Каныкей: «АЧКЫЧ СӨЙКӨ ОЙЛОП ТАПТЫМ»
Коллекциячы
Бирөө сувенирлерди коллекцияласа, экинчиси ар түрдүү баштыктарды чогултат. Ошонун сыңары, ырчы Каныкей шуру, сөйкөлөрдү беш жылдан бери чогултуп келет.
– Каныкей, коллекцияңды карап отуруп, ичинен ачкыч сөйкөң өзгөчө экенин байкадым. Бул өзүңдүн ойлоп тапкан эмгегиңби?
– Лондонго гастролдоп барганда чемоданыма кичинекей кулпу сатып беришкен. Бишкекке келгенден кийин ошол кулпум жоголуп кетип, ачкычы калды. Анан аны сөйкө кылып алдым.
– Бул сөйкөңдү сахнага тагынып чыгасыңбы?
– Тагынып чыгам. Анткени бул ачкыч сөйкө – мен тапкан жаңы нерсе. Концерттен гана эмес, клиптеримден, фотосессияларымдан да көрө аласыздар.
– Эмнеге күмүшкө кызыгасың? Алтын байлык алып келчү металл деп коюшат го...
– Туулган күнгө берилген, жөн гана белек кылынган алтын жасалгаларым бар. Ачыгын айтсам, алар сандыкта (күлүп). Бирок, менин оюмча, кыздарга алтынга караганда күмүш жарашат. Ал жаштыктын белгиси деп билем. Алтындарымды кийин турмушка чыкканда тагынам.
– Чет өлкөгө чыкканда коллекцияңа буюм кошууну унутуп калбайсыңбы?
– Чет өлкөдөн баалуу зер буюмдарды көп көрөм. Бирок сатып алууга келгенде кылдат мамиле кылам. Баасы өтө кымбат, бирок катардагы эле буюм болсо албайм. Мага өзгөчө жасалган, сейрек кездешкен шуру-сөйкөлөр жагат.
– Коллекцияңдан өзүң колго жасагандарды да көрүп турам...
– Мен заманбап буюмдан дагы жөнөкөйлүктү жактырам. Ошондуктан жөнөкөй эле чүпүрөккө ит мурун сыяктуу өсүмдүктөрдү кадап, шуру кылып алам.
– Алдыда болчу концертиң жөнүндө кеп кыла кетпесек болбос...
– Биринчи Бишкектеги жеке концертим 20-21-январда Опера-балет театрында өтөт. Эмнеге бул жайды тандап алдык? Анткени, биринчиден, бул жерде жандуу ырдаганга мүмкүнчүлүк өтө жакшы түзүлгөн. Отуз чыгарма ырдалчу концертимде жалаң жандуу үн менен ырдайм.
– Башка сахналаштарың да катышабы?
– Жалгыз өзүм ырдайм, андан сырткары Кыргызстанга эмгеги сиңген, эл сыйлаган эки коногум бар.
Мындан үч ай мурун Ошто жеке концертимди берип, жалгыз ырдаган элем. Жарнаманы көрүп, эл “үч саат бою Каныкейдин ырын уга берсек тажап кетебиз го” дешиптир. Бирок алар концерттин аягында менин дагы ырдашымды суранышкан.
Сүйүн Кулматова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (37)
Илгери деле эстрадада алгачкы ырдагандарды жаман коруп башташкан да, азыр ошолорду мактап жатышпайбы, Каныкей деле оз ордун табат, эл артистка болот буйруса, тан калбай эле койгула.
Ачкыч сойкону давное эле Alicia Keys ойлоп тагып журот...так что не надо говорить ойлоп таптым.. А так Каныкейдин ырларын жана унун люблю!!
Kanykeidi dayima izdenip, jany obrazdardy jaratyp jurgonu uchun siylaim. Show biznestin okulu bolgondon kiyin dayima bashkalardan ayirmalanyp furror jaratyp jurush kerek. Kanykei azamat!
Achkych soikonu 2 jyl murda Kreativ Museumdan (Germany) korgon elem:) Oshol Kanykeidiki turbaiby eee :D :D
Буйруса концертине барам. Бул концерт башка концертерден озгочолонуп фальшы азырак болот экен, башкача айтканда фанера колдонбой ырдайт тура. Молодец Каныкей талантына таазим.
Шайтан болуп калыптыр го !
ишине ийгилик. концертинди жакшы откоруп ал.
Molodec za originalnoct'.
Бул кыз эмне болуп калган.жарашбай калыптыр бул боёкторун озуно.Кыргыздарга окшобой Япондорго окшоп калыпсын. бул жаш ырчылар эмне болуп баратасынар тушуну кыйын.Европаны туурап жатасынарбы.Ырынарга тушуну кыйын СУЙДУМ КУЙДУМ деп ырдашат бирисида болбойт.
Азаматсын Каныкей! Озундун журогундон эмне чыкса ага эмне жакын болсо талантына кошуп жаны жаны шедеврларды жарата бер.Кимге сенин озгочолугун тушунуксуз болсо же жакпаса сен ага капа болбо.Бир гана кыргыз ырчыларынын табышмагы болуп журо бер.
Мен сенин озгочолугунду ото баалайм.
Концертине бардым. Эн жогорку денгелде отту десем жанылышпайм. Отчетту бул шилтемеден окуй аласынар http://www.super.kg/ipb/index.php?showtopic=31669
сиздин талантынызды баалайм!алга!)))
Каныкей Азаматсын!!!Сага ИЙГИЛИК!!! :)
азамат Каныкей алга ишине ийгилик
