Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАҢЫ ЖЫЛЫҢАР МЕНЕН, БАЛДАР!

№425 24-30-декабрь, 2010-жыл.


Репортаж

Ар жылы Жаңы жыл алдында “Супер-Инфо” гезити эстрада ырчылары менен биргеликте түрдүү кайрымдуулук акцияларын уюштуруп келет. Жолборс жылы баш багарда Бишкектеги Карылар үйүнө барган элек. Бул саам Беловодскидеги Психоневрологиялык балдар интернатына жылдыздар менен бирге жаңы жылдык маанай тартуулоого аттандык.

БАЛДАР ЫРЧЫЛАРДЫ СҮЙҮНҮП ТОСУП АЛЫШТЫ
Беловодскидеги Психоневрологиялык балдар интернат-үйүнүн директору Светлана Такырбашевага барарыбыз тууралуу маалымдаганбыз. Светлана айымдын кубанычы коюнуна батпай, “балдар үчүн деген демилгеңер эң сонун, чыдамсыздык менен күтүп алабыз” деп калган. Эстрада ырчылары Фархат Кеңешбек уулу, Аваз Акимов, Максат Бегалиев, Арсен, Кундуз Канатбек кызы, Омар, Ильяз Абдыразаков жана “колумдан келген жардамым ушул болсун” деп музыкалык аппаратурасын алып барган Руслан Нарынбаев менен биргеликте болжогон жерге жетип бардык. Балдар чыдамсыздык менен сүйүктүү ырчыларын күтүп отурушкан экен.
Биз кирип барганда балдар көздөрүн жалдырата, тарбиячы эжейлерин энелерин ээрчиген козулардай «мамалашып» чакырып, ызы-чуу болуп жатышыптыр. Сылтып баскан балакай «мама!» деп бутумдан кучактап калганда жүрөгүм дирилдеп, “эх, ушул перзент өз энесинин ким экенин билсе, баш бакканды “апалап” кучактабайт эле го?!” деп сыздап жибердим.

АЯЗ АТА – ОМАР, НЕБЕРЕСИ – КУНДУЗ
Кундуз Канатбек кызына Аяз кыздын ролун тапшырып, ал эми баарыбыз сүйгөн Аяз атанын ролунда жаштардын сүймөнчүлүгүнө ээ болгон ырчы Омар болду. Омар, азамат, өз милдетин мыкты аткарды. Мүмкүн, өзүнүн балалык кези эсине түшүп, ошол дүйнөгө убактылуу барганы болдубу же майып балдарды көргөндө жүрөгү эзилип, аз да болсо бактылуу көз ирмемдерди тартуулайын дедиби, айтор, Аяз атанын ролун биз күткөндөн да ашыкча аткарып берди.
Балдар “Аяз ата, Аяз кыз!” деп бир нече жолу кайталап чакырышканда Жаңы жылдын каармандары толтура таттуулар салынган куржуну менен кирип келишти. Ошондо балдардын күлмүңдөгөн көздөрүнөн жылуу нур төгүлүп турду. Омар “Кичине балаты үшүдү кышта, токойдон алып келдик, калтырбай тышка” деп ырдап баштаганда кол чаап коштоп, хорго айлантышты. Алардын арасында сүйлөй албаганы, ырдай албаганы, эмне болуп жатканын түшүнүп-түшүнбөгөнү да отурду...

БААРЫ БЕЛЕК АЛУУГА АШЫГЫШТЫ
Аяз кыз – Кундуз Аяз атадан кем калган жок. Балдар ырдаган сайын чоң атасынын сыйкырдуу куржунунан таттуу белектерди алып чыгып таратып жатты. Бир сааттан ашык убакытка созулган майрамда түрдүү кызыктар болду. Фархат ырдай баштаганда эле бийлегиси келгендер өз каалоосу менен чыгып бийлеп, өздөрүн катардагы адамдардай көрсөтүштү. Чынында, ал жердеги ар бир бала дени сак эмес. Каармандарыбыздын көңүлүн көтөргүсү келген ырчылардын айрымдары балдардын жүзүн карап жылмайып, артты карап көзүнө жаш алып жатышты.
Балдар Аяз атаны небереси менен такыр коё бербей, кыйылып турушту. Анда Омар: “Балдарым, баарыңар таланттуу турбайсыңарбы! Биз силерге дагы келебиз. Азыр бизди башка жакта да кичинекей балдар чыдамсыздык менен күтүп жатышат”,- деп кол булгалап коштошуп кете берди.

ТАЛАНТТУУЛАР ЧЕТТЕН ЧЫГАТ
Беловодскидеги Психоневрологиялык балдар интернат-үйүндө учурда 259 бала бар. Алар 4 жаштан 18 жашка чейинки курактагылар. «Жетимди турмуш жетелейт» дегендей, бул балдарды турмуш өзү тарбиялап кетет окшобойбу. Себеби бул жерде таланттуулары да четтен чыгат. Алар сүрөт тартуу, кийим-кечек тигүү, ыр-бий ийримдерине катышышат.

УЗ КЫЗ ЖЫЛДЫЗ
Жылдыз 15 жашта. Кичине кезинде ата-энеси жол кырсыгына кабылып каза болуп, жалгыз калган. Таш боор тагдыр бул кыздын ата-энесин гана албастан, акыл-эс өнүгүүсүн да начар кылып койгон. Талантына сөз жок. Кийим тигип, түрдүү буюмдарды жасай аларын айтты. Жарашыктуу бийлегенине да күбө болдук.

АЙТМАТОВДУН ПОРТРЕТИН ТАРТЫП ТААНЫЛГЫСЫ КЕЛГЕН АРТЁМ
Артём болсо 13 жашта. Ата-энеси майып болуп төрөлгөндө баш тартып коюшкан. Өспүрүм муну кайдан билсин. “Жаңы жылда Аяз атадан эмнени сурайсың?”- дегенибизде: “Ата-энемди сурайт элем. Аларды көргүм келет”,- дейт. “Келечекте ким болгуң келет?”- десек: “Мыкты сүрөтчү болгум келет. Улуу жазуучу Чыңгыз Айтматовдун портретин тартам”,- деп жооп берип таң калтырды. Айтматов ким экенин билген баладан болочокто көптү күтүүгө болот го деген терең ишенимдебиз.

АЯЗ АТАДАН ДЕН СООЛУК СУРАГАН САДЫРБЕК
13 жаштагы Садырбектин апасы учурда Жалал-Абадда мугалим болуп иштейт. “Атабыз бизди таштап кеткен”,- дейт ал. “Апасы коляскада отурган баласын кароого шарты жок болгон үчүн бул жерге калтырган”,- дейт интернаттын директору. Бирок ай сайын келип, абалын сурап турат. “Аяз атадан эмне сурайсың?” деген сурообузга: “Мага ден соолуктан башка эч нерсенин кереги жок. Бутум басып, катардагы балдардай эшикке чыгып топ кубалап ойногум келет”,- деген жообун укканда жүрөгүң сыздап, сыйкырчыга айланып, ушул мөлтүрөгөн баланын каалоосун аткаргың келип кетет.

СӨЗ СОҢУНДА
«Менин жүрөгүм балага!» деген ураан менен иштеген бул жердеги тарбиячылардын ар бирине Даңк медалын бериш керек. Аз алган маянасына көз жумуп, алты саны соо эмес балдарды тарбиялап, энесинин ордуна эне мээримин берип жатышат. Балдарды карап, “бул дүйнөгө жаралган ар бир пенденин дени сак, мүчөсү толук жаралса!” деп жан дүйнөң кыйналат. Эгер Аяз ата бар болсо, мына дал ушул нерсени сурамакпыз. Балдардын ар бири менен маектешип, маңдайга жазган жазмышына моюн сунуп мөгдүрөбөй, бактылуу келечектен үмүт үзбөй, “максатыма жетем” деген терең ишеним менен айткан сөзүн угуп, “Кудай тилегиңди берсин” деп кайттык.

Бактыгүл Сокушова
koom@super.kg



"Супер-Инфодон" балдарга жаңы жылдык белек

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(8)
24.12.2010. 19:13 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Азаматсыздар Супер Инфо ! Бакуляга да иштерине ийгилик каалайм!
24.12.2010. 20:07 
Тайпасы:
Жаран
Комментарийлердин саны:
211
Катталган:
26-11-2009
Соӊку аракети:
02-11-2017 23:46
Жынысы:
Белгисиз
Калаасы:
Бишкек
0
Super Info suppersiner.Ushundai ishterdi jasagan uchun dagy silerdin okurmanynar koboup atsa kerek.
27.12.2010. 11:04 
Тайпасы:
Кыймылы жок
Комментарийлердин саны:
18
Катталган:
17-12-2010
Соӊку аракети:
05-11-2014 21:10
Жынысы:
Белгисиз
Калаасы:
Japan
0
Molodtsi< ya toje zanimayus volontyorstvom, RESPECT VAM!!!
Super TV
27.12.2010. 15:50 
Тайпасы:
Кыймылы жок
Комментарийлердин саны:
77
Катталган:
12-10-2010
Соӊку аракети:
13-07-2013 01:16
Жынысы:
Белгисиз
0
kolu-butun barlar kudayga taazim kil..ata enen barlar kudayga taazim kil..! okunu4tuu,azirki jawtardin kobu kuday bergen jawoonun barkin bilbey ..goop jatkan u4uru!kolu-butu bar bolso iwtep ozun bagakisi kelbey ..ata-enesin kordogondop owondo dagi siylabagandar kop.! v jizni nado jit,a ne suwestvovat!
baykuw baldar ay..((
Super TV
27.12.2010. 23:56 
Тайпасы:
Жаран
Комментарийлердин саны:
11
Катталган:
15-11-2010
Соӊку аракети:
30-10-2018 18:15
Жынысы:
Белгисиз
Калаасы:
Italy
0
Ar bir adamdyn mandaiga jazgan yryskysy bolot. Allah bu baldarga da oz yryskysyn jazyp koigon....yiman bersin kyrgyz er azamattaryna!!!
Super TV
28.12.2010. 11:07 
Тайпасы:
Кыймылы жок
Комментарийлердин саны:
167
Катталган:
21-09-2010
Соӊку аракети:
30-03-2016 20:24
Жынысы:
Белгисиз
Калаасы:
Талас
0
Ушул балдарды оз балдарындай кылып багып, карап жаткан эже агайларга да чооон таазим. Колумдан келсе мен да жардам берээр элем, бирок... Коруп алып зээним кейип ичим атышып козумдун жашы кантип чыканын байкабай калдым окшойт. Жаратканым берерин унута корбосун !!!
Super TV
30.12.2011. 19:46 
Тайпасы:
Жаран
Комментарийлердин саны:
135
Катталган:
15-11-2011
Соӊку аракети:
30-07-2018 00:07
Жынысы:
Белгисиз
Калаасы:
saturn
0
Е Кудайым бул периштелердин ата енеси ким болду екен кантип оз баласын таштап кетет ,Кудайим балдарга ден соолук бер,ата енесинен айрылто корбо деп козум жашын арчып тилек кылам ,оз балдарындай карап жаткан еже агаларга Кудайым ыраазы болсун!
Super TV
03.01.2012. 13:23 
Тайпасы:
Жаран
Комментарийлердин саны:
99
Катталган:
08-12-2010
Соӊку аракети:
07-11-2018 12:22
Жынысы:
Белгисиз
0
Жараткандан ушул кичине балдар оз бактысын таап алышсын деп суранам....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: