ТЕҢГИЗ БӨЛТҮРҮК “КОРКУТУУГА АРАКЕТ КЫЛЫП ЖАТЫШАТ” ДЕЙТ

"Кумтөрдүн” мурдагы жетекчиси Теңгиз Бөлтүрүк камактан кат жазды. 4-октябрда жарыяланган катта Бөлтүрүк ага карата коркутуу аракети болуп жатканын ачыктады. Чет өлкөдөн 2020-жылы Садыр Жапаровдун чакыруусу менен, “Кумтөрдү” кайтарып алууга жардамдашуу үчүн келгенин белгилейт.

– Президенттин тапшырмасын аткарып, эл алдындагы жарандык жана адамдык милдетимди аткардым. Менден саясий фигура жасагылары келип жатышат. Оппозицияга, мен Кумтөрдөгү коррупциялык жемкорлорго бөгөт койгондорго канчалык жакпаса да биз кетпейбиз. Алар мени 2 жылдан бери коркутууга аракет кылып жатышат, бирок мен президенттин реформаларын колдоодон кайтпайм. Өзүмдүн жана үй-бүлөмдүн өмүрүн тобокелчиликке салып жатам,- дейт Бөлтүрүк.

Айта кетсек, Бишкек шаардык соту 3-октябрда Теңгиз Бөлтүрүктүн баш коргоо чарасын өзгөртүүсүз калтырды, ал 10-ноябрга чейин камакта болот.

Бөлтүрүк кылмышка шектелип 13-сентябрда Башкы прокуратура тарабынан кармалган. Андан тышкары “Кумтөрдүн” башка 2 адиси да кармалып, камакка алынган. Башкы прокуратура ишканадагы коррупциялык схеманын айынан мамлекетке 1 миллиард сомдук зыян келтирилди деп маалымат таратты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1035, 7-13-октябрь, 2022-ж.