Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кубат Оторбаев, Коомдук телерадиоберүү корпорациясынын башкы директору: «МАДУМАРОВДУ ДУШМАНЫМ ДЕП ЭСЕПТЕБЕЙМ»

№427 7-13-январь, 2011-жыл.


Бейне

Митингдердин “борбору” деп “Ала-Тоо” аянты менен кошо “КыТыРыны” атаса болот. Мына ошол ишкананын имараты бийлик алмашкан сайын “согуш талаасына” айланат. Апрель окуясынан кийин бул мекеменин дагы бийлик чылбыры башка адамга өткөн. КТРКнын башкы директору Кубат Оторбаев менен корпорациядагы жаңылануу жана машакаттуу журналисттик жумушу жөнүндө баарлаштык.

– Кубат мырза, кирип келген Жаңы жылыңыз кут болсун! Учурдан пайдаланып, башкы директор, адис жана катардагы көрөрман катары КТРКнын жаңы жылдык берүүлөрү өзүңүзгө жактыбы деп сурагым келип турат. Мисалы, майрамдык берүүлөрдүн бирин стилист Замира Молдошева алып барды...
– Бир топ кызыктуу программалар болду. Ага көп каражат жана күч сарптадык. “80-90-жылдардын дискотекасы” ишеничти актады. Көп адамдардан бул берүү боюнча жакшы пикирлерди уктум. Жаңы долбоор “Тимеле шоу” көрсөтүлдү, анын айрым жерлери ашыкча созулуп кеткенин байкадым. Мындан ары динамикалуу кылганга аракет кылабыз. “XXI кылымдын жылдыздары” программасын да жакшылардын катарына киргизсе болот.
Ал эми Замира Молдошеванын алып баруучулугу эксперимент катары жасалды. Көп мамлекеттерде мындай иштер болуп келет. Ал өзүнүн тармагында көрүнүп калган адам, аларды ишке тартуу жакшы пайдасын алып келиши мүмкүн.
– Бизде төңкөрүштөн соң КТРКга “Азаттыктын” жетекчиси башчы болуп келмей модага айлангандай сезим калтырат. 2005-жылы Кыяс Молдокасымов келген эле, эми сиз...
– Муну сөз эркиндигинин ордуна келиши деп эсептейм. Анткени эки президенттин тушунда тең “Азаттыкка” кысым болуп келди. Бирок ал түрдүү пикирди берип, элдин үнүн коомчулукка, бийликке жеткирүүгө аракет жасады. Ошентип отуруп профессионалдык орду калыптанды. Азыр бийликке жаңы адамдардын келиши менен “Азаттыкта” иштеген кызматкерлерге коомдук каналга келүүгө жана орун алууга жол ачты.
– Мамлекеттик канал Коомдук деп өзгөртүлдү. Атына заты жарашабы?
– Аракет кылып жатабыз. Мурдагыга салыштырсак, Байкоочу кеңеш кайрадан түзүлдү, кийин башкы директор шайланды. Парламенттик шайлоону буга чейин болуп көрбөгөндөй калыс чагылдырдык. Бир дагы саясий күчкө жок дебей, бардыгына бирдей шарт түздүк. Бүгүнкү күндөгү түзүлгөн парламенттин курамында да салымы бар. Себеби берилген маалыматтар кайсы бир деңгээлде элдин аң-сезимине таасир тийгизди.
– Коомдук канал ишке ашырышы керек болгон үч зарыл маселе?..
– Биринчиден, каналдын штаттык бирдигин аныкташ керек. Аны менен кошо коомдун талабын билиш үчүн сурамжылоо жүргүзүүгө муктажбыз. Жөнөкөйлөтүп айтканда, эл эмнени көргүсү келет, мына ушуну тактап чыгуу алдында турабыз. Экинчи маселе – каналдын жаңы жүзүн аныктоо, элдин ишенимине кирүү. Андан сырткары азыр саясий жактан эркин болгонубуз менен, каржылык жактан андай эмеспиз.
– Кескин реформа жүргүзүүгө даярсызбы?
– Биз ансыз деле кескин реформа жасап жатабыз. Борбор Азияда алгачкы жолу коомдук телеканалдын башаты болуунун алдындабыз. Мурунку бийликтин тушунда мындай нерсе түшкө да кирбейт эле. Анткени мурунку бийлик УТРК сыяктуу ири ММКны колунан чыгаргысы келчү эмес.
– Сиз журналистика тармагында көп жылдан бери “жашап” келесиз. Кандайча бул дүйнөгө баш багып калдыңыз эле?
– Алган билимим боюнча эле кесибим менен иштеп кеттим. 4-курста окуп жатканымда “Асаба” гезитине кабарчы болуп киргем. Ал кез 1994-1995-жылдардын оор учуру болчу. Аталган гезитте 2000-жылга чейин иштеп, бул аралыкта редактор Мелис Эшимкановдун орун басарлыгына чейин көтөрүлдүм. Ал эми “Азаттыкка” 2002-жылы келгенмин.
Айта кетчү жагдай, “Азаттыктын” бүгүнкү сайтынын иштеп кетишине түз тиешем бар. Себеби эки жыл бою веб-редактор катары иштедим. Апрель окуясына чейин сайтты жакшыртууга көп күч сарптадык. Сайттын азыркы дизайны 2 жыл бою Прагада жасалган.
– Апрель окуясына чейин “Азаттык” ошол кездин оппозициясы менен кошо бийликке каршы күрөштү. Апрелден кийин анын бейтараптуулук салмагы бузулган жокпу?
– Ошондой сезилиши мүмкүн. Бирок ал эки тараптын пикирин бергенге көп көңүл бурат. Кечээ оппозицияда жүргөн адамдар төңкөрүштөн кийин бийликке келип, орундар алмашып калганда “Азаттык” үчүн иш оор сезиле берет. Бирок анын өзүнүн жолу, редакциялык саясаты бар.
– Бүгүнкү деңгээлге жетүү үчүн эмнелерди курмандыкка чалдыңыз?
– Башында акын-жазуучу болсом деген тилегим бар эле. Кезинде Табылды Муканов атындагы сыйлыктын лауреаты болгом. Ушул журналисттиктин айынан чыгарма жазууга колум жетпей жүрөт. Ушуга кез-кезде ичим жакшы эле тызылдап кетет.
– Чакан мамлекетиңиз канча кишиден турат?
– Жаш үйлөнгөм. Студент кезимде, тагыраак айтканда, 1994-жылы үйлөнүп алгам. Эки уул жана бир кызым бар. Азыр жаш балдар деле өлкөдөгү окуяларга көңүл кош эмес. Менин балдарым дагы жаңылыктарды көзөмөлдөп, баа берип калышат. Алардын көз караштары көпчүлүктөн кыйла айырмаланып турат.
– Сиздин эсиңизде калган өзгөчө интервьюңуз?
– 16 жылдык тажрыйбамда көп эле интервью алдым. Окууга тапшырарда айылга концерт коюп келген Каныкей Эралиеваны кепке тарткам. Ошол менин биринчи интервьюм болгон. “Ыңгайсыз суроолорду” алып барып жүргөндө ошол кезде вице-премьер Данияр Үсөнов менен болгон курч маекти белгилеп кетсе болот.
Бирок эң оригиналдуу интервью деп “Асабада” иштеп жүргөндөгү таш бакалар тууралуу материалымды айтмакмын. Атайын Сузакка барып, кытай ресторандарына өткөрүлгөн таш бакалар жөнүндө интервью даярдап келгем.
– Парламенттик шайлоонун алдында теледебатты алып барып жаттыңыз. Баса белгилеп өтүүчү учурлар болдубу?
– “Ата Журттун” лидери Камчыбек Ташиев менен “республикачы” Өмүрбек Бабановдун эрөөлү өтө курч өттү. Элге анча белгисиз партиялардын лидерлери бир топко биригип калышканда кесиптешим Динара экөөбүзгө оор болуп жатты. Анткени алар конокко келгенсип, бири-бирине “сизиң-бизиң” болуп жатышты.
– Айрыкча сиздин Адахан Мадумаров менен болгон “эрөөлүңүз” элдин эсинде калса керек. Экрандан бири-бирине тиш кайрап жүргөн адамдардай сезилдиңер. Чын эле ушундайбы?
– Ал кишиге элге берилген эле суроолорду берип жатканбыз. Бирок Каркыра боюнча суроону жүрөгүнө өтө жакын кабыл алды. Биз ушундай эле суроону Темир Сариевге да бергенбиз. Ал мурун депутат кезинде Үзөңгү-Куушту өткөрүп берерде “макул” деп добуш берген экен. Ал токтоо эле жооп берди. Бирок мен эч качан Адахан Мадумаровду душман деп эсептеген эмесмин.
– Журналистикадан тышкары эмне менен алектенесиз?
– Музыкага кызыгам. Китеп окуйм.
– Акыркы жолу кайсы китепти барактап чыктыңыз?
– Япон жазуучусу Харуки Муракаминин чыгармаларын окудум. “Нобель” сыйлыгын алган түркиялык Орхан Памуктун китептерин да баштагам. Андан сырткары АКШнын мамкатчысы Хиллари Клинтондун “Менин өмүрүм” деген китеби бар, аны жакында окуп бүтүрдүм.
– Эгер тандоо мүмкүнчүлүгү берилсе, кайсы доордо, кайсы өлкөдө жашаар элеңиз?
– Тарыхыбызда IX кылымда Улуу Кыргыз каганаты түзүлгөн учур болгон. Кыргыздар үчүн ошол мезгил бир топ кызык болсо керек деп ойлогонум үчүн ушул доордо жашоону тандап алмакмын.
– Форманы кантип бир калыпта сактайсыз?
– Азыр спортко убакыт бөлүүгө чамам чектелүү. Залга барсам дегенде эки көзүм төрт. Анда-санда футбол ойноп калам. Жума сайын убакыт бөлүүгө шарт жок.
– Кайсы мамлекеттерди “багынттыңыз” эле?
– Жумушка байланыштуу Чехияга көп каттадым. Кошмо Штаттар, Кытай, Түркия жана КМШнын өлкөлөрүнө баргам.
– Өткөн жылдын окуяларынан кыргыз журналистикасы кандай сабак алды?
– Ош окуясында кыргыз журналистикасы согуш болгон жерде иштөөгө адистешпегенин көрсөттү. Көптөгөн гезиттер Бишкекте отуруп эле жазып, бирден кабарчы жөнөтүп коюуга да жарашпады. Биз деле колдон келгендин баарын жасадык. Ош жана Жалал-Абад облустарында бирден гана кабарчы бар экен. Ошол кандуу күндөрдө кабарчыбыз менен операторубузду жоон топ балдар өлтүрүп коё жаздашты. Биз тажрыйбанын жоктугун көрсөтүү менен жакшы сабак алдык. Мындан кийин андай окуялар болбой эле койсун, бирок иштин көзүн билип калдык деп эсептейм.

Эльвира Караева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(1)
11.01.2011. 01:18 
Тайпасы:
Кыймылы жок
Комментарийлердин саны:
8
Катталган:
15-11-2010
Соӊку аракети:
22-08-2015 17:55
Жынысы:
Белгисиз
Калаасы:
Бишкек
0
Кубат байке жогоруда берген интерьюдагы айтылган создорунуздой киши болсонуз гана!? Чиркин, анда КТРК тез эле онолуп кетмек. Жыл жаныра электе сиз дайындаган орун басарыныз Руслан отставкага берди. Мейли эми, иши кылып жакшы команда тузуп алыныз. КТРКнын 780 кызматкерине жакшы баш коз болуп иш алып барыныз! Ийгилик!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: