“КУМТӨРДҮ” 2 ЖЫЛ ЖЕТЕКТЕГЕН ТЕҢГИЗ БӨЛТҮРҮК КАРМАЛДЫ

"Кумтөрдүн” тышкы башкаруучусу Теңгиз Бөлтүрүк 13-сентябрда кармалып, камакка алынды. Башкы прокуратуранын билдиришинче, ал коррупцияга шектелүүдө. Андан тышкары “Кумтөрдүн” жабдуу боюнча адиси, каржы башкармалыгынын директору да кармалды. Кармалгандар Бишкек ШИИББинин убактылуу кармоочу жайына киргизилди.

Алдын ала эсептөө боюнча, “Кумтөрдөгү” коррупциялык схеманын айынан мамлекетке 1 миллиард сомго жакын зыян келтирилгендиги аныкталганы айтылды. “Кумтөр” боюнча Башкы прокуратура 3 кылмыш ишин козгоду.

Министрлер кабинетинин башчысы Акылбек Жапаров Бөлтүрүктүн кармалышы боюнча ЖМКларга комментарий берип, соттун чечимин күтүү керектигин айтты.

– “Кумтөр” өз жумушун так аткарып жатат, 1 грамм дагы алтын сыртка чыгарылып кеткен жок,- дейт Жапаров. 14-сентябрда парламент жыйынында депутат Тазабек Икрамов “1 миллиард сом деген чекеси эле, булардан мындан да көп былыктар чыкканы калды” деп билдирди.

Айта кетсек, буга чейин Жогорку Кеңештин депутаттары “Кумтөрдүн” иши боюнча Теңгиз Бөлтүрүктүн отчётун угууну талап кылып жатышкан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
№ 1033, 23-29-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА