13 ЖАШАР КЫЗДЫН ЗОРДУКТАЛЫШЫ: ЖОГОРКУ СОТ ИШКЕ ЧЕКИТ КОЙГОНУ ЖАТАТ

22-мартта Жогорку Сот 13 жашар кызды зордуктаган деп соттолгон жарандардын кассациялык доо арызын кароого киришип, кийинки отурумду 5-апрелге дайындады. Бул күнү Жогорку Соттун имаратынын алдына жабырлануучуну колдоп ондогон жарандар чогулду. Алар колдоруна “Сот акыйкат бол”, “Акыйкат чечим” деген жазуулары бар плакаттарды кармап турушту. Күнөөлүүлөр жазадан кутулуп кетпеши керектигин эскертишти.

Айта кетсек, 2022-жылы 13 жашар кызды зордуктоо кылмышына шектелип 3 жаран кармалган. Алардын экөөсү милиция кызматкери, бири “Дордой” базарынын кароолчусу. Жыйынтыгында Бишкектин Свердлов райондук сотунун чечими менен кароолчу 10 жылга, милициянын 2 кызматкери ар бири 15 жылдан эркинен ажыратылган. Баары жалпы режимдеги абакта жаза мөөнөтүн өтөшмөк жана жабырлануучу тарапка ар бири 100 миң сомдон компенсация төлөп беришмек. 2023-жылдын башында Бишкек шаардык соту айыпталуучуларга өкүмдү жумшартып, милиция кызматкерлеринин жаза өтөө мөөнөтүн 6 жыл жана 9 жыл деп кыскарткан. Ал эми базардын кароолчусу боюнча мурдагы өкүмдү күчүндө калтырган.

Аталган кылмыштын дагы бир айыпталуучусу бар, аны Биринчи Май райондук соту 8 жылга эркинен ажыраткан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1059, 24-30-март, 2023-ж.