Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Аргасыз миллионер – МАКОЛЕЙ КАЛКИН

№425 24-30-декабрь, 2010-жыл.


Анын 6 жашында агенти, 9 жашында жеке адвокаты, 17 жашында колуктусу болгон. А 11 жашында "Гиннес рекорддор китебине" кирген. Мунун баары Жаңы жылда ар бир үйгө кирип оюн салган шок бала Маколей Калкинге тиешелүү. Анын жашоосу, карьерасынын кыйрашы, достугу жана башкалар назарыңызда.

МАКОЛЕЙ КАРСОН КАЛКИН
Туулган жылы – 1980-жыл, 26-август
Туулган жери – АКШ, Нью-Йорк шаары
Алгачкы тартылган тасмасы – "Бак байке" (1987-жыл)
Акыркы тартылган тасмасы – "Эртең мененки секс" (2007-жыл)
Учурда – Мила Кунис аттуу актриса менен жарандык никеде жашайт

"БАЛА БОЛДУМ БЕЛЕ? ЭСИМДЕ ЖОК!"
Искусство курмандыкты талап кылса, кино искусствосу Маколейдин алтын балалыгын тартып алган. Маколей интервьюларынын биринде "бала болуп ойногонум эсимде жок. Атама бала эмес, акча табуучу робот болгом" деп эскергени бар.
Маколейдин атасы Кит Калкин актёр болсо, апасы Патрисия Брентрап байланыш түйүнүндө иштечү. Талантты эч кайда беките албайсың. Маколейдин актёрлук жөндөмдүүлүгүн кичинесинен байкагандардын кеңеши менен ата-энеси төрт жашында балдар театралдык студиясына алпарышат. Делдең кулак, шок көздүү Маколей жетекчилерге жагып, сынагы жок эле алып калышат. 8 жашында атактуу Жорж Баланчиндин балеттик студиясына кирип, бий өнөрүн үйрөнөт. Телевизор үй-бүлөнүн бир мүчөсүнө айланган заманда телероликтерге чыгып жүргөн Маколей тез эле көзгө түшүп, "Бак байке" аттуу тасмага тартылууга чакырылат. Бактыга жараша съёмка учурунда аны режиссёр Жон Хужес көрүп калып, көптөн бери пландап жүргөн “Үйдө жалгыз” тасмасына чакырат. Эпизоддон ашыкча аткарып, актёрлук жөндөмү менен таң калтырып, режиссёр ойлогон Кевинден да шок образды түзө алат.
Аталган комедия 1990-жылы көгүлтүр экранга чыгары менен тасма жаратуучуларга 500 миллион доллар киреше менен атак-даңк алып келди. Кичинекей актёрдун жылдызы жанганын мындан билиңиз, ал катышкан театралдык спектаклдин билеттери тез арада сатылып кетип жатты. "Үйдө жалгыз" фильми үчүн Маколей 100 миң доллар гонорар алган. Өп-чап турмушта жашаган ата-эне үчүн бул эбегейсиз байлык эле. Атасы Кит Калкин ошол эле жылы өзүн "Маколейдин агентимин" деп жарыялап алды. "Башында киного тартылуу мага жакса, кийин кыйналып кеттим. Элдин көзүндө болуудан тажап, мектепке баргым келип, башка балдардай эркин болгум келчү. Бирок аны эч ким ойлободу",- дейт Маколей.
"Үйдө жалгыз 2" тасмасы үчүн 5 миллион доллар, "Бай Риччи" тасмасы үчүн 8 миллион доллар гонорар алган Маколей "Эң көп акча тапкан жаш актёр" деп аталып, "Гиннес рекорддор китебине" катталган.

"МЕН БААРЫНАН ЧАРЧАДЫМ"
Наристеге мынчалык даңк оордук кыларын убагында эч ким ойлободу. Репортёрлордун, режиссёрлордун, өзүнө кызыккан элдин тыткынында калганы менен да эч кимдин иши болгон жок. Күлмүңдөгөн, энергиясы ашып-ташкан Мактын өңү купкуу, мүнөзү түнт боло баштаганын байкаса да, атасы байкамаксан эле. Ага уулунун келечеги эмес, капчыкка түшө турган акчалар маанилүү болчу. Маколейди салтанатка чакыруу, ага торт кестирүү байлардын балдарынын оюн-зоогуна айланды. Алтургай президент Билл Клинтон да өзүнүн инаугурациясында Маколейди сый коноктордун арасына кошкон.
Кит Калкин уулуна сунуш кылынган сценарийлерди окубай туруп макул боло бергендиктен, Маколей ролун түшүнбөй, жакшы аткара албай калды. Бул анын таланты жоктугунан эмес, кайра-кайра тасмага тартыла берип чарчаганынан эле. Ага удаа эле "Эң начар аткаргандыгы үчүн", "Эң талантсыз актёр" деген сыйлыктар бериле баштады. Продюсерлер, режиссёрлор Кит Калкиндин ач көздүгүнөн чыдабай качышып, акыры Маколей кино чөйрөсүнөн акырындап сүрүлө баштады. Мунун дагы бир себеби – атасынын "Маколей менен кошо анын карындашы Куин жана иниси Кирень да роль аткарат" деген күлкүлүү талап коё баштаганынан эле. Башынан уулунун тасмага тартылышына каршы болгон апасы уулунун карьерасын талкалаганы үчүн атасы менен ажырашууну чечти. Кызыгы, экөө башка балдарын эмес, Маколейди талашып, дээрлик бир армия адвокат жалдашкан. Мына ушундай абалда өспүрүмдү түшүнүп, колдоо көрсөткөн адам болгон. Ал адам – Майкл Жексон эле.

ЭКИ БАКТЫСЫЗ
"Поп-падыша менен Маколейди эмне байланыштырган?" деген суроонун айланасында чыр-чатактар болуп келет. Маколейдин айтуусу боюнча, экөөнү бактысыз балалык, зордукчул аталардын кыйноосу жана чыгармачылык байланыштырган. "Ата-энем менин байлыгымды талашып жатканда Майкл өзүнүн үйүнө алып кеткен. Майклдын мамилесинен кийин гана жашоодо мен үчүн кам көргөн адам бар экенин түшүнгөм. А эл анын мээримдүүлүгүнөн да ыплас нерсе тапканга аракет кылышты",- дейт ал. Ал эми ошол жылдары ММКларда "Майкл Жексондун балдарынын атасы – Маколей Калкин. Жексондун уруктугу жарабай, досунун уруктугун алганга мажбур болгон" деген маалымат тараган. Жексон "өспүрүм балдарды зордоп, жыныстык катнашка барган. Анын ичинде Маколей да бар" деп айыпталып жатканда, Маколей мындайды четке кагып чыккан. Ал Жексондун 2 уулунун өкүл атасы болуп саналат жана анын балдарынан тез-тез кабар алып турат.

КАЙРА КАЙРЫЛУУ
Маколей көп жылдар бою эл көзүнөн алыс болгонго аракет кылды. Атасы анын актёрлук тагдырын кыйратканы менен, адамдык тагдырына тийише алган жок. 17 жашында өзүнүн кесиптеши, актриса Рэйчел Майнерге үйлөнүп, 2 жыл жашады. Маколей бул жылдары дүйнөлүк адабият, философияны окуп, көп жерлерди кыдырганга жетишти. Саякаттан кийин кайра искусствого кайрылды. Бирок киного эмес, театрга... Маколейдин фамилиясын көргөндөр кайрадан кызыгып, премьера аншлаг менен өттү. Ошол эле күнү Маколей атасынан "Сен ар дайым жеңишке жетишесиң. Атаң." деген куттуктоо алган. Көп жылдан бери атасынын андан биринчи жолу кабар алышы эле.
Маколей 2003-жылдан бери бир нече кинолорго тартылып, бирок чоң ийгилик жарата албай келет. Кантсе да биздин элесибиздеги балакай Кевиндин мындан кийинки турмушу ийгиликтүү болот деп ишенебиз.

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(4)
26.12.2010. 00:30 
Тайпасы:
Кыймылы жок
Комментарийлердин саны:
16
Катталган:
18-12-2010
Соӊку аракети:
23-09-2013 08:07
Жынысы:
Белгисиз
0
baikushtun balalygyna boorun ooruit!
26.12.2010. 21:22 
Тайпасы:
Жаран
Комментарийлердин саны:
98
Катталган:
26-10-2010
Соӊку аракети:
20-11-2018 15:41
Жынысы:
Белгисиз
Калаасы:
KG
0
maga jagat baardyk kinosy! sonyn atkarat.
27.12.2010. 02:06 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
Uido jalgyz kinonun bary bolumdoru jagat,jakshy arkargan;;;
27.12.2010. 02:48 
Тайпасы:
Кыймылы жок
Комментарийлердин саны:
23
Катталган:
21-11-2010
Соӊку аракети:
21-06-2011 00:20
Жынысы:
Белгисиз
0
Abdan talanttu akter, maga jagat. talanty tawkyndai bersin
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: