Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КАПКАН (бакыт издеп түгөнгүс түйшүккө кабылган аялзатынын турмушу чагылдырылган сериал)

№1019 17-23-июнь, 2022-ж.


(Башы өткөн сандарда)

– Эмне, ушунун баарын мага бергенге макулсуңбу? Койчу, чын элеби?

– Каалаганыңды аласың дебедим беле, сөзүмө турам. Көп созо бербей эртерээк бүтүр.

– М-м, шашып жатам дебейсиңби. А тиги сулууң ушунча байлыгыңдан айрылып жатканыңды, тагыраагы, мага берип жатканыңды билеби? Аның акчаңа кызыгып жаныңда жүргөнүн же билбейт белең?- Тимурду сынай карады.

– Нурзат, бул жерде экөөбүз эле отурган жокпуз, башка кебиң жок болсо туралы,- ыңгайсыздана жактоочусун карады.

– Каап, мынча байлыгыңдан кол жууп калсаң карыганда тапкан жаш сулууң кол шилтеп баса бербесе экен эми,- аял токтобой сөзүн уланта берди.

– Ашыкча сөздү токтот! Ажырашам дедимби, кандай болсо да ажырашам!- Тимур колун силкип сүйлөп ордунан тура калды. Анын бул кыймылынан чын эле ачуусу келип турганын аялы дароо түшүндү.

– Болуптур анда, соттон көрүшкөнчө,- жактоочусуна кеттик дегенсип баш ийкеди.

– Кой, ачууңду бас, ачууң менен чаап жибересиңби деп корктум. Теңелбе аңкоо аялга, кутула албай жатканда ого бетер чырагына май тамызасың. Андан көрө эмне анча мүлкүңдү бергенге макул болуп жатасың, мыйзамга алып караганда деле анчалыкка кетпейт? Эмнеге андай кылдың? Мага ишен дебедим беле…- деди таң калган жактоочусу.

– Ээ, аны эмне кыласыз? Ага бергеним балама бергеним да. Баарын коротуп салат беле. Уулубузга калат да анын баары. Ишенесизби, ушул аялдан кутулууга ушунчалык шашып жатам.

– Түшүнөм. Ушунча жыл жашаган күйөөсүн унчукпай туруп коё берип коёт беле, ал деле кыялын бир көрсөтүп коёюн деп жатса керек. Бүтөт, аз калды.

ххх

– Шеф, тигил аял берген даректи Санжар акенин жигиттери кайтарат экен. Ал үй жанагы Тимур дегендин үйү турбайбы.

– Ал Тимурдун аялы да. Өз үйүн эмнеге өрттө демек эле? Жакшылап текшердиңби?

– Ооба, керек болсо эртең менен Тимурдун үйдөн чыгып кеткенин көрдүм.

– Демек, ошондой. Күйөөсүн өрттөп салайын деген экен да эжеша. Чырдашып жатышкан го. Санжардын кишиси болсо токтоткула.

– Акчасын алып койгонбуз да. Телефонду азыр эле күйгүздүм, бир топ чалып жибериптир. Эмне кылалы? Азыр да чалып жатат,- олбурлуу жигит телефондун экранын көрсөттү.

– Өрттөбөй койгонуң үчүн сага эч нерсе дей албайт. Ансыз да анын далай чырларын чечип берип эле жүрөбүз. Баягы машинанын тетиктерин саткан дүкөндүн ишин бүтүрүп бербедиңер беле. Ошол да ушунун дүкөнү болчу. Бир-эки күн чалып токтойт. Эмне кыла алмак эле?..

ххх

Уулу шаарга кеткенден бери Айнаштын санаасы тынчыбайт. Кечинде кемпир кайнисине телефон чалып, болгон окуяны төкпөй-чачпай айтып берип, «сенин сөзүңдү угат, бир нерсенин ичинен чыкпасын, кайра айылга кетире көр» деп суранды. Кайниси жаш кезинен Бишкекте турат. Өмүр бою мамлекеттик кызматтарда иштеген, азыр пенсия жашында. Ал деле кемпир курдуу, жашы бир топко барып калды. Туугандар арасында сөзү өтүмдүү, акылы алымдуу өз орду бар киши.

Марат бир туруп «түкүрдүм ошого, кетсе кетсин. Менин колумдан, оюмдан айлансын» деп калат, бир туруп эле «жыргап бактылуу жашай берсин деп жайына коюп коймок белем, тынчын алып жанагы немесин жоготуп талаада калтырбасамбы» дейт. Акыры ушул оюна жеңилип, Карлыгач иштеген кафени көздөй жөнөдү. Кафеге келип бир топко отурду, Карлыгачты көрө албады. Акыры официантка кол булгады.

– Эмне буюртма берет элеңиз?- деп кагаз-калемин камдап туруп калды жигит.

– Дос, мен эч нерсе деле бербейм. Карлыгач деген аял, жанындагы жигит керек болуп жатат. Алар бул жактабы?

– Шеф жок, Карлыгач эже үйүнө кеткен, ал күндүзгүдө иштейт да.

– Каякта жашаарын билесиңби?

– Жок, байке, билбейм. Кечиресиз, мен барышым керек,- официант жигит сырттан жаңы кирип отуруп жаткан кишилерди көздөй басып кетти.

– Дос, токтосоң, муну Карлыгачка берип койчу,- Марат аркасынан жетип барып кичинекей жылдызча болгон кулонду карматты. Аңгыча телефону шыңгырап калды. Караса агасы экен. «Чалчу эмес эле, тынччылыкпы деги» оюна ар нерсе келип кетти. Бир топ күттүрүп телефонго жооп берди. Агасы тезинен үйүнө келип калуусун айтты. Марат эми кафеден чыгып алып шашкалактап агасынын үйүн көздөй таксиге отурду. Күн кеч болуп шаардын жолдору унаадан бошой түшкөнгө такси зуулдаган бойдон бат эле жетип барды. Дасторкондо экөө гана отурат, башка эч ким жок. Агасы өзү чай куюп берди да, Мараттын жанына отуруп узун сөзгө кирди.

– Э-эй, балам, ал-жайыңды уктум. Жаман иш болуптур. Бирок жашоодо эмнелер гана болбойт. Ушул жашка келип эмнени гана көргөн жокмун. Ажырашкан сен эле дейсиңби? Өткөн өмүр, калган кадыр кайра табылса кана? Өткөнгө өкүнүп, жетпести кууп эмне кыласың? Жашоодо адам баласы бир жагынан уттурса, бир жагынан утат. Аялың кеткен менен жашооң бүтүп калдыбы, бүткөн жок. Мына балдарың эртең эле чоңоёт, ошолордун келечегине кам көр. Жеңем экөөбүздүн көп өмүрүбүз өтүп, аз өмүрүбүз калды. Антип карыган немени кайгыга сала бербе, оорусунун баарын козгойсуң. Жеңемдин тирек болуп жаныбызда жүргөнү жакшы эмеспи. Санаа деген жаман, ал-күчтү бат эле алып коёт. Ушинтип санаага сала берсең өлтүрүп аласың. Андан көрө шаарда темселебей айылга барып оокатыңды кыл. Килейген короо-жайың бар, мал алып-сатсаң жакшы иш эмеспи. Айылда баары эле ошентип байып жатышпайбы. Курулушта иштеп эмне кыласың, өз малыңды баксаң деле өлбөйсүң. Аял өзү эле табылат.

– Эми кайдагынын аялы дейсиз? Жалгыз жүрүп өтөм да,- деди баятан агасынын сөзүн үн дебей угуп отурган Марат.

– Сен тыпыйып эле айылга барып оокатыңды кыла берчи, аялды мен деле таап берейин.

– Байке, айылга барганда баары аялымды сурайт, ар кайсыны айтышат, айылды билесиз да.

– Эл эмне гана дебейт? Эл эмне дейт деп өлүп алмак белең. “Бир жолу жыгылсаң, миң жолу тур” дейт. Чыйрал, сабак ал, оңол. Жоголгон жакшыбы, же оңолгон жакшыбы?

Марат унчукпай башын шылкыйтып отуруп калды.

ххх

Каш карайып, асманды коюу жылдыз каптаган кезде Нурзат унаасын айдап кайдадыр жөнөдү. Унаада баратып да күдөр үзбөй буюртма берген жигиттерге чалып көрдү эле, өзүн «кара тизмеге» салып койгонун билди.

– Коркоктор, колуңардан эч нерсе келбейт. Анан да «чёрныйлар» имиш. Силер өрттөбөсөңөр, мен өзүм өрттөйм. Ошол экөөнүн күлүн көккө сапырбасам Нурзат атым өчсүн!- аял акчасын алдатып ийгенине ызаланды. Жол бою дүкөндөн 2 канистра сатып алды. Бир аз айдап эле май куюучу жайга токтоп, эки канистрага бензин куйдуруп алды. Унаасын зымырата айдап Тимурдун үйүнө жетип келди. Нурзатта бардык каалганын ачкычтары бар эле. Тоскоолдуксуз кирип, эч нерсеге карабай майды шалактата чачып чыкты.

– Кош, сүйүшкөн чымчыктар!- чылым күйгүзгүчүн жандырып жиберди. Үйдү бир заматта алоологон жалын каптады…

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27214;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: