Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БИР ОБРАЗДЫН УЛУУ АКТЁРУ

№428 14-20-январь, 2011-жыл.


Жүрөктө калган жылдыз

«Кинонун өмүрү кыска» дешет. Кино тез картаят, бирок эч качан картайбачу да тасмалар бар. Ошол тасмалардын арасына Шурик деген каарманы менен белгилүү тасмалар эч талашсыз кирет. Ошол образдын жаратуучусу, орустун улуу актёру Александр Демьяненконун өмүр жолуна саякат.

КЫЗЫКТУУ ФАКТЫЛАР

  • Александр жашоосунда эки жолу никеге турган. Марина менен 16 жыл өмүр сүргөн соң, 1975-жылы режиссёрдун жардамчысы Людмилага баш кошот. Өзү балалуу болгонго эч качан батына алган эмес.
  • Күйөрмандардын жүз­дөгөн баалуу белектеринен баш тарткан. Алардын арасында Тольяттиде машина заводунан чыккан жаңы унаа да бар.
  • Телевидениеде үн кошуучу болуп иштеген. Анын үнү менен сүйлөп калгандардын арасында Жан-Поль Бельмондо, Жон Войт, Роберт Де Ниро сыяктуу актёрлор да бар эле. Тасмалардан тышкары мультфильмдерге да үн кошкон.
  • «Кавказ туткунундагы» эшектин аты Люся болгон. 1948-жылы туулган. Люся 2003-жылы орустардын «Спецназ» фильмине да тартылган.

АТАДАН КАЛГАН ТАЛАНТ
Атактуу актёр 1937-жылы 30-августта ошол кездеги Свердловск, азыркы Екатеринбург шаарында жарык дүйнөгө келген. Баланын төрөлгөнү баарынан да таенесин кубанычка бөлөйт. Анткени аял жандуу күйөө баласы перзенттүү болгондон кийин токтолот деп үмүт кылат. Атасы Сергей Демьяненко ГИТИСти (театралдык окуу жай) аяктаган актёр эле. Ал күйөрман кыздары менен көңүл ачууну токтотпойт. Анысы аз келгенсип үй-бүлөсүн таштап, башка бийкечти жандап кетип калат. Александр апасы менен таенесинин колунда калат. Ошентсе да атасынан кол үзбөйт. Аны менен тез-тез жолугушуп, сахна артындагы турмушка, актёрлукка жакшы эле аралашып калат. Актёрлук ийримдерге катышып, атасынан өткөн талантын такшалта баштайт. Бирок 1954-жылы мектепти аяктагандан кийин, апасы менен таенеси анын актёр болушуна каршы чыгышат. Алардын мажбурлоосу менен Свердловск университетинин юридикалык факультетине тапшырып, ошол жерде окуп калат. Көөдөнүндөгү таланты баш бербей, окуусун жакшы окуганына карабай, жарым жылда таштап салат.
Ошентип, “Орусия кенен, бирок Москва керемет” дегендей, борборду багындырууга жөнөйт. Сыноодон ГИТИСке да, Щукин атындагы окуу жайына да өтүп кетет. Тандоого келгенде «атам ГИТИСте окуган» деп ошол жерде калат.

МОСКВА КӨЗ ЖАШКА ИШЕНЧҮ БЕЛЕ?!
ЖОЖдо окуп жүрүп, студент катары өзүн жакшы көрсөтө албайт. Сабактарды көп калтырат. Устаты, профессор Иосиф Раевский анын талантына, келечегине ишенгендиктен, бардык жоруктарын кечирчү. Анын талантын баалап, 3-курсунда киного чакырышат. Ошентип, актёрлук өмүрүндө алгачкы болгон “Шамал” аттуу тасмада башкы ролдордун бирин ийгиликтүү жаратат. Тасмада Митя аттуу жаш, эр жүрөк жигиттин ролун аткарат.
1959-жылы окуу жайды аяктап, Москва шаарындагы Маяковский атындагы театрга орношуп, 2 жыл эмгектенет. Бирок жарытылуу деле ролдор тийбей коёт. Ал ортодо балалык кезинен бери тааныш болгон Марина аттуу кызга үйлөнөт. Жакшы роль тийбей же үстүндө үйү жок, эки жаш түзүк эле кыйналышат. Акыры Москвадан Санкт-Петербургга кетүүнү чечишет. Анткени ал жактан “Ленфильм” киностудиясынан чакыруу түшкөн эле. Киностудия үстүнө үй берет. Ошентип, 1961-жылдан 1964-жылга чейин Демьяненко бир нече фильмдерге тартылууга жетишет.

АТАК-ДАҢК КОШТОГОН КАРА ЖОЛТОЙ ОБРАЗ
1964-жылы Леонид Гайдай өзүнүн белгилүү комедияларын тартууну баштайт. Башкы ролго адам издеп жүрүп, батинкеси тешилет. Ошондо ага «Санкт-Петербургда Александр Демьяненко деген актёр бар. Ошол сенин каарманың» деп айтышат. Эч ойлонбой келечектеги Шурикти көздөй жөнөйт. Аны биринчи көргөндө эле дал ушул актёр анын ийгилигинин ачкычы экенин түшүнөт. Ошентип, «Ы» операциясы жана Шуриктин башка окуялары» комедиясы тартыла баштайт. Ал кезге чейин комедиялык образдарды жаратпаган Демьяненко съёмка аянтына чыгып, режиссёрдун көрсөтмөлөрүн так аткарып берет.
1965-жылы тасма жарыкка чыгары менен даңкталып, актёрго болуп көрбөгөндөй атактуулук алып келет. Андан эки жыл өткөндөн кийин Гайдайдын «Кавказ туткуну же Шуриктин жаңы окуялары» кинотасмасы экранга чыгат. Бул тасма да бүткүл СССР аймагы боюнча баш айланткан ийгиликке жетип, Александр элдин сүймөнчүгүнө айланат. Көчөдөн көргөндөр «оо, Шурик» деп тааный баштаган. Жадакалса кээ бирлери «сен Шуриксиңби?» деп кулагын чоюп, көз айнегин оңдогонго чейин барышчу. Жаратылышынан токтоо жаралган Шурикке мунун баары жага бербейт. Бирок ал кезде күйөрмандардын толкунун токтотуу мүмкүн эмес эле.
Каарманыбызды атак-даңк көп жылдар бою коштоп жүрөт. 1973-жылы Шурик тартылган акыркы «Иван Васильевич кесибин алмаштырат» комедиясы кино сүйүүчүлөргө сунушталат. Бул тасма да көрүүчүлөр тарабынан жакшы кабыл алынып, атак үстүнө атак алып келет. Бирок көп өтпөй актёр үчүн анын Шурикке байланышкан атактуулугу трагедияга айланат. Анткени көпчүлүк режиссёрлор Александрды чоң ролдорго чакырбай калышат. Баары ага түбөлүккө байланып калган Шуриктин образынан коркушат. Анткени режиссёрлорду «көрүүчүлөр, мүмкүн, тасманы комедия катары кабылдап калышат» деген ой кыжалатка салчу.

ЖАШООСУН ҮМҮТ МЕНЕН АЯКТАП...
Ушундай улуу актёр андан кийин кинолорго тартылбай калганбы деген ойдо турасызбы? Жок, ал кинолорго тартыла берген. Өзү эңсеген драмалык чоң ролдорго эмес, майда эпизоддук ролдорго. Өз өмүрүн акыркы күндөрүнө чейин кино менен өткөргөн. Баш-аягы жүздөн ашуун кинолордо образ жараткан. Бирок ошол жүздөн ашуун роль бир Шуриктин образына жетпесе керек. Мына, жарым кылымдан ашуун убакыт өтсө да, “оо, Шурик го” деп анын комедияларын сүйүп көргөндөр четинен чыгат.
Өмүрүнүн акырына чейин «мага бирөө драмалык чоң роль сунуштайбы, ички дүйнөмдөн оргуштап чыккан талантымдын жолу ачылабы?» деп үмүтүн эч качан үзгөн эмес.
Улуу актёр 1999-жылы 22-августта, 62 жаш курагында жүрөк оорусунан көз жумган.
Өмүр аягында «60 жаштан аштым, бирок дагы эле Шурикмин. Бул нерсеге көп жолу кайгырдым. А бүгүн тагдырымдын жазмышы экен да деп күлүп коём» деген экен. Ооба, ар бирибиз үчүн ал түбөлүккө Шурик болуп кала берет. Тагдырдын көрүүчүлөргө берген белеги окшобойбу.

Залкарбек Карабалаев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
15.01.2011. 04:39 
Тайпасы:
Кыймылы жок
Комментарийлердин саны:
57
Катталган:
25-08-2010
Соӊку аракети:
25-08-2014 12:51
Жынысы:
Белгисиз
Калаасы:
kubafinnka
0
filmy s ego uchastiem vezde bilo bezuprechno, vot takie talanti ne umrut
16.01.2011. 18:04 
Тайпасы:
Кыймылы жок
Комментарийлердин саны:
4
Катталган:
16-01-2011
Соӊку аракети:
28-06-2011 01:32
Жынысы:
Белгисиз
0
wonderful movie:))
18.01.2011. 17:29 
Тайпасы:
Кыймылы жок
Комментарийлердин саны:
23
Катталган:
22-04-2010
Соӊку аракети:
12-04-2015 21:13
Жынысы:
Белгисиз
Калаасы:
Новосибирск
0
Нинаны суйом да суйом!
19.01.2011. 08:33 
Тайпасы:
Кыймылы жок
Комментарийлердин саны:
110
Катталган:
01-08-2010
Соӊку аракети:
31-07-2015 09:45
Жынысы:
Белгисиз
Калаасы:
USA Bishkek Kyrgyzstan
0
Абдан жакшы актер эле, кинолору ушунчалык жагат. Коп жолу корсом деле анан, кайра корсом биринчи жолу коргондой боло берет.
27.05.2011. 10:43 
Тайпасы:
Кыймылы жок
Комментарийлердин саны:
1
Катталган:
25-05-2011
Соӊку аракети:
02-12-2014 01:29
Жынысы:
Белгисиз
Калаасы:
бишкек
0
сонун актер, бугун туулган куну..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: