бирибизди ат кылып минип күн кандай өткөнүн билбей калчу элек.

– Сен бардык оюнда чырдап жатып утуп кетчү элең, эсиңдеби?

– А сен оозуңду ачып мага макул боло берчүсүң.

– Мен сени менен жөн эле талашкым келчү эмес. Жеңиш деген талашып чечилчү нерсе эмес.

Аскар ойлонуп калды. Ойлонуп көрсө Аскар ошол убакта жеңдим дегени менен, акыйкатында Алмаз жеңчү экен. Жашоодо ар дайым Алмаз жеңиптир. Өзүн андан акылдуу деп эсептеген менен, кыйын деп эсептеген менен тагдырда да, оюнда да, жашоодо да Алмаздан утулуп эле басып жүрчү тура. Өмүр бою чындап сүйгөн аял да Алмаздыкы болду. Ушул устаканасында туруп эле Алмаз аны утуптур. Ааламды кыдырып, эл алдында бакылдап депутат болуп, масштабдуу маселелерди чечимиш болуп жүргөн, аялдардан гарем куруп жүргөн Аскарды утуп жүрүптүр. Бул акыйкат өзүнөн-өзү калкып чыкты. Таң калды!

– Сен кыйынсың, Алмаз,- деп койду өкүт менен.

– Сен да кыйын болчусуң. Экөөбүздүн айырмабыз – сен эгоңдун курмандыгы болдуң. А мага аз нерсе жетиштүү болду. Эң негизгиси, Гүлүм жетиштүү болду. Өспүрүм кезимде “Гүлүм мага турмушка чыкса башка эч нерсени каалабайм” деп ойлочумун. Чындап андан башка эч нерсе каалаган жокмун. Башкасын Кудай мага өзү берди.

Аскар көзүн жума берди. Эми гана Гүлүм эмнеге аны тандабай, өзүнүн түшүнүгүндө көрүнүксүз эле Алмазды тандаганын түшүндү. Акылдуу кыз болчу ал. Аскар аны алса “мага ушул эле жетет” деп токтоп калмак эмес. Гүлүм деп сыздаганы менен, анын чыныгы баркын Алмазчалык түшүнмөк эмес, барктамак эмес, ага баары аз болчу. Куду ичинде бир ажыдаар бар сыяктуу тойбойт эле. Көз кычыктарына жаш келе түштү. Эрки менен силкип токтотту.

– Комузуң кайда, Алмаз?- деди.

– Тигине, илинип турат, эриккенде кыңгыратып коём.

Аскар комузду колуна алды. Алмаз экөө чогуу үйрөнгөн, бирок Аскар мыкты чертчү, мыкты ырдачу, келишимдүү эле, кимдин болсо да көңүлүн бура алчу. Кыңгыратып отуруп чертип кетти. Колу бир аз унута түшкөн экен, бирок тез эле эстетти. Муңдуу күү чакан устакананын ичине толуп чыкты. Көз алдына атасы, апасы тартылды. Жүрөгү сыздап чыкты, болбой эле черте берди. Алмаз элейип кулак төшөдү. Бир маалда Аскардын жүзүн карады. Купкуу болуп чыккан экен.

– Ээ-эй, эмне болду?

– Жүрөгүм...- дей берди кубарып.

Эсин жоготуп бара жатты, эсинде калганы Алмаздын корккон көздөрү эле.

ххх

Айсулуу үйүнө келип эмне кыларын билбей ары-бери баса берди. Кыргызстанга келгенден бери эки күн өттү. Эми чоң коркунучу менен бетме-бет келиши керек эле. Эрик менен сүйлөшүш керек. Саат чакылдап убакыт жакындап жатты. Банктагы акчасын топтоп, машинасын сатып Эрик каалаган акчаны чогултуп койгон. Бүгүн акчаны берет да, чындыктын баарын угат. Андан кийин эмне болорун бир Кудай билет. Телефонуна СМС келди. “Келдим” дептир да, даректи жазыптыр. Сумкасын алып бир саамга ойлонуп турду да, шарт чыгып кетти. Ээн кафелердин бири болчу. Кара күрмө кийип, кепкасын чекесине чейин түшүргөн эңгезердей болгон жигит экенин тааныды. Эмнегедир коркууну унутту. Тез жанына барды.

– Отур,- деди тиги столду көрсөтүп.

– Баарын башынан айтып бер.

– Жалгыз келдиңби?

– Ооба.

– 7 жыл мурун... Кыскасы, бул окуяда сен, Эркин, мен, баарыбыз курмандыкпыз. Баары бизден мурун башталган. Эркиндин атасы Аскар мурунку депутат, байлыгы бар, авторитети бар адам. Аялдарга аябай жакын эле, ошол себептен сенин апаң менен...

– Эмне-е?

– Ооба, Альфия менен Аскар бир нече жыл көңүлдөш болуп жашашат. Атаң аны билген менен, эмнегедир ажырашып кетпептир. Ал жагын мен билбейм. Альфиядан тажай баштаганда Аскар анын кызын кокустан көрүп калат. Балерина, ажарлуу, сулуу кызга, кыскасы, сага...

Айсулуунун үстүнөн бирөө кусунду төгүп жаткандай болду. Эмне деген окуя бул? Эмнеге ушунун баарын сезген жок?

Эрик көзүн ылдый каратып, бирок так, түшүнүктүү сүйлөп жатты.

– Аны Эркиндин апасы билип калат, уулуна арызданып ыйлайт, алардын колунда болгону сенин социалдык тармактагы сүрөтүң болгон. Эркин апасы үчүн сенден өч алгысы келет, сени жазалаш үчүн мени жана Санжарды пайдаланат. Мен да келесоо болчумун, болбосо эмнеге анын сөзү менен бул ишке бардым дейм да? 7 жыл түрмөдө жатып чыктым. Сен ал жактын кандай экенин билбейсиң. Менин статьям менен жаткандарга тынчтык жок. Кордук көрүп жатканда миң жолу Эркинден өч алам деп каргандым. Өч алам! Бирок сен анын атасынан өч аласың!

– Атасы?

– Сенин атаңды Аскар өлтүрдү. Атаң чындыкты билген, Эркиндин да тиешеси бар экенин билген. Далили да бар болчу. Бирок аны жолдон алып салышты. Ким кылды аны да айтып берейинби?

Айсулуу ооз ача албай калды. Куду коркунучтуу сериал көрүп жаткандай сезилди. Аптыга башын ийкеди.

– Аскардын буйругу менен менин атам өлтүрдү! Менин далилим жок, бирок бул иште менин атамдын тиешеси бар экенин сезем. Анткени акча үчүн өз уулун саткандан да артка кайткан жок. Бул чындык! Сен барып так Эркинге турмушка чыкканыңды билгенде “оп бали!” дедим. Мындан артык кандай өч алмакмын? Башында акчасын саап жүрдүм. Кийин кыйшаңдай баштады. Ал ошондой неме...

– Эркин мунун баарын билчү беле?- деди араң чыккан үнү менен Айсулуу.

– Албетте, тагдырдын тамашасы менен сени сүйүп калыптыр. Санжар айтты “Айсулууга чындыкты айтсаң, ал андан кетсе, андан артык өч ала албайсың. Анткени анык жашоосу ошондо бүтөт Эркиндин” деди. Жашоосу бүттү! Эми суицид кылабы, же башка кылабы, ал жагына башым оорубайт.

Айсулуу эч нерсе дей албады. Дарманы калбаганын сезди. Бирок ушул коркунучтуу адамдын жанынан кетиши керек. Араң ордунан турду.

– Э-эй, кана акча?

– Аа, азыр...- сумкасындагы конвертти алып араң сунду. Эрик мылжыйган боюнча акчаны алып ичин ачып купшуңдап сүйүнүп алды. Айсулуу чыгып кетти. Кайда барарын, кимге барарын билген жок. Чарчап калганча эле баса берди. Акылы чар-жайыт. Сезимдери баш аламан. Бир кезде чарчаганынан бир жерге отура калды.

– Айсулуу?- деди бирөө чыканактан кармай. Көзүн араң көтөрдү, атасынын жакын досу, кесиптеши Тилек байкеси экен.

– Машинадан сенби же сен эмеспи деп... Айсулуу, сен Москвада эмес белең? Качан келдиң?

– Тилек байке...- кыздын көздөрү коркунучтуу бакырайып кетти. Тилек анын абалын түшүнө калды. Колтуктай тургузуп машинесине алып барды.

– Азыр, азыр, баарын сүйлөшөбүз.

Тилектин үйүндө араң өзүнө келди. Тамчылатма дары куюп уктатып коюптур, жакшы уктагандан кийин ойгонду. Болгон окуя эсине түшүп иренжип кетти. Тирүү экенине жини келип кетти. Ичиндеги тирүүлүктүн кабарын берип кыймылдап жаткан баласына кыжыры кайнады. Бүтүндөй дүйнөнү алаканына салып туруп өрттөп жибергиси келип турду.

– Эмне болду, Айсулуу?- деди Тилек анын азыңкы жүзүн карап.

– Атамды ким өлтүргөнүн билдим.

– Айсулуу, сен Анвардын кызысың, ал менин жакын досум эле. Мени агаңдай көрсөң. Эмне уксаң ошол замат унут. Өз жашооң бар, эне болгону жатыпсың. Өткөн окуя эч кимге пайда алып келбейт. Анвар кайра тирилип келбейт. Кандай кылсаң да бул нерсени өзгөртө албайсың. Жакшы жигитке турмушка чыкты деп уккам. Бул окуяга аралашпа...

Айсулуу башын чайкай берди.

– Сиз билбейсиз да...

– Эмнени?

– Атамдын өлүмүнө тиешелүү адамдын уулуна турмушка чыкканымды. Мен азыр боюмда ошол адамдын тукумун көтөрүп жүрөм.

– Эмне деп жатасың?

– Эркин депутат Аскардын уулу! Атам билген, сиз билген, ал тургай апам жакшы билген адам! Мени билип туруп апам да токтотпоптур.

– Апаңдын бул иштен кабары жок.

– Кандайча?

– Анвар баарын ичине сактаган. Мага да айткан эмес, бирок ал жөн жерден жол кырсыгына кабылбаганын сездим.

Тилек ойлонуп калды. Кызды боору ооруй карады.

– Эмне бар оюңда?

– Азырынча билбейм, бирок баарынан өч алам!

– Антпе, Айсулуу, сен аларга тең келе албайсың.

– Ал менин атамдын, дүйнөдөгү эң жакын адамымдын өмүрүн алды. Мен эч нерсе болбогондой жашоомду улантамбы?

– Эч бир нерсени ордуна келтире албайсың. Өзүңө залал бересиң.

Айсулуу башын чайкады. Ичинде күйүп жаткан отко бул сөздөр бир тамчы суу серпе албады. “Бардыгы жооп берет” деп кекенип жатты ичинен. Баары жооп берет...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
20.06.2022. 10:06 
Тайпасы:
Жаран
Комментарийлердин саны:
90
Катталган:
05-03-2012
Соӊку аракети:
27-06-2022 10:31
Жынысы:
Белгисиз
+1
мен биринчи деп койчу элек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
27214;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: