Архив
997   998   999   1000   1001   1002   1003   1004   1005   1006   1007   1008   1009   1010   1011   1012   1013   1014   1015   1016   1017   1018   1019   1020   1021   1022   1023   1024   1025   1026   1027  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КАПКАН (бакыт издеп түгөнгүс түйшүккө кабылган аялзатынын турмушу чагылдырылган сериал)

№1025 25-июль - 4-август, 2022-ж.


(Башы өткөн сандарда)

Нурзат Тимур менен Айсаранын мамилесине канчалык көңүл бурбайм дегени менен, өзүн, жек көрүүсүн жеңе албай койду. Бүгүн тою болот дегенди угуп жетип барды. “Менден кутулдум деп ойлоп, бактылуу болуп жатасыңарбы? Мен силерди тынч койбойм! Бактылуу күнүңөрдү ызы-чууга айландырбасам элеби...” деп сүйлөнгөн Нурзат сейфтен керектүү нерсесин алып чыкты. Нурзаттын кызганычы башына тээп, дагы кызуу кандуулукка алдырып ийди. Бул күндү жөн гана сыртта карап өткөрүп ийгиси келген жок, бактыларына тоскоол болгусу келди. Кечеге баргандай жасанып кийинип алып эч кимге байкалган жок. Айсаранын элден обочолонушун акмалап турду. Ал четтеги бир бөлмөгө кире бергенде аркасынан шып жетип барды. Эшикти жаап, ичинен бекитти.

– Тимур,- деп артка бурулган Айсара Нурзатты көрүп көзү алайып коркуп кетти.

– И-и, эмне мынча алаясың, күткөн эмес белең? Чакырбасаңар да куттуктап коёюн деп келдим,- колундагы кагаз баштыктан чакан коробканы алып чыгып Айсараны көздөй басты. Нурзаттын өрттөп жиберчүдөй болгон көз карашына чыдай албай кыз артка кетенчиктеди.

– Рахмат дегенге жарабайсың го, сага күйөөмдү бердим, күйөөмдү тартып алды дебей минтип куттуктап келип отурам. Сенде ыраазычылык билдирүү деген жокпу?

Кыз унчукпай туруп калды.

– Кел, моюнуңду тос, мен сага чынжырча алып келдим. Белегимди тапшырып алып кетейин, сени да издеп калышпасын сыртта. Тимур келгенимди көрбөй эле койсун.

Кыз эч кимге көрүнбөй ылдамыраак кетип калсын деген ойго жетеленип жакын келип башын ылдый кылды.

– Мынча аңкоосуң?- Нурзат артты карап турган кыздын желкесине тапанча такады.

– Эркелетип моюнуңа чынжырча тага салат деп күттүң беле? Жо-ок, сенин жашооң ушул жерден бүтөт. Кудайдан күнөөлөрүмдү кечир деп суранып ал.

Моюнуна такалып турган тапанча ушунчалык муздак сезилди. Айсаранын денесин майда калтырак басып, буттары кыймылга келбей калды. Өлөт деген ушул турбайбы деди ичинен.

– Эмне тымпыясың, жалдырабайсыңбы “өлтүрбөңүз” деп? Өлөрүңдө айтып кала турган сөзүң барбы? Айтып кал, атайын убакыт берип жатам.

Тимур бир жигити менен экинчи кабаттагы бөлмөлөрдү карап жүрүп, Айсара кийимдерин койгон бөлмөнүн бек турганын көрдү. Жигит эшикке кулак төшөп калды. Күбүрөгөн үн угулду.

– Ушул жакта экен,- жигит каалганы такылдатып баштады. Нурзат ага көңүл бурган жок.

– Такылдатып ачкыча күтөйүн дейсиңби, теппейсиңби!- Тимур өктөм үн катты. Олбурлуу жигит бир заматта каалганы ыргыта тепти. Карс деген үндөн чочуп кеткен Нурзат курокту басып алды. Тапанчанын үнү бөлмөнү жаңыртты...

ххх

Байыш менен Карлыгач учууга билеттерди алдын ала алып коюшкан. Кеткенче көп убакыт бар дешкени менен, ал убакыт заматта келип калды. Таңда учабыз деп камынып жаткан келиндин эмнегедир эжесине телефон чалгысы келди. Эжеси менен мурдагыдай сүйлөшкүсү келди. "Эч кимиңердин керегиңер жок" деп баарынан баш тартып жаткан ал убакыттын өтүшү менен жакындарын сагына баштаган. Жашоодо ар бир адамдын өз орду бар экенин, жалгыз эле бир адамдын сүйүүсү бардык бөксөсүн толтура албасын түшүндү. Акыркы учурда ар бир кадамын ойлоп, билдирбей өзүн ичинен жей берген адат таап алды. Башында Байыштын сүйүүсү баарынын ордун басчудай, эч бир өксүк сездирбечүдөй туюлчу Карлыгачка. Эки жолку чалуусу тең “сиз чалган абонент жооп бере албайт” дегенди угуу менен аяктады. “Ооба, эже, менин чалуумду албайсың. Негизи албаарыңды билгем. Бирок үмүтүм үзүлбөй койбодубу” деп ойлонгон Карлыгач сумсайып отуруп калды.

– Сен эмне анча ойлонуп калдың? Сенин кете турган оюң барбы?

– Ойлонгон деле жокмун. Эс алып отуруп калдым. Кетүүнү мен баштадым эле го, анан өзүмдүн баргым келбей калат беле?- жылмайымыш болду Карлыгач.

– Эртелейли, учакка кечигебиз.

– Ой, мына баарын даярдап койдум,- эч нерсе болбогондой шыпылдап чемодандардын сыртын орой баштады.

Карлыгач Байыштан дайыма жүзүндөгү сумсаюуну жашырчу. Бишкектен кетсе эле жан дүйнөсү жеңилдей түшчүдөй Карлыгач бул күндү көп күткөн. Күткөн күнү келип, баарынан алыстап Москваны көздөй учуп бара жатышат.

ххх

Апасын ыраазы кылууга умтулуп, эми гана аны кубанта турган нерселерди жасоо тууралуу ойлонуп баштаган Марат үчүн бул таң чоң жоготуу менен атты.

Марат күндөгүдөй туруп апасынын жакшы көргөн самоорун жагып коюп короодо өз иши менен алек болуп жүрө берди. Бир сааттай убакыт болсо да апасы үйдөн чыкпады. Оюнда жаман нерсе кайдан болсун?

– Апам бүгүн эс алайын деген го, мейли, уктап алсын,- деп самоорго отундан салып койду. Досунан араба сурап келгени чыгып кетти. Бир топ убакыттан соң арабаны сүйрөп кирип келди. Эки уулу ойгонуптур.

– Ата-а,- кичүүсү чуркап барып арабага отуруп алды. Анын артынан улуусу да жөнөдү. Уулдарын арабада ары-бери сүйрөдү.

– Апаңар турдубу?

– Жок, тура элек.

– Апей, дале тура элекпи? Ойготоюнчу, чай ичсин,- Марат апасы жаткан бөлмөгө кирди.

– Апа, апа, ой, эмне болгон сизге?- үнү канчалык өктөм чыкса дагы апасы козголгон жок. Марат коркуп кетти. Жанына барууга жүрөгү даабай турду. Бир нерсе болгонун сезди. Кошунасыныкына чуркап барды.

– Эмне болду, тынччылыкпы?

– Апам... апам кыймылдабай жатат,- ыйлап жиберди.

Күйөөсүн ээрчитип Айнаштын жакын коңшусу жетип келди. Бул учурда Марат эшик алдында апасына өмүр тилеп жатты, бирок өтө кеч эле. Марат үйдөн чыгып келе жаткан кишини жалооруй карады. Бул жаман кабар айта көрбө дегендей эле туюлду кишиге. Өлдү деп айтууга дити барбады.

– Эмне болду, байке?- жетип барды Марат.

– Марат, сен Алиман эжени чакырып келчи,- деп аны айылдык дарыгерге жөнөтүп жиберди. Жалгыз жаман кабарды угузууга дити барбады. Марат чыгып кетери менен коңшу-колоңду чогултууга жөнөдү. Жамандык баарынын башын бир заматта бириктирет эмеспи. Бат эле көчөнүн эли чогулуп келип калды.

Марат дарыгерди болушунча шаштырып алып жөнөдү. Көп өтпөй дарыгерди ээрчитип дарбазадан кирип келген Маратты көпчүлүк тосуп алды. Эшиктин алдында аны тосуп турган коңшуларын көрүп Марат нес болуп калды.

– Апа-а-а-а?!- деп айылды жаңырта бакырып, үйдү көздөй чуркады Марат. Көпчүлүктүн көздөрүнө жаш алып шүмтүрөп турганы эле жамандыктын кабарын туюндуруп турду. Эркектер жетип келип каалганын алдынан Маратты кармашты.

– Сабыр кыл, Марат, жеңем акка моюн сунуптур,- деди бири.

– Ажалга айла жок, бир айласы болсо баарын тирүү алып жүрбөйт белек, сабыр кыл,- досум.

– Кой, уулум, сабыр кыл, балдарың бар, мына ушулар үчүн чыйрал,- деди бир кемпир.

Ар жактан ар кимиси кайрат тилеп жатты. Улам бири кучактап жатты. Бирок биринин да сөзү Мараттын кулагына угулган жок.

Атасынын ыйлап жатканын көргөн уулдары кошо ыйлап башташты. Чоң апасынын мындан ары жок экенин кайдан түшүнүшсүн. Атасын ошолор ыйлатып жаткансып жанында жүргөн кишилердин баарын жаман көрүп жатышты...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
01.08.2022. 12:04 
Тайпасы:
Жаран
Комментарийлердин саны:
186
Катталган:
06-02-2017
Соӊку аракети:
18-08-2022 12:08
Жынысы:
Белгисиз
Калаасы:
убактылуу жашоодо!!!
+1
Ыйлап ийдимго .....
01.08.2022. 16:32 
Тайпасы:
Жаран
Комментарийлердин саны:
65
Катталган:
15-07-2011
Соӊку аракети:
16-08-2022 09:48
Жынысы:
Белгисиз
Калаасы:
Екатеринбург
0
Dilbaranurdinova,Мен дагы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
27378;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: