Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МОДЕРН ТОКИНГ» ("Modern Talking") тобу

№244 6-12-июль, 2007-ж.


80-жылдардын жүрөк эзген ырлары азыркы жаштар тарабынан ырдалбаса дагы ага-эжелерибиздин жүрөгүндө эң жакшы көз ирмемдерди эске салган жандүйнө жаңырыгы бойдон кала бергенинен күмөн жок. Гезитибиздин бул санында окурмандарыбызга бир тамчы болсо да жаштык элесин тартуулоо максатында 80-жылдарга сапар тартууну туура таптык. Анда «Дүйнө жылдыздары» рубрикабыздын бүгүнкү санында убагында миллиондогон кыздардын көз жашын агызган «Модерн Толкинг» тобу жана анын солисттери тууралуу сөз козгомокчубуз. Айта кетсек, сиз сүйүп уккан 80-жылдардын атактуу ырчылары тууралуу маалыматтарды мындан кийин кезек-кезеги менен гезитибизге жарыялап турмакчыбыз.

Топ тууралуу

Сексенинчи жылдардын экинчи жарымында жер шаарын дүңгүрөткөн Германиядан чыккан эң популярдуу топтордун бири “Модерн Токинг” 1983-жылы негизделген. Алгач топтун жетекчиси Дитер Болен ыр жаратып, музыкага жан дили менен берилген адам болгонуна карабастан, алгач өзү сахнага чыгуу тууралуу ойлогон да эмес. Ошол жылы белгилүү француз ырчысы FR Давиддин “Pick up the phone” (“Телефондон жооп бер”) деген ыры жарыкка чыгып, Дитер бул чыгарманы немис тилине которууну пландаштырат. Бирок, өзү ырдоо тууралуу ойлобогондуктан, таланттуу аткаруучу издештире баштаган. Үн жаздыруучу студиялардын биринен Томас Андерс аттуу жаш ырчыны сунуштаган кат келип түшүп, ушундан көп өтпөй Дитер менен Томастын аткаруусундагы хит ырлар жарала баштайт. Дитерге жаш жүрөгү энергияга толгон жигит Томас менен иштешүү кызыктуу жана пайдалуу болуп, өз жемишин бере баштайт. Болендин үйүндө жайгашкан студияда топтун алгачкы ырлары жаралып, бул ырлар топтому бүткүл Германияга тез эле 30 миң даана пластинкада тарайт.
Октябрь айында бул дуэтке “Модерн Токинг”деген ат беришип, буга чейин эле баштаган “You My Heart, You re My Soul” (“Сен менин жүрөгүм, сен менин жанымсың”) ырын аяктап чыгышат. Бирок, бул ыр жарыкка чыккандан кийин деле жакшы жыйынтык берген эмес. Ошол эле жылдын ноябрь айындагы Томас менен Норанын чоң автокырсыкка учурашы жогорудагы чыгармага бул окуяны чагылдырган клип тартууга түрткү берген. 1985-жылы 15-январда клип жергиликтүү телеканалдардын биринде алгачкы жолу элге тартууланат. Бул болсо, “Модерн Толкинг” тобуна атак-даңк жана ийгилик алып келген. “Cheri, cheri Ledi” (“Алча айым”), “Brother Louie” (“Бир тууган Луилер”) жана башка ырларысыз бир дагы майрам өтчү эмес. Миллиондогон күйөрман кыздардын көз жашы алдында өткөн жеке концерттер, дүйнөлүк турне, атактуулук жана байлык... Бул учурда ыр жазууга убактысы жок болгондуктан, мурда чыгарылган, бирок, эл убагында баалабаган чыгармалар эми хитке айланып, кыскасы, күйөрмандары ырчылардын ар бир сүйлөгөн сөзүн чыдамсыздык менен күтүп калышкан.
Турмуштун мыйзамдары ушундайбы, айтор, кандай гана иш болбосун тоскоолдуктарсыз ишке ашпайт эмеспи. 85-жылдардын аягында топтун жетекчиси Дитер Томастын ишине канааттанбай, “беш ай ичинде 2 альбом жаратууга жетиштим, бирок, Томас болгону үн жаздыруу үчүн эки ирет гана студияга кайрылды” деген сыяктуу сөздөрдү шеригинин дарегине узата баштаган. Ортодогу от чагылуулардын жыйынтыгында Дитер башка ырчылар менен иштеше баштайт. Анын айтуусуна караганда, муну менен “Модерн Толкинг” тобунун жылдызы аталган Томастын көлөкөсүндөгү адам катары кабыл алынган Дитер Болен ким экенин элге көргөзүп жана өз күчүн даңазалагысы келген. Анын чыгарган ырлары чыныгы түбөлүктүү чыгармаларга айланып, сериалдарда да аткарыла баштайт. Топ 12 эң мыкты делген ырларын камтыган 4 альбом чыгарууга жетишип, келишим боюнча дагы бир жыл иштешүү керек болгонуна карабастан ортолорунан ырк кетип, топтун чачырашына алып келген. Дитердин айтуусунда, дүйнө элдери сүйүп уккан “Модерн Толкинг” тобунун тарап кетишинин дагы бир себеби Томастын жубайы Нора болгон. “Мен дагы топтун үчүнчү мүчөсү катары таанылышым керек” деген Норанын талаптары бир гана Дитерди эмес, төгөрөктүн төрт бурчун ээлеген күйөрмандарынын да кыжырына тие баштаган. Нора кандай гана концерт болбосун сахнага чыгып алууну адат кылып, бардык иштерине кийлигише берчү. Мунун амалын табуу үчүн Дитер дагы атайлап башка эки кыздын жеке концертинде коштоп ырдап турууларын суранган. Муну уккан Нора амалкөйлүк менен аларды жолотпой да койгон экен. Концерт аяктап, көшөгө жабылаары менен кыйкырык, уруш-талаштардын башталганына залдан чыга элек көрүүчүлөр күбө болушкан. Мындан көп узабай эле “Модерн Токинг” тобу жо­голууга учурап, 200 миң долларлык чыгашага дуушар болушкан.
Айласы кеткен Томас Россияны көздөй багыт алса, Дитер “Блю Систем”деп аталган жаңы топ түзүп, Европага сапар тартат. Эмгегинин акыбети кайтып, бактыга жараша бул топ дагы популярдуулукту багынта алат. Элге белгилүү альбомдорунун бири “Walking On A Rainbow” (“Күн желесинин үстүндө басуу”) “Модерн Толкингдин” стилинде жазылгандыктан, тез эле көпчүлүктүн жүрөгүн багындырган. Бул убакыт аралыгында Дитер киного тартылууга да жетишет.
1998-жылдын апрель айында болуп өткөн дүйнөлүк масштабдагы концерттердин биринде “Модерн Толкинг” тобунун мүчөлөрү Томас менен Дитер бетме-бет жолугуп калышат. Томастын Нора менен ажырашканын угуп, Дитер топту кайрадан жандандырууну сунуштаган. Ошондон тартып эски өнөктөр кайрадан биргеликте иш алып барып, бир жыл ичинде үч альбом чыгарууга жетишишкен. Эки дүйнөлүк музыканттардан турган бул тандемдин өмүрү биз күткөндөй узун болбой, тилекке каршы, 2003-жылдын июнь айында кайрадан топ тараган.

Томас Андерс

Берндт Вайдунг (Томас Андерстин өз аты) 1963-жылы 1-мартта Германиядагы кичинекей шаарча Мюнстермальдфельдде төрөлгөн. Атасы бул шаардын мэри, апасы дүкөндө сатуучу болуп эмгектенчү. Ахим аттуу байкеси жана Таня-Катрин деген карындашы бар. Кичинекей кезинде Томми кыздардын оюнчуктарына көбүрөөк кызыккандыктан, мектепте окуганына карабай сары чачтуу Барби куурчагын колунан түшүрчү эмес экен. Мүнөзү кыздарга окшош болгондуктанбы, айтор, кичинекейинде эч шоктонбогон бала ата-энесинин сыймыгы, элдин сүймөнчүгү болчу. 16 жаш курагында өзү жараткан биринчи ырынын артынан эле Томас Андерс деген псевдоним менен ырдап чыга баштаган. Жашоосуна өзгөрүүлөр бала кыялындагы элестеткен Барбиге окшош Нора Баллингге жолуккандан кийин кире баштаган. Бирок, ал кезде Нора менен түбөлүккө калбасын жана муну менен эл жүрөгүнөн кабыл алган топ “Модерн Толкингдин” келечегин туңгуюкка алып келээрин сезген да эмес. Ал эми жашоосундагы дагы бир бурулушка 1983-жылы атактуу композитор Дитер Боленге жолукканда кезиккен. “Модерн Токинг” тобунун солисти болоору менен эле атагы алыска тарап, дүйнө кыздарынын өздөрүн эмес, жүрөктөрүн сыздаткан ырчы катары таанылды. Кызганчаак аялы Норага бул нерсе жага бербей, анын бардык иштерине кийлигише баштаган. Жогоруда айтылгандай, мунун аягы топтун чачырашына алып келген. Чыгармачылыгындагы 11 жылдык үзгүлтүктөн кийин Дитер менен биргеликте кайрадан эле эски ат менен топту жандандырышкан. Бул убакта “эми сенин жылдызың өчтү, мен сени менен бактылуу боло албайм” деген Норанын сөздөрүнөн кийин ажырашып кетишкен эле. Кайрадан жумшаган эмгектеринин акыбети кайтып, 98-жылдары жаңы ырлары менен Европа хит-параддарынын биринчи катарларынан орун алышкан. Жеке карьерасында Томас 7 альбом чыгарууга жетишкен. Бир топ жыл жалгыздык менен күрөшүп отуруп, Томас жашоосунда дагы бир сүйүүсү Клаудиа Хесске жолуккан. Клаудианын шоу-бизнеске эч кандай тиешеси жок. Учурда ортолорунда баласы бар. Бош убактысында үй жаныбарлары менен алектенүүнү жактырат, андан тышкары сууда сүзүү, теннис ойноо Томастын жеке жашоосундагы хоббилери.

Дитер Болен

80-жылдары жаш кыздардын жүрөгүнөн түнөк тапкан “Модерн Токинг” тобунун жетекчиси Дитер Болен 1954-жылы 7-февралда Германиянын Олденбург шаарында инженер-гидротехниктин үйбүлөсүндө төрөл­гөн. Мектепте башталгыч класстарда эң мыкты окучу, тилекке каршы, кийинчерээк жеңил баңгизатка берилип кеткенинен да кабар бар. Окуучулук кезинде мугалимдери менен тил табыша албай көп чыр-чатактарды чыгара бергендиктен, атасы Дитерди жаза катары мектеп-интернатка өткөзүп салган. Бирок, акыркы класстарда жакшы окуп, Геттинген университетинин экономика факультетине тапшырган жана 1978-жылы бул кесиптин ээси болуп, колго диплом алат. Музыка дүйнөсүнө эрте келип, бардык аспаптарда кол ойноткону менен студент кезинде гана биринчи ирет чакан публика алдына чыга баштаган. Музыкага өтө берилгенин бир жыл ичинде ар кандай стилде жазылган 200 ырынан байкасак болот. Рок жанрына кызыккандыктан, бул жаатта да ыр жазып, чачын ошол убакта өстүргөн экен. 1983-жылы алгачкы жолу шериги Томас менен биргеликте чоң сахнадан жылдызы жанган. Ушул жылдан тартып, дүйнөлүк атак-даңктын туу чокусун багындырат.
Студент кезинде Геттенген шаарынын дискоклубдарынын биринен болочок жубайы Эрика менен таанышкан. Алгачкы сүйүүсүнө жетип, 1983-жылдын 11-айынын 11инде саат 11ден 11 мүнөт өткөндө Гамбург шаарында баш кошушкан. Кызыктуусу, үйлөнгөнгө чейин 10 жыл чогуу жашашкан жана үлпөт тоюн жынсы кийимчен өткөрүшкөн экен. Жубайы Эрика кесиби боюнча стилист болгон. Ортолорунда эки уул, бир кызы бар экенине карабастан, тилекке каршы, пикир келишпестиктердин айынан ажырашып кетишкен эле. Кийинчерээк Дитер Верона Фельдбуш аттуу кызга баш кошууга жетишет. Учурда Верона менен да түбөлүгү буюрбай, «Надя Абдель Фарраг аттуу курбу кызы менен жакын мамиледе» дешет.
Стив Бэнсон, Райан Симмонс, Эрик Стикс, Ди Басс деген сыяктуу псевдонимдер менен да көпчүлүккө таанымал. Чыгармачылык жолунда бардыгы болуп, 13 альбом жараткан. Музыкадан тышкары сууда сүзүүгө, тенниске кызыгат. Айта кетчү нерсе, Дитер кичинекейинде сологой болгондуктан, теннисти дагы сол колу менен ойнойт, тамакты оң колу менен жегенге үйрөнгөн. Спирт ичимдиктеринен шампанды көбүрөөк колдонот. Ал эми тамекини кичинекей чагынан эле тартат экен.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: