Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021   1022   1023   1024   1025   1026   1027  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ХОРСБОЛ: Кыргыз командасы биринчи жолу Дүйнө чемпиондугуна жөнөдү

№1025 25-июль - 4-август, 2022-ж.


Ат үстүндө ойнолуучу спорт оюндарынын бири хорсболго кызыгып көрдүңүз беле, окурман? Бул апта хорсбол тууралуу сөз кылабыз. Кыргыз өлкөсүндө да акыркы 10 жыл аралыгы бул оюн ойнолуп келет. Учурда Улуттук курама команда алгачкы ирет Францияга Дүйнө чемпиондугуна катышууга учуп кетти. Биз өлкөнүн Хорсбол федерациясынын президенти Мунарбек Кулданбаевди кепке тарттык.

“Хорсбол Орто Азия боюнча Кыргызстанда гана ойнолот”

– Мен туризм, айыл чарба тармагында иш кылам. 2007-жылы Барскоондо ат чабыш фестивалы өткөн. Ошондо “Франциядан хорсбол деген оюнду көрсөткөнү бир команда келе жатат, координациялап бербейсиңби?” деп мени чакырышкан. Ошондо хорсболчулар менен таанышып, достоштук. Ортобузда байланыш түзүлүп калды. Алар Хорсбол эл аралык федерациясынын жетекчилигине “Кыргызстан тоолуу, кооз, ат маданияты өнүккөн өлкө экен. Хорсболду ушул өлкөдө дагы өнүктүрсөк болчудай” деп айтып барышат. Кийин эл аралык федерациянын президенти мага байланышка чыгып, “өлкөңөрдө хорсболду өнүктүргөнгө жардам бербейсиңби” деп калды. Мен макул болдум. Ага чейин алар Орто Азияны камтый турган федерация түзөбүз деп Өзбекстан менен келишим түзүшкөн экен. Ташкентке келерин айтып мени ал жакка чакырды, бардым, жолуктук. Ошол жерден мен “биз өзүнчө эле федерация бололу, Өзбекстан деле түзө берсин, тескерисинче, бири-бирибиз менен ойноп жакшы болот” дедим. Менин сунушумду туура кабыл алышты. Ошентип 2011-жылы өлкөбүздө расмий түрдө Хорсбол федерациясы ачылган. Ошол эле жылы ачылыш азем кылып, биздин дагы балдарга оюндун жүрүшүн көрсөтүп беришсин деп Франциядан оюнчуларды чакыргам. Алар менен бирге эл аралык федерациянын президенти өзү келип ийгилик каалап, тушообузду кесип берген. Эмне болду билбейм, бирок Өзбекстанда федерация түзүлгөн жок. Азыркы тапта бул спорт түрү Орто Азия чөлкөмү жана КМШ өлкөлөрү боюнча бир гана Кыргызстанда ойнолот.

“Көчмөндөр оюндарында француз хорсболчулары көк бөрү ойношкон”

– 2012-жылы Франциянын Монпелье деген шаарында Дүйнө чемпиондугу өтүп, бизди кандай болорун көрүп кеткиле деп чакырышты. Токтогулдан 2, Нарындан 2 оюнчу алып бардым. Алар бизге “атайын убакыт бөлүп беребиз, бизге өзүңөрдүн улуттук оюндарыңарды көрсөтүп тургула” дешти. Биз көк бөрү, кыз куумай, айтор, колубуздан келген улуттук оюндарды көрсөтүп жаттык. Кийинки чемпиондук Португалияда өтүп, ага өзүм эле барып, башка өлкөнүн өкүлдөрү менен таанышып, Франциянын Хорсбол ассоциациясы менен достук келишим түзүп, “бир чети Кыргызстанды көрүп, эс алып кетесиздер, экинчиден, хорсболду өнүктүрүүгө жардам бересиздер” деп аларды өлкөбүзгө чакыргам. 2016-жылы Көчмөндөр оюндарында француз хорсболчулары менен бирге шоу кылып оюн көрсөттүк. Эл жакшы кабыл алды.

2017-жылы Токтогул өрөөнүнө хорсбол аянтчасын куруп, жаш балдарды үйрөтүп баштадык. Француз хорсболчуларынан үйрөнүп, ошол эле тапта достук оюндарды өткөрүп жаттык. Кийин 2018-жылдагы Көчмөндөр оюндарында Француз хорсбол ассоциациясынын жетекчисинин сунушу менен француз хорсболчуларынан көк бөрү команда түзүп, Көчмөндөр оюндарына катыштырганбыз. Алар хорсболдогу эрежелерди пайдаланып жакшы оюн көрсөтүшкөн.

“Хорсболдо эрежелер жылкы менен адамдын коопсуздугуна багытталган”

– Башында 2-3 эле командабыз бар болчу, бара-бара көбөйдү. Жыл сайын Франциянын оюнчулары менен оюндарды өткөрүп жаттык. Акыркы оюнубуз пандемиянын алдында болду. Бул ирет Канаданын хорсболчулары дагы келип, оюн эл аралык деңгээлде өттү. Франциядан аялдар жана эркектерден түзүлгөн эки курама команда келди. Негизи хорсбол демократиялык оюн, аял-эркек аралаш ойной берет. Командада жалпы 6, оюн талаасында төрттөн оюнчу болот. Эрежелери абдан көп, хорсболдо эрежелер жылкы менен адамдын коопсуздугуна багытталган. Аттарга дагы залал келбегидей ойнолот, бири-бирин коюп кетүүгө, маңдайдан чыкканга такыр болбойт. Эки тарапта баскетболдукуна түспөл, топ салууга шакекчелер болот. Ат үстүнөн жердеги топту эңип кетүүгө ыңгайлуу болсун үчүн топту айланта сызмалар болот. Жерге түшүп кеткен топту 3 пас болмоюн шакекчеге ыргытууга болбойт.

Кыргызстандын 7 дубанында тең оюнду жайылтууга мүмкүн болбой жатат. Биринчиден, көп убакытты, экинчиден, каражатты талап кылат. Атайын Нарындан Францияга алып барган балдар андан ары ишти улантпай коюшту. Мен жалгызмын, барып көргөзгөнүм менен, аны андан ары алып кеткен адамдарга кезиге элекмин. Базабыз Токтогулда болгондуктан, ошол аймакта хорсболчулардын саны көбөйдү, акыркы ирет санаганда 300дөй оюнчу болгон. Башында өзүм дагы ойноп калчумун, азыр команданын жетекчилик жумушунан бошобойм. Анын үстүнө өзүм чаар жылкыга (ред.: апалуза) кызыгам. Азыр чаар жылкыны тез убакытта көбөйтүү боюнча эл аралык долбоор баштагам. Буюрса, ал жакта дагы программалар ишке ашып жатат.

“Сарпталуучу каражат 20 миң еврону түзүүдө”

– Дүйнө чемпиондугуна өлкө ичинде тандоо оюндары аркылуу балдарды тандадык. Тандоого Франциядан келген өкүлдөр дагы көмөктөштү. Башында жалпы командалардан 12 бала тандалган. Алардын арасынан дагы тандалып отуруп, 6 оюнчуну алып барам. Команда катары ойноо үчүн алгачкы ирет Дүйнө чемпиондугуна бара жатабыз. 15-20-август аралыгы Францияда өтө турган чемпиондукка жалпы 17 мамлекет катышат. Чемпиондук профессионалдар, кыз-келиндер жана жаштар болуп категорияларга бөлүнөт. Биз катыша турган профессионалдык категорияда Франция, Бельгия, Канада, Улуу Британия, Италия, Испания, Аргентина, Португалия, Япония жана Кыргызстан, ушул он өлкө бири-бирибиз менен беттешебиз. Бул оюн негизи көп каражатты талап кылат. Аттарды дагы ал жактан ижарага алабыз. Жалпы сарпталуучу каражат болжолдуу түрдө 20 миң еврону түзүп жатат. Мамлекетке кайрылдык, бирок көмөк болгон жок. Өзүм чыгардым, демөөрчүлөрдү издеп жатам, алар дагы көмөктөшүп жатышат. Азыр барып жөнөкөй аттарды алып деле ойной берсек болмок, бирок ушунча жылдан бери күтүп келе жаткан Дүйнө чемпиондугуна бара жатсак, жөн эле катышып койбой, хорсболдо дасыккан аттарды кымбаттыгына карабай ижарага алып, байгелүү орундарга күрөшүүгө мүмкүнчүлүгүбүздү арттыралы деп аракет кылып жатабыз. Франциядагы досторубуз дагы “силерди Дүйнө чемпиондугуна алып келүү үчүн 6 жыл даярдандык, эми каражат таап жакшы ат алалы” деп алар дагы демөөрчү издеп жатышат. Бардык жактан бизди колдогонго аракет кылып жатышат. Өткөндө социалдык тармактан бир көңүл жылытарлык иш болду. Казак туугандарыбыздан бир эже байланышып “интернеттен окуп калдым, кыргыз туугандар, Дүйнө чемпиондугуна бара жатыптырсыңар, салым кошоюн” деп 100 доллар которду. Бир сом болсо деле колдоо көрсөтсө кубанып калат экенсиң. Япония, Италия десе эле оюнчулардын духтары түшүп отуруп калат. Мурун оюнчуларга “катышканыбыз да жакшы” десем, азыр “алар деле биздей эле адамдар, ута аласыңар, эң негизгиси, мыкты оюн көрсөткүлө” деп моралдык жактан даярдап жатам.

Динара Акимова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27378;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: