БИР БҮРКҮМ. ТЕРГӨӨЧҮ ПАРА АЛУУГА ШЕКТЕЛҮҮДӨ...

Сеул–Бишкек–Сеул түз аба каттамын ачуу пландалып жатканы кабарланды.
Каракол шаарында “Унаа” мекемесинин жооптуу кызматкери автоунааларды мыйзамсыз каттаган деп айыпталууда.
Башкы прокуратура: Токмокто 31 гектар жер мамлекетке кайтарылды.
Өлкөдө мас айдоочулардын саны 1 жыл мурункуга салыштырмалуу 76 пайызга азайганы расмий маалымдалды.
Президенттик администрацияда иштегендердин саны 72 адамга кыскартылды, учурда 259 кызматкер бар.
Транспорт министрлигинин алдында жол белгилерин даярдоочу цех ачылды, буга чейин жол белгилери Орусиядан алынып келчү.
Бишкектин Биринчи Май РИИБинин тергөөчүсү пара талап кылууга шектелип кармалды.
Самидин Шабыралиев Жүрөк хирургиясы институтунун директору болуп дайындалды.
Депутат Тазабек Икрамов 5-каналды жабууга макул эместигин билдирди.
Президент кол койгон жарлыктарга ылайык, 1702 адам Кыргыз жарандыгын алып, 46 адам Кыргыз жарандыгынан чыгарылды.
Кыргызгидромет: 6-9-апрель күндөрү өлкөдө жаан-чачын күтүлөт.
Чүйдө киши өлтүрүүгө шектүү жаран 4-апрелде Кыргыз-Казак чек арасы аркылуу өлкөдөн чыгарда кармалды.
Бишкек–Анталия–Бишкек багыты боюнча аба каттамдарын көбөйтүү пландалууда.
Оштогу Учар кичи районундагы көрүстөн 95 пайызга толгону айтылды.
Жогорку Кеңеш каржы пирамидасын жарнамалагандарды жоопко тартууну караган мыйзам кабыл алды.
5-апрелде Ысык-Көл облусунда күчү 4 баллга жеткен жер титирөө катталды, жабыркагандар жок.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1061, 7-13-апрель, 2023-ж.