БИР БҮРКҮМ. 300 ТОННА БИТУМ ЖОГОЛДУ...

Бишкектин Ленин райондук сотунун судьясына “опузалап пара талап кылуу” фактысы боюнча кылмыш иши козголду.
Мектеп жана ЖОЖдордо коопсуздук чараларын күчөтүүгө Билим берүү жана илим министрлиги буйрук чыгарды.
2010-жылкы Ош окуясын уюштуруучулардын бири деп 2014-жылы 16 жылга сырттан соттолгон Караматхон Абдуллаева кармалды.
Мурдагы вице-премьер Жеңиш Разаковду камакта кармоо мөөнөтү дагы 2 айга узартылды.
Айыл чарба министрлиги: Өлкөдө 3 айда 35 айыл чарба кооперативи түзүлүп, иштей баштады.
Бишкек шаарына быйыл
1 жылдык 1 миллион 700 миң даана гүл отургузулат.
26-апрелде Бишкекте балдары Орусия абактарында отурган энелер митингге чыгып, балдарын мекенине которуу иши жай жүрүп жатканын айтышты.
Башкы прокуратура: Ош–Баткен–Раззаков жолун курууда 40 миллион сом жеке кызыкчылыктарга жумшалып кеткен.
Данияр Бостонов Жарандык авиация агенттигинин директору болуп дайындалды.
ӨКМ: Өлкөдө кар көчкү түшүү коркунучу жогору.
“Ажылык сапарга барчулар менингит жана сасык тумоого каршы эмдөөдөн өтүшү керек”,- деп билдирди муфтият.
Депутаттар мектептерде жардыруучу зат коюлганы тууралуу жалган маалымат тараткандарга жазаны күчөтүүнү сунушташты.
22-майдан тарта Ош–Красноярск аба каттамы жандандырылары айтылды.
Канатбек Бегалиев Спорттук курулмалар жана спорттук камсыздоо башкармалыгы мамлекеттик мекемесинин директору болуп дайындалды.
Замир Юсупов Ош шаарынын мэринин орун басары болуп дайындалды.
Акылбек Жапаров Ташкенттеги иш сапарында Өзбекстандын премьер-министри Абдулла Арипов менен сүйлөшүү жүргүздү.
Бишкекте баңгизатты жутуп алып түрмөгө киргизүүгө аракет кылган жаран колго түшкөнү кабарланды.
“Кыргыз автожол” ишканасынын жооптуу кызматкерлерине 300 тонна битумдун жоголушу боюнча кылмыш иши козголду.
Жогорку Кеңештин тийиштүү комитети акыйкатчы Атыр Абдрахматованы мөөнөтүнөн мурда кызматтан бошотуу боюнча “Ата Журт-Кыргызстан” фракциясынын сунушун колдоду.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1064, 28-апрель - 4-май, 2023-ж.