Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

3D, 4D, 5D ФИЛЬМДЕРИ

№428 14-20-январь, 2011-жыл.


3D түшүнүгү жашообузга күн санап сиңип бара жатат. 3D сүрөттөрүнөн тышкары 3D көркөм жана анимациялык фильмдер, фотоаппарат, принтер, дисплей жана башкалар белгилүү. Булардан тышкары 4D, 5D фильмдери жана аларды көрүүгө ылайыкталган атайын кинотеатрлар да бар. Булар тууралуу кененирээк маалымат.

СТЕРЕО ДЕГЕН ЭМНЕ?
3D жана 4D фильмдери “стереофильмдер” деп аталып, аларды атайын көз айнек менен көрүүгө болот. "Стерео" – грек тилинен которгондо "катуу, көлөмдүү, чоң масштабда, аралыкка жайылган" дегенди билдирет. Андыктан стереофильмге “чоң масштабда, аралыкка жайылган” деген түшүнүк туу­ра келет.
3D бул – "үч өлчөмдүү" (three-diemensional) деген сөздүн кыскача берилиши. Башкача айтканда, нерсенин узундугун, туурасын жана бийиктигин өзгөчө ыкмада берүү. 4D жөнүндө сөз кылсак, мында үч өлчөмдүн үстүнө төртүнчү өлчөм – мейкиндик кошулат.

КАНТИП ТАРТЫЛАТ?
Стереофильмдерди тартуу үчүн стереоэффекттер колдонулат. Мисалы, алдыбызда кружка турат дейли. Аны оң көзүбүздү жуумп, сол көзүбүз менен карасак да, же сол көзүбүздү жуумп, оң көзүбүз менен карасак да, бир эле сүрөттөлүштү (кружканы) көрөбүз. Эки көзүбүз менен тең карасак деле баягы кружка. А эгер бир эле кезде эки көзүбүз менен эки нерсени жакындан көрсөкчү? Анда нерселер мурдагы калыбынан көлөмдүү жана мейкиндикте калкып калган сымал көрүнөт. Дал ушундай таасир – стереоэффект деп аталат. Бул ыкма фильмдерди тартууда колдонулуп келет. Башкача айтканда, 3D стереофильмдерде бир эле кезде эки көзүбүз менен эки башка сүрөттөлүштү көрөбүз.

3D ФИЛЬМДЕРИ
3D фильмдерин тартууда кээ бирлер атайын 3D камераларын колдонушат. Аларда бири-биринен бир нече сантиметр алыстыкта жайгашкан 2 объектив бар. 1-объективде окуялар сол көз үчүн тартылса, 2-объективде оң көз үчүн тартылат. Эми жакындатып көрсөтүүчү стереокөзайнекти кийип ошол фильмди көрсөк, окуя мейкиндикте калкып, фильмдеги нерселердин баары укмуштуудай чоң болуп көрүнөт.
Кээ бирлер стереофильм тартуу үчүн 2 камера колдонушат. Бириндеги объектив окуяларды жалаң сол көз, ал эми 2-камерадагы объектив жалаң оң көз үчүн тартат.
3D фильмдерин кинотеатрлардан жана 3D телевизорлорунан көрүүгө болот. 3D телевизорлорунан атайын көз айнектин жардамы менен стереофильм көрүүгө мүмкүн болсо, көз айнексиз адаттагы эле берүүлөрдү же DVD көрүүгө болот.

4D ФИЛЬМДЕРИ ЖАНА КИНОТЕАТРЫ
4D стереофильмдери 3D фильмдеринен айырмаланып, сюжетине байланыштуу атайын эффекттер: креслолордун кыймылдашы, шамал, жамгыр, жыт сыяктуулар коштойт. Башкача айтканда, 4D фильми көрсөтүлүүчү кинотеатр өнүктүрүлгөн, санариптик болуп саналат. Көрүүчүлөр отурган креслолор сюжетке карата кыймылдап турат. Мисалы, өйдө-ылдый, оңго-солго. Креслолордо акустикалык система да орнотулган. Анын жардамы менен, мисалы, кинодо шамал болуп, жамгыр жаап жатса, сага да шамалдын илеби урунуп, бетиңе суу чачырап, озон газы жыттана түшөт.
Ал эми отургучтун ылдыйкы бөлүгүндө атайын жабдуулар бар. Ал буттардын арасы­нан жүгүрүп же өтүп бараткан кемирүү­чүлөрдүн кыймылын чагылдырып, итиркейди келтирет (эгер бул фильмдин сюжетинде бар болсо).
Айта кетчү нерсе, 4D фильмдери кыска убакытка гана созулат, 10-25 мүнөт. Негизинен анимациялак жана кыска метраждуу фильмдер болот.
Жогоруда айтылгандардын баары сизди фильмдин ичине аралашып, каармандар башынан өткөргөн нерселердин баарын өз башыңыздан өткөрүүгө салым кошот. Бул укмуш сезим тартуулабаганда эмне?

5D ФИЛЬМДЕРИ
5D фильмдеринин өзгөчөлүгү эмнеде? Бул тууралуу 5D фильмдерин Кыргызстанга алгачкылардан болуп апкелип, көрсөтүп жаткан Бишкектеги "Вефа" соода борборундагы стереозалынын менеджери Мирбек Дайырбековго кайрылдык.
– 5D фильмдери да кыска убакытка, 10-25 мүнөткө гана созулат. 5D фильмдерин деле 4D фильмдери сыяктуу атайын эффекттер коштойт. Мисалы, креслолор өйдө-ылдый чайпалат. Айырмасы эмнеде? 4D фильмдеринде атайын эффекттер (суу, шамал, жыт ж.б.) креслодо орнотулган акустикалык системадан чыгат.
Ал эми 5D фильмдеринде атайын эффекттер таасир ушунчалык күчтүү болсун үчүн залдын үстүндө орнотулган акустикалык системадан берилет. Мисалы, фильмдин сюжетинде кар жааса, залдын баарына тээ бийиктиктен кар жаайт. Чагылган чартылдаса, залды жара чагылган чартылдайт. Көбүкчөлөр да асмандан каалгып түшөт. Гүлдүн жыты чыга турган болсо, зал бүтүндөй гүл жытына толот. Булуттар да төбөдө каалгыйт. Бул 4D фильмдерине салыштырмалуу өтө терең таасир калтырып, сюжет толугу менен өз кучагына тартып, көрүүчү реалдуу жашоону унута түшүп, укмуштуудай дүйнөгө жетеленет.

ТАРЫХЫНАН

  • Алгачкы стереофильм болуп 1922-жылы 27-сентябрда АКШда чыгарылган “Сүйүү күчү” эсептелет.
  • 1950-жылдары үйлөрдө телевизорлор пайда боло баштагандан улам эл кинотеатрларга аз барып калган. Ошондо "элди кайрадан кинотеатрларга кандайча тартууга болот?" деген маселе коюлган. Бул көптөгөн стереофильмдердин жаралышына түрткү болгон. Аларга: “Караңгыдагы адам”, “Чайырдан жасалган үй”, “Түрү суук жаныбарлардын өч алышы”, “Көбүк” жана башкалар кирет. Аталган фильмдердин көпчүлүгү бир топ кирешелерди алып келген. Ошондон кийин кино жаратуучулардын арасында атаандаштык жаралып, дагы жаңы фильмдердин жаралышына түрткү болуп берген.
  • 1960-1979-жылдар аралыгында 30га жакын стереофильм жарык көргөн. Алардын ичинен эң кирешелүүсү болуп “Стюардессалар” эсептелет. Бул эротикалык фильм 100 миң долларга тартылып, АКШдагы сатыктан эле 27 миллион доллар тапкан. Фильмди кайра-кайра көргөндөр көп болгон.
  • 1980-жылдан ушул күнгө чейин төмөнкү белгилүү тасмалар жарык көргөн: “Эрдиктин канаттары”, “Туңгуюк көрүмчүлөрү”, “Тырык”, "Фараондор сыры", “Аюу”,"Акулалар", "Жапайы океан","Динозаврлар тирүү", "Сафари", "Караңгы дүйнө", "Деңиз динозаврлары" жана башкалар.

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(10)
14.01.2011. 19:48 
Тайпасы:
Жаран
Комментарийлердин саны:
23
Катталган:
13-01-2011
Соӊку аракети:
27-08-2018 21:47
Жынысы:
Белгисиз
Калаасы:
Аравия!
0
sonun go ))
14.01.2011. 20:51 
Тайпасы:
Кыймылы жок
Комментарийлердин саны:
24
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
График технологиясы 5Dге чейин өнүгүп кеткенби э, биз али 3Dтехнологиясында МАНАСТЫ анимациялык кылып иштеп боло албай жатабыз.
14.01.2011. 21:25 
Тайпасы:
Жаран
Комментарийлердин саны:
14
Катталган:
27-08-2010
Соӊку аракети:
29-03-2017 21:31
Жынысы:
Белгисиз
Калаасы:
Moscow
0
kyska4a tuwunuktuu maalymat! Sonun! Taryhy tuuraluu azdyk kylat! Kantse da rahmat deibiz maalymat u4un!
17.01.2011. 01:49 
Тайпасы:
Жаран
Комментарийлердин саны:
50
Катталган:
14-08-2010
Соӊку аракети:
12-11-2017 11:31
Жынысы:
Белгисиз
0
Aiabai sonun es alasyn Seulda andai teatrlar koop bawka duiogo kirgendei ele boosun
17.01.2011. 14:02 
Тайпасы:
Жаран
Комментарийлердин саны:
193
Катталган:
05-10-2010
Соӊку аракети:
11-11-2018 18:44
Жынысы:
Белгисиз
0
sonun maalımat
18.01.2011. 14:48 
Тайпасы:
Тартип бузгандар
Комментарийлердин саны:
12
Катталган:
08-03-2008
Соӊку аракети:
16-02-2017 15:21
Жынысы:
Белгисиз
Калаасы:
Талас!
0
Канымжан эжэеге бир беш упай!
18.01.2011. 17:42 
Тайпасы:
Кыймылы жок
Комментарийлердин саны:
23
Катталган:
22-04-2010
Соӊку аракети:
12-04-2015 21:13
Жынысы:
Белгисиз
Калаасы:
Новосибирск
0
Германияда уже 6D форматтуу тасмалар, кинозалдар иштелип чыгууда.
20.01.2011. 16:22 
Тайпасы:
Кыймылы жок
Комментарийлердин саны:
7
Катталган:
16-01-2011
Соӊку аракети:
28-06-2011 01:32
Жынысы:
Белгисиз
0
wonderful:))
21.01.2011. 08:24 
Тайпасы:
Кыймылы жок
Комментарийлердин саны:
6
Катталган:
28-12-2010
Соӊку аракети:
23-07-2014 15:26
Жынысы:
Белгисиз
Калаасы:
Бишкек
0
Экмуш го уккандан уга элегиң көп,көргөндөн көрө элегиң көп деген ушу да.
18.12.2014. 12:47 
Тайпасы:
Жаран
Комментарийлердин саны:
108
Катталган:
28-10-2014
Соӊку аракети:
09-04-2018 12:33
Жынысы:
Белгисиз
Калаасы:
Кыргызстан г.Балыкчы
0
Eh 3D koro albai koidum 4D 5D kaidan anan
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: