СҮЙҮҮ СОНАТАСЫ

(Башы өткөн сандарыбызда)

Бириктире кармалган үчөөнүн колдору дирилдеп жатты. Бир аялзаты жүрөгүндөгү эң жакын адамдарын тапшырып, экинчиси тагдыр сыйын кош колдоп кабыл алып жатты. Ушундан көп өтпөй Айнура дарылануу үчүн Алматы шаарына жөнөп кетти. Учакка отурар замат жеңилдене дем алып, өзүнчө күлүмсүрөп алды. Жанында отурган сапарлашы анын жайнаган көз карашын байкады көрүнөт.
– Сиз кимдир бирөөгө жолугууга бара жатат окшойсуз. Аябай сүйүнүп алыпсыз.
– Ооба, ашыгып турам.
– Сизди кимдир бирөө күтүп жатат окшойт, ээ?
– Ооба, мени жаңы турмуш, жаңы жашоо күтүп жатат.
Айнура жеңил дем ала отургучка чалкалады.

ххх

Айнуранын операциясы ийгиликтүү өткөнүн угушкандан кийин Рустам менен Айдана үйлөнүүнү чечишти.
Колуктунун аппак көйнөгүн кийген Айдана чимириле бийлеп, күзгүдөн өзүнүн албырып турган жүзүн тиктеди. Ар дайым тереңине сыр катып, муңайым көрүнгөн каректерден бакыттын нуру көрүнүп турду.
– Бол, колукту, коноктор күтүп калды...- деген үндү укканда шашыла жөнөдү. Чоңдордукундай костюм кийип жасанган кичинекей Айдин чуркап келди.
– Апа, гүлдү унутуп баратасың.
– Апа?! Сен мени апа дедиңби?
Чөгөлөй калган Айдана Айдинди жалбара карады. Наристе башын аста ийкей кичинекей колдору менен мойнунан кучактай калып, акырын үн катты.
– Бүгүнтөн баштап сизди апа дейм. Бирок бул сыр боюнча калсын, ээ? Болбосо мамам таарынат да...
Наристенин көкүлүнөн сылаган Айдана бооруна кыса кучактап алды. Эшикти ача бергенде күндүн нуру жарк дей түштү. Күн да анын бактысын кубаттагандай жылмайып турган экен. Рустам жакын келип, анын жүзүнө жадырай карады. Кайнатасы Иман, кайненеси Айшанын да кабактары жаркып турду.
Сиз бакытка ишенесизби, окурман?! Айрым адамдар “толук бакыт жок, бакыт чөйчөгү баары бир бөксө болот” дешет. Бирок Рустам менен Айдананын бакыты толук эле. Бакыт толук болуш үчүн айрым учурда пенделер тагдырдын бир топ сыноолорунан өтүш керек окшобойбу. Бул жолу да ушундай болду.

Нуржамал Жийдебаева

(Аягы)

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

Kyzsaikal

2011-01-14 18:34:38

Aidananyn kyzychy emne boldu baikush?ayagy jakkan jok.Jetpei kalgan suiuusu uchun kyzyn kurman kyldyby?

Arstan

2011-01-14 20:33:24

Аягы анча конулумо толбоду. Дагы бир серия кылып баарын бир сыйра жазып анан бутурсо болмок.

mahabaha

2011-01-14 22:01:57

болдубу а Айнурасы эмне болду жашайбы же

aminali

2011-01-15 02:12:42

Ainuranin baktisin kim oilodu baari ele ozum4ul okwoit,tiginin kizi4i apasi jok kaldibi,ulandisin kytobuz.

Varvara

2011-01-15 10:21:35

уууф буттуу.....

Venchuk

2011-01-15 11:28:10

Айдананын кызынан да суйуусу артык болуп кетиптир да.Аягында жок дегенде кызын озу алгандай кылып койсо болмок экен.

suella

2011-01-15 19:58:29

Суйуу бул кээде ушундай курмадыктар каалайт...Чынныгы суйууго жетпегендер муну эч качан тушунбойт!

azulya

2011-01-17 09:13:01

эч кандай чындыкка окшобой калыптыр. Начар!!!!

jazim

2011-07-17 22:52:42

Рустам Айнура менен эле калса жакшы болмок акыры тушунуксуз эле бутуп калыптыр

ikitaidesu

2011-09-23 22:04:26

Al ekkonun bakyty toluk deit birok andan bashkalarychy. Jakpady bul chygarma beker ele ubaktym ketti

gyly.ulan

2014-01-29 23:00:51

Аягы начар бутуп калган.

Комментарий калтыруу үчүн өз ысымыңыз менен кириңиз же каттоодон өтүңүз.

№ 428, 14-20-январь, 2011-жыл.